Бишкек — Нарын — Торугарт унаа жолунун Тоң районундагы бөлүгүндө катталган жол кырсыгы

Ысык-Көлдөгү жол кырсыктан каза болгондордун саны жетиге жетти

285
(жаңыланган 17:47 17.08.2021)
Беш адам каргаша болгон жерде мерт болгон. Ал эми дагы экөө ооруканада көз жумган. Жалпысынан 23 адам жол кырсыгына кабылган.

БИШКЕК, 17-авг. — Sputnik. Бишкек — Нарын — Торугарт унаа жолунун Тоң районундагы бөлүгүндө катталган жол кырсыгынан каза болгондордун саны жетиге жетти. Бул тууралуу Өзгөчө кырдаалдар министрлиги билдирди.

Такталган маалымат боюнча, кан жолдун 168-чакырымында (Кубакы ашуусу) жүргүнчү ташуучу Mercedes-Benz Sprinter жана МAN үлгүлөрүндөгү унаалар кагылышкан. Беш адам (2 эркек, 3 аял) мүрт кеткен. Дагы эки адам ооруканада көз жумган.

"Жеринде каза болгондор Балыкчы шаардык ооруканасынын өлүк сактоочу жайына жеткирилген. Ал эми жаракат алган үч адам ооруканага жаткырылган. Нарындын Кочкор райондук ооруканасына жалпысынан 15 адам жеткирилген. Анын ичинен бир ымыркай жана 74 жаштагы эркек киши ооруканадан көз жумган. Жалпысынан 23 адам жол кырсыгына кабылып, жети адам каза болгон", — деп айтылат билдирүүдө.

Каза болгон жана жабыркаган жарандардын аты-жөнү учурда такталууда. Кырсык катталган жерге Балыкчы шаардык №19 ӨКБдан 4 куткаруучу барып жабыркагандарды Тез жардам кызматына өткөрүп берген.

285
Белгилер:
жол кырсык, микроавтобус, Ысык-Көл, Нарын, өлүм
Тема:
2021-жылдын башынан бери Кыргызстанда болгон жол кырсыктар (176)
Тема боюнча
Корумдуда үч унаа кагышкан кырсыктан эки адам көз жумуп, сегизи ооруканага түштү
Ысык-Көлдө Sprinter менен MAN кагышкан кырсыктан 5 адам көз жумду
Водолаз. Архив

Балык уулайм деп... Аламүдүндө суудан 63 жаштагы кишинин сөөгү табылды

9
(жаңыланган 11:10 28.10.2021)
Балык кармайм деп кеткен киши эки күндөн бери изделип жаткан. Куткаруучулар анын сөөгүн ИИМ кызматкерлерине өткөрүп беришкен.

БИШКЕК, 28-окт. — Sputnik. Аламүдүн районунун Виноградное айылында суудан 63 жаштагы кишинин сөөгү табылды. Бул тууралуу ӨКМдин маалымат кызматы кабарлады.

Ага ылайык, 26-октябрь күнү болжол менен саат 11:00дө 102 кызматына Ч.А. аттуу 63 жаштагы эркек киши Ат-Башы каналынан балык уулоого чыгып кеткен бойдон дайынсыз жоголгондугу тууралуу маалымат түшкөн.

28-октябрда жерине издөө иштерин жүргүзүү үчүн ӨКМдин Аламүдүн районунун төрт куткаруучусу барган. Алар изделип жатканын кишинин сөөгүн суудан таап, ИИМ кызматкерлерине өткөрүп бергени айтылды.

9
Белгилер:
ӨКМ, сөөк, суу, балык, кырсык
Тема боюнча
Баткенде издөөдөгү 33 жаштагы кишинин сөөгү өз үйүнүн ажатканасынан табылды
Чүй облусундагы Бишкек — Нарын — Торугарт унаа жолунун 65-чакырымында болгон жол кырсыгынан эки адам каза болду

Чүйдө бакты сүзгөн унаадагы эки адам мүрт кетти. Окуя болгон жерден сүрөт

153
(жаңыланган 12:28 27.10.2021)
Чүй облусунун аймагындагы эки адамдын өмүрүн алган жол кырсыктын келип чыгышына айдоочунун рулга ээ боло албай калышы себеп болгон. Унаа жолдон чыгып, бакты сүзгөн.

