Жалал-Абаддын Сузак районундагы селдин кесепети

Сузакта сел агызып кеткен алты жашар кызды издеп жатышат. Сүрөт

359
(жаңыланган 00:24 21.07.2021)
Бүгүн болжол менен саат 17:00дө Достук жана Чаңгыр-Таш айылдарын, Сузак—Кара-Дарыя жолун суу каптаган.

БИШКЕК, 21-июл. — Sputnik. Жалал-Абаддын Сузак районунда сел кичинекей кызды агызып кетти. Бул тууралуу ӨКМдин маалымат кызматы кабарлады.

"Бүгүн саат 17:00 чамасында катуу жаап өткөн жамгырдын кесепетинен Кара-Дарыя айыл аймагындагы Достук, Чаңгыр-Таш айылдарына кокту-колоттордон түшкѳн сел алты жаштагы кызды агызып кеткен. Суу турак үйлөрдүн короолорун, ошондой эле Сузак—Кара-Дарыя жолун каптаган", — деп айтылат маалыматта.

Кызды ӨКМдин ыкчам тобу жана 50 куткаруучу, айылдык 30 тургун издеп жатканы айтылды.

359
Белгилер:
Кыргызстан, Жалал-Абад облусу, Сузак району
Тема боюнча
ӨКМ: Лейлектеги 16 жаштагы бала селге агып эмес, андан качып баратып көз жумган
Ноутбук колдонуп жаткан кыз. Архив

УКМК Бишкектеги 15 вебкам-студияны басып кирди. Тинтүү учурундагы видео

213
(жаңыланган 13:30 05.08.2021)
Кармалгандардын турак жайын жана батирди ижарага алып студия катары иштетип жаткан жерин тинткенде 27 миң доллар табылган.

БИШКЕК, 5-авг. — Sputnik. УКМК Бишкек шаарында уюштурулган 15тен ашуун вебкам-студиянын ишин токтотту. Бул туурасында аталган органдын маалымат кызматы кабарлады.

Билдирүүгө ылайык, мындай иштерди Кыргызстандын жана КМШ өлкөлөрүнүн жарандары уюштуруп, интернет айдыңында онлайн интимдик кызмат көрсөтүү шарты менен жаш кыздарга жогорку маяна сунуштап келишкен.

"Ошол эле учурда бир эле вебкам-студиянын күнүмдүк көмүскө кирешеси 90-100 миң долларга жетип турган. Кызмат көрсөткөн кыздарга болгону анын 5-10 пайызын гана беришкен. 3-августта ыкчам-тергөө иштеринин алкагында бир жумалык акыны бөлүштүрүп жатканда кылмыштуу топтун негизги уюштуруучулары кармалды", — деп айтылат маалыматта.

Кармалгандардын турак жайын жана батирди ижарага алып студия катары иштетип жаткан жерин тинткенде 27 миң доллар табылган. Бул акча персоналга төлөөгө жана онлайн түрүндө интимдик кызмат көрсөтүү үчүн компьютердик жабдууларды сатып алууга жумшалмак.

Тергөө учурунда уюштуруучулар тапкан кирешесин кыймылсыз мүлк объектилери жана башка материалдык баалуулуктар менен адалдап жүргөнү аныкталды.

Сотко чейинки өндүрүштүн алкагында негизги уюштуруучу П.И. кылмыштуу кирешени адалдоого шектүү катары убактылуу кармоочу жайына киргизилген.

Учурда ишке тиешеси бар башка адамдарды да аныктоо иштери жүрүп жатат.

"Соңку жылдары вебкам индустриясы жаш муунду көп акча төлөө менен азгырууда. Акыр-аягы жаш кыздар кылмыштуу ишти уюштуруучулардын торуна түшүп, чыга албай калып жатат. Аларды интимдик видеолорун социалдык тармактарга таратам деп шантаж кылып кармап турат", — деп билдирди УКМК.

Атайын кызмат купуялуулукка жана коопсуздукка кепилдик берүү менен мындай кырдаалга тушуккан жарандарды УКМКнын нөөмөт кызматына чалууну суранат. Телефон номери: 0312 66-04-75.

213
Белгилер:
УКМК, вебкам, кармоо, тинтүү, кылмыш
Тема боюнча
УКМК: бир тонна катализаторду чыгарып кетүүгө аракет кылгандар кармалды
Бала сууда сүзүп жатат. Архив

Сокулукта 13 жаштагы өспүрүм сууга чөгүп кетти

28
(жаңыланган 11:33 05.08.2021)
Беш куткаруучу кырсык болгон жерге барып, түнгө жакын баланын сөөгүн таап туугандарына өткөрүп берген.

