Наручники висят в здании тюрьмы Кесон-Сити в Маниле. 29 июля 2016 года

Чүйдө беш үйдү тоноого шектелип төрт адам кармалды, бирөө өспүрүм. Сүрөт

137
(жаңыланган 17:46 30.07.2021)
Алар телевизор, ноутбук, фотоаппарат, акча, зер буюмдарды жана башка каражаттарды уурдап кетишкен. Зыяндын жалпы суммасы эсептелүүдө.

БИШКЕК, 30-июл. — Sputnik. Кырман жана Лебединовка айылдарында беш үйгө уурулукка кирген деген шек менен төрт адам кармалды. Бул тууралуу Чүй облустук милициянын маалымат кызматы билдирди.

Задержанные подозреваемые в краже домов в селах Кырман и Лебединовка Чуйской области, парни 17, 18, 20, 23 лет. 30 июля 2021 года
© Фото / пресс-служба ГУВД Чуйской области
Кырман жана Лебединовка айылдарында беш үйгө уурулукка кирген деген шек менен төрт адам кармалды

Алар телевизор, ноутбук, фотоаппарат, акча, зер буюмдарды жана башка каражаттарды уурдап кетишкен. Беш факты тең Жазык кодексинин 200-беренеси ("Уурулук") менен катталган. Учурда келтирилген зыяндын суммасы эсептелип жатат.

Аталган кылмышка шектүү катары 17, 18, 20, 23 жаштагы балдар кармалган. Милициянын маалыматына ылайык, шектүүлөрдүн биринин сумкасынан Макаров тапанчасынын төрт огу табылган. Ошондой эле уурдаган буюмдарын "Ош" базарына алып келип сатып жүрүшкөнү аныкталган.

ИИББ кармалгандардын башка кылмыштарга да тиешеси бар-жогун текшерип жатат.

137
Белгилер:
Чүй облусу, уурулук, шектүү, кармоо
Тема боюнча
Таласка 19 жаштагы кызды ала качып бараткан эки жигит Чүйдөн кармалды
Ошто милициянын формасын кийип элди алдаган киши кармалды
ИЖ-161 ПС үлгүсүндөгү курал. Архивдик сүрөт

Тойдо ок аткан бала... Өзгөндөгү окуянын видеосу жана чоо-жайы

205
(жаңыланган 23:01 25.09.2021)
Кармалган киши куралды Москвадан келе жатып сатып алганын билдирген. Анын айтымында, бул жөн гана үн менен жарык чыгарган курал болуп эсептелет.

БИШКЕК, 25-сен. — Sputnik. Өзгөн райондук милициясы курал менен асманга бир нече ирет ок чыгарган 20-25 жаштагы кишинин WhatsApp-каналынан тараган видеосу боюнча текшерүү ишин жүргүздү. Бул тууралуу Ош шаардык ИИБ билдирди.

Маалыматка караганда, факты Жоруктар кодексинин 121-беренеси менен каттоого алынып, сотко чейинки өндүрүш иши башталган. Анын жүрүшүндө 38 жаштагы Зергер айыл өкмөтүнүн Х.А.С. аттуу тургуну кармалган. Ал ИЖ-161 ПС үлгүсүндөгү куралды Россиядан 32 миң рублга сатып алганын билдирип, төмөнкүлөрдү айтып берген.

"Москвада көп жылдан бери жашайм. 21 жаштагы баламды үйлөнтүү үчүн сентябрь айында Кыргызстанга келгем. Москвадан куралды сатып алып жатканда сатуучу буга эч кандай уруксат кагаздын кереги жоктугун, себеби бул жөн гана үн чыгаруучу автомат экенин түшүндүргөн. Мындан улам баламдын тоюнда атам деп сатып алгам. Аэропорттон мени тоскоолдуксуз коё беришкен. 25-сентябрда баламдын дос балдары Ош шаарындагы тойго кетип баратып үйдүн короосунан аткылашкан", — деп билдирген Х.А.

Учурда сотко чейинки өндүрүш ишинин алкагында далил буюм катары алынган ИЖ-161 СХ-АК74М 5,45х39 20816834 үлгүсүндөгү үн чыгарып жарык берүүчү куралга соттук баллистикалык экспертиза дайындалды. Текшерүү иштери уланууда.

