Муштумун көрсөткөн киши. Архивдик сүрөт

Москвада мушташкан кыргыз-тажик мигранттары Россиянын аймагынан чыгарылат

195
Буга чейин ЖМКлар массалык мушташка 180 киши катышканын жазышкан. Соңку маалыматтарда 100 адам кармалганы айтылууда.

БИШКЕК, 13-июл. — Sputnik. Москвада массалык мушташ уюштурган чет элдиктер соттун чечими менен Россиядан чыгарылат. Бул тууралуу РФтин Ички иштер министрлигине таянып РИА Новости жазды. 

Окуяга байланыштуу башкаларга да жаза каралары айтылган.

"Массалык мушташка тиешеси бар дагы бир канча адамга Россия Федерациясынын аймагына кирүүгө тыюу салуу боюнча чечим кабыл алынат", — деп айтылат билдирүүдө.

Кечээ түнү "Кузьминка" метросунун жанында массалык мушташ чыгып, ага болжол менен 200дөн 400гө чейин адам катышкан. Алар негизинен Өзбекстан, Кыргызстан жана Тажикстандын жарандары деп жазат РИА Новости. Айрымдар оор жаракат алып, ооруканага жаткырылган.

Полиция окуяга тиешеси бар делген 103 адамды кармады. Алардын баары өлкөгө кирүү боюнча эрежелерди бузган, майда бейбаштык кылып, тартип коргоо органдарына баш ийген эмес деп айыпталууда. Ошондой эле мыйзамга каршы келген жыйындарды жана митингдерди уюштуруу тууралуу протокол толтурулат.

Белгилей кетсек, буга чейин россиялык ЖМКлар кыргызстандык жана тажикстандык мигранттардын ортосунда чыр болгонун жазып чыгышкан. Өзбекстандыктар тууралуу айтылган эмес. Массалык мушташка 180 адам катышканы белгиленген.

195
Белгилер:
депортация, мушташ, мигранттар, Тажикстан, Кыргызстан, Россия, Москва
Тема боюнча
ЖМК: Москвада кыргыз-тажик мигранттары мушташа кетишти. Видео
Кыргызстандын элчилиги Москвадагы массалык мушташ боюнча билдирүү таратты
Шахта. Архивдик сүрөт

Тажикстан: Исфарадагы көмүр шахтасында жарылуу болду, каза тапкандар бар

23
(жаңыланган 00:28 25.07.2021)
Алдын ала берилген маалыматта, бир адамдын көз жумуп, дагы сегиз кишинин жарадар болгону айтылды.

БИШКЕК, 25-июл. — Sputnik. Тажикстандын Согду облусуна жакын жердеги Исфара көмүр шахтасында катуу жарылуу болгондугун Sputnik Тажикстан жазды. 

Кырсык Согду облусундагы Шураб аймагынын жанындагы кенде болгон.

"Шураб" шахтасындагы жарылуу газдын чыгышынан улам болгонун айтышты", — деди Исфара мэриясынын маалымат катчысы Зубайдулло Шомадов.

Алдын ала берилген маалыматка таянсак, бир адам каза таап, дагы сегиз киши жаракат алган.

Учурда кырсык болгон жерде Өзгөчө кырдаалдар комитетинин кызматкерлери, куткаруучулар жана дарыгерлердин жүргөнү айтылды.

Шураб кени Тажикстандын түндүгүндөгү эң ири кендердин бири. Ал Түркстан кырка тоолорунун этегинде жайгашкан. Бул жерден алынган көмүрдү негизинен медициналык жана билим берүү жайлары колдонот. Бийликтин билдиргенине караганда, мындай кырсык ондогон жылдардан бери болгон эмес.

23
Белгилер:
жарылуу, шахта, көмүр, Тажикстан
Тема боюнча
Дубайда катуу жарылуу болду. Видео
Индияда басылбаган жаандын кесепети

Индияда басылбаган жаан менен жер көчкүдөн 138 киши каза болду

56
Индиянын метеорологиялык бюросу Махараштра штатынын Мумбаи шаарында катаал аба ырайына байланыштуу өзгөчө кырдаал жарыялады.

БИШКЕК, 24-июл. — Sputnik. Индиянын Махараштра штатында нөшөрлөп жааган жамгырдан улам жер көчүп, каза болгондордун саны бери дегенде 138ге жетти. Бул тууралуу NDTV телеканалына шилтеме берип РИА Новости жазды.

"Нөшөрлөгөн жамгыр токтобой, жер көчкү жүргөндүктөн 138 жергиликтүү жаран каза тапты. Мындан тышкары, 84 миң киши коопсуз жайларга көчүрүлдү", — деп жазылат кабарда.

Индиянын метеорологиялык бюросу Махараштра штатынын Мумбаи шаарында катаал аба ырайына байланыштуу өзгөчө кырдаал жарыялады. Басылбаган жаандан улам электр энергиясы менен таза суу шаардыктарга берилбей калды.

56
Белгилер:
жаан, өлүм, жаратылыш, Индия
Тема боюнча
Таласта сел көпүрөнү алып кетип, элди жүктөгүч менен алып чыгышты. Видео