БИШКЕК, 5-авг. — Sputnik. Сокулук районундагы Күн-Туу айылындагы суу сактагычка өспүрүм чөгүп кетти. Бул туурасында ӨКМдин маалымат кызматынан кабарлашты.

Окуя кечээ, 4-августта, кечке жуук болгон.

13 жаштагы өспүрүмдүн сууга чөгүп кеткени боюнча маалымат түшөрү менен беш куткаруучу кырсык болгон жерге барган. Алар түнгө жакын баланын сөөгүн таап, ошол жердеги туугандарына өткөрүп беришкен.

ӨКМ жай башталгандан тарта ата-энелерге, жалпы жарандарга сууга түшүүдөгү коопсуздук эрежелерин бекем сактоону эскертип келет.

28
Белгилер:
Кыргызстан, Сокулук району, суу, өспүрүм
Тема боюнча
Жүрөктүн үшүн алган сел жээктеги курулуштарды агызып кетти. Кара-Суудагы видео
Көп катталып жаткан жол кырсыктардын себебин милиция санап берди
Рубль валютасынын символу. Архив

Рубль дүйнөдө наркы бааланбаган валюта. Доллар чынында канча турат?

18
(жаңыланган 17:02 05.08.2021)
Россия жана АКШдагы McDonald's тамактануучу жайларындагы бигмактын (керектөөчүлөрдүн сатып алуу жөндөмүнүн бейрасмий түрдөгү индекси, бул тез татым түйүнүндө Big Mac – "сыйлуу" бургерлердин бири) баасына карасак, доллар 30 рубль болууга тийиш. Бул 2013-жылдагыдан аз.

Ирина Бадмаева

Америкалык экономикалык журналдын индикатору канчалык объективдүү жана эмнеликтен иш жүзүндөгү жана "бургердик" баалар эмнеге мынчалык айырмаланары тууралуу Ирина Бадмаеванын макаласы РИА Новости агенттигине жарыяланган.

"Экономисттин" шакабасы (тамашасы)

Россиялык рубль бааланбагандыгы боюнча "бигмак индексине" ылайык ливан фунтунан гана өйдөңкү сапта турат. Бургер бирдей баада болушу шарт экени болжонот. АКШга караганда арзан турган өлкөдө жергиликтүү валютанын наркы бааланбай, же тескерисинче, ашкере бааланат.

Россияда бигмак — 169 рубль, АКШда — 5,65 доллар. Демек, адилеттүү курс 30ду түзөт. Бирок алмаштырууда реалдуу баасы — 74,53. Башкача айтканда, доллар боюнча РФ валютасы дээрлик 60 пайызга, ал эми евро — 11,1, британиялык фунт — 15,5га бааланган эмес. Төрт акча бирдиги ашкере бааланган. Бул тизмеде венесуэлалык боливар айрыкча айырмаланат, дегеле ал 47,7 пайызга арзан болушу керек эле. Швейцариялык франк — 24,7, норвегиялык жана швед крондору — 11,5 жана 9,6га ашык бааланган.

"Бигмак индексин" 1986-жылы The Economist журналы тамаша иретинде ойлоп чыккан. Бирок эми маңызында керектөөчүлүк жөндөмдүүлүк паритетин аныктоонун бейрасмий ыкмасы — бирдей эле товардын наркына карап эки валютаны салыштыруу. Жылына эки ирет эсептелет.

Бардык жерде сатылгандыктан McDonald's гамбургерин тандап алышкан. 1980-жылдары эле тез татым ресторан түйүнү глобалдык бизнеске айланган. Буга мүнөздүү болгон М тамгалуу тамактануу жайлары Бермуд аралдарында, Иран, Македония, Йемен, Черногория, Түндүк Корея, Зимбабве, Боливия, Армения жана Исландияда жок.

Башкысы — классикалык бигмак бардык жерде бирдей. Анан жалпы эл сатып ала тургандай эле азыктардан – нан, сыр, котлета, жашылчадан жасалат. Өткөн айдагы соңку рейтингге ылайык, көп өлкөлөрдө бигмак Кошмо Штаттарга караганда, атап айтсак, Австралия, Сауд Аравиясы, Катарда арзаныраак. Тизменин акыркы саптарында Азербайжан, Түркия, Түштүк Африка бар.

