Сел. Архив

Баткендин Лейлек районунда 16 жаштагы бала селге агып каза болду

280
(жаңыланган 00:26 20.07.2021)
Окуя 19-июлда саат 17:30дар чамасында болгон. Тийиштүү кызматтар кырсык болгон жерде иш алып барууда.

БИШКЕК, 20-июл. — Sputnik. Баткен облусунун Лейлек районунда катуу жаандан кийин келген селге аккан 16 жаштагы бала каза болду. Бул тууралуу Өзгөчө кырдаалдар министрлигинин маалымат кызматы кабарлады.

Окуя бүгүн, 19-июлда, саат 17:30дар чамасында болгон. 

ӨКМдин алдын ала маалыматы боюнча, саат 17:30дар чамасында катуу жаап өткөн жамгырдын кесепетинен райондогу Катраң айыл аймагынын Козу-Баглан, Катраң айылдарында, Лейлек айыл аймагынын Лейлек айылында, Тогуз-Булак айыл аймагынын Тогуз-Булак, Айкөл айылдарында жана Исфана шаарынын Голбо, Чымген айылдарында сел жүргөн. Табигый кырсык аймактардагы турак үйлөрдүн короолорун, ички чарбалык унаа жолдорду, ички чарбалык арыктарды жана көпүрөлөрдү бузуп кеткен. 

Мындан сырткары, Лейлек айыл аймагынын Ак-Терек айылында 25 турак үйдүн ичине сел кирип, 20 турак үйдүн, бир мектеп, бир бала-бакча жана бир мечиттин короосун сел каптаган. 

Жеринде Лейлек райондук өзгөчө кырдаалдар бөлүмүнүн ыкчам тобу жана райондук жарандык коргонуу комиссиясы, ӨКМдин Кризистик кырдаалда башкаруу борборунун жана Баткен облустук башкармалыгынын ыкчам топтору иш жүргүзүп жатканы кабарланат.

280
Белгилер:
Лейлек, сел, адам, өлүм, табигый кырсык, ӨКМ
Тема боюнча
Аксыдагы 8 кишинин өмүрүн алган сел. Кичинекей баланын сөөгү табылды
Германияда суу ташкындап, каза болгондордун саны 156 адамга жетти
Ноутбук колдонуп жаткан кыз. Архив

УКМК Бишкектеги 15 вебкам-студияны басып кирди. Тинтүү учурундагы видео

241
(жаңыланган 13:30 05.08.2021)
Кармалгандардын турак жайын жана батирди ижарага алып студия катары иштетип жаткан жерин тинткенде 27 миң доллар табылган.

БИШКЕК, 5-авг. — Sputnik. УКМК Бишкек шаарында уюштурулган 15тен ашуун вебкам-студиянын ишин токтотту. Бул туурасында аталган органдын маалымат кызматы кабарлады.

Билдирүүгө ылайык, мындай иштерди Кыргызстандын жана КМШ өлкөлөрүнүн жарандары уюштуруп, интернет айдыңында онлайн интимдик кызмат көрсөтүү шарты менен жаш кыздарга жогорку маяна сунуштап келишкен.

"Ошол эле учурда бир эле вебкам-студиянын күнүмдүк көмүскө кирешеси 90-100 миң долларга жетип турган. Кызмат көрсөткөн кыздарга болгону анын 5-10 пайызын гана беришкен. 3-августта ыкчам-тергөө иштеринин алкагында бир жумалык акыны бөлүштүрүп жатканда кылмыштуу топтун негизги уюштуруучулары кармалды", — деп айтылат маалыматта.

Кармалгандардын турак жайын жана батирди ижарага алып студия катары иштетип жаткан жерин тинткенде 27 миң доллар табылган. Бул акча персоналга төлөөгө жана онлайн түрүндө интимдик кызмат көрсөтүү үчүн компьютердик жабдууларды сатып алууга жумшалмак.

Тергөө учурунда уюштуруучулар тапкан кирешесин кыймылсыз мүлк объектилери жана башка материалдык баалуулуктар менен адалдап жүргөнү аныкталды.

Сотко чейинки өндүрүштүн алкагында негизги уюштуруучу П.И. кылмыштуу кирешени адалдоого шектүү катары убактылуу кармоочу жайына киргизилген.

