Аксы районундагы сел жүргөн аймакта издөө иштери

Бала суу жээгинде ойноп жаткан. Аксыда 8 адамды сел алган трагедиянын чоо-жайы

8899
(жаңыланган 11:57 13.07.2021)
Сел алган сегиз жарандын алтоо жаш балдар. 33 жаштагы аял балдары менен жайлоого Бишкектен барганы айтылат.

БИШКЕК, 13-июл. — Sputnik. Жалал-Абад облустук ички иштер башкармалыгынын маалымат кызматы Аксы районундагы трагедиянын чоо-жайы тууралуу маалымат берди.

  • Поисковые работы на месте сходя сели в селе Жаны-Жол Джалал-Абадской области
    12-июлда, кечке жуук Аксы районунун Жаңы-Жол менен Ак-Жол айыл аймактарын бириктирип турган Танды-Булак жайлоосунда жааган жамгырдан улам сел жүргөн
    © Фото / пресс-служба УВД Джалал-Абадской области
  • Поисковые работы на месте сходя сели в селе Жаны-Жол Джалал-Абадской области
    Ак-Жол айыл аймагынын Жолборсту айылынын жогору жагындагы Алты-Айры жайлоосундагы бир турак үйдү (жеңил конструкцияда салынган), анын ичиндеги жети адамды алып кеткен
    © Фото / пресс-служба УВД Джалал-Абадской области
  • Поисковые работы на месте сходя сели в селе Жаны-Жол Джалал-Абадской области
    Ал эми саат 19:40тар чамасында Жаңы-Жолдун Таштак айылында беш жаштагы баланы Малкалды суусунун жээгинде ойноп жаткан учурда агызып кеткен.
    © Фото / пресс-служба УВД Джалал-Абадской области
1 / 3
© Фото / пресс-служба УВД Джалал-Абадской области
12-июлда, кечке жуук Аксы районунун Жаңы-Жол менен Ак-Жол айыл аймактарын бириктирип турган Танды-Булак жайлоосунда жааган жамгырдан улам сел жүргөн

Милициянын билдиришинче, кечээ, 12-июлда, кечке жуук Аксы районунун Жаңы-Жол менен Ак-Жол айыл аймактарын бириктирип турган Танды-Булак жайлоосунда жааган жамгырдан улам сел жүргөн. Ак-Жол айыл аймагынын Жолборсту айылынын жогору жагындагы Алты-Айры жайлоосундагы бир турак үйдү (жеңил конструкцияда салынган), анын ичиндеги жети адамды алып кеткен.

Ал эми саат 19:40тар чамасында Жаңы-Жолдун Таштак айылында беш жаштагы баланы Малкалды суусунун жээгинде ойноп жаткан учурда агызып кеткен. Сел үйүнүн жанынан агып өткөн суу менен кошо келген.

"Күбөлөрдүн айтуусу боюнча, жайлоодон түшкөн сел Жолборсту суусуна келип кошулган. Ошол кошулган жерге чейинки аралыктагы суунун жээгинен бир эркек жана аял кишинин, Шына айылынан бир аялдын, Эчкили айылынын башынан бир аял кишинин жана Жолборсту айылынын кире бериш жеринен эки жаш баланын сөөгү табылган", — деп билдирди милициядан.

Ошондой эле каза болгондор бир үй-бүлө мүчөлөрү, тагыраак айтканда, таенеси, кызы жана неберелери болгону айтылат. Сел алган жарандардын алтоо жаш балдар.

Сөөгү табылып, өздүгү такталган жарандар:

  1. 63 жаштагы Б.Ж. атуу аял — Ак-Жол айыл аймагынын Жолборсту айылынын тургуну;
  2. 33 жаштагы Ш.Б. атуу аял — Бишкек шаарынын тургуну;
  3. 12 жаштагы Ш.А. аттуу кыз;
  4. 7 жаштагы Ш.А. аттуу бала;
  5. 16 жаштагы Т.П. аттуу кыз — Таш-Көмүр шаарынын тургуну;
  6. 12 жаштагы О.Н. аттуу бала — Ак-Жол айыл аймагынын Эчкили-Сай айылынын тургуну.

