Пара талап кылган деген шек менен милиционерлер кармалды

УКМК пара талап кылган деген шек менен Сокулуктун үч милиционерин кармады

332
(жаңыланган 16:47 22.07.2021)
Чүйдүн Сокулук райондук милиция кызматкерлери кылмыш ишти шектүүнүн пайдасына чечүүнү өз ара сүйлөшүп, бул аракети үчүн пара талап кылышкан.

БИШКЕК, 22-июл. — Sputnik. Улуттук коопсуздук мамлекеттик комитети Чүйдүн Сокулук райондук милиция кызматкерлерин пара талап кылган деген шек менен колго түшүрдү. Бул тууралуу УКМКнын маалымат кызматы билдирди.

Анда айтылгандай, милиция кызматкерлери кылмыш ишин шектүүнүн пайдасына чечип бермей болушкан.

"Сокулук райондук ички иштер бөлүмүнүн башчысынын сотко чейинки өндүрүш боюнча орун басары А.А.К., тергөөчү И.А.А. жана райондук ыйгарым укуктуу өкүлү А.А.М. өз ара макулдашып алып сотко чейинки өндүрүштү оң тарапка чечип беребиз деп акча талап кылышкан", — деп айтылат билдирүүдө.

УКМК Ички иштер министрлигинин түзүмдүк бөлүмдөрүндө коррупцияга байланыштуу кылмыштарды аныктоо, алдын алуу жана бөгөт коюу боюнча иш-чараларынын алкагында ИИМдин Ички иликтөө кызматы менен биргеликте иш жүргүзгөн. Натыйжада 1000 доллар өлчөмүндө пара талап кылуу фактысы боюнча Сокулук РИИБдин полковник, капитан жана ага лейтенант кызматкерлери аныкталган.

  • Задержанный с поличным сотрудник ОВД Сокулукского района по факту вымогательства взятки. 22 июля 2021 года
    Улуттук коопсуздук мамлекеттик комитети Чүйдүн Сокулук райондук милиция кызматкерлерин пара талап кылган деген шек менен колго түшүрдү
    © Фото / пресс-служба ГКНБ КР
  • Сверка купюр при задержании с поличным сотрудника ОВД Сокулукского района по факту вымогательства взятки. 22 июля 2021 года
    Анда айтылгандай, милиция кызматкерлери кылмыш ишин шектүүнүн пайдасына чечип бермей болушкан
    © Фото / пресс-служба ГКНБ КР
  • Служебное удостоверение задержанного сотрудника ОВД Сокулукского района по факту вымогательства взятки. 22 июля 2021 года
    УКМК Ички иштер министрлигинин түзүмдүк бөлүмдөрүндө коррупцияга байланыштуу кылмыштарды аныктоо, алдын алуу жана бөгөт коюу боюнча иш-чараларынын алкагында ИИМдин Ички иликтөө кызматы менен биргеликте иш жүргүзгөн
    © Фото / пресс-служба ГКНБ КР
1 / 3
© Фото / пресс-служба ГКНБ КР
Улуттук коопсуздук мамлекеттик комитети Чүйдүн Сокулук райондук милиция кызматкерлерин пара талап кылган деген шек менен колго түшүрдү

Учурда Кылмыш-жаза кодексинин 326-беренеси ("Пара талап кылуу") боюнча Кылмыш жана жоруктардын бирдиктүү реестрине катталган сотко чейинки өндүрүштүн алкагында милиционерлер УКМКнын убактылуу кармоо жайына камакка алынды. Тиешелүү ыкчам тергөө иш-чаралары жүргүзүлүүдө.

332
Белгилер:
Сокулук, РИИБ, милиция, пара, кылмыш, УКМК, камакка алуу
Тема боюнча
Ат-Башы акимчилигинен акча талап кылып опузалаган. Алдамчы "чекисттин" сүрөтү
Ошто студенттерден пара алууга шектелип камалган декан үй камагына чыкты

Достукту чыңдап. Чолпон-Атадагы дүйнө чемпионатындагы салмакка түшүү учурунун видеосу

114
(жаңыланган 19:19 03.08.2021)
Ысык-Көлдүн Чолпон-Ата шаарында Кыргызстан менен Россиянын эриш-аркак жылынын алкагында спорттун беш түрү боюнча "Биримдик — 2021" аталышындагы эл аралык турнир өтөт.

Бүгүн, 3-августта, "Газпром" ден соолукту чыңдоо борборунда мелдешке катышчулар салмакка түшүп, каттоодон өттү.

Эртең, 4-августтан тарта беттештер башталат. Дүйнө чемпионатынын алкагында ММА, жиу-житсу, грепплинг, самбо жана тай бокс боюнча мелдештер өтөт.

