Милиция кызматкерелри. Архив

Билгендер кабарлап койгула. Милиция Орокто асылган кишини таануу боюнча кайрылды

277
(жаңыланган 18:20 26.07.2021)
Милиция жигиттин ким экендигин тактоо үчүн коомчулукка кайрылып, тааныгандар же окуянын шек-шыбатын билгендер болсо кабарлап коюуну өтүндү.

БИШКЕК, 26-июл. — Sputnik. Сокулук районунун Орок айылындагы жолдун боюнан асылган адамдын сөөгү табылып, анын ким экендиги такталып жатат. Бул тууралуу Чүй облустук милициянын маалымат кызматынан кабарлады.

20-июлда Сокулук райондук ички иштер бөлүмүнө Орок айылындагы жолдун боюнда кишини асып кетишкендигин кабарлашкан. Маркумдун азият тектүү жана 20-25 жаштарда экени айтылды.

Милиция анын ким экендигин тактоо үчүн коомчулукка кайрылып, тааныгандар же окуянын шек-шыбатын билгендер болсо кабарлап коюуну өтүндү.

Маркумдун кийимдери жана белгилери: 

  • Кийими: төш жагына таш баканын сөөгүнүн сүрөтү жана латын тамгалары түшүрүлгөн кара футболка, көк түстөгү жинсы шым, кара түстөгү спорттук бут кийим.
  • Белгилери: бою 165-170 см., арык чырай, узунураак кара чачтуу, кой көз.

Милиция бул адам туурасында кандайдыр бир маалымат билгендерди Сокулук райондук милиция бөлүмүнө же 0(3134) 5-33-80, 0(312) 60-75-67, 0(701) 80-18-03 телефон номерлерине чалууну суранды.

277
Белгилер:
Кыргызстан, Сокулук району, Орок айылы, сөөк, милиция, издөө
Тема боюнча
Ак-Суу капчыгайынан табылган сөөк: милиция элге кайрылды. Фоторобот
Кыргызстандык аялдан 9 килограммга жакын гашиш табылды. Сүрөт
“Казынасын” толтуруу үчүн жасалма доллар саткан кылмыштуу топ кармалды. Сүрөт
Жол кырсыкка түшкөн автоунаа. Иллюстративдик сүрөт

Бакты сүзгөн. Кеминдеги кырсыкта эки адам көз жумуп, үчөө жабыркады

256
(жаңыланган 09:55 18.10.2021)
Кырсыктан 17 жаштагы С.Т. аттуу бала каза тапкан. Көз жумган кыз менен жабыркаган үч кишинин жашы, аты-жөнү такталууда.

БИШКЕК, 18-окт. — Sputnik. Чүйдө Daewoo Nexia унаасынын айдоочусу рулга ээ боло албай жолдон чыгып бакты сүзгөн. Анын айынан эки киши каза таап, дагы үчөө жабыркады. Бул тууралуу ӨКМдин маалымат кызматы кабарлады.

ДТП со смертельным исходом произошедшее в Кеминском районе. 18 октября 2021 года
© Фото / пресс-служба МЧС КР
Чүйдө Daewoo Nexia унаасынын айдоочусу рулга ээ боло албай жолдон чыгып бакты сүзгөн. Анын айынан эки киши каза таап, дагы үчөө жабыркады

Каргаша кечээ, 17-октябрь күнү, Кемин районунун Ударник айылынын Ленин көчөсүндө болгон.

Кырсыктан 17 жаштагы С.Т. аттуу бала каза тапкан. Көз жумган кыз менен жабыркаган үч кишинин жашы, аты-жөнү такталууда.

Куткаруучулар каза болгон жана жабыркаган жарандарды унаадан чыгарып Тез жардам кызматкерлерине өткөрүп беришкен.

