Кишен. Архивдик сүрөт

"Ислам мамлекетинин" башчылары жөнөткөн. УКМК 27 жаштагы кишини кармады

193
(жаңыланган 14:15 20.08.2021)
Кармалган жаран 2016-жылы куралдуу кагылышууга катышуу үчүн Сириядагы чыр-чатактар зонасына кеткени аныкталган.

БИШКЕК, 20-авг. — Sputnik. Өлкөгө бир катар террористтик уюмдарды үгүттөө үчүн жалданып келген деген шек менен 27 жаштагы кыргызстандык кармалды. Бул туурасында УКМКнын маалымат кызматы билдирди.

Ал С.Ж. аттуу Баткен облусунун тургуну болгон. 

Задержанный по подозрению в прибытии в Кыргызстан для вербовки рекрутов в ряды террористических организаций
© Фото / пресс-служба ГКНБ
27 жаштагы кыргызстандык шектүү

Атайын кызмат билдиргендей, кармалган жаран 2016-жылы "Ислам мамлекети"* эл аралык террористтик уюмунун бандиттик түзүлүштөрү тарабындагы куралдуу кагылышууга катышуу үчүн Сириядагы чыр-чатактар аймагына кеткен.

"С.Ж. террордук топтун катарына адамдарды тартуу жана андан ары Сирия менен Афганистанга өткөрүп берүү максатында "Ислам мамлекети" эл аралык террористтик уюмунун жетекчилеринин көрсөтмөсү менен Кыргызстанга келген", — деп айтылат маалыматта.

Сотко чейинки өндүрүштүн алкагында кармалган адам убактылуу кармоочу жайга киргизилди.

Учурда УКМК аны менен болгон кылмыштуу байланыштарды аныктоо боюнча ыкчам иш-чаралардын комплексин улантууда.

"Ислам мамлекети"* — Кыргызстанда жана башка мамлекеттерде террористтик уюм катары тыюу салынган уюм болуп саналат.

193
Белгилер:
УКМК, кармоо, террордук уюм, 'Ислам мамлекети' террордук тобу
Тема боюнча
УКМК Сирияга согушкерлерди тартуу менен алектенген адамды кармады. Сүрөт
Кыргызстанга чет жактан теракт жасаганы келген жан кечти колго түштү
Милиция кызматкерлери Бишкектеги Фрунзе заводунун аймагынан бомба издөө учурунда

Бишкекте Фрунзе заводунун аймагынан бомба издеп жатышат

45
(жаңыланган 17:18 20.09.2021)
Милицияга бомба тууралуу эки саат мурун чалуу түшкөн. Учурда заводдун аймагында издөө иштери жүрүп жатат.

БИШКЕК, 20-сен. — Sputnik. Борбор калаадагы Фрунзе заводунун аймагынан бомба изделип жатат. Бул тууралуу Ленин райондук милициянын маалымат кызматы билдирди.

Жарылуучу зат коюлганы тууралуу жашыруун билдирүү милицияга саат 14:50дө түшкөн.

Сотрудники милиции во время поисков бомбы, на территории завода имени Фрунзе в Бишкеке. 20 сентября 2021 года
Жарылуучу зат коюлганы тууралуу жашыруун билдирүү милицияга саат 14:50дө түшкөн

Жерине ыкчам-тергөө тобу, Ленин райондук жана Бишкек шаардык милициянын жетекчилиги чыгып кеткен.

Жарандардын коопсуздугун камсыздоо жана эвакуациялоо максатында заводдун аймагы курчоого алынган. Ошондой эле УКМКнын кызматкерлери дагы келген.

Учурда издөө жана текшерүү иштери жүрүп жатат. Кенен маалымат кийинчерээк берилет.

45
Белгилер:
Бишкек, завод, бомба, издөө
Тема боюнча
ЦУМ менен ГУМда бомба бар деп кабарлоого шектелген аял камакка алынды
Студенттер Пермь университеттин терезелеринен секирип түшүп жатышат

Пермдеги элди аткан студент полиция кызматкерине да ок чыгарган. Чоо-жайы

53
(жаңыланган 16:54 20.09.2021)
Тартип сакчысы куралчан студентти жарадар кылгандан кийин чуркап келип, куралын колунан алып, андан соң биринчи жардам көрсөткөн.