Учурда ишке тиешеси бар башка адамдарды да аныктоо иштери жүрүп жатат.

"Соңку жылдары вебкам индустриясы жаш муунду көп акча төлөө менен азгырууда. Акыр-аягы жаш кыздар кылмыштуу ишти уюштуруучулардын торуна түшүп, чыга албай калып жатат. Аларды интимдик видеолорун социалдык тармактарга таратам деп шантаж кылып кармап турат", — деп билдирди УКМК.

Атайын кызмат купуялуулукка жана коопсуздукка кепилдик берүү менен мындай кырдаалга тушуккан жарандарды УКМКнын нөөмөт кызматына чалууну суранат. Телефон номери: 0312 66-04-75.

241
Белгилер:
УКМК, вебкам, кармоо, тинтүү, кылмыш
Тема боюнча
УКМК: бир тонна катализаторду чыгарып кетүүгө аракет кылгандар кармалды
Бала сууда сүзүп жатат. Архив

Сокулукта 13 жаштагы өспүрүм сууга чөгүп кетти

28
(жаңыланган 11:33 05.08.2021)
Беш куткаруучу кырсык болгон жерге барып, түнгө жакын баланын сөөгүн таап туугандарына өткөрүп берген.

БИШКЕК, 5-авг. — Sputnik. Сокулук районундагы Күн-Туу айылындагы суу сактагычка өспүрүм чөгүп кетти. Бул туурасында ӨКМдин маалымат кызматынан кабарлашты.

Окуя кечээ, 4-августта, кечке жуук болгон.

13 жаштагы өспүрүмдүн сууга чөгүп кеткени боюнча маалымат түшөрү менен беш куткаруучу кырсык болгон жерге барган. Алар түнгө жакын баланын сөөгүн таап, ошол жердеги туугандарына өткөрүп беришкен.

ӨКМ жай башталгандан тарта ата-энелерге, жалпы жарандарга сууга түшүүдөгү коопсуздук эрежелерин бекем сактоону эскертип келет.

28
Белгилер:
Кыргызстан, Сокулук району, суу, өспүрүм
Тема боюнча
Жүрөктүн үшүн алган сел жээктеги курулуштарды агызып кетти. Кара-Суудагы видео
Көп катталып жаткан жол кырсыктардын себебин милиция санап берди
Кыргызстандык балбан Айсулуу Тыныбекова. Архив

Айсулуу күмүш алганына карабай дүйнөлүк рейтингде биринчиликтен түшкөн жок

0
Кыргызстандык спортчуну Олимпиаданын финалында жеңип алган атаандашы, япониялык Юкако Каваи экинчи сапка көтөрүлдү.

БИШКЕК, 5-август. — Sputnik. Кыргызстандык балбан Айсулуу Тыныбекова Бириккен күрөш дүйнөсүнүн (UWW) жаңыланган рейтингинде биринчи орунду сактап калды. Бул тууралуу спорттук уюмдун сайтында жазылды.

Жаңы рейтинг Токио Олимпиадасындагы мелдештер жыйынтыкталгандан кийин жарыяланды. Мында Тыныбекова күмүш медалга ээ болгон. Бирок ага карабай 78 упай менен лидерликтен түшкөн жок.

Ал эми финалда жеңишке жеткен атаандашы япониялык Юкако Каваи экинчи сапка көтөрүлдү. Анын чогулткан упайы 68 экени көрсөтүлгөн.

Үчүнчү орунда 44 упай менен украиналык Ирина Коляденко турат.

Айсулуу Тыныбекова кыз-келиндер күрөшүнүн 62 килограмм салмак категориясында 2019-жылы дүйнө чемпиону болгондон кийин UWW рейтингинде биринчи сапка чыккан. Ошондон бери лидерликти бербей келе жатат.

0
Белгилер:
Айсулуу Тыныбекова, рейтинг, дүйнө, күрөш
Тема боюнча
Эмоция кайнап, ыйлагым келип турат. Айсулуунун Токиодогу алгачкы билдирүүсү
Оморов: Кыргызстанда аялдар күрөшүнүн өнүгүшүнө Айсулуу Тыныбекова жол ачты
Кыргызстандык балбан кыздар Олимпиададан эки медаль менен кайтты. Сүрөт
Олимпиада: Кыргызстан медаль боюнча Борбор Азияда алдыңкы сапка чыкты