Ысык-Көл облусунда журналисттерди алып бара жаткан кичи автобус жол кырсыгына кабылган

Ысык-Көлдө журналисттерди алып бараткан бус кырсыктады

300
(жаңыланган 22:44 20.08.2021)
Массалык маалымат каражаттарынын өкүлдөрү Евразия экономикалык бирикмесине мүчө мамлекеттердин өкмөт башчылары катышкан жыйынды чагылдырышкан.

БИШКЕК, 20-авг. — Sputnik. Ысык-Көл облусунда журналисттерди алып бара жаткан кичи автобус жол кырсыгына кабылгандыгын Sputnik Кыргызстан агенттигинин кабарчысы билдирди.

  • Бус с журналистами попал в ДТП в Иссык-Кульской области.
    Ысык-Көл облусунда журналисттерди алып бара жаткан кичи автобус жол кырсыгына кабылган
    © Sputnik / Бакыт Толканов
  • Бус с журналистами попал в ДТП в Иссык-Кульской области.
    Жол кырсыгы саат 20:00дөр чамасында Балыкчыдан анча алыс эмес Көк-Мойнок айылында болгон.
    © Sputnik / Бакыт Толканов
1 / 2
© Sputnik / Бакыт Толканов
Ысык-Көл облусунда журналисттерди алып бара жаткан кичи автобус жол кырсыгына кабылган

Анын айтымында, жол кырсыгы саат 20:00дөр чамасында Балыкчыдан анча алыс эмес Көк-Мойнок айылында болгон. Кырсыкка үч унаа кабылып, алардын бири — журналисттерди ташып бара жаткан кичи автобус болгон. Оор жаракат алгандар жок.

Массалык маалымат каражаттарынын өкүлдөрү Ысык-Көлдө Евразия экономикалык бирикмесине мүчө мамлекеттердин өкмөт башчылары катышкан жыйынды чагылдырып жүрүшкөн. 

300
Белгилер:
Ысык-Көл, жол кырсык, журналист, Евразиялык экономикалык биримдик
Тема:
2021-жылдын башынан бери Кыргызстанда болгон жол кырсыктар (193)
Тема боюнча
Чүйдө бетонду сүзгөн автоунаанын таш-талканы чыгып, үч адам каза болду
Милиция кызматкери. Архив

Сузакта 10 күн мурда жоголгон окуучу кыздын сөөгү табылды

135
(жаңыланган 10:12 28.11.2021)
27-ноябрда Сузак райондук милиция бөлүмүнө жергиликтүү тургун телефон чалып, Арал айылындагы Көк-Арт суусунун жээгинен болжол менен 8-12 жаштагы кыздын сөөгү табылганын кабарлаган.

БИШКЕК, 28-ноя. — Sputnik. Сузак районунда мектепке кеткен бойдон дайынсыз болуп жаткан тогуз жаштагы Сумая Хосилжанованын cөөгү табылды. Бул тууралуу Жалал-Абад облустук ички иштер башкармалыгы билдирди.

Маалым болгондой, 27-ноябрда болжол менен саат 17:00 чамасында Сузак райондук милиция бөлүмүнө жергиликтүү тургун телефон чалып, Арал айылындагы Көк-Арт суусунун жээгинен болжол менен 8-12 жаштагы кыздын сөөгү табылганын кабарлаган.

Жерине Сузак РИИБинин ыкчам тергөө тобу барып, сөөктү карап чыккан соң ал дайынсыз жоголгон Сумая Хосилжанова экени белгилүү болгон.

Аталган факт Сузак милициясы тарабынан Кылмыш жана жоруктардын бирдиктүү реестрине катталып, сотко чейинки өндүрүш иши ачылды.

Эске салсак, наристе 18-ноябрь күнү саат 12:40тар чамасында окууга кеткен бойдон кайткан эмес. Ошондон тарта аны укук коргоо органдары издеп жаткан.

135
Белгилер:
Сузак району, окуучулар, издөө, милиция, сөөк, кыз
Тема боюнча
Дайынсыз болуп жаткан бишкектик 13 жаштагы кыз табылды
Кармалган киши. Архив

Депутаттыкка талапкер айымдын күйөөсү добуш сатып алууга шектелип кармалды

90
(жаңыланган 21:44 27.11.2021)
УКМКнын маалыматына караганда, шектүү Ысык-Ата районунун жашоочуларынын добушун сатып алууга аракет жасаган. Ал 30 миң сом берип жатканда кармалган.

