Кадамжай районундагы Халмион айылындагы базардан өрт чыккан

Кара түтүн каптап, жалындаган базар. Кадамжайда тартылган видео

162
(жаңыланган 13:18 13.07.2021)
Тилсиз жоо менен үч бригада күрөшкөн. Алдын ала маалыматтарга таянсак, 432 чарчы метр аянт өрттөндү.

БИШКЕК, 13-июл. — Sputnik. Кадамжай районундагы Халмион айылындагы базардан өрт чыкканын ӨКМдин маалымат кызматынан кабарлашты.

Видео "Короче" Тelegram тайпасына жарыяланды.

ӨКМден соода жайындагы өрт ошол жерге орнотулган контейнерден чыкканын айтышты.

"Тилсиз жоо менен күрөшүүгө үч бригада тартылган. Саат 08:30да чектөөгө алынып, өрт толугу менен 09:15те өчүрүлдү. Алдын ала берилген маалыматтарда 432 чарчы метр аянт күйүп кеткен, жабырлангандар жок", — деп айтылат маалыматта.

Учурда өрттүн эмнеден чыкканы такталууда.

162
Белгилер:
Кыргызстан, Баткен облусу, базар, өрт
Тема боюнча
Баткенде Пүшкөт жайлоосу күйүп жатат. Сүрөт, видео
Бала суу жээгинде ойноп жаткан. Аксыда 8 адамды сел алган трагедиянын чоо-жайы

Достукту чыңдап. Чолпон-Атадагы дүйнө чемпионатындагы салмакка түшүү учурунун видеосу

123
(жаңыланган 01:34 04.08.2021)
Ысык-Көлдүн Чолпон-Ата шаарында Кыргызстан менен Россиянын эриш-аркак жылынын алкагында спорттун беш түрү боюнча "Биримдик — 2021" аталышындагы эл аралык турнир өтөт.

Бүгүн, 3-августта, "Газпром" ден соолукту чыңдоо борборунда мелдешке катышчулар салмакка түшүп, каттоодон өттү.

Эртең, 4-августтан тарта беттештер башталат. Дүйнө чемпионатынын алкагында ММА, жиу-житсу, грепплинг, самбо жана тай бокс боюнча мелдештер өтөт.

  • Участники чемпионата мира по пяти видам боевых искусств Единство-2021 в Чолпон-Ате во время взвешивания. 03 августа 2021 года
    Чолпон-Ата шаарында спорттун беш түрү боюнча дүйнө чемпионаты "Биримдик — 2021"
    © Sputnik / Табылды Кадырбеков
  • Один из участников чемпионата мира по пяти видам боевых искусств Единство-2021 в Чолпон-Ате во время взвешивания. 03 августа 2021 года
    Чолпон-Ата шаарында спорттун беш түрү боюнча дүйнө чемпионаты "Биримдик — 2021"
    © Sputnik / Табылды Кадырбеков
  • Один из участников чемпионата мира по пяти видам боевых искусств Единство-2021 в Чолпон-Ате во время взвешивания. 03 августа 2021 года
    Чолпон-Ата шаарында спорттун беш түрү боюнча дүйнө чемпионаты "Биримдик — 2021"
    © Sputnik / Табылды Кадырбеков
  • Дети перед чемпионатом мира по пяти видам боевых искусств Единство-2021 в Чолпон-Ате. 03 августа 2021 года
    Чолпон-Ата шаарында спорттун беш түрү боюнча дүйнө чемпионаты "Биримдик — 2021"
    © Sputnik / Табылды Кадырбеков
  • Дети перед чемпионатом мира по пяти видам боевых искусств Единство-2021 в Чолпон-Ате. 03 августа 2021 года
    Чолпон-Ата шаарында спорттун беш түрү боюнча дүйнө чемпионаты "Биримдик — 2021"
    © Sputnik / Табылды Кадырбеков
  • Один из участников чемпионата мира по пяти видам боевых искусств Единство-2021 в Чолпон-Ате. 03 августа 2021 года
    Чолпон-Ата шаарында спорттун беш түрү боюнча дүйнө чемпионаты "Биримдик — 2021"
    © Sputnik / Табылды Кадырбеков
  • Один из участников чемпионата мира по пяти видам боевых искусств Единство-2021 в Чолпон-Ате во время взвешивания. 03 августа 2021 года
    Чолпон-Ата шаарында спорттун беш түрү боюнча дүйнө чемпионаты "Биримдик — 2021"
    © Sputnik / Табылды Кадырбеков
1 / 7
© Sputnik / Табылды Кадырбеков
Чолпон-Ата шаарында спорттун беш түрү боюнча дүйнө чемпионаты "Биримдик — 2021"

