Москванын Домодедово аэропортунда 396 даана декларацияланбаган Apple iPhone үлгүсүндөгү смартфон аныкталды

Москвада КРден барган 49,8 млн. сомдук контрабандалык iPhone аэропорттон кармалды

217
Мындай кымбат баадагы товарды жеткирүү үчүн жиберүүчү тарап 9,8 миллион сомдук бажы пошлинасын төлөшү зарыл болчу.

БИШКЕК, 30-июл. — Sputnik. Москванын "Домодедово" аэропортунда 396 даана декларацияланбаган Apple iPhone үлгүсүндөгү смартфон аныкталды. Бул тууралуу "Подмосковье сегодня" интернет-басылмасы учак жайдын маалымат кызматына таянып жазды.

  • Изъятые 396 незадекларированных смартфонов Apple iPhone, моделей 11 и 12 Pro в аэропорту Домодедово в Москве. 29 июля 2021 года
    Москванын "Домодедово" аэропортунда 396 даана декларацияланбаган Apple iPhone үлгүсүндөгү смартфон аныкталды
    © Фото / пресс-служба Домодедовской таможни
  • Изъятые 396 незадекларированных смартфонов Apple iPhone, моделей 11 и 12 Pro в аэропорту Домодедово в Москве. 29 июля 2021 года
    Жалпы баасы 49,8 миллион (43 миллион рубль) сомду түзгөн телефондор Кыргызстандан барган. Мыйзамсыз жүк пландык текшерүү учурунда табылган.
    © Фото / пресс-служба Домодедовской таможни
1 / 2
© Фото / пресс-служба Домодедовской таможни
Москванын "Домодедово" аэропортунда 396 даана декларацияланбаган Apple iPhone үлгүсүндөгү смартфон аныкталды

Жалпы баасы 49,8 миллион (43 миллион рубль) сомду түзгөн телефондор Кыргызстандан барган. Мыйзамсыз жүк пландык текшерүү учурунда табылган.

"Бажы көзөмөлү учурунда Кыргызстандан юридикалык дарекке Apple үлгүсүндөгү 396 даана телефон келгени аныкталды. Мобилдик каражаттын базар баасы орточо эсеп менен 43 миллион рублди түзөт", — деп айтылат билдирүүдө.

Товар декларациядан өткөн учурда Россиянын федералдык бюджетине чегерилүүчү каражаттын алдын ала суммасы 9,8 миллион сом (8,5 миллион рубль) болору белгиленди.

217
Белгилер:
Москва, телефон, декларация, бажы
Тема боюнча
УКМК автоунаа катализаторлорун чет өлкөгө мыйзамсыз ташыган каналды аныктады
Бажы кызматы контрабанда товарлардан бюджетке кошумча 121,2 млн. сом өндүрдү
УКМК: Абхазиядан унааларды мыйзамсыз ташуу схемасы аныкталды
ИЖ-161 ПС үлгүсүндөгү курал. Архивдик сүрөт

Тойдо ок аткан бала... Өзгөндөгү окуянын видеосу жана чоо-жайы

209
(жаңыланган 23:01 25.09.2021)
Кармалган киши куралды Москвадан келе жатып сатып алганын билдирген. Анын айтымында, бул жөн гана үн менен жарык чыгарган курал болуп эсептелет.

БИШКЕК, 25-сен. — Sputnik. Өзгөн райондук милициясы курал менен асманга бир нече ирет ок чыгарган 20-25 жаштагы кишинин WhatsApp-каналынан тараган видеосу боюнча текшерүү ишин жүргүздү. Бул тууралуу Ош шаардык ИИБ билдирди.

Маалыматка караганда, факты Жоруктар кодексинин 121-беренеси менен каттоого алынып, сотко чейинки өндүрүш иши башталган. Анын жүрүшүндө 38 жаштагы Зергер айыл өкмөтүнүн Х.А.С. аттуу тургуну кармалган. Ал ИЖ-161 ПС үлгүсүндөгү куралды Россиядан 32 миң рублга сатып алганын билдирип, төмөнкүлөрдү айтып берген.