Учурда изделип жаткан жарандар:

  1. 5 жаштагы бала, Жаңы-Жол айыл аймагынын Таштак айылынын тургуну;
  2. 3 жаштагы кыз, Таш-Көмүр шаарынын тургуну.

Аталган жаратылыш кырсыгы Аксы РИИБдин маалыматтык электрондук журналына катталган.

Аксы РИИБдин өздүк курамы түп көтөрүлүп, окуя болгон жерге барышкан. Ошондой эле министрлер кабинетинин Жалал-Абад облусундагы ыйгарым укуктуу өкүлү Абсаттар Сыргабаев, Жалал-Абад ОИИБдин начальниги Ашим Тагаев, ӨКМдин Жалал-Абад облусу боюнча башкармалыгынын башчысы, полковник Абдулнасир Закиров жеринде иш алып барууда.

Милиция кызматкерлери сел алган аймакта коомдук тартипти сактоо жана жол кыймылы коопсуздугун камсыздоо багытында иштеп, жабыр тарткан жарандарга жакындан жардам көрсөтүүдө. Издөө иштерине тартылып, бүгүн кинологдор да иттери менен жөнөп кеткени кошумчаланды.

8899
Белгилер:
жайлоо, милиция, издөө, өлүм, сел, Аксы
Тема:
Адам өмүрүн алган Аксыдагы сел (12)
Тема боюнча
Аксыда сел алып каза болгон бүлө. Садыр Жапаров тапшырма берди
Аксыда сел агызып кеткен эки бөбөк табыла элек. Издөөгө 100дөй адам тартылды
Милиция кызматкерелри. Архив

Билгендер кабарлап койгула. Милиция Орокто асылган кишини таануу боюнча кайрылды

144
(жаңыланган 18:20 26.07.2021)
Милиция жигиттин ким экендигин тактоо үчүн коомчулукка кайрылып, тааныгандар же окуянын шек-шыбатын билгендер болсо кабарлап коюуну өтүндү.

БИШКЕК, 26-июл. — Sputnik. Сокулук районунун Орок айылындагы жолдун боюнан асылган адамдын сөөгү табылып, анын ким экендиги такталып жатат. Бул тууралуу Чүй облустук милициянын маалымат кызматынан кабарлады.

20-июлда Сокулук райондук ички иштер бөлүмүнө Орок айылындагы жолдун боюнда кишини асып кетишкендигин кабарлашкан. Маркумдун азият тектүү жана 20-25 жаштарда экени айтылды.

Милиция анын ким экендигин тактоо үчүн коомчулукка кайрылып, тааныгандар же окуянын шек-шыбатын билгендер болсо кабарлап коюуну өтүндү.

Маркумдун кийимдери жана белгилери: 

  • Кийими: төш жагына таш баканын сөөгүнүн сүрөтү жана латын тамгалары түшүрүлгөн кара футболка, көк түстөгү жинсы шым, кара түстөгү спорттук бут кийим.
  • Белгилери: бою 165-170 см., арык чырай, узунураак кара чачтуу, кой көз.

Милиция бул адам туурасында кандайдыр бир маалымат билгендерди Сокулук райондук милиция бөлүмүнө же 0(3134) 5-33-80, 0(312) 60-75-67, 0(701) 80-18-03 телефон номерлерине чалууну суранды.

144
Белгилер:
издөө, милиция, сөөк, Орок айылы, Сокулук району, Кыргызстан
Тема боюнча
Ак-Суу капчыгайынан табылган сөөк: милиция элге кайрылды. Фоторобот
Кыргызстандык аялдан 9 килограммга жакын гашиш табылды. Сүрөт
“Казынасын” толтуруу үчүн жасалма доллар саткан кылмыштуу топ кармалды. Сүрөт
9 килограммга жакын гашиш кыргызстандык аялдан табылган

Кыргызстандык аялдан 9 килограммга жакын гашиш табылды. Сүрөт

276
(жаңыланган 18:28 26.07.2021)
Милицияга 40-45 жаштагы жаран Чүй облусунан Россиянын Новосибирск облусуна баңгизаттарды ташуу менен алектенип жүргөнү боюнча ыкчам маалымат түшкөн.

