АУЦАнын президенти Эндрю Качинс. Архивдик сүрөт

АУЦАнын экс-президенти Качинс Кыргызстандан депортацияланып, айыпка жыгылды

125
(жаңыланган 23:07 15.07.2021)
Качинс сатуу максатын көздөбөй, анча көп эмес өлчөмдө баңгизат каражаттарын жана алардын аналогдорун мыйзамсыз даярдоо боюнча күнөөлүү деп табылды. 

БИШКЕК, 15-июл. — Sputnik. Борбор Азиядагы Америка университетинин экс-президенти Эндрю Качинс Жазык кодексинин эки беренеси боюнча күнөөсүз деп табылып, бирок Жоруктар кодекси боюнча айып пулга жыгылды. Бул тууралуу Бишкектин Биринчи май райондук соту кабарлады. 

Соттун өкүмү бүгүн, 15-июлда, чыккан. Эндрю Качинс Жазык кодексинин 270-268-беренеси, тагыраагы, "Кыргыз Республикасынын бажы чек арасы аркылуу алып өтүү үчүн аларга атайын эрежелер белгиленген предметтердин контрабандасы" жана "Баңгизат каражаттарын, психотроптук заттарды жана алардын аналогдорун сатып өткөрүү максатысыз мыйзамсыз даярдоо" беренелери менен күнөөсүз деп табылган. 

Бирок ал Жоруктар кодексинин 123-беренеси ("Сатуу максаты жок анча көп эмес өлчөмдө баңгизат каражаттарын, психотроптук заттарды, алардын аналогдорун же прекурсорлорун мыйзамсыз даярдоо") менен күнөөлүү деп табылып, 60 миң сом айыпка жыгылган. 

"Өкүм күчүнө кирип, аткарылгандан кийин Эндрю Качинс эл аралык келишимдерде жана өлкө мыйзамдарында белгиленген тартипте Кыргызстандан АКШга чыгарылды", — деп айтылат маалыматта. 

Эске салсак, Эндрю Качинс 2021-жылдын апрель айында ИИМдин тергөө кызматына суракка чакырылган. Буга 12-март күнү Эндрю Качинс аты жазылып, университеттин дарегине Дубайдан жөнөтүлгөн посылканын ичинен баңгизат чыкканы тууралуу материалдарды Бажы кызматы ИИМдин Тергөө кызматына жибергени себеп болгон. Посылканын ичинен табылган таблетка, капсулалар экспертизага жөнөтүлүп, жыйынтыгында курамында психотроптук зат бар экени аныкталганы айтылган. ИИМ университеттин президентин күбө катары суракка чакырып, сыртка чыкпоо тууралуу тил кат жаздырып алган. Кийинчерээк өзү Кыргызстандан кетүүнү пландап жатканын айткан

125
Белгилер:
айып пул, жаза, Эндрю Качинс, Кыргызстан
Тема боюнча
Жалал-Абадда 10 кг нашаа менен мурда кесилген адам кармалды. Сүрөт
Индияда басылбаган жаандын кесепети

Индияда басылбаган жаан менен жер көчкүдөн 138 киши каза болду

13
Индиянын метеорологиялык бюросу Махараштра штатынын Мумбаи шаарында катаал аба ырайына байланыштуу өзгөчө кырдаал жарыялады.

БИШКЕК, 24-июл. — Sputnik. Индиянын Махараштра штатында нөшөрлөп жааган жамгырдан улам жер көчүп, каза болгондордун саны бери дегенде 138ге жетти. Бул тууралуу NDTV телеканалына шилтеме берип РИА Новости жазды.

"Нөшөрлөгөн жамгыр токтобой, жер көчкү жүргөндүктөн 138 жергиликтүү жаран каза тапты. Мындан тышкары, 84 миң киши коопсуз жайларга көчүрүлдү", — деп жазылат кабарда.

Индиянын метеорологиялык бюросу Махараштра штатынын Мумбаи шаарында катаал аба ырайына байланыштуу өзгөчө кырдаал жарыялады. Басылбаган жаандан улам электр энергиясы менен таза суу шаардыктарга берилбей калды.

