Өрт өчүрүү кызматкери. Архив

Беловодское айылында кичи базардан өрт чыкты. Элди чуу түшүргөн видео

246
(жаңыланган 21:42 23.07.2021)
Өрттү өчүрүүгө саат 18:20да бир бригада, экинчиси 18:33тө, үчүнчүсү 18:40та тартылган. Учурда өрттү толук өчүрүү иштери жүрүп жатат.

БИШКЕК, 23-июл. — Sputnik. Бүгүн Чүй облусунун Беловодское айылынын Фрунзе көчөсүндө жайгашкан тез татым күйүп кетти. Бул туурасында ӨКМдин маалымат кызматы кабарлады.

Билдирүүгө ылайык, өрттү өчүрүүгө саат 18:20да бир бригада, экинчиси 18:33тө, үчүнчүсү 18:40та тартылган.

Тез татымдан чыккан өрт саат 19:12де чектөөгө алынган. Учурда өрттү толук өчүрүү иштери жүрүп жатат.

ӨКМ кошумча маалымат берилерин эскертти.

Ал эми күбө жиберген видеодон кичи базарды коюу кара түтүн каптаганы көрүнөт.

246
Белгилер:
Беловодск, өрт, тез татым, өчүрүү
Тема боюнча
Кара түтүн каптап, жалындаган базар. Кадамжайда тартылган видео
Баткенде Пүшкөт жайлоосу күйүп жатат. Сүрөт, видео
Суу жээгиндеги кыз. Архив

Кыздар апасы ажатканага киргенде сууга аккан. Оштогу кырсыктын чоо-жайы

399
Кырсык 26-сентябрда болгон. Анда келин эки кызы менен Ош шаарынан Өзгөнгө бара жатып, жолдон түшүп калып ажатканага кирген. Дал ошол маалда кыздар сууга аккан.

БИШКЕК, 27-сен. — Sputnik. Сууга аккан 1,7 жаштагы бөбөктү табуу үчүн Кара-Суу районунун Отуз-Адыр айыл аймагындагы каналдагы суу токтотулду. Бул тууралуу Ош облустук ички иштер башкармалыгынын маалымат катчысы Жеңиш Ашырбаев билдирди.

Эске салсак, 26-сентябрда 24 жаштагы келин эки кызы менен сууга агып кеткен. Жергиликтүү тургундар келинди жана анын үч жаштагы кызын аман алып калышкан.

"Өзгөн шаарынын 24 жаштагы И.М. аттуу тургуну 3 жана 1,7 жаштагы кыздарын Ош шаарынан Өзгөнгө алып бара жатып, Кара-Суу районунун Сары-Колот айыл өкмөтүнүн Тойчу айылына келгенде кичи автобустан түшүп калган. Жолдон ал кыздарын канал жээгине коюп, өзү ажатканага кирип кеткен учурда чүрпөлөрү сууга түшүп кеткен. Аларды куткарам деп апасы да артынан түшүп, агып бара жатканда каналдын боюнда жашаган жергиликтүү тургундар көрүп, келин менен улуу кызын куткарып калышкан. Жабыркагандар Кара-Суу райондук ооруканасына жеткирилген, ал эми кичүү кызы табылган эмес", — деди Ашырбаев.

Бөбөктү издөө иштери бүгүн да уланып жатканы айтылды. Ал үчүн Отуз-Адыр каналындагы суу токтотулуп, окуя болгон жерге кароо жүргүзүлүп, карта-схемалар чийилген.

399
Белгилер:
Ош, суу, кырсык, бөбөк, издөө, канал, ажаткана
Тема боюнча
Ошто келин эки кызы менен сууга агып, кичүүсү изделүүдө
Экинчи ирет киргенде тапкан. Караколдо милиционер чөккөн өспүрүмдү куткарып калды
Дары-дармектер

Ташиев айткан мафия: УКМК бир фармкомпаниянын жетекчисин кармады. Сүрөт

997
(жаңыланган 11:33 27.09.2021)
Атайын кызмат учурда мамлекетке келтирилген зыяндын суммасын жана кылмышкерлердин чөйрөсүн аныктап жатат.

БИШКЕК, 27-сен. — Sputnik. Дары-дармектердин баасын негизсиз жогорулатып, ошол эле учурда салык төлөбөй жүргөн деген шек менен өлкөдөгү фармкомпаниялардын биринин жетекчиси кармалды. Бул туурасында УКМКнын маалымат кызматы кабарлады.