205
Белгилер:
Өзгөн, той, курал, милиция
Тема боюнча
Бишкек: милиция Пермдеги окуядан соң окуучуларга түшүндүрүү иштерин жүргүздү. Сүрөт
Жаза аткаруу мамлекеттик кызматынын төрагасынын биринчи орун басары Таалайбек Нуралиев. Архивдик сүрөт

Коррупцияга шектелген ЖАМК жетекчисинин орун басары Нуралиев кызматтан алынды

107
(жаңыланган 16:02 25.09.2021)
Нуралиев августтун башында кармалган. Анын иш бөлмөсүнөн жана үйүнөн акча каражаты, курал-жарак жана соттолгондор жасаган буюмдар табылган.

БИШКЕК, 25-сен. — Sputnik. Жаза аткаруу мамлекеттик кызматынын төрагасынын биринчи орун басары Таалайбек Нуралиев кызматтан алынганын ЖАМКтын маалымат кызматы кабарлады.

Буйрукка 16-сентябрда юстиция министри Асел Чынбаеванын сунушу менен министрлер кабинетинин башчысы Улукбек Марипов кол койгон.

Нуралиев августтун башында кармалган. Ал соттолгон жарандарды мөөнөтүнөн мурда бошотуу, абактагы шарттарын жеңилдетүү, ошондой эле орто звенодогу жетекчилердин мыйзамсыз аракеттерин жаап-жашырып жүргөнү үчүн системалык түрдө акча алып келгени айтылган.

Сотко чейинки өндүрүштүн алкагында 2-август күнү Нуралиевдин иш бөлмөсүн тинткенде 3500 доллар, 59 000 сом, уюлдук телефон жана майда калибрдеги курал чыккан.

Ал эми жашаган үйүн текшергенде ТТ үлгүсүндөгү тапанча жана жылмакай курал табылган. Аны менен катар абакта отурган соттолуучулар тарабынан жасалган стол, отургуч, кылыч, бычак, сандык, нарда сыяктуу буюмдар болгон.

Нуралиев УКМКнын убактылуу кармоочу жайына киргизилген.

107
Белгилер:
ЖАМК, Таалайбек Нуралиев, кызмат, бошотуу, коррупция
Тема боюнча
Туйгунаалы Абдраимов тергөөгө келип туруу милдеттемесин алып сурактан чыкты
Марафондун катышуучулары. Архив

5 миң киши чуркаган марафондон түшкөн каражат кайда жумшалат. Видео

0
Toyboss Snow Leopard Run — 2021 жарым марафонунун уюштуруучулары андан түшкөн акчага егерлерге автоунаа сатып баерүүнү пландап жатышат.

БИШКЕК, 26-сен. — Sputnik. Бишкекте ак илбирсти сактоого багытталган эл аралык Toyboss Snow Leopard Run — 2021 жарым марафону өттү.

Иш-чарага 5 миңден ашык киши катышты. Катышууга төлөнгөн каражат илбирсти жана экосистеманы коргоо боюнча глобалдык программага (GSLEP) которулат. Былтыркы марафондогу каражатка ар бири 500 доллардан турган 35 фотокапкан сатып алынган. Быйыл уюштуруучулар уюмдун жетекчилери жана токойчулар үчүн эки "Нива" автоунаасын алып берүүнү көздөп жатат. Анткени аларга тоолуу аймактарда жөө жүрүү кыйынчылык жаратууда.

Жарыш "Ала-Тоо" аянтынан башталып, жөө күлүктөр калаанын негизги көчөлөрүн айланып 5, 14 жана 21.1 чакырым аралыкка чуркашты. Ошондой эле 3төн 10 жашка чейинки балдар да катышты. 10 жаштан жогорку балдар 1 чакырымга, 14 жаштан өткөндөр 5 чакырымга чуркады.

0
Белгилер:
Бишкек, марафон, каражат, жардам, ак илбирс
Тема боюнча
Ошто COVID баштаган ооруларды алдын алууга арналган марафон өттү. Сүрөттөр