13
Белгилер:
жаан, өлүм, жаратылыш, Индия
Тема боюнча
Таласта сел көпүрөнү алып кетип, элди жүктөгүч менен алып чыгышты. Видео
Милиция кызматкерлери издөө учурунда. Архивдик сүрөт

Ак-Суу капчыгайынан табылган сөөк: милиция элге кайрылды. Фоторобот

134
(жаңыланган 18:33 24.07.2021)
10-июлда Москва районундагы Ак-Суу капчыгайында 55-60 жаш чамасындагы “Арапбай” аттуу адамдын кыйнап өлтүрүлгөн белгилери бар сөөгү табылган.

БИШКЕК, 24-июл. — Sputnik. Чүй облустук милиция фотороботу түзүлгөн маркумдун ким экендигин таануу максатында элге кайрылып, тааныгандар болсо кабарлоону суранды. 

Фоторобот мужчины, труп которого был найдет в ущелье Ак-Суу на пастбище Жорголот Ак-Сууйского айыл-окмоту Московского района
© Фото / пресс-служба ГУВД Чуйской области
Маркумдун фотороботу
"10-июлда болжол менен 09:00 чамасында Ак-Суу капчыгайындагы Жорголот жайлоосунда (Москва районундагы Ак-Суу айыл өкмөтү) азия тектүү, 55-60 жаш чамасындагы “Арапбай” аттуу адамдын кыйнап өлтүрүлгөн белгилери бар сөөгү табылган", — деп айтылат маалыматта.

Бул иш боюнча Москва райондук милициясы Жазык кодексинин 130-беренесинин негизинде (“Адам өлтүрүү” ) кылмыш ишин козгогон.

Милициядан маркумдун ким экени такталбагандыктан, аны өлтүрүүгө шектелип жаткан киши кармалбагандыгын билдирди.

Андыктан милиция элге кайрылып, фотороботтогу кишини тааныгандар болсо, байланышууну өтүндү.

Белгилери: бою 165-170 см., орточо дене түзүлүштөгү, бети тегерек, чачы кыска, ак аралаган. Өзгөчө белгиси — сол көзү чалыр. Кийими: көк түстөгү күрмө, боз өңдүү, кызыл боолуу спорттук бут кийим. Милиция бул адам тууралуу мурда билгендер болсо Москва райондук милициясына же болбосо 0(707) 54-21-71, 0(550) 22-17-17, 0(551) 35-53-17, 0(702) 00-78-79 телефондоруна кабарлап коюуну суранган.

134
Белгилер:
фоторобот, сөөк, милиция, Ак-Суу, Чүй облусу, Кыргызстан
Тема боюнча
Аламүдүн: сууга чөгүп кеткен эки кыз менен бир баланын сөөгү табылды
Ош: куткаруучулар терезеден кирип, үйдөн 93 жаштагы кемпирдин сөөгүн тапты
Ала-Тоо аянтында сүрөткө түшкөн кыздар. Архивдик сүрөт

Жекшембиге карата аба ырайы

0
25-июлда өлкөдө ченемден тышкары ысык аба ырайы күтүлүп, абанын күндүзгү температурасы өрөөндөрдө 40 градуска чейин көтөрүлөт. Батыштан соккон шамалдын ылдамдыгы секундасына 4-9 метрге жетет.

БИШКЕК, 24-июл. — Sputnik. Жекшембиде республиканын дыйканчылык аймактарында жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй, Ош, Жалал-Абад, Баткен облустарында +35…+40, Талас өрөөнүндө +34…+39, Ысык-Көлдө +27…+32, Нарын аймагында +28…+33 градус болот.

Синоптиктер күндүн табы Бишкек, Ош шаарларында +38…+40, Чолпон-Атада +27…+29 градуска жетерин билдиришти.

0
Белгилер:
Кыргызстан, июль, аба ырайы
Тема боюнча
Аптаптуу ысык кайтып келет. ӨКМ шашылыш билдирүү таратты