Киши пистолет менен. Архив

Бишкекте адамга ок атылды. Түркиялык жарандын версиясы

182
(жаңыланган 18:24 22.07.2021)
21-июль күнү Юнусалиев көчөсүндөгү соода борбордон алыс эмес жерде ок жеген киши жатканы тууралуу милицияга маалымат түшкөн.

БИШКЕК, 22-июл. — Sputnik. Бишкекте соода борборлордун бирине жакын жерден ок атылып, бир адам жаракат алган. Бул тууралуу Октябрь райондук ИИБден билдирди.

21-июль күнү болжол менен саат 14:40тар чамасында Юнусалиев көчөсүндөгү соода борбордон алыс эмес жерде ок жеген киши жатканы тууралуу милицияга маалымат түшкөн. Жерине тартип сакчылары барган.

"И.Н. аттуу жаран арыз менен кайрылып, Түркиянын Ч.А. деген жаранына карата чара көрүүнү өтүндү. Жабырлануучунун айтымында, чет элдик жаран менен айтыша кеткенде ал тапанчасын чыгарып төшкө атып из жашырган. Арыздануучу Улуттук госпиталдын хирургия бөлүмүнө жеткирилди. Диагнозу "сол төшүнө ок жеп кансыраган, жараты жеңил", — деп айтылат милициянын маалыматында.

Окуя болгон жерден МР79 9 ТМ үлгүсүндөгү травматикалык тапанча менен бир гильза табылган. Учурда экспертиза дайындалып, Кылмыш-жаза кодексинин 266-беренеси ("Бейбаштык") боюнча сотко чейинки өндүрүш башталды.

"Тергөө жана ыкчам издөө иш-аракеттери учурунда кыргызстандык И.Н. менен түркиялык Ч.А. акча маселесине байланыштуу талашып-тартыша кеткени аныкталды", — дешти ИИБден.

Ал эми Түркия жараны (Ч. А.) үстүбүздөгү жылдын 21-июлунда саат 11:30дар чамасында И. Н. аны кезектеги жолугушууга чакырганын айткан. Ошондой эле кыргызстандык жаран ага кол салуу күтүлүп жатканын айтып эскерткенин билдирген.

"Жолугушуу учурунда И.Н. материалга оролгон тапанчаны көрсөтүп, жеке коопсуздугу үчүн алууну сунуштаган. Бирок Ч.А. коркконунан соода борбордон сыртка качып чыкканда ок атылган. Ч.А. ок ага карата атылды деп ойлоп из жашырган", — деп милиция чет өлкөлүктүн версиясын айтты.

Тергөө амалдары уланууда.

182
Белгилер:
милиция, кылмыш, ок атуу, Түркия, Бишкек
Тема боюнча
Мечитте ок чыгарып, из жашырып кеткен. Милиция шектүүнү кармады
Ырчы Самара Каримова. Архив

Вице-мэр кырсыктаган унаада ырчы Самара Каримова күйөөсү менен бараткан

304
(жаңыланган 13:40 27.07.2021)
Милициянын маалыматы боюнча, кырсыкка кабылган ырчы Токтогул райондук ооруканасынын жандандыруу бөлүмүнө түшкөн.

БИШКЕК, 27-июл. — Sputnik. Бишкек — Ош жолунун Токтогул районунун аймагында автоунаа менен баратып кырсыктагандардын арасында ырчы Самара Каримова да болгон. Маалыматты Жалал-Абад облустук Жол кыймылынын коопсуздугун камсыздоо бөлүмүнүн өкүлү Айбек Сатыбалдиев тастыктады.

Автоунааны ырчынын күйөөсү Асан Мансуров айдап бара жаткан. Буга чейин аталган кырсыктан Бишкектин вице-мэри Жамалбек Ырсалиев жаракат алганы кабарланган эле.

Кечээ, 26-июлда, таңкы саат 6:00дөр чамасында Toyota Alphard үлгүсүндөгү унаанын айдоочусу уктап кетип, жол четиндеги тосмону сүзүп алган. Алар Оштон Бишкекти көздөй бара жаткан.

