Ысык-Ата районунун Бишкек-Нарын-Торугарт унаа жолундагы жол кырсык

Чүйдө бетонду сүзгөн автоунаанын таш-талканы чыгып, үч адам каза болду

861
(жаңыланган 21:46 20.08.2021)
Чүйдүн Ивановка айылында болгон жол кырсыгында үч адам каза болду. Бирөө жаш бала. Жабыркагандар Тез жардам кызматына өткөрүлүп берилген.

БИШКЕК, 20-авг. — Sputnik. Ысык-Ата районунун Бишкек—Нарын—Торугарт унаа жолунун 50-чакырымында (Ивановка айылы) болгон жол кырсыктан үч адам каза болгон. Бул тууралуу ӨКМ билдирди.

Маалыматка ылайык, Mercedes-Benz үлгүсүндөгү унаанын айдоочусу жолдун ортосундагы бетон тосмону сүзгөн. 

Последствия ДТП  на Daymler Chrysler на 50-м километре трассы Бишкек — Токмок, где автомобиль врезался в бетонное ограждение.
© Фото / пресс-служба МЧС КР
Mercedes-Benz үлгүсүндөгү унаанын айдоочусу жолдун ортосундагы бетон тосмону сүзгөн

Кырсыктын кесепетинен үч адам (бир эркек, бир аял, бир бала — ӨКМ) жеринде каза болуп, дагы үчөө (эки аял, бир эркек — ӨКМ) жабыркаган. Учурда каза болгондордун жана жабыркагандардын ким экени такталууда.

Жерине Токмок шаардык № 21 ӨКБдан төрт куткаруучу тартылып, жабыркаган адамдарды унаадан чыгарып Тез жардам кызматына өткөрүп берген. Ал эми каза болгондорду куткаруучулар келгенге чейин Тез жардам кызматы алып кеткен.

861
Белгилер:
жол кырсык, унаа, өлүм, ӨКМ, Кыргызстан
Тема:
2021-жылдын башынан бери Кыргызстанда болгон жол кырсыктар (170)
Тема боюнча
Тетиктери чачырап кеткен. Бишкектеги жол кырсыктан бир адам набыт болду. Видео
Жолду оңдоо иштерин жасап жаткан жумушчу. Архив

Бишкек: мас айдоочу сүзгөн жолчу ошол жерден көз жумду. Сүрөт

13
(жаңыланган 13:14 18.10.2021)
Трагедия өткөн түнү борбор калаадагы Горький көчөсүндө болгон. Жумушчунун жолдун тилкесинде иштеп жатканы айтылды.

БИШКЕК, 18-окт. — Sputnik. Бишкекте Mazda Demio автоунаасы менен бара жаткан мас айдоочу Горький көчөсүндө жол оңдоп иштеп жаткан жумушчуну койдуруп кетти. Бул туурасында Милициянын кайгуул кызматынан кабарлашты.

Кырсык болжол менен саат 01:55 чамасында болгон. Mazda Demio автоунаасын 20 жаштагы И. Б. аттуу жарандын айдап бара жатканы айтылды.

Трагедиялуу окуянын сүрөттөрү менен видеосу активист Болот Ибрагимовдун каналына жарыяланган.

"Айдоочу Горький көчөсү менен батышты көздөй бара жаткан. Айдаралиев көчөсү менен кесилишкен жерде жолдун оңдолуп жатканын эскерткен белгиге карабай, мас айдоочу ошол жерде иштеп жаткан 27 жаштагы Т. Ы. аттуу жумушчуну ("Аргын-Курулуш" компаниясында эмгектенген) койдуруп кеткен", — деп айтып беришти Кайгуул милициясынан.

Жумушчу ошол жерден көз жумган.

Автомобиль айып короого токтотулуп, айдоочу Бишкек шаардык милициясынын тергөө кызматына жеткирилип, экспертизалык иштер уланууда.

Кайгуул милициясы коомчулукка жолдон мас айдоочуну көрүп калгандарды 102 кызматына же 0(509) 102 122 номерине кайрылып, кабарлап коюуну суранды.

13
Белгилер:
Бишкек, жол кырсык, айдоочу, жумушчу, өлүм, милиция
Тема:
2021-жылдын башынан бери Кыргызстанда болгон жол кырсыктар (170)
Тема боюнча
Бакты сүзгөн. Кеминдеги кырсыкта эки адам көз жумуп, үчөө жабыркады
12 жаштагы бала бар... Таласта 8 адамдын өмүрүн алган жол кырсыктын чоо-жайы
Жол кырсыкка түшкөн автоунаа. Иллюстративдик сүрөт

Бакты сүзгөн. Кеминдеги кырсыкта эки адам көз жумуп, үчөө жабыркады

313
(жаңыланган 09:55 18.10.2021)
Кырсыктан 17 жаштагы С.Т. аттуу бала каза тапкан. Көз жумган кыз менен жабыркаган үч кишинин жашы, аты-жөнү такталууда.

БИШКЕК, 18-окт. — Sputnik. Чүйдө Daewoo Nexia унаасынын айдоочусу рулга ээ боло албай жолдон чыгып бакты сүзгөн. Анын айынан эки киши каза таап, дагы үчөө жабыркады. Бул тууралуу ӨКМдин маалымат кызматы кабарлады.

ДТП со смертельным исходом произошедшее в Кеминском районе. 18 октября 2021 года
© Фото / пресс-служба МЧС КР
Чүйдө Daewoo Nexia унаасынын айдоочусу рулга ээ боло албай жолдон чыгып бакты сүзгөн. Анын айынан эки киши каза таап, дагы үчөө жабыркады

Каргаша кечээ, 17-октябрь күнү, Кемин районунун Ударник айылынын Ленин көчөсүндө болгон.

