Ош шаарында Hyunday Avante үлгүсүндөгү автоунаанын айдоочусу түркүктү сүздү

Ош: унаа түркүктү сүзүп, бир киши каза таап, үчөө ооруканага жеткирилди. Сүрөт

577
(жаңыланган 18:08 31.07.2021)
Каргаша бүгүн түштөн кийин болду. Автокөлүк түркүктү сүзгөндөн кийин оодарылып, артында отуруп бараткан жүргүнчүлөрдүн бири ошол жерден жан берген.

БИШКЕК, 31-июл. — Sputnik. Ош шаарында Hyunday Avante үлгүсүндөгү автоунаанын айдоочусу түркүктү сүзүп, анын кесепетинен бир адам көз жумуп, үч киши жабыркады. Бул тууралуу Sputnik Кыргызстан агенттигинин кабарчысы жеринен билдирди.

  • В городе Оше машина марки Hyundai врезалась в ограждение на обочине дороги, один человек скончался на месте
    Ош шаарында Hyunday Avante үлгүсүндөгү автоунаанын айдоочусу түркүктү сүзүп, анын кесепетинен бир адам көз жумуп, үч киши жабыркады.
    © Фото / Зульфия Тургунова
  • В городе Оше машина марки Hyundai врезалась в ограждение на обочине дороги, один человек скончался на месте
    Кырсык бүгүн, 31-июлда, саат 16:00 чамасында болгон.
    © Фото / Зульфия Тургунова
1 / 2
© Фото / Зульфия Тургунова
Ош шаарында Hyunday Avante үлгүсүндөгү автоунаанын айдоочусу түркүктү сүзүп, анын кесепетинен бир адам көз жумуп, үч киши жабыркады.

Кырсык бүгүн, 31-июлда, саат 16:00 чамасында болгон. Анда Исхак Раззаков көчөсүнөн Кара-Суу районун көздөй бара жаткан автокөлүктүн айдоочусу рулду башкара албай жол четиндеги түркүктү сүзүп, оодарылып кеткен.

"Кырсыкта терезелери талкаланып, айдоочу автоунаадан ыргып кеткен. Артта отуруп бараткан жүргүнчүлөрдүн бири ошол жактан мерт кеткен. Күбөлөрдүн айтымында, алар досунун үйлөнүү тоюна келип, эс алып жүрүшкөн", — деп билдирди кабарчы.

Автоунаанын ичиндеги төрт адам тең 24 жашта болгон. Жабыркаган үчөө Кара-Суу райондук ооруканасына жеткирилди.

Окуя болгон жерде учурда Ош шаарынын кайгуул милициясы иштеп жатат, автокөлүк айып короого киргизилди.

577
Белгилер:
Ош, жол кырсык, унаа, өлүм
Тема:
2021-жылдын башынан бери Кыргызстанда болгон жол кырсыктар (176)
Тема боюнча
Боомдогу үрөй учурган жол кырсык. Милиция канча киши жабыркаганын айтты
Бишкекте жол кырсыгы болуп, бир киши көз жумду. Видео  
Водолаз. Архив

Балык уулайм деп... Аламүдүндө суудан 63 жаштагы кишинин сөөгү табылды

5
(жаңыланган 11:10 28.10.2021)
Балык кармайм деп кеткен киши эки күндөн бери изделип жаткан. Куткаруучулар анын сөөгүн ИИМ кызматкерлерине өткөрүп беришкен.

БИШКЕК, 28-окт. — Sputnik. Аламүдүн районунун Виноградное айылында суудан 63 жаштагы кишинин сөөгү табылды. Бул тууралуу ӨКМдин маалымат кызматы кабарлады.

Ага ылайык, 26-октябрь күнү болжол менен саат 11:00дө 102 кызматына Ч.А. аттуу 63 жаштагы эркек киши Ат-Башы каналынан балык уулоого чыгып кеткен бойдон дайынсыз жоголгондугу тууралуу маалымат түшкөн.

28-октябрда жерине издөө иштерин жүргүзүү үчүн ӨКМдин Аламүдүн районунун төрт куткаруучусу барган. Алар изделип жатканын кишинин сөөгүн суудан таап, ИИМ кызматкерлерине өткөрүп бергени айтылды.