Таанымал экени анык, бирок калыстыкка жатпайт

Рублдин бааланбаганы ондогон жылдардан бери айтылып келет. Бирок "бигмак индексинен" тышкары дагы башка факторлор толтура. Анан да бургер ар кайсы өлкөлөрдө бирдей баада боло албайт.

Айталы, маяна жана ижаралык үстөк РФте Кошмо Штаттарга салыштырмалуу кыйла аз. Ошол себептен баа дагы төмөн. Анан да бигмактар тиричилик электроникасы же акылдуу телефон сымал сырттан ташып келинбейт, жеринде жасалат. " iPod индекси" боюнча рубль ашкере бааланып, кыйла арзан турары бышык. Ошону менен бирге эле McDonald's компаниясы бааны жергиликтүү калктын реалдуу кирешесин жана сатып алуу жөндөмдүүлүгүнө жараша белгилейт. Салык жана атаандаштык туурасында да унуткарбоо абзел. Ошондуктан "бигмактын индексин" адилеттүү дешке болбойт. Салыштыруунун мындан да комплекстүү жана ачык ыкмалары бар. Маселен, эң зарыл товар, сырье, жарым-жартылай даяр азыктардын негизинде. Алардын бааларын коммерциялык сыр боюнча укугуна таянган жеке компания эмес, рынок коет.

Кеп бигмакта эмес

Улуттук валюта куну өлкөнүн төлөм балансынын узак мөөнөттүү динамикасын аныктайт. Ал өз кезегинде инфляцияга таасир этет.

Эл аралык жана ички валюталык рыноктогу маанилүү оюнчулар — борбордук банктар. Каржылык жөнгө салуучулар улуттук акча бирдигин чыңдоону чектеп, же тескерисинче, кескин түрдө түшүп кетишинен сактай алышат. Валюталык курс алардын көзөмөлүндө, анткени бул – өлкөлөр ортосундагы атаандаштык соода күрөшүнүн негизги ыкмаларынын бири. Натыйжада акча наркы көбүнесе бурмаланат. Активдерди эркин сата алгандар катары эле баанын коюлушунда рыноктун катышуучуларынын күткөнү да камтылат. Андыктан "бигмак индексине" анча таяна берген болбойт.

"Валютасынын наркы бааланбагандардын алгачкы он сабында негизинен дүйнөдө кеңири таралган алдыңкы 100 акча да кирет. Буга ачык мисал — ливан фунту. Андан өйдөңкү сапта россиялык рубль турат.

Анткен менен өтө жогору бааланган венесуэлалык боливардын акылга сыйгыс инфляцияга тушугуп, АКШнын мүмкүн болгон бардык санкцияларына кабылган", — дейт CMS Institute экономикалык жана каржылык иликтөөлөр департаментинин кызматкери Николай Переславский. Анын айтымында, акыркы жети жылда рубль кунуна геосаясат да таасир этүүдө. Россияга каршы санкциялар салынган, алардын кеңири таралуу тобокелдиктери да бар. Адатка айлангандай эле мунай баалары да роль ойнойт. Кара алтын кымбаттаган учурларда РФ Каржы министрлиги тарабынан валюталарды сатып алуу эрежеси да ага чагылбай койбойт.

Ошентип рублдин ашыкча бекемделишине жасалма түрдө бөгөт коюлат. Жалпысынан курсту түзүүчү саясат анын күчтөнүшүнө өбөлгө эмес.

Рубль кунунун орточо чабалдыгы чет өлкөгө чыгарылышынан түшкөн бюджеттик кирешелерди жогорулатат. Бул экономикада үстөмдүк кылган экспортчуларга да майдай жагат.

Кыйыр факторлор — дүйнөлүк каржылык рыноктордун ички саясаты жана маанайы.

"Санкцияларсыз россиялык валюта кеминде эле бир жарым эсеге кымбат бааланары туурасындагы ыктымал абдан жогору", — деп тактап өттү эксперт.

Кандай болгон күндө да жыл соңуна дейре баары бир доллар 70 рублден төмөндөбөйт. Ал эми саясий тобокелдиктердин айынан 80ге да чыгышы толук мүмкүн. Болду-болбоду, доллардын куну 73-77, евронун курсу 85-90 рубль чегинде калары турулуу иш.

18
Белгилер:
Россия, рубль, доллар, баалар, валюта
Тема боюнча
НАТОнун антироссиялык жаңы "манифести" КМШ өлкөлөрүнө коркунуч туудурат