Чүйдүн Аламүдүн районунда сууга чөгүп кеткен кыздын сөөгүн чыгаруу

Аламүдүн: сууга чөгүп кеткен эки кыз менен бир баланын сөөгү табылды

110
(жаңыланган 11:09 21.07.2021)
Үчөө тең суу сактагычтан чыга албай калган. Алардын сөөгүн куткаруучулар менен жергиликтүү тургундар алып чыгышкан.

БИШКЕК, 21-июл. — Sputnik. Чүйдүн Аламүдүн районунда сууга чөгүп кеткен 14 жана 15 жаштагы кыздар менен 10 жаштагы баланын сөөгү табылды. Бул тууралуу ӨКМ кабарлады.

Кыздар кечээ кечке жуук Аламүдүн районунун Гроздь айылындагы №3 суу сактагычка чөгүп кеткен. Бирөөнүн сөөгүн куткаруучулар барганга чейин эс алып жүргөн адамдар суудан чыгарышкан. Экинчи кызды ӨКМ кызматкерлери таап, милицияга өткөрүп беришкен.

Ошол эле күнү аталган райондун Аламүдүн айылындагы Кыргызстан жаңы конушунда жайгашкан суу сактагычка М.И.С аттуу бала түшүп кеткен. Анын сөөгүн суудан жергиликтүү жашоочулар алып чыккан.

110
Белгилер:
бала, кыз, сууга чөгүү, куткаруу, ӨКМ, Аламүдүн району, Чүй облусу
Тема боюнча
Бишкектин четинде жоголгон 5 жаштагы баланын сууга чөгүп кеткени белгилүү болду
Чүйдө 21, Көлдө 15 жаштагы сууга чөккөн балдардын сөөгү табылды
Шахта. Архивдик сүрөт

Тажикстан: Исфарадагы көмүр шахтасында жарылуу болду, каза тапкандар бар

41
(жаңыланган 00:28 25.07.2021)
Алдын ала берилген маалыматта, бир адамдын көз жумуп, дагы сегиз кишинин жарадар болгону айтылды.

БИШКЕК, 25-июл. — Sputnik. Тажикстандын Согду облусуна жакын жердеги Исфара көмүр шахтасында катуу жарылуу болгондугун Sputnik Тажикстан жазды. 

Кырсык Согду облусундагы Шураб аймагынын жанындагы кенде болгон.

"Шураб" шахтасындагы жарылуу газдын чыгышынан улам болгонун айтышты", — деди Исфара мэриясынын маалымат катчысы Зубайдулло Шомадов.

Алдын ала берилген маалыматка таянсак, бир адам каза таап, дагы сегиз киши жаракат алган.

Учурда кырсык болгон жерде Өзгөчө кырдаалдар комитетинин кызматкерлери, куткаруучулар жана дарыгерлердин жүргөнү айтылды.

Шураб кени Тажикстандын түндүгүндөгү эң ири кендердин бири. Ал Түркстан кырка тоолорунун этегинде жайгашкан. Бул жерден алынган көмүрдү негизинен медициналык жана билим берүү жайлары колдонот. Бийликтин билдиргенине караганда, мындай кырсык ондогон жылдардан бери болгон эмес.

41
Белгилер:
жарылуу, шахта, көмүр, Тажикстан
Тема боюнча
Дубайда катуу жарылуу болду. Видео
Индияда басылбаган жаандын кесепети

Индияда басылбаган жаан менен жер көчкүдөн 138 киши каза болду

57
Индиянын метеорологиялык бюросу Махараштра штатынын Мумбаи шаарында катаал аба ырайына байланыштуу өзгөчө кырдаал жарыялады.

БИШКЕК, 24-июл. — Sputnik. Индиянын Махараштра штатында нөшөрлөп жааган жамгырдан улам жер көчүп, каза болгондордун саны бери дегенде 138ге жетти. Бул тууралуу NDTV телеканалына шилтеме берип РИА Новости жазды.

"Нөшөрлөгөн жамгыр токтобой, жер көчкү жүргөндүктөн 138 жергиликтүү жаран каза тапты. Мындан тышкары, 84 миң киши коопсуз жайларга көчүрүлдү", — деп жазылат кабарда.

Индиянын метеорологиялык бюросу Махараштра штатынын Мумбаи шаарында катаал аба ырайына байланыштуу өзгөчө кырдаал жарыялады. Басылбаган жаандан улам электр энергиясы менен таза суу шаардыктарга берилбей калды.

57
Белгилер:
жаан, өлүм, жаратылыш, Индия
Тема боюнча
Таласта сел көпүрөнү алып кетип, элди жүктөгүч менен алып чыгышты. Видео