Кыргыз-тажик чек арасындагы чек ара кызматкери. Архив

УКМК: кыргыз-тажик чек арасында эки эл бири-бирин ташка алды

405
УКМКнын Чек ара кызматынын аскерлери менен ИИМдин кызматкерлери чыр-чатакты убагында алдын алып, жергиликтүү тургундарга түшүндүрүү иштерин жүргүзүп таратышканы айтылды.

БИШКЕК, 13-июл. — Sputnik. 13-июлга караган түнү кыргыз-тажик чек арасында чыр чыгып, адамдар бири-бирине таш ыргыткан. Бул тууралуу УКМКнын алдындагы Чек ара кызматы кабарлады.

Ага ылайык, 13-июль саат 00:10дор чамасында Баткен районунун Төрт-Көчө айылындагы Баткен — Исфана жана Исфара —Ворух автожолунун кесилишинде Тажикстандын жарандары отурган эки автоунаа токтоп, анын ичинде мас адамдар Кыргызстандын жарандарын көздөй таш ыргытып, жаман сөздөр менен сөгүшкөн.

"Окуя болгон жерге Кыргызстандын айылдарынын жашоочулары барып, жооп иретинде аларга да таш ыргытышкан. УКМКнын Чек ара кызматынын аскерлери менен ИИМдин кызматкерлери чыр-чатакты убагында алдын алып, жергиликтүү тургундарга түшүндүрүү иштерин жүргүзүп таратышкан", — деп жазылат маалыматта.

Эки тараптын райондук укук коргоо органдарынын жетекчилери тартип бузгандарга чара көрүү максатында жолугушуу уюштурууну пландаштырып жатканы айтылды. Азыркы тапта кыргыз-тажик мамлекеттик чек ара аймагындагы кырдаал туруктуу.

405
Белгилер:
УКМК, чек ара, Кыргызстан, Тажикстан, таш
Тема боюнча
Тажик аскерлеринин огунан көз жумган чек арачы Хожиевдин бүлөсүнө үй берилет
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

28
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

28
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео

Жаалданган куруучу өнбөгөн карызы үчүн өзү курган тамды талкалап салды. Видео

269
Германияда көп кабаттуу үйдү салган адам акчасын төлөбөй койгондугу үчүн тамдын айнектерин жана балкондорун экскаватордун сузгучу менен талкалап салды. Муну ал өч алуу деп атаган.

Немец басылмалары окуя Блумберг шаарында болгонун жазышты. Имараттын жана анын жанындагы гараждардын чыгымы жарым миллион еврого бааланууда.

47 жаштагы "өч алгыч" субподрядчы болгон. Анын айтымына караганда, анын компаниясына 5 миллион евролук жумуштун акысын төлөп бербей коюшкан. Үй куруу үчүн башка техникаларды ижарага алып иштеткендиктен аларга да карыз болуп кеткен.

Экскаватор менен "өч алуу процессин" бүтүргөндөн кийин автоунаасына отуруп алып, полиция тилкесине барып, окуяны төкпөй-чачпай айтып берген. Тартип сактоочулар кийинчерээк ал адамдын бөтөн мүлктү талкалаганы үчүн жооп бере тургандыгын билдиришкен. Анткен менен ФГРдин мыйзамдары боюнча, ал адамдын иштери кылмыш жоопкерчилигине тартууга жол бербейт.

269
Белгилер:
Германия, курулуш, өч алуу, полиция
Тема боюнча
Иштен бошотулган киши Mercedes заводунда 50 автоунааны талкалап салды. Видео