БИШКЕК, 27-ноя. — Sputnik. Улуттук коопсуздук мамлекеттик комитети Д.Э.Б. аттуу депутаттыкка талапкер аялдын күйөөсүн добуш сатып алуу фактысы боюнча колго түшүрдү.

Маалыматка караганда, 24-ноябрь күнү ыкчам-иликтөө иш-чараларынын жүрүшүндө талапкердин Т.Ы.О. аттуу жолдошу Ысык-Ата районундагы шайлоочулардын добушун сатып алуу үчүн 40 миң сом бергени аныкталган.

"Т.Ы.О. 27-ноябрда Ысык-Ата районунун Ивановка айылынын аймагынан 30 миң сом өлчөмүндөгү акча каражатын берип жаткан жеринен кармалды. Жеке буюмдарын кароо учурунда саясий партиянын талапкерлеринин үгүт баракчалары табылган", — деп айтылат маалыматта.

Факты боюнча Кылмыш-жаза кодексинин 192-беренесинин 2-бөлүгү ("Добуш сатып алуу") боюнча иш козголду.

90
Белгилер:
УКМК, шайлоо, парламент, добуш, сатып алуу, кылмыш
Тема:
Жогорку Кеңешке шайлоо 2021
Тема боюнча
УКМК: Бишкекте добуш сатып алууга акча бөлүштүрүп жаткан адам кармалды. Видео
Бишкек: добуш сатып алууга шектелгендер кармалды. Видео
БШКнын кызматкерлери Бишкектеги шайлоо участкасында

Шайлоонун жыйынтыгы боюнча корко турган эч нерсе жок! Иманкуловдун кайрылуусу

0
(жаңыланган 01:38 29.11.2021)
Республикалык штабдын жетекчиси шайлоочулардын добушу эми кол менен санала турганын айтып, бул процесске катышууга партия мүчөлөрүн чакырган.

БИШКЕК, 29-ноя. — Sputnik. Шайлоонун жыйынтыгы боюнча коркуп-үркө турган эч нерсе жок, аны бурмалаганга жол бербейбиз. Бул тууралуу парламенттик шайлоону өткөрүү боюнча Республикалык штабдын жетекчиси Марат Иманкулов билдирди.

Ал ар бир бюллетенди текшерип чыгууга даяр экенин белгилеген.

"Айрым партиялар шайлоонун жыйынтыгы бурмаланды деп жазып жатышат. Биз ага жол бербейбиз. Мындай саясатты атайын жүргүзгөн жокпуз. Бул ачык шайлоо. Коркуп-үркө турган эч нерсе жок. Партия лидерлери, келгиле, ар бир бюллетенди текшерип чыкканга даярбыз. Шайлоонун акыркы жыйынтыгы кол менен санаганда гана чыгат. АСУнуку (автоматтык эсептөө урнасы) алдын ала жыйынтык. Бүгүн-эртең бардык шарттарды түзүп беребиз, партия мүчөлөрү менен ар бир шайлоо участкасынан чыккан бюллетендерди санап чыгабыз. Баарын кайра текшерип чыкканга даярбыз. Биз шайлоонун жыйынтыгын бурмалаганга жол бербейбиз", — деди Иманкулов.

Белгилей кетсек, кечээ БШКнын сайты эки жолу иштебей калган. Биринчисинде партиялардын алган добуштарын пайыздык көрсөткүч менен эсептей келгенде 100 эмес, 140 пайызга чыгып кеткен. Ошондой эле АСУдан түшкөн добуштарды көрсөтүп жаткан сайт маалымат бербей жабылып калган.

0
Белгилер:
БШК, Марат Иманкулов, шайлоо, жыйынтык, кайрылуу
Тема:
Жогорку Кеңешке жаңы тартип менен болчу шайлоо
Тема боюнча
БШК сайтынан "жоголгон" 14% добуш. Шайлдабекова жооп берди
Жогорку Кеңеш-2021 шайлоосунун алдын ала жыйынтыгы
Аял талапкерлердин арасынан Жогорку Кеңешке кимдер келе жатат? Тизме