Сузак районундагы селдин кесепети

Сузакта кечээ сел агызып кеткен 6 жашар кыздын сөөгү табылды

216
(жаңыланган 09:38 21.07.2021)
Сел агызып кеткен кызды издөөгө ондогон куткаруучу жана жергиликтүү тургундар тартылган. Кыздын сөөгүн туугандары тапкан. 

БИШКЕК, 21-июл. — Sputnik. Жалал-Абаддын Сузак районунда сел агызып кеткен алты жашар кыздын сөөгү табылганын ӨКМдин маалымат кызматы кабарлады.

Кечээ, 20-июлда, саат 17:00дөр чамасында катуу жаап өткөн жамгырдын кесепетинен Кара-Дарыя айыл аймагындагы Достук, Чаңгыр-Таш айылдарына кокту-колоттордон түшкөн сел алты жаштагы кызды агызып кеткен. Суу турак үйлөрдүн короолорун, ошондой эле Сузак — Кара-Дарыя жолун каптаган. 

Бөбөктү табууга жана селдин кесепеттерин жоюуга ӨКМдин ыкчам тобу жана 50 куткаруучу, айылдык 30 тургун жана техникалар тартылган.

"Жеринде издөө иштери жүргүзүлүп, кыздын сөөгүн туугандары тапкан", — деп айтылат ӨКМдин маалыматында. 

Селдин кесепеттерин жоюу иш-чаралары уланууда. 

216
Белгилер:
өлүм, жоголуу, кыз, сел, ӨКМ, Сузак району, Жалал-Абад облусу
Тема боюнча
ӨКМ: Лейлектеги 16 жаштагы бала селге агып эмес, андан качып баратып көз жумган
Жол кырсыгынан талкаланган унаа. Архив

Унаанын таш-талканы чыккан. Боомдогу үрөй учурган жол кырсыктын видеосу

271
(жаңыланган 00:40 31.07.2021)
Жол кырсыгы кечке жуук катталган. Окуяда жапа чеккендер тууралуу маалыматтар айтыла элек. Милициянын Кайгуул кызматы толук маалыматты кийинчерээк берүүнү убадалады.

БИШКЕК, 31-июл. — Sputnik. Боом капчыгайында үрөй учурган жол кырсыгы катталды. Жеринен тартылган видеону “Короче” телеграмм-каналы чыгарды. 

Окуя кечке жуук болгон. Кызыл-кочкул түстөгү Daewoo Nexia үлгүсүндөгү унаа каршы тилкени бөлүп турган бетон тосмого урунган. Жапа чеккендер тууралуу маалыматтар айтыла элек.

Видеодо көрүнүп тургандай, жеңил унаанын таш-талканы чыгып, жараксыз болуп калган.

Кырсык Боом капчыгайынын Ысык-Көл облусунун аймагында болгонун ИИМдин Жол кыймылы коопсуздугун камсыздоо башкы башкармалыгы тастыктап, толугураак маалымат кийинчерээк берилерин билдирди.

271
Белгилер:
жол кырсык, Боом капчыгайы, милиция
Тема:
2021-жылдын башынан бери Кыргызстанда болгон жол кырсыктар
Тема боюнча
Ысык-Көлдө минивен аласалып кетти. Жеринен тартылган видео
Калашников автоматы. Архив

Чек арачылар Баткендеги контрабандалык жүктү токтотуу үчүн асманга ок атышты

446
(жаңыланган 18:00 30.07.2021)
Чек арадагы аскерлер кызмат өтөп жатып Кожобакырган каналынын боюнда Тажикстан тарапты көздөй кетип бара жаткан, фарасы өчүрүлгөн кичи жүк ташуучу унааны байкап калышкан.

БИШКЕК, 30-июл. — Sputnik. Баткенде аткезчилик жол менен жүк алып бараткан автоунааны токтотуу үчүн чек арачылар асманга ок чыгарууга аргасыз болушту. Бул тууралуу УКМКнын Чек ара кызматы кабарлады.

  • Задержанный пограничниками мини-грузовик с контрабандой селитры в селе Жаштык Баткенской области. 30 июля 2021 года
    Баткенде аткезчилик жол менен жүк алып бараткан автоунааны токтотуу үчүн чек арачылар асманга ок чыгарууга аргасыз болушту
    © Фото / пресс-служба пограничной службы ГКНБ КР
  • Задержанный пограничниками мини-грузовик с контрабандой селитры в селе Жаштык Баткенской области. 30 июля 2021 года
    Билдирмеге караганда, чек арачылар 30-июлга караган түнү Тажикстан тарапты көздөй бара жаткан, фарасы өчүрүлгөн кичи жүк ташуучу унааны байкап калышкан
    © Фото / пресс-служба пограничной службы ГКНБ КР
1 / 2
© Фото / пресс-служба пограничной службы ГКНБ КР
Баткенде аткезчилик жол менен жүк алып бараткан автоунааны токтотуу үчүн чек арачылар асманга ок чыгарууга аргасыз болушту

Билдирмеге караганда, чек арачылар 30-июлга караган түнү Тажикстан тарапты көздөй бара жаткан, фарасы өчүрүлгөн кичи жүк ташуучу унааны байкап калышкан.

"Аскерлер автоунааны токтотууга аракет кылышкан, бирок айдоочу чек арада тургандардын талаптарын аткарбай жолун улаган. Мындан улам Чек ара кызматынын аскерлери эскертүү иретинде асманга ок чыгарганда айдоочу автоунаасын токтоткон", — деп айтылат маалыматта.

Кармалган адам 31 жаштагы Кыргызстандын тургуну болуп чыккан. Ал өткөрмө пунктунан сырткары Кыргызстандан Тажикстанга 3,5 тонна селитра алып өтүүгө аракет кылганы маалым болду.

446
Белгилер:
Кыргызстан, Тажикстан, чек ара, контрабанда, селитра
Тема боюнча
Москвада КРден барган 49,8 млн. сомдук контрабандалык iPhone аэропорттон кармалды
Чүйдө беш үйдү тоноого шектелип төрт адам кармалды, бирөө өспүрүм. Сүрөт