Чүйдө Honda Stepwgn жана Mitsubishi Pajero автоунаалары кагышты

Чүйдө жол кырсыгынан төрт адам каза тапты. Таш-талканы чыккан унаанын сүрөтү

160
(жаңыланган 10:16 23.07.2021)
Каргаша кечээ кечинде болгон. Каза тапкан төрт кишиден тышкары беш адам жаракат алган, алардын учурда абалы оор экени айтылды.

БИШКЕК, 23-июл. — Sputnik. Чүйдө Honda Stepwgn жана Mitsubishi Pajero автоунаалары кагышып, анын кесепетинен төрт киши көз жумганын ӨКМдин маалымат кызматы кабарлады.

Каргаша 22-июль күнү саат 21:20лар чамасында Бишкек — Нарын — Торугарт унаа жолунун 107-чакырымындагы Нур айылында болгон.

  • Последствие ДТП на 107-м км автодороги Бишкек-Нарын-Торугарт (село Нур), где столкнулись Honda Stepwagon и Mitsubishi Pajero
    Чүйдө Honda Stepwgn жана Mitsubishi Pajero автоунаалары кагышып, анын кесепетинен төрт киши көз жумган
    © Фото / пресс-служба МЧС КР
  • Последствие ДТП на 107-м км автодороги Бишкек-Нарын-Торугарт (село Нур), где столкнулись Honda Stepwagon и Mitsubishi Pajero
    Каргаша 22-июль күнү саат 21:20лар чамасында Бишкек — Нарын — Торугарт унаа жолунун 107-чакырымындагы Нур айылында болгон.
    © Фото / пресс-служба МЧС КР
1 / 2
© Фото / пресс-служба МЧС КР
Чүйдө Honda Stepwgn жана Mitsubishi Pajero автоунаалары кагышып, анын кесепетинен төрт киши көз жумган

Жерине аталган унаа жолунун 132-чакырымында нөөмөттө турган үч куткаруучу тартылып, көз жумган төрт кишинин сөөгүн унаадан чыгарып, тиешелүү кызматтарга өткөрүп беришкен.

Жаракат алгандардын абалы оор экени айтылат.

160
Белгилер:
Чүй облусу, ӨКМ, жол кырсык, унаа, кагылышуу, өлүм
Тема:
2021-жылдын башынан бери Кыргызстанда болгон жол кырсыктар (156)
Тема боюнча
Чырпыктыдагы автокырсыктан көз жумгандар эки үй-бүлө болгон
Майнинг-ферма. Архивдик сүрөт

500дөй майнинг-ферма иштеткен кыргызстандык жаран кармалды

62
Учурда аныкталган фирмалардын мамлекетке келтирген зыянын аныктоо боюнча тиешелүү аракеттер жүргүзүлүп жатканы кошумчаланды.

БИШКЕК, 17-сен. — Sputnik. УКМК энергетика тармагындагы коррупциялык схемаларга бөгөт коюу ишинин жүрүшүндө мыйзамсыз иштеп жүргөн бир нече майнинг-ферманы аныктады. Бул тууралуу атайын кызматтан кабарлады.

Билдирмеге караганда, сотко чейинки өндүрүштүн алкагында Кыргызстандын М.Д.Ю. аттуу жараны электр энергиясын бөлүштүрүүчү "ЭТ" компаниясына мыйзамсыз кошулуп, электр энергиясын ири өлчөмдө уурдап турганы аныкталган. Ошондой эле ал майнинг-фермалар аркылуу криптовалюта алуу үчүн мыйзамсыз иштерди уюштуруп келген.

"15-сентябрда электр энергиясын бөлүштүрүүчү "ЭТ" компаниясынын электр тармактарына мыйзамсыз туташтырылган 500дөн ашык майнинг-ферма табылган", — деп айтылат маалыматта.

Учурда аныкталган фирмалардын мамлекетке келтирген зыянын аныктоо боюнча тиешелүү процессуалдык аракеттер жүргүзүлүп жатканы кошумчаланды.

62
Белгилер:
майнинг, электр энергиясы, УКМК, мыйзам
Тема боюнча
20 млн. сом зыян келтирген. Бишкек менен Чүйдө майнинг-фермалар аныкталды. Видео
Куралчан адам. Архив

Ок атып токтотушту. Чек арачылар Тажикстанга бараткан жүктү кармашты

128
(жаңыланган 15:12 17.09.2021)
Контрабандачылар чек арачыларды көргөндөн кийин качып кетүүгө аракет кылган, бирок автоунаасынын дөңгөлөгүнө атылган октон кийин токтошкон.

БИШКЕК, 17-сент. — Sputnik. Баткен облусундагы Лейлек чек ара отрядынын кызматкерлери Тажикстанга көмүрдү мыйзамсыз ташып бара жаткан автоунааларды бир нече ирет ок атып токтотконго аргасыз болгон. Бул тууралуу УКМКнын Чек ара кызматынан кабарлады.

Окуя бүгүн, 17-сентябрда, Лейлек районунун Майты аймагында болгон. Чек арачылар оор жүк ташуучу Mersedes жана MAN автоунааларын текшерүүгө аракет кылганда алар токтогон эмес.

"Алар чек арачыларды көргөндөн кийин качып кетүүгө аракет кылган. Аскерлер алгач эскертүү иретинде асманга ок чыгарганы менен айдоочулар чыгып кетүүгө аракет кылган. Акырында чек арачылар автоунаанын дөңгөлөгүн атканда гана токтошкон. Алар Кыргызстандан Тажикстанга 15 тонна көмүрдү уруксат кагазы жок алып чыгып бара жаткан", — деп айтылат ведомство тараткан маалыматта.

Тиешелүү документтер толтурулган соң айдоочулар көмүрү менен кошо тартип сактоо органдарына андан аркы тергөө иштерин жүргүзүү үчүн өткөрүп берилген.

128
Белгилер:
Кыргызстан, Тажикстан, чек арачы, ок атуу, контрабанда, көмүр
Тема боюнча
Тажикстанга мыйзамсыз бара жаткан автоунааны асманга ок атып токтотушту
Боом жолу. Архив

Эскертүү! 20-сентябрдан тарта төрт күнгө Боомдо кыймыл чектелет

0
Жол тазалоо учурунда ары-бери каттаган автоунаалар үчүн трассанын бир тарабы ачык болору айтылды.

БИШКЕК, 17-сен.— Sputnik. Боом капчыгайында келе жаткан жумада таш кулатуу иштери башталарын "Кыргыз темир жолу" улуттук компаниясынан билдирди.

Жолчулар 20-сентябрдан 24-сентябрга чейин Бишкек — Нарын — Торугарт жолунун 131-чакырымында, тагыраагы, Боом капчыгайында таш кулатуу иштерин жүргүзөт. Мындай иштер таш кулап, кооптуулук жараткан кырдаалды алдын алуу максатында жүргүзүлүп келет.

Аталган иштер күндүз саат 9:00дөн 15:00гө чейин болот. Жолду тазалап жатканда ары-бери каттаган автоунаалар үчүн трассанын бир тарабы ачык болору айтылды.

0
Белгилер:
жол, Боом капчыгайы, эскертүү
Тема боюнча
Бишкектин 22 көчөсүнө асфальт төшөлүп жатат. Тизме