  • ГКНБ выявила группу компаний, осуществляющих импорт в страну лекарственных средств с последующей их реализацией населению по чрезмерно завышенной стоимости
    Дары-дармектердин баасын негизсиз жогорулатып, ошол эле учурда салык төлөбөй жүргөн деген шек менен өлкөдөгү фармкомпаниялардын биринин жетекчиси кармалды
    © Фото / пресс-служба ГКНБ
  • ГКНБ выявила группу компаний, осуществляющих импорт в страну лекарственных средств с последующей их реализацией населению по чрезмерно завышенной стоимости
    Билдирүүгө ылайык, саламаттык сактоо системасындагы коррупцияны жоюу боюнча жүргүзүлүп жаткан иштердин алкагында калкка ашыкча жогорулатылган баада дары-дармектерди сатууну көздөгөн импорттоочу фармацевтикалык компаниялар тобунун мыйзамсыз ишмердүүлүгү тууралуу УКМКга маалымат түшкөн
    © Фото / пресс-служба ГКНБ
  • ГКНБ выявила группу компаний, осуществляющих импорт в страну лекарственных средств с последующей их реализацией населению по чрезмерно завышенной стоимости
    Бул факт боюнча сотко чейинки өндүрүш башталып, анын алкагында аталган компаниялардын офисинде жана кампасында тинтүү иштери жүргүзүлгөнү маалым болду
    © Фото / пресс-служба ГКНБ
  • ГКНБ выявила группу компаний, осуществляющих импорт в страну лекарственных средств с последующей их реализацией населению по чрезмерно завышенной стоимости
    Анда экинчи бухгалтериясы бар экендиги тастыкталып, финансылык документтер алынган
    © Фото / пресс-служба ГКНБ
  • ГКНБ выявила группу компаний, осуществляющих импорт в страну лекарственных средств с последующей их реализацией населению по чрезмерно завышенной стоимости
    Мындан сырткары, иликтөөнүн жүрүшүндө бул компаниялардын саламаттык сактоо системасы аркылуу акчалай сый акы үчүн импорттолгон кымбат баалуу дары-дармектердин аналогдорун таратуу менен мыйзамсыз соода ыкмаларын жана адилетсиз атаандаштыкты колдонууга катышкандыгы боюнча далилдер алынган.
    © Фото / пресс-служба ГКНБ
1 / 5
© Фото / пресс-служба ГКНБ
Дары-дармектердин баасын негизсиз жогорулатып, ошол эле учурда салык төлөбөй жүргөн деген шек менен өлкөдөгү фармкомпаниялардын биринин жетекчиси кармалды

Билдирүүгө ылайык, саламаттык сактоо системасындагы коррупцияны жоюу боюнча жүргүзүлүп жаткан иштердин алкагында калкка ашыкча жогорулатылган баада дары-дармектерди сатууну көздөгөн импорттоочу фармацевтикалык компаниялар тобунун мыйзамсыз ишмердүүлүгү тууралуу УКМКга маалымат түшкөн.

Бул факт боюнча сотко чейинки өндүрүш башталып, анын алкагында аталган компаниялардын офисинде жана кампасында тинтүү иштери жүргүзүлгөнү маалым болду. Анда экинчи бухгалтериясы бар экендиги тастыкталып, финансылык документтер алынган.

"Бул компаниялар тобу көзөмөлдөөчү мамлекеттик органдардын кызмат адамдарынын колдоосу менен салыктан качуу үчүн импорттук дарылардын чыныгы наркын жашырып, бирок калкка сатууда спекуляция кылгандары аныкталды. Мыйзамсыз аракеттер өлкө бюджетине салык түшпөгөндүгүнө жана дары-дармектердин, анын ичинде өтө керектүү препараттардын баасынын негизсиз жогорулашына алып келет", — деп айтылат маалыматта.

Мындан сырткары, иликтөөнүн жүрүшүндө бул компаниялардын саламаттык сактоо системасы аркылуу акчалай сый акы үчүн импорттолгон кымбат баалуу дары-дармектердин аналогдорун таратуу менен мыйзамсыз соода ыкмаларын жана адилетсиз атаандаштыкты колдонууга катышкандыгы боюнча далилдер алынган.

Натыйжада аталган ишканалардын жетекчилеринин бири А.В. аттуу жаран кармалып, Жазык кодексинин 319-беренесинин 1-бөлүмү ("Коррупция") менен айыпталган. Анын баш коргоо чарасы Биринчи май райондук соту тарабынан тандалып, УКМКнын тергөө абагына киргизилгени айтылды.

Атайын кызмат учурда тергөө мамлекетке келтирилген зыяндын суммасын жана кылмышкерлердин чөйрөсүн аныктап жатканын белгиледи.

Белгилей кетсек, буга чейин УКМК төрагасы Камчыбек Ташиев Кыргызстандагы ири фармацевтикалык мафиянын бети ачылганын билдирген.

997
Белгилер:
УКМК, дары, Кыргызстан
Тема боюнча
Ташиев: мамкызматкерлер аралашкан фармацевтикалык мафиянын бетин ачтык
Жер тилкелерин трансформациялап берем деп 21 миң доллар алган. Шектүү кармалды
Көмүр түшүрүп жаткан жумушчу. Архив

Быйыл көмүрдүн баасы кандай болот? Кара алтындын наркына сереп

39
(жаңыланган 17:49 27.09.2021)
Синоптиктер аптанын аягында күн сууктай турганын божомолдоодо. Аба ырайы бузулары менен турак үйдө тургандар арасында көмүргө болгон суроо-талап өсөт.