  • Участники чемпионата мира по пяти видам боевых искусств Единство-2021 в Чолпон-Ате во время взвешивания. 03 августа 2021 года
    Чемпионат мира по пяти видам боевых искусств "Единство-2021" в Чолпон-Ате
    © Sputnik / Табылды Кадырбеков
  • Один из участников чемпионата мира по пяти видам боевых искусств Единство-2021 в Чолпон-Ате во время взвешивания. 03 августа 2021 года
    Чемпионат мира по пяти видам боевых искусств "Единство-2021" в Чолпон-Ате
    © Sputnik / Табылды Кадырбеков
  • Один из участников чемпионата мира по пяти видам боевых искусств Единство-2021 в Чолпон-Ате во время взвешивания. 03 августа 2021 года
    Чемпионат мира по пяти видам боевых искусств "Единство-2021" в Чолпон-Ате
    © Sputnik / Табылды Кадырбеков
  • Дети перед чемпионатом мира по пяти видам боевых искусств Единство-2021 в Чолпон-Ате. 03 августа 2021 года
    Чемпионат мира по пяти видам боевых искусств "Единство-2021" в Чолпон-Ате
    © Sputnik / Табылды Кадырбеков
  • Дети перед чемпионатом мира по пяти видам боевых искусств Единство-2021 в Чолпон-Ате. 03 августа 2021 года
    Чемпионат мира по пяти видам боевых искусств "Единство-2021" в Чолпон-Ате
    © Sputnik / Табылды Кадырбеков
  • Один из участников чемпионата мира по пяти видам боевых искусств Единство-2021 в Чолпон-Ате. 03 августа 2021 года
    Чемпионат мира по пяти видам боевых искусств "Единство-2021" в Чолпон-Ате
    © Sputnik / Табылды Кадырбеков
  • Один из участников чемпионата мира по пяти видам боевых искусств Единство-2021 в Чолпон-Ате во время взвешивания. 03 августа 2021 года
    Чемпионат мира по пяти видам боевых искусств "Единство-2021" в Чолпон-Ате
    © Sputnik / Табылды Кадырбеков
1 / 7
© Sputnik / Табылды Кадырбеков
Чемпионат мира по пяти видам боевых искусств "Единство-2021" в Чолпон-Ате

Россиядагы "ММА - Свободный поединок" уюмунун Кыргызстандагы төрагасы Константин Куценко мелдештин "Биримдик" деп аталышы эки өлкөнүн эриш-аркак жылына дал келерин белгиледи.

Глава российской организации ММА — свободный поединок в Кыргызстане Константин Куценко на чемпионате мира по пяти видам боевых искусств Единство-2021 в Чолпон-Ате. 03 августа 2021 года
© Sputnik / Табылды Кадырбеков
Россиядагы "ММА - Свободный поединок" уюмунун Кыргызстандагы төрагасы Константин Куценко
"Кереметтүү Көлдүн жээгинде спортчуларды каттоо жүрүп жатат. Алар "Биримдик - 2021" деп аталган уруш өнөрлөрү боюнча дүйнө чемпионатына катышат. "Биримдик" деп жөн жерден аталган жок, ал Россия менен Кыргызстандын кайчылаш жылына арналган. Эки өлкөнүн өкүлдөрү уюштуруп жатат. Ага көптөгөн спортчулар, анын ичинде биздин келечек чемпиондорубуз болгон өспүрүмдөр менен балдар катышат", - деди Куценко.

Уюштуруучулардын бири, MMA-Free Fighting уюмунун жетекчиси Сергей Борисов мелдеш бир гана спортчулардын башын бириктирүүнү көздөбөйт дейт.

Руководитель организации MMA-Free Fighting Сергей Борисов на чемпионате мира по пяти видам боевых искусств Единство-2021 в Чолпон-Ате. 03 августа 2021 года
© Sputnik / Табылды Кадырбеков
Уюштуруучулардын бири, MMA-Free Fighting уюмунун жетекчиси Сергей Борисов
"Биздин уюм дагы бир нече спорттук уюм менен чогуу уруш өнөрлөрү боюнча дүйнө чемпионатын уюштуруп жатат. Мындай деңгээлдеги иш-чара биринчи жолу өтүүдө. Максатыбыз федерациялардын гана башын бириктирүү эмес. Спорт дүйнөлүк деңгээлде идеяларды бирге ишке ашырууга көмөктөшө турганын көрсөткүбүз келет", - деди Борисов.

Ошондой эле спорттук иш-чарага пандемияга байланыштуу бир топ мамлекет келе албай калганын айтты.

Спорттук иш-чара 7-августка чейин созулат.