"Москвада көп жылдан бери жашайм. 21 жаштагы баламды үйлөнтүү үчүн сентябрь айында Кыргызстанга келгем. Москвадан куралды сатып алып жатканда сатуучу буга эч кандай уруксат кагаздын кереги жоктугун, себеби бул жөн гана үн чыгаруучу автомат экенин түшүндүргөн. Мындан улам баламдын тоюнда атам деп сатып алгам. Аэропорттон мени тоскоолдуксуз коё беришкен. 25-сентябрда баламдын дос балдары Ош шаарындагы тойго кетип баратып үйдүн короосунан аткылашкан", — деп билдирген Х.А.

Учурда сотко чейинки өндүрүш ишинин алкагында далил буюм катары алынган ИЖ-161 СХ-АК74М 5,45х39 20816834 үлгүсүндөгү үн чыгарып жарык берүүчү куралга соттук баллистикалык экспертиза дайындалды. Текшерүү иштери уланууда.

209
Белгилер:
Өзгөн, той, курал, милиция
Тема боюнча
Бишкек: милиция Пермдеги окуядан соң окуучуларга түшүндүрүү иштерин жүргүздү. Сүрөт
Жаза аткаруу мамлекеттик кызматынын төрагасынын биринчи орун басары Таалайбек Нуралиев. Архивдик сүрөт

Коррупцияга шектелген ЖАМК жетекчисинин орун басары Нуралиев кызматтан алынды

107
(жаңыланган 16:02 25.09.2021)
Нуралиев августтун башында кармалган. Анын иш бөлмөсүнөн жана үйүнөн акча каражаты, курал-жарак жана соттолгондор жасаган буюмдар табылган.

БИШКЕК, 25-сен. — Sputnik. Жаза аткаруу мамлекеттик кызматынын төрагасынын биринчи орун басары Таалайбек Нуралиев кызматтан алынганын ЖАМКтын маалымат кызматы кабарлады.

Буйрукка 16-сентябрда юстиция министри Асел Чынбаеванын сунушу менен министрлер кабинетинин башчысы Улукбек Марипов кол койгон.

Нуралиев августтун башында кармалган. Ал соттолгон жарандарды мөөнөтүнөн мурда бошотуу, абактагы шарттарын жеңилдетүү, ошондой эле орто звенодогу жетекчилердин мыйзамсыз аракеттерин жаап-жашырып жүргөнү үчүн системалык түрдө акча алып келгени айтылган.

Сотко чейинки өндүрүштүн алкагында 2-август күнү Нуралиевдин иш бөлмөсүн тинткенде 3500 доллар, 59 000 сом, уюлдук телефон жана майда калибрдеги курал чыккан.

Ал эми жашаган үйүн текшергенде ТТ үлгүсүндөгү тапанча жана жылмакай курал табылган. Аны менен катар абакта отурган соттолуучулар тарабынан жасалган стол, отургуч, кылыч, бычак, сандык, нарда сыяктуу буюмдар болгон.

Нуралиев УКМКнын убактылуу кармоочу жайына киргизилген.

107
Белгилер:
ЖАМК, Таалайбек Нуралиев, кызмат, бошотуу, коррупция
Тема боюнча
Туйгунаалы Абдраимов тергөөгө келип туруу милдеттемесин алып сурактан чыкты

Токой аралап, чатырга түнөп... Путин менен Шойгу тайгада эс алган видео

0
Россия президенти Владимир Путиндин тайгада эс алып жүргөн учурдагы видеосун "Россия 24" телеканалы жарыялады. Анда өлкө башчыны коргоо министри Сергей Шойгу коштоп жүргөнүн көрүүгө болот.

Кадрлардан Путиндин балык уулап, токой аралап, кайык айдап жүргөнү көрүнүп турат. Ошондой эле анын чатырда түнөгөнү айтылат. Шойгу президент отурган чатырды карап "мыкты экен" деп баа берсе, Путин "мыкты иштеген кишинин турак жайы дагы жакшы болот" деп тамашалап жооп берет.

Эске салсак, Владимир Путин көбүнесе тайгада эс алат. Адатта анын кыска мөөнөттүү эмгек өргүүсү бир нече күнгө созулуп, коргоо министри Сергей Шойгу жанында жүрөт.

0
Белгилер:
Россия, Владимир Путин, Сергей Шойгу, эс алуу, видео
Тема боюнча
Тоодон зуулдап түшкөн Путин менен Лукашенко. Эки лидердин лыжа тепкен видеосу