Россиядагы "ММА - Свободный поединок" уюмунун Кыргызстандагы төрагасы Константин Куценко мелдештин "Биримдик" деп аталышы эки өлкөнүн эриш-аркак жылына дал келерин белгиледи.

Глава российской организации ММА — свободный поединок в Кыргызстане Константин Куценко на чемпионате мира по пяти видам боевых искусств Единство-2021 в Чолпон-Ате. 03 августа 2021 года
© Sputnik / Табылды Кадырбеков
Россиядагы "ММА - Свободный поединок" уюмунун Кыргызстандагы төрагасы Константин Куценко
"Кереметтүү Көлдүн жээгинде спортчуларды каттоо жүрүп жатат. Алар "Биримдик - 2021" деп аталган уруш өнөрлөрү боюнча дүйнө чемпионатына катышат. "Биримдик" деп жөн жерден аталган жок, ал Россия менен Кыргызстандын кайчылаш жылына арналган. Эки өлкөнүн өкүлдөрү уюштуруп жатат. Ага көптөгөн спортчулар, анын ичинде биздин келечек чемпиондорубуз болгон өспүрүмдөр менен балдар катышат", - деди Куценко.

Уюштуруучулардын бири, MMA-Free Fighting уюмунун жетекчиси Сергей Борисов мелдеш бир гана спортчулардын башын бириктирүүнү көздөбөйт дейт.

Руководитель организации MMA-Free Fighting Сергей Борисов на чемпионате мира по пяти видам боевых искусств Единство-2021 в Чолпон-Ате. 03 августа 2021 года
© Sputnik / Табылды Кадырбеков
Уюштуруучулардын бири, MMA-Free Fighting уюмунун жетекчиси Сергей Борисов
"Биздин уюм дагы бир нече спорттук уюм менен чогуу уруш өнөрлөрү боюнча дүйнө чемпионатын уюштуруп жатат. Мындай деңгээлдеги иш-чара биринчи жолу өтүүдө. Максатыбыз федерациялардын гана башын бириктирүү эмес. Спорт дүйнөлүк деңгээлде идеяларды бирге ишке ашырууга көмөктөшө турганын көрсөткүбүз келет", - деди Борисов.

Ошондой эле спорттук иш-чарага пандемияга байланыштуу бир топ мамлекет келе албай калганын айтты.

Спорттук иш-чара 7-августка чейин созулат.

123
Белгилер:
Кыргызстан, Россия, турнир, дүйнө чемпионаты, Кыргызстан менен Россиянын эриш-аркак жылы, видео
Тема боюнча
Александр Загорский алып барууда! Чолпон-Атада Хабибдин уюмунун мелдеши башталды
Хабибге даярдалган банкетте Ташиев менен Жапаровдун уулдары жүрөт. Видео
Россиядагы көк бөрү турнирин Москва командасы утуп алды. Сүрөт
Жаза аткаруу мамлекеттик кызматынын төрагасынын биринчи орун басары Таалайбек Нуралиев коррупцияга шектелип кармалды

ЖАМК башчысынын биринчи орун басары кармалды. Кабинетин, үйүн тинткен видео

715
(жаңыланган 12:12 03.08.2021)
Жетекчинин иш бөлмөсүнөн 3500 доллар, 59 000 сом табылган. Ал эми үйүнөн абакта отургандар тарабынан жасалган кылыч, бычактар чыккан.

