Бишкекте шайлоодо добуш берип аткан жаран. Архивдик сүрөт

Жалпы 67 иш катталган. Шайлоо мыйзамдары кайсы шаарда көп бузулду

66
Министрлик азырынча беш факт боюнча сотко чейинки өндүрүш жүрүп жатканын билдирди. Үчөө "Добуштарды сатып алуу" фактысы, ал эми экөө "Майда бейбаштык" беренеси менен катталган.

БИШКЕК, 12-июл. — Sputnik. Бишкек, Ош жана Токмок шаардык кеңештеринин депутаттарын кайрадан шайлоо маалында шайлоо мыйзамдарын бузуу боюнча жалпысынан 67 маалымат келип түшкөн. Бул тууралуу ИИМ кабарлады.

Ага ылайык, журналга катталган маалыматтардын 38и номенклатуралык ишке чыгышталып, 16сы каралып жатса, экөө бириктирилип, дагы алтоо аймактык шайлоо комиссиясына жөнөтүлгөн. 

Эң көп мыйзам бузуу Бишкекте болгон. Тагыраагы, борбор калаа боюнча 37 маалымат катталып, курамында мыйзам бузуу аныкталбагандыктан 23 факт номенклатуралык ишке чыгышталып, ону каралып жатса, дагы бирөө бириктирилген. Кылмыш жана жоруктардын бирдиктүү реестрине Жазык кодексинин 192-беренеси ("Добуштарды сатып алуу") боюнча үч факт катталып, сотко чейинки өндүрүш жүрүүдө.

Ош шаарындагы 12 маалыматтын тең жарымы аймактык шайлоо комиссиясына жөнөтүлүп, дагы жарымы каралууда. 

Токмок шаарында 18 маалымат каттоого алынып, анын ичинен 15и номенклатуралык ишке чыгышталып, бирөө бириктирилди. Жоруктар жөнүндөгү кодекстин 119-беренеси ("Майда бейбаштык") боюнча эки факт катталып, сотко чейинки өндүрүш жүрүүдө.

66
Белгилер:
кылмыш иши, мыйзам бузуулар, сатып алуу, добуш, шайлоо, ИИМ, Токмок, Ош, Бишкек
Тема:
Бишкек, Ош жана Токмок шаарларында кайрадан өтө турчу шайлоо (57)
Тема боюнча
Бишкек шаардык кеңешке шайлоонун алдын ала жыйынтыгы — кол менен саноо
Ош шаардык кеңешин шайлоодо 4 партия алдыда баратат. Тизме
Бишкек шаардык кеңешке шайлоонун алдын ала жыйынтыгы — АСУ эсеби
Ырчы Самара Каримова. Архив

Вице-мэр кырсыктаган унаада ырчы Самара Каримова күйөөсү менен бараткан

319
(жаңыланган 13:40 27.07.2021)
Милициянын маалыматы боюнча, кырсыкка кабылган ырчы Токтогул райондук ооруканасынын жандандыруу бөлүмүнө түшкөн.

БИШКЕК, 27-июл. — Sputnik. Бишкек — Ош жолунун Токтогул районунун аймагында автоунаа менен баратып кырсыктагандардын арасында ырчы Самара Каримова да болгон. Маалыматты Жалал-Абад облустук Жол кыймылынын коопсуздугун камсыздоо бөлүмүнүн өкүлү Айбек Сатыбалдиев тастыктады.

Автоунааны ырчынын күйөөсү Асан Мансуров айдап бара жаткан. Буга чейин аталган кырсыктан Бишкектин вице-мэри Жамалбек Ырсалиев жаракат алганы кабарланган эле.

Кечээ, 26-июлда, таңкы саат 6:00дөр чамасында Toyota Alphard үлгүсүндөгү унаанын айдоочусу уктап кетип, жол четиндеги тосмону сүзүп алган. Алар Оштон Бишкекти көздөй бара жаткан.

Милициянын маалыматы боюнча, Самара Каримова жандандыруу бөлүмүнө түшкөн. Унаанын ичинде жалпы беш жүргүнчү болгон. Алар ар кандай жарааты менен Токтогул райондук ооруканасына жеткирилген.

Айдоочу эч кандай жаракат алган эмес. Бул факт Кылмыштардын жана жоруктардын бирдиктүү реестрине катталып, кырсыктын келип чыгуу себеби такталууда.