Милициянын маалыматы боюнча, Самара Каримова жандандыруу бөлүмүнө түшкөн. Унаанын ичинде жалпы беш жүргүнчү болгон. Алар ар кандай жарааты менен Токтогул райондук ооруканасына жеткирилген.

Айдоочу эч кандай жаракат алган эмес. Бул факт Кылмыштардын жана жоруктардын бирдиктүү реестрине катталып, кырсыктын келип чыгуу себеби такталууда.

304
Белгилер:
Токтогул району, жол кырсык, ырчы, Самара Каримова
Тема:
2021-жылдын башынан бери Кыргызстанда болгон жол кырсыктар
Тема боюнча
Айтикул уулу: жол кырсыктарынын саны былтыркыга салыштырмалуу 30%га өстү
Ысык-Көлдө эки автоунаа кагышып, бир кыз каза болду. Сүрөттөр
 Бишкек шаарынын вице-мэри Жамалбек Ырсалиев. Архив

Вице-мэр Жамалбек Ырсалиев Бишкек Ош жолунда автокырсыкка кабылды

230
(жаңыланган 11:51 27.07.2021)
Унаанын ичинде вице-мэр жана дагы үч жүргүнчү бараткан. Алар ар кандай жарааты менен Токтогул райондук ооруканасына жеткирилген.

БИШКЕК, 27-июл. — Sputnik. Бишкек шаарынын вице-мэри Жамалбек Ырсалиев Бишкек — Ош жолунун 217-чакырымында жол кырсыгына кабылды. Маалыматты Жалал-Абад облустук жол кыймылынын коопсуздугун камсыздоо бөлүмүнүн өкүлү Айбек Сатыбалдиев тастыктады. 

Анын айтымында, кечээ, 26-июлда, таңкы саат 6:00дөр чамасында Toyota Alphard үлгүсүндөгү унаанын айдоочусу уктап кетип, Токтогул районунун аймагында жол четиндеги тосмону сүзүп алган.

Унаанын ичинде вице-мэр жана дагы үч жүргүнчү бараткан. Алар денесинен ар кандай жараат алып, Токтогул райондук ооруканасына жеткирилген. Жабырлануучулардын бири жандандыруу бөлүмүндө жатат.

Айдоочу эч кандай жараат алган эмес. 

Бул факт Кылмыштардын жана жоруктардын бирдиктүү реестрине катталып, кырсыктын келип чыгуу себеби такталууда.

230
Белгилер:
Жамалбек Ырсалиев, жол кырсык, Токтогул району, вице-мэр
Тема:
2021-жылдын башынан бери Кыргызстанда болгон жол кырсыктар
Тема боюнча
Министрдин орун басары Урмамбетов айдоочуларга жол эрежелерин түшүндүрдү. Сүрөт  
Ысык-Көлдө эки автоунаа кагышып, бир кыз каза болду. Сүрөттөр

Шумкар асманда учкан дронго кол салып, аны илип кетти. Видео

0
Социалдык тармактарда шумкардын квадракоптерге чабуул койгон видеосу тарады. Жырткыч куш аппаратты мыкчып алып кеткен.

Россиялык ЖМКлар жазгандай, окуя Камчатка аймагында жергиликтүү блогер табияттын кооздугун тартып жатканда болгон.

Жырткыч куш учуучу аппаратка кол салган. Кадрдан көрүнүп тургандай, шумкар дронду учуп бара жаткан жеринен илип кеткен. Аппаратты асманда бир кыйла аралыкка чейин мыкчып барып, саздак жерге таштап койгон.

Маалым болгондой, дрон GPS координаттары аркылуу табылган.

0
Белгилер:
окуя, Камчатка, Чабуул, дрон, шумкар
Тема боюнча
Аюулар дронго кол салганда... Сахалинде тартылган видео
Көзүн чокуп... Шумкар менен кескелдириктин беш сааттык кармашы. Видео