БИШКЕК, 20-сен. — Sputnik. Пермь мамлекеттик изилдөө университетинде элди аткан студент кирип келе жаткан полиция кызматкерине да ок чыгарган. Бирок тартип сакчы аны жарадар кылып, куралсыздандырып, андан соң биринчи жардам көрсөткөн. Бул тууралуу РИА Новости жазды.

"Окуя болгон жерге биринчилерден болуп Пермь шаарынын Жол кыймылы коопсуздугу боюнча мамлекеттик автоинспекциянын Жол кайгуул кызматы келген. Полициянын лейтенанты Константин Калинин имараттын башкы корпусуна кирип, ал эми кесиптеши ага лейтенант Владимир Макаров элди эвакуациялай баштаган. Калинин имараттын ичинен куралдуу адамды көргөн. Аны байкап калган кылмышкер лейтенантты көздөй бир нече ирет аткылаган. Ага жооп кылган тартип сакчысы куралчанды жарадар кылып, чуркап келип, куралын колунан алгандан кийин биринчи жардам көрсөткөн", — деп айткан ИИМдин өкүлү Ирина Волк.

Ал тартип сакчылар учурда жогорку окуу жайдын аймагын көзөмөлдөп тургандыгын кошумчалады.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, сегиз киши каза таап, 28и жаракат алган. Шектүү кармалган.

53
Белгилер:
Россия, Пермь, Университет, ок чыгаруу, өлүм, полиция
Тема боюнча
Казань шаарындагы мектепте өспүрүм ок чыгарып, 8 киши каза болду. Видео
Жогорку Кеңештин депутаты Тазабек Икрамов

Тазабек Икрамов Армения менен Азербайжанга бир элчи дайындоого чакырды. Видео

0
(жаңыланган 17:55 20.09.2021)
Дипломат Азербайжанда элчилик бар экенин, бирок ал жерден Арменияны кароого мүмкүнчүлүк жоктугун айтты.

БИШКЕК, 20-сен. — Sputnik. Тышкы иштер министрлиги Кыргызстандын Россиядагы элчилигине Арменияны дагы кошуп берүүнү сунуштады.

Бүгүн парламенттин Эл аралык иштер, коргоо жана коопсуздук боюнча комитетине ТИМ башчысынын орун басары Нуран Ниязалиев Ереванда дипломатиялык өкүлчүлүк жок болгондуктан Москвадагы элчилик аркылуу кызматташуу демилгесин кароону сунуштады.

Жыйында комитеттин төрагасы Тазабек Икрамов андан көрө Армения менен Азербайжанга бир элчи дайындоо туура болмоктугун билдирди.

"Негизи Россия чоң, элчиликтегилер өзүнө жетише албайт. Сиздер Азербайжан, Армения, Грузия кылып эле бул жакка кошсоңуздар болмок. Ал жакта биздин жарандар азчылыкты түзөт. Эмне үчүн бардыгын бириктирип бербей, өздөрү жетишпей, мигранттарыбызды камсыздай албай жаткан Россиядагы элчибизге Арменияны кошуп берип жатасыздар", — деп нааразы болду Икрамов.

Анда Ниязалиев Азербайжанда элчилик бар экенин, бирок ал жерде жайгашып туруп Арменияны кароого мүмкүнчүлүк жоктугун айтты. Эки мамлекеттин ортосундагы мамилеге байланыштуу Армения тарап буга уруксат бербесин эскертти. Андыктан алар Россияда туруп кызматташууну улантууга макул болушкан. Ал эми Грузияны Бакудагы элчилик тейлей турганын кошумчалады.

"Бул жерде, албетте, сөзсүз түрдө саясий көз карашын да эске алышыбыз керек. Анан кабыл ала турган мамлекеттин уруксатына жараша иш жүргүзөбүз", — деди министрдин орун басары.

Эскерте кетсек, өткөн жылы сентябрь айында Азербайжан менен Армения Тоолуу Карабахты талашып согушкан. Эки тарап тең жоготууга учурап, миңдеген адам набыт болгон.

 

0
Белгилер:
Тазабек Икрамов, Армения, Азербайжан, элчи, дайындоо
Тема боюнча
Икрамов ЕККУ отурумуна катышып, Азербайжан, Норвегия депутаттары менен жолукту