5
Белгилер:
ӨКМ, сөөк, суу, балык, кырсык
Тема боюнча
Баткенде издөөдөгү 33 жаштагы кишинин сөөгү өз үйүнүн ажатканасынан табылды
Чүй облусундагы Бишкек — Нарын — Торугарт унаа жолунун 65-чакырымында болгон жол кырсыгынан эки адам каза болду

Чүйдө бакты сүзгөн унаадагы эки адам мүрт кетти. Окуя болгон жерден сүрөт

152
(жаңыланган 12:28 27.10.2021)
Чүй облусунун аймагындагы эки адамдын өмүрүн алган жол кырсыктын келип чыгышына айдоочунун рулга ээ боло албай калышы себеп болгон. Унаа жолдон чыгып, бакты сүзгөн.

БИШКЕК, 27-окт. — Sputnik. Чүй облусундагы Бишкек — Нарын — Торугарт унаа жолунун 65-чакырымында болгон жол кырсыгынан эки адам каза болду. Бул тууралуу ӨКМ билдирди.

Маалыматка ылайык, Mercedes Benz C 180 үлгүсүндөгү автоунаанын айдоочусу рулду башкара албай калып, жолдон чыгып бакты сүзгөн.

Последствия ДТП на 65 километре автодороги Бишкек — Нарын — Торугарт
© Фото / пресс-служба МЧС
Mercedes Benz C 180 үлгүсүндөгү автоунаанын айдоочусу рулду башкара албай калып, жолдон чыгып бакты сүзгөн

Кырсыктын кесепетинен бир аял жана бир эркек каза болуп, дагы бир киши жабыркаган. Куткаруучулар набыт болгондордун сөөгүн милицияга өткөрүп беришкен.

Ал эми жабыркаган жаран менчик унаа менен Токмок шаардык ооруканасына жеткирилген.

152
Белгилер:
жол кырсык, өлүм, Чүй облусу
Тема:
2021-жылдын башынан бери Кыргызстанда болгон жол кырсыктар (176)
Тема боюнча
Суусамырдагы жол кырсыгынан эки адам мерт болуп, 10 киши жабыркады. Сүрөт
Ысык-Көлдүн Кырчынында КамАЗ сайга кулап, бир киши каза тапты. Сүрөттөр
Капельницалар улануу учурунда. Архив

Бишкекте тамакка ууланган адамдардын саны 300гө жетти

0
(жаңыланган 11:13 28.10.2021)
Уулануу өткөн ишембиде катталып, жабыркагандардын саны улам өсүүдө. Учурда ооруканада 31 киши дарыланып жатат, анын бешөө балдар.

БИШКЕК, 28-окт. — Sputnik. Бишкекте тамактан ууланып ооруканага кайрылгандардын саны 300гө жетти. Бул тууралуу Sputnik агенттигине Бишкек шаардык санитардык-эпидемиологиялык көзөмөл борборунун бөлүм башчысы Махамат Мурзашев билдирди.

Буга чейин кайрылгандар 253 болчу. Мурзашевдин айтымында, кечээ кечинде алардын саны 290го жетип, эртең менен 300 болду.

Учурда ооруканада 31 киши дарыланууда, анын бешөө балдар. Абалы туруктуу деп бааланууда. Бейтаптар акырындан үйүнө чыгарылып жатат. Кечээ стационарда 60 киши бар болчу.

Эске салсак, тамакка уулангандар 23-24-октябрь күндөрү ооруканага түшө баштаган. Санэпидкөзөмөл уулангандар Бишкектеги "Империя пиццы" кафесинин төрт филиалынан суши-ролл жегенин кабарлаган. 25-октябрь күнү уулангандардын саны 85ке, 26-октябрда 179га жеткен.

Белгилей кетсек, Саламаттык сактоо министрлиги 25-октябрдан тарта ууланып ооруканага кайрылган адамдардын саны боюнча маалыматтарды берип жатат. Бирок пресс-релизде жабыркагандар кайсы жерден жана кандайча ууланганы так көрсөтүлгөн эмес. Болгону "Бишкектеги массалык уулануу" деп жазылган.

Ал арада Кыргызстанда тамак-аш саткан объектилерди текшерүүгө киргизилген мораторий жокко чыгарылды.

Кафенин филиалдарынын администрациясына жалпы суммасы 30,5 миң сомдук беш протокол түзүлгөн.

0
Белгилер:
Бишкек, тамак, уулануу, бейтап
Тема:
Бишкектин кафесиндеги массалык уулануу
Тема боюнча
Кыргызстанда кайсы объектилер капилет текшерилиши мүмкүн. Тизме