БИШКЕК, 3-авг. — Sputnik. Жаза аткаруу мамлекеттик кызматынын төрагасынын биринчи орун басары Таалайбек Нуралиев коррупцияга шектелип кармалды. Бул туурасында УКМКнын маалымат кызматы кабарлады.

Билдирмеге караганда, ал соттолгон жарандарды мөөнөтүнөн мурда бошотуу, абактагы шарттарын жеңилдетүү, ошондой эле орто звенодогу жетекчилердин мыйзамсыз аракеттерин жаап-жашырып жүргөнү үчүн системалык түрдө акча алып келгени айтылды.

Сотко чейинки өндүрүштүн алкагында 2-август күнү Нуралиевдин иш бөлмөсүн тинткенде 3500 доллар, 59 000 сом, уюлдук телефон жана майда калибрдеги курал чыккан.

Ал эми жашаган үйүн текшергенде ТТ үлгүсүндөгү тапанча жана жылмакай курал табылган. Аны менен катар абакта отурган соттолуучулар тарабынан жасалган стол, отургуч, кылыч, бычак, сандык, нарда сыяктуу буюмдар болгон.

Ыкчам-тергөө иштеринин натыйжасында Таалайбек Нуралиев УКМКнын убактылуу кармоочу жайына киргизилди.

715
Белгилер:
ЖАМК, коррупция, кармоо, тинтүү, Таалайбек Нуралиев
Тема боюнча
УКМК мурдагы биринчи вице-премьер Тайыр Сарпашевди кармады

Кубанарымды же кайгырарымды билбей турам. Акжол менен Мээримдин видео маеги 

0
(жаңыланган 00:32 04.08.2021)
Олимпиаданын күмүш медалынын ээси, грек-рим күрөшчүсү Акжол Мухмудов менен эркин күрөш боюнча балбан, коло медаль утуп алган Мээрим Жуманазарова жеңиштен кийинки сезимдери менен бөлүштү.

Кыргызстандын спорт делегациясынын пресс-аташеси Кабыл Макешов спортчуларга суроо узатып, жооп алды.  

“Алтын медаль алабыз деп чоң аракеттер болгон. Финалдан утулуп калгандан кийин сезимдеримди өзүм дагы түшүнбөй турам. Бүгүн мага ишенип, сыртта туруп көргөндөр болуптур. Бирок ишеничиңерди актай алган жокмун. Анткен менен Айсулуу эже менен Мээримдин жеңишине абдан кубандым. Азыр мени куттуктагандар көп болууда. Бирок бул менин эле эмес, машыктыруучуларымдын, бүткүл кыргыз элимдин жеңиши”, — деди Махмудов.  

Ал эми Мээрим Жуманазарова бүгүн тогуз жылдык эмгегинин үзүрүн көрүп жатканын айтты.  

“Албетте, алтын алуу тилегим бар эле. Бирок колого дагы шүгүрчүлүк. Жеңишимди ата-энеме, агайларыма жана жалпы кыргыз элиме арнайм”, — деди Жуманазарова.  

Эске салсак, Токио шаарында өтүп жаткан Олимпиада оюндарында грек-рим күрөшчүсү Акжол Махмудов күмүш медалга, эркин күрөш боюнча балбан Мээрим Жуманазарова коло медалга ээ болду.

0
Белгилер:
Мээрим Жуманазарова, Акжол Махмудов, видео, кайрылуу
Тема:
2021-жылы Токиодо өтө турган Олимпиада оюндары
Тема боюнча
Көзүнө жаш алган ата. Жуманазарованын үй-бүлөсүнүн мелдешке күбө болгон видеосу
Көлгө келген Хабиб: эртең Олимпиадада алтын алышыңарга тилектешмин