114
Белгилер:
Кыргызстан, Россия, турнир, дүйнө чемпионаты, Кыргызстан менен Россиянын эриш-аркак жылы, видео
Тема боюнча
Александр Загорский алып барууда! Чолпон-Атада Хабибдин уюмунун мелдеши башталды
Хабибге даярдалган банкетте Ташиев менен Жапаровдун уулдары жүрөт. Видео
Россиядагы көк бөрү турнирин Москва командасы утуп алды. Сүрөт
Жаза аткаруу мамлекеттик кызматынын төрагасынын биринчи орун басары Таалайбек Нуралиев коррупцияга шектелип кармалды

ЖАМК башчысынын биринчи орун басары кармалды. Кабинетин, үйүн тинткен видео

713
(жаңыланган 12:12 03.08.2021)
Жетекчинин иш бөлмөсүнөн 3500 доллар, 59 000 сом табылган. Ал эми үйүнөн абакта отургандар тарабынан жасалган кылыч, бычактар чыккан.

БИШКЕК, 3-авг. — Sputnik. Жаза аткаруу мамлекеттик кызматынын төрагасынын биринчи орун басары Таалайбек Нуралиев коррупцияга шектелип кармалды. Бул туурасында УКМКнын маалымат кызматы кабарлады.

Билдирмеге караганда, ал соттолгон жарандарды мөөнөтүнөн мурда бошотуу, абактагы шарттарын жеңилдетүү, ошондой эле орто звенодогу жетекчилердин мыйзамсыз аракеттерин жаап-жашырып жүргөнү үчүн системалык түрдө акча алып келгени айтылды.

Сотко чейинки өндүрүштүн алкагында 2-август күнү Нуралиевдин иш бөлмөсүн тинткенде 3500 доллар, 59 000 сом, уюлдук телефон жана майда калибрдеги курал чыккан.

Ал эми жашаган үйүн текшергенде ТТ үлгүсүндөгү тапанча жана жылмакай курал табылган. Аны менен катар абакта отурган соттолуучулар тарабынан жасалган стол, отургуч, кылыч, бычак, сандык, нарда сыяктуу буюмдар болгон.

Ыкчам-тергөө иштеринин натыйжасында Таалайбек Нуралиев УКМКнын убактылуу кармоочу жайына киргизилди.

713
Белгилер:
ЖАМК, коррупция, кармоо, тинтүү, Таалайбек Нуралиев
Тема боюнча
УКМК мурдагы биринчи вице-премьер Тайыр Сарпашевди кармады

Кубанарымды же кайгырарымды билбей турам. Акжол менен Мээримдин видео маеги 

0
(жаңыланган 00:32 04.08.2021)
Олимпиаданын күмүш медалынын ээси, грек-рим күрөшчүсү Акжол Мухмудов менен эркин күрөш боюнча балбан, коло медаль утуп алган Мээрим Жуманазарова жеңиштен кийинки сезимдери менен бөлүштү.

Кыргызстандын спорт делегациясынын пресс-аташеси Кабыл Макешов спортчуларга суроо узатып, жооп алды.  

“Алтын медаль алабыз деп чоң аракеттер болгон. Финалдан утулуп калгандан кийин сезимдеримди өзүм дагы түшүнбөй турам. Бүгүн мага ишенип, сыртта туруп көргөндөр болуптур. Бирок ишеничиңерди актай алган жокмун. Анткен менен Айсулуу эже менен Мээримдин жеңишине абдан кубандым. Азыр мени куттуктагандар көп болууда. Бирок бул менин эле эмес, машыктыруучуларымдын, бүткүл кыргыз элимдин жеңиши”, — деди Махмудов.  

Ал эми Мээрим Жуманазарова бүгүн тогуз жылдык эмгегинин үзүрүн көрүп жатканын айтты.  

“Албетте, алтын алуу тилегим бар эле. Бирок колого дагы шүгүрчүлүк. Жеңишимди ата-энеме, агайларыма жана жалпы кыргыз элиме арнайм”, — деди Жуманазарова.  

Эске салсак, Токио шаарында өтүп жаткан Олимпиада оюндарында грек-рим күрөшчүсү Акжол Махмудов күмүш медалга, эркин күрөш боюнча балбан Мээрим Жуманазарова коло медалга ээ болду.

0
Белгилер:
Мээрим Жуманазарова, Акжол Махмудов, видео, кайрылуу
Тема:
2021-жылы Токиодо өтө турган Олимпиада оюндары
Тема боюнча
Көзүнө жаш алган ата. Жуманазарованын үй-бүлөсүнүн мелдешке күбө болгон видеосу
Көлгө келген Хабиб: эртең Олимпиадада алтын алышыңарга тилектешмин