Кырсыктан 17 жаштагы С.Т. аттуу бала каза тапкан. Көз жумган кыз менен жабыркаган үч кишинин жашы, аты-жөнү такталууда.

Куткаруучулар каза болгон жана жабыркаган жарандарды унаадан чыгарып Тез жардам кызматкерлерине өткөрүп беришкен.

313
Белгилер:
Чүй облусу, Кемин району, ӨКМ, жол кырсык, өлүм
Тема:
2021-жылдын башынан бери Кыргызстанда болгон жол кырсыктар (170)
Тема боюнча
12 жаштагы бала бар... Таласта 8 адамдын өмүрүн алган жол кырсыктын чоо-жайы
Кар учурунда жолдөн өтүп бараткан адамдар. Архив

Ноябрь айында аба ырайы кандай болот. Синоптиктердин божомолу

0
(жаңыланган 13:35 18.10.2021)
"Кыргызгидрометтин" маалыматына караганда, алдыдагы айда абанын айлык орточо температурасы климаттык норманын чегинде болот.

БИШКЕК, 18-окт. — Sputnik. Кыргызгидромет агенттиги ноябрь айына карата аба ырайынын божомолу тууралуу маалымат берди.

© Фото / Кыргызгидромет
Ноябрь абанын орточо температурасы

Ага ылайык, абанын айлык орточо температурасы жана жаан-чачындын айлык көлөмү нормага жакын болушу күтүлүүдө.

© Фото / Кыргызгидромет
Ноябрдагы жаан-чачындын орточо көлөмү

Чүй облусу

Абанын айлык орточо температурасы климаттык норманын чегинде болуп, 3…5 градус жылуу, тоо этектеринде жана Кемин өрөөнүндө -1 градус сууктан +1 градуска чейин жылыйт. 

Ай ичинде абанын температурасы күндүз 5…10 градустан  12…17 градуска чейин жылып, бирок кээ бир күндөрү -2ден +3 градуска чейин төмөндөшү мүмкүн.

Кемин өрөөнүндө жана тоо этектериндеги райондордо абанын температурасы түнкүсүн 0…-5° сууктун тегерегинде болуп, күндүз 2…7ден  8…13 градуска чейин жетет. Жаан-чачындын айлык көлөмү норманын чегинде болору  күтүлүүдө.

Талас облусу

Абанын айлык орточо температурасы климаттык норманын чегинде туруп, 1…3 градус жылуу болушу күтүлөт.

Ай ичинде абанын температурасы түнкүсүн -4...+1, күндүз 10…15 градуска чейин жылышы мүмкүн. Анткен менен кээ бир түндөрү температура  -6…-11 градуска чейин түшөт. Жаан-чачындын айлык көлөмү нормага жакын болот.

Ош облусу

Абанын айлык орточо температурасы климаттык норманын чегинде болуп, 5…7, тоо этектериндеги райондордо 3…5 градус жылуу болот.

Ай ичинде абанын температурасы түнкүсүн 5…10 градус, күндүз 12…17 градуска чейин жылуу болушу ыктымал.

Тоо этектериндеги райондордо -2…+3төн тарта 2…7 градуска чейин жылып, кээ бир түндөрү -3…-8 градуска чейин муздашы мүмкүн. Жаан-чачындын айлык көлөмү нормага жакын болушу күтүлүүдө.

Жалал-Абад району

Абанын айлык орточо температурасы климаттык норманын чегинде болуп 5…7, тоо этектериндеги райондордо 3…5 градус жылуу болору божомолдонууда.

Ай ичинде абанын температурасы түнкүсүн -2…+3төн тарта 5…10 градуска чейин, күндүз 6…11ден башталып, 12…17 градуска чейин жылыйт.

Токтогул районунда ай ичинде абанын температурасы түнкүсүн -4…+1ден 2…7 градуска чейин, күндүз 2…7ден башталып,  8…13 градуска чейин жылыйт. Жаан-чачындын айлык көлөмү нормага жакын болот.

Баткен облусу

Абанын айлык орточо температурасы климаттык норманын чегинде туруп 5…7, тоо этектериндеги райондордо 3…5 градус жылуу болот. 

Ай ичинде абанын температурасы түнкүсүн -2…+3төн тарта 5…10го чейин, күндүз 6…11ден 12…17 градуска чейин жылуу болору божомолдонууда. Жаан-чачындын айлык көлөмү нормага жакын болушу күтүлүүдө.

Ысык-Көл облусу

Абанын айлык орточо температурасы климаттык норманын чегинде болуп +2…+4 градустан  -1…+1ге чейин жетет.

Ай ичинде абанын температурасы түнкүсүн 0…-5 градус сууктан 1…6га чейин жылуу, күндүз 3…8ден 8…13кө чейин жылуу болот. Кээ бир күндөрү облустун чыгыш тарабында түнкүсүн -6…-11 градуска чейин суук болот. Жаан-чачындын айлык көлөмү нормага жакын болот.

Нарын облусу

Абанын айлык орточо температурасы климаттык норманын чегинде болуп -1…-3 градуска чейин сууктайт.

Ай ичинде абанын температурасы түнкүсүн -1…-6 градус суук болуп, кээ бир түндөрү -7…-12 градуска чейин жетиши мүмкүн. Күндүз эң жылуу дегенде 3…8 градуска жетет. Жаан-чачындын айлык көлөмү нормага жакын болот.

0
Белгилер:
Кыргызстан, күз, аба ырайы, жаан-чачын
Тема боюнча
Жылуу эле болобу? Октябрь айына карата аба ырайы