256
Белгилер:
Чүй облусу, Кемин району, ӨКМ, жол кырсык, өлүм
Тема:
2021-жылдын башынан бери Кыргызстанда болгон жол кырсыктар
Тема боюнча
12 жаштагы бала бар... Таласта 8 адамдын өмүрүн алган жол кырсыктын чоо-жайы
 Чоң Чүй каналы. Архивдик сүрөт

Куткаруучулар суудан башка адамды издеп жатып, белгисиз сөөктү алып чыкты. Сүрөт

244
(жаңыланган 13:51 17.10.2021)
Бишкек шаарындагы Кантемиров көчөсүнүн аймагындагы каналдан табылган өлүк изделип жаткан адамдыкы эместиги аныкталды.

БИШКЕК, 17-окт. — Sputnik. ӨКМдин куткаруучулары мындан жети күн мурда сууга түшүп кеткен адамды издеп жатып, Чоң Чүй каналынан башка адамдын сөөгүн таап чыкты. Бул туурасында ӨКМдин маалымат кызматынан кабарлашты.

"Издөө иштери учурунда суудан болжол менен 30-35 жаштагы эркек адамдын сөөгү Кантемиров көчөсүндөгү ЧЧКдан табылган. Табылган сөөк изделип жаткан, 35 жаштагы С.Т. аттуу жарандыкы эмес экендиги аныкталды", — деп айтылган маалыматта.

Куткаруучулар маркумдун сөөгүн суудан чыгарып ИИМ кызматкерлерине өткөрүп беришкен.

Алар С.Тны издөө иштерин бүгүн да улантканы айтылды.

244
Белгилер:
Кыргызстан, Бишкек, Чоң Чүй каналы, сөөк, суу, куткаруучу
Тема боюнча
Ошто апасы менен сууга аккан кыздар. 1,7 жаштагы бөбөктүн сөөгү табылды
ИИМ: Россияда 64 кыргызстандык жоголуп, 5 кишинин сөөгү табылды
Рубрика радио Sputnik Кыргызстан Көөнө сөз

Талантбеков: "Манаста" фонтанды түшүндүргөн көөнө сөз бар

0
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосунда кездешкен көөнө сөздөрдүн бирин чечмелеп берди.

"Манас" эпосунда фонтанды түшүндүргөн "оргума" деген көөнө сөз бар. Аны учурда күнүмдүк турмушта колдонууга болот. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.

Талантбеков: "Манаста" фонтанды түшүндүргөн көөнө сөз бар

Анын айтымында, "Манас" эпосунда көптөгөн көөнө сөз кездешет.

Манасчи, член общественного объединения Көйкашка Нурбек Талантбеков на радиостудии Sputnik Кыргызстан
© Sputnik / Асель Сыдыкова
"Көйкашка" коомдук бирикмесинин мүчөсү, манасчы Нурбек Талантбеков
"Күндөлүк турмушта колдонулуп келген фонтан деген маанини түшүндүргөн сөз "Манаста" барбы деген суроо жаралат. Адатта фонтан сөзү бизге тыштан кирип, биздин тарыхта кездешпегендей кабылданып калууда. "Манас" эпосунда фонтан "оргума" же "оргу" деп айтылган. Бул сөз атырылып чыгуу, оргуштоо, уюлгуу, уюлгуп көтөрүлүү деген маанини түшүндүрөт. Эпосто "оргумасы оргуштап калаа көркү өсүптүр" деген саптар Сагынбай Орозбаковдун вариантында кездешет. Муну бүгүнкү турмушта да колдонууга мүмкүн. Анткени учурда шаарларда оргумалар, башкача айтканда, фонтандар арбын", — деди Талантбеков.

Ал ошондой эле көөнө сөздөрдү колдонуп тилди байытууга болорун кошумчалады.

0
Белгилер:
Нурбек Талантбеков, Манас эпосу, эне тил, Кыргызстан, көөнө сөз
Тема боюнча
Талантбеков: "мажилис" сөзү кеңеш, жыйын деген маанини билдирет