БИШКЕК, 26-июл. — Sputnik. Кыргызстандык аялдан тогуз килограммга жакын гашиш алынды. Бул тууралуу ИИМдин Баңгизаттарды мыйзамсыз жүгүртүүгө каршы күрөшүү кызматынан билдирди. 

  • Гашиш изъятый у гражданки Кыргызстана весом почти 9 килограммов. 26 июля 2021 года
    Кыргызстандык аялдан тогуз килограммга жакын гашиш алынды
    © Фото / пресс-служба СБНОН МВД КР
  • Гражданка Кыргызстана, у которой изъяли почти 9 килограммов гашиша. 26 июля 2021 года
    Маалыматка караганда, милицияга 40-45 жаштагы жаран Чүй облусунан Россиянын Новосибирск облусуна баңгизаттарды ташуу менен алектенип жүрөт деген ыкчам маалымат келип түшкөн
    © Фото / пресс-служба СБНОН МВД КР
  • Гашиш изъятый у гражданки Кыргызстана весом почти 9 килограммов. 26 июля 2021 года
    Шектүү аялдын ким экени аныкталып, Жазык кодексинин 267-беренеси боюнча (“Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо”) белгилери менен каттоого алынган
    © Фото / пресс-служба СБНОН МВД КР
1 / 3
© Фото / пресс-служба СБНОН МВД КР
Кыргызстандык аялдан тогуз килограммга жакын гашиш алынды

Маалыматка караганда, милицияга 40-45 жаштагы жаран Чүй облусунан Россиянын Новосибирск облусуна баңгизаттарды ташуу менен алектенип жүрөт деген ыкчам маалымат келип түшкөн. Шектүү аялдын ким экени аныкталып, Жазык кодексинин 267-беренеси боюнча (“Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо”) каттоого алынган. 

“Тергөө амалдарынын жана ыкчам иш-чараларынын натыйжасында 1979-жылы туулган Р.Н. аттуу аял кармалды. Анын жашаган жерин тинтүү учурунда 762 даана таңгакталган баңги каражаттары алынган. Мыйзамсыз жүгүртүүдөн 8 килограмм 930 граммды түзгөн гашиш алынды”, — деп айтылат маалыматта. 

Учурда бул кылмышка тиешеси бар башка жактарды аныктоо боюнча ыкчам тергөө иш-чаралары улантылууда.

276
Белгилер:
аял, сүрөт, гашиш, баңгизат, Кыргызстан
Тема боюнча
Жалал-Абадда 10 кг нашаа менен мурда кесилген адам кармалды. Сүрөт
“Казынасын” толтуруу үчүн жасалма доллар саткан кылмыштуу топ кармалды. Сүрөт
Бишкектин четиндеги конушта күйөөсү аялын бычактап, андан соң өзүнө кол салган
Крым Республикасынын туруктуу өкүлү Георгий Мурадов. Архив

Кыргыз-орус ишкерлер кеңешинин директору Крымдын туруктуу өкүлү менен жолукту

0
Жолугушууда Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланган.

БИШКЕК, 26-июл. — Sputnik. Кыргыз-орус ишкерлер кеңешинин аткаруучу директору Болот Дүйшөналиев Крым Республикасынын туруктуу өкүлү Георгий Мурадов менен жолукту. Бул тууралуу өкүлчүлүктүн маалымат кызматы билдирди.

"Жолугушууда Евразия экономикалык биримдигинин интеграциялык процессинин алкагында Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланды.  Ошондой эле ЕАЭБ өлкөлөрүнүн коомдук палатасын түзүүнүн келечеги тууралуу кеп болду", — деп айтылган маалыматта. 

Андан сырткары Крым менен ЕАЭБ өлкөлөрүнүн региондорунун активдүү кызматташуусун өнүктүрүүдө жаралган тоскоолдуктарды анализдөө темасына көңүл бурулган.

0
Белгилер:
Кыргызстан, Крым, жолугушуу, Евразиялык экономикалык биримдик
Тема боюнча
ЕЭК менен Азык-түлүк коопсуздугу боюнча Ислам уюму маанилүү документке кол койду