319
Белгилер:
Токтогул району, жол кырсык, ырчы, Самара Каримова
Тема:
2021-жылдын башынан бери Кыргызстанда болгон жол кырсыктар
Тема боюнча
Айтикул уулу: жол кырсыктарынын саны былтыркыга салыштырмалуу 30%га өстү
Ысык-Көлдө эки автоунаа кагышып, бир кыз каза болду. Сүрөттөр
 Бишкек шаарынын вице-мэри Жамалбек Ырсалиев. Архив

Вице-мэр Жамалбек Ырсалиев Бишкек Ош жолунда автокырсыкка кабылды

231
(жаңыланган 11:51 27.07.2021)
Унаанын ичинде вице-мэр жана дагы үч жүргүнчү бараткан. Алар ар кандай жарааты менен Токтогул райондук ооруканасына жеткирилген.

БИШКЕК, 27-июл. — Sputnik. Бишкек шаарынын вице-мэри Жамалбек Ырсалиев Бишкек — Ош жолунун 217-чакырымында жол кырсыгына кабылды. Маалыматты Жалал-Абад облустук жол кыймылынын коопсуздугун камсыздоо бөлүмүнүн өкүлү Айбек Сатыбалдиев тастыктады. 

Анын айтымында, кечээ, 26-июлда, таңкы саат 6:00дөр чамасында Toyota Alphard үлгүсүндөгү унаанын айдоочусу уктап кетип, Токтогул районунун аймагында жол четиндеги тосмону сүзүп алган.

Унаанын ичинде вице-мэр жана дагы үч жүргүнчү бараткан. Алар денесинен ар кандай жараат алып, Токтогул райондук ооруканасына жеткирилген. Жабырлануучулардын бири жандандыруу бөлүмүндө жатат.

Айдоочу эч кандай жараат алган эмес. 

Бул факт Кылмыштардын жана жоруктардын бирдиктүү реестрине катталып, кырсыктын келип чыгуу себеби такталууда.

231
Белгилер:
Жамалбек Ырсалиев, жол кырсык, Токтогул району, вице-мэр
Тема:
2021-жылдын башынан бери Кыргызстанда болгон жол кырсыктар
Тема боюнча
Министрдин орун басары Урмамбетов айдоочуларга жол эрежелерин түшүндүрдү. Сүрөт  
Ысык-Көлдө эки автоунаа кагышып, бир кыз каза болду. Сүрөттөр
Экс-премьер министр Өмүрбек Бабанов. Архив

Чет өлкөдөн дарыланат. Өмүрбек Бабановдун бөгөт чарасы өзгөртүлдү

0
(жаңыланган 18:17 27.07.2021)
Сотто Бабановдун абактагы мөөнөтүн узартуу боюнча маселени кароо учурунда медициналык документтер келип түшкөн.

БИШКЕК, 27-июл. — Sputnik. Биринчи май райондук сотунун чечими менен камактагы саясатчы Өмүрбек Бабановдун бөгөт чарасы өзгөртүлдү. Бул тууралуу УКМКдан билдиришти.

Маалыматка караганда, сотто Бабановдун абактагы мөөнөтүн узартуу боюнча маселени кароо учурунда медициналык документтер келип түшкөн. Анда саясатчынын ден соолугунун начарлашына байланыштуу чет өлкөдөгү ооруканаларга барып дарылануу муктаждыгы бар экени көрсөтүлгөн.

"Буга байланыштуу 27-июлда Биринчи май райондук соту Бабановдун бөгөт чарасын өзгөрттү. Ага чет өлкөдөн дарыланууга мүмкүнчүлүк берүү максатында эркиндикке бошотулду", - деп айтылат маалыматта.

Бабанов 31-майда кармалган. Ал Кумтөр кенин иштетүүдө коррупциялык иштерди жасаган деп айыпталып жатат. 2-июнь күнү Биринчи май райондук соту экс-премьерди эки айга камакка алуу чечимин чыгарган.

0
Белгилер:
кылмыш, коррупция, кен, Кумтөр, Өмүрбек Бабанов
Тема:
Өмүрбек Бабановдун камалышы
Тема боюнча
Сот Асылбек Жээнбековдун камактагы мөөнөтүн узартты. Видео