БИШКЕК, 27-окт. — Sputnik. Чүй облусундагы Бишкек — Нарын — Торугарт унаа жолунун 65-чакырымында болгон жол кырсыгынан эки адам каза болду. Бул тууралуу ӨКМ билдирди.

Маалыматка ылайык, Mercedes Benz C 180 үлгүсүндөгү автоунаанын айдоочусу рулду башкара албай калып, жолдон чыгып бакты сүзгөн.

Последствия ДТП на 65 километре автодороги Бишкек — Нарын — Торугарт
© Фото / пресс-служба МЧС
Mercedes Benz C 180 үлгүсүндөгү автоунаанын айдоочусу рулду башкара албай калып, жолдон чыгып бакты сүзгөн

Кырсыктын кесепетинен бир аял жана бир эркек каза болуп, дагы бир киши жабыркаган. Куткаруучулар набыт болгондордун сөөгүн милицияга өткөрүп беришкен.

Ал эми жабыркаган жаран менчик унаа менен Токмок шаардык ооруканасына жеткирилген.

153
Белгилер:
жол кырсык, өлүм, Чүй облусу
Тема:
2021-жылдын башынан бери Кыргызстанда болгон жол кырсыктар (176)
Тема боюнча
Суусамырдагы жол кырсыгынан эки адам мерт болуп, 10 киши жабыркады. Сүрөт
Ысык-Көлдүн Кырчынында КамАЗ сайга кулап, бир киши каза тапты. Сүрөттөр
Капельницалар улануу учурунда. Архив

Бишкекте тамакка ууланган адамдардын саны 300гө жетти

15
(жаңыланган 11:13 28.10.2021)
Уулануу өткөн ишембиде катталып, жабыркагандардын саны улам өсүүдө. Учурда ооруканада 31 киши дарыланып жатат, анын бешөө балдар.

БИШКЕК, 28-окт. — Sputnik. Бишкекте тамактан ууланып ооруканага кайрылгандардын саны 300гө жетти. Бул тууралуу Sputnik агенттигине Бишкек шаардык санитардык-эпидемиологиялык көзөмөл борборунун бөлүм башчысы Махамат Мурзашев билдирди.

Буга чейин кайрылгандар 253 болчу. Мурзашевдин айтымында, кечээ кечинде алардын саны 290го жетип, эртең менен 300 болду.

Учурда ооруканада 31 киши дарыланууда, анын бешөө балдар. Абалы туруктуу деп бааланууда. Бейтаптар акырындан үйүнө чыгарылып жатат. Кечээ стационарда 60 киши бар болчу.

Эске салсак, тамакка уулангандар 23-24-октябрь күндөрү ооруканага түшө баштаган. Санэпидкөзөмөл уулангандар Бишкектеги "Империя пиццы" кафесинин төрт филиалынан суши-ролл жегенин кабарлаган. 25-октябрь күнү уулангандардын саны 85ке, 26-октябрда 179га жеткен.

Белгилей кетсек, Саламаттык сактоо министрлиги 25-октябрдан тарта ууланып ооруканага кайрылган адамдардын саны боюнча маалыматтарды берип жатат. Бирок пресс-релизде жабыркагандар кайсы жерден жана кандайча ууланганы так көрсөтүлгөн эмес. Болгону "Бишкектеги массалык уулануу" деп жазылган.

Ал арада Кыргызстанда тамак-аш саткан объектилерди текшерүүгө киргизилген мораторий жокко чыгарылды.

Кафенин филиалдарынын администрациясына жалпы суммасы 30,5 миң сомдук беш протокол түзүлгөн.

15
Белгилер:
Бишкек, тамак, уулануу, бейтап
Тема:
Бишкектин кафесиндеги массалык уулануу
Тема боюнча
Кыргызстанда кайсы объектилер капилет текшерилиши мүмкүн. Тизме