Быйыл азык-түлүктөн тарта күйүүчү майга чейин кымбаттады. Мунун баары көмүрдүн баасына таасир этпейби? Кара алтындын баасы канча болот, кору жетиштүүбү? Sputnik Кыргызстан маалымат агенттиги ушул жана башка суроолорго жооп алып, көмүрдүн наркы, запасына сереп салды.

Бишкек шаарындагы көмүр саткан ишкерлердин айтымында, азырынча ордо калаага Кара-Кеченин көмүрү келе элек. Учурда шаарда Казакстандын Кара-Жыра, Шабыркүл көмүрлөрү эле сатылууда. Алардын бир тоннасы 4 800 сомго бааланып жатканы маалым болду.

"Кыргыз көмүр" мамлекеттик ишканасынын директорунун орун басары Надырбек Бекжанов былтыркы жылга салыштырмалуу быйыл көмүр казуу иштери бир аз кечигип жатканын айтып, себебин түшүндүрдү.

"Каражаттын жетишсиздигинен, жайында тоолуу райондорго эки ай тынбай жамгыр, кар да жаагандыктан көмүр кеч казылып калды. Анын үстүнө буга күйүүчү май, тетиктердин кымбатташы да себеп болду. Ага карабай көмүр казуу иштери уланып жатат. Тилекке каршы, көмүрдүн кесегин аныктай албагандыктан, казылган көмүрлөр бир аз майда болууда", — деди Бекжанов.

Анткен менен быйыл өлкөдө көмүр жетиштүү болору белгиленди. Бекжановдун айтымында, жылдан-жылга көмүр көп казылып, жалпысынан өлкөдө кара алтындын алты миллиард тонна запасы бар.

"Бул жылы үч миллион тоннадан ашык көмүр керектелиши күтүлүүдө. Анын ичинен 1 миллион 150 миң тоннасы элге берилсе, 250 миң тонна бюджеттик мекемелерге жумшалат. Калганы ТЭЦке жумшалат", — деди Бекжанов.

Ал учурда ТЭЦти көмүр менен камсыздоо иши жүрүп жатканын айтып, көмүр элге жана бюджеттик мекемелерге 1-октябрдан тарта бериле баштаарын кошумчалады.

"Быйыл күйүүчү майдын жана техникалык каражаттардын кымбаттаганы көмүрдүн баасына да таасирин тийгизбей койбойт. Карьерден чыккан 1 тонна көмүрдүн баасы Монополияга каршы жөнгө салуу мамлекеттик агенттиги тарабынан 1 330 сом деп белгиленди. Статистикалык маалымат боюнча, кара алтындын бир тоннасы Нарында 2 500 сомдон 4000 сомго чейин, Чүй өрөөнүндө 4500-4700 сом, Ысык-Көлдө 5000 сомго чейин чыгат. Ал эми өлкөнүн түштүк аймагында 7000-8000 сомго сатылары божомолдонууда", — деди ал.

Монополияны жөнгө салуу мамлекеттик агенттигинин билдирмеси боюнча, быйыл жергиликтүү көмүрдүн бир тоннасынын наркы 3 620 сомдон 6 500 сомго чейин болмокчу. Мунун ичинде Кара-Кече, Сүлүктү, Таш-Көмүр, Кызыл-Кыя көмүрү бар.

Ал эми сырттан келген көмүрдүн (Казакстан) бир тоннасы 5000-7000 сомду түзөт. "Кыргыз көмүр" ишканасы азыркы учурда Кыргызстанга Казакстандан көмүрдүн Кара-Жыра, Шабыркүл деген түрлөрү аз-аздан келип жатканын айтып, бирок Казакстан ички керектөөсүн толук камсыздап алмайынча, канча тонна көмүр келери белгисиз экенин кошумчалады.

Эскерте кетсек, өлкөдө көмүрдүн сатыла турган баасын (карьерден чыкканын гана белгилейт — ред.) бир дагы мамлекеттик орган бекитпейт. Монополияга каршы жөнгө салуу мамлекеттик агенттиги көмүрдүн баасы чектен ашып сатылып жаткан күндө гана өкмөттүн токтому менен көзөмөлгө алат.

Былтыр Бишкекте Кара-Кече көмүрүнүн баасы 3700дөн 4200 сомго чейин сатылса, Казакстандын Кара-Жыра, Шабыркүл көмүрлөрүнүн баасы 4000 сомдон ашкан.

39
Белгилер:
көмүр, баалар, Кыргызкөмүр мамлекеттик ишканасы
Тема боюнча
Кулжыгачов: Бишкек ЖЭБи күзгү-кышкы жылытуу мезгилине даяр
Кышка даярдык башталды. Бишкек менен Чүйдө электр чубалгылары оңдолот. Сүрөт