Кичи автобустун айдоочусу. Архивдик сүрөт

Көлдө журналисттер кабылган жол кырсык: өкмөт алдыдагы унааны күнөөлөдү

147
(жаңыланган 19:00 21.08.2021)
Өкмөттүн билдиргенине караганда, журналисттер бараткан кичи автобустун алдындагы автоунаа тормозун катуу басып жиберген. Мунун айынан башка унаалар тез чара көрө албай калган.

БИШКЕК, 21-авг. — Sputnik. Министрлер кабинети Ысык-Көлдө журналисттер кабылган жол кырсыгы боюнча түшүндүрмө берди.

Окуя кечээ кечинде Балыкчыдан анча алыс эмес Көк-Мойнок айылында болгон. Кырсыкка үч унаа кабылып, алардын бири — журналисттерди ташып бара жаткан кичи автобус болгон. Массалык маалымат каражаттарынын өкүлдөрү Ысык-Көлдө Евразия экономикалык бирикмесине мүчө мамлекеттердин өкмөт башчылары катышкан жыйынды чагылдырып жүрүшкөн.

"Жол кырсыгы тормозун кескин басып жиберген алдыдагы автоунаанын айынан болду. Мунун кесепетинен бир нече унаанын айдоочусу, анын ичинде журналисттерди салып бара жаткан кичи автобус ыкчам аракетти көрө албай калган", — деп айтылат маалыматта.

Өкмөт ЖМК өкүлдөрүн ташып бараткан кичи автобустун айдоочусу ылдамдыкты жогорулатпаганын, окуянын жагдайлары кошумча экспертизасы жок эле жеринен аныкталганын белгиледи.

"Жол кырсыгы болгон жерге дароо тиешелүү кызматкерлер келип, бус айдоочусунун күнөөсү жок экенин тастыкташкан", — деп билдирди министрлер кабинетинин маалымат кызматы.

Ошондой эле өкмөт жабыркагандар жок экенин билдирди. Бирок кырсыктан кийинки кадрлардан айрым журналисттер жеңил жаракат алганын көрүүгө болот. Окуя каттоого алынып, жүргүнчүлөрдүн ден соолугу текшерилгенден кийин кичи автобус Бишкекке сапарын улаган.

ЖКККББнын маалымат кызматы тиешелүү экспертизалар жүргүзүлбөгөндөн кийин айдоочулардын бирин күнөөлөгөн туура эмес экенин айтты. Жол милициясынын өкүлүнүн айтымында, ушул сыяктуу жол кырсыктарында көбүнчө арт жакта кетип бараткан унаалар күнөөлүү деп табылат.

Жол кыймылынын эрежесине ылайык, айдоочу кагылышууларды алдын алууга мүмкүн болгон аралыкты сакташы керек.

Ошол эле учурда жол кыймылынын эрежелеринде айдоочу тормозду жол кырсыгын алдын алуу үчүн гана баса алары, башка учурда тыюу салынганы айтылат.

147
Белгилер:
Ысык-Көл, ЖКККББ, ЖМК, өкмөт, жол кырсык, автобус
Тема:
2021-жылдын башынан бери Кыргызстанда болгон жол кырсыктар (158)
Тема боюнча
Тетиктери чачырап кеткен. Бишкектеги жол кырсыктан бир адам набыт болду. Видео
Айдоочулар шалаакы. Кайгуул милициясы жол кырсыгынын көбөйгөн себебин айтты
Студенттер Пермь университеттин терезелеринен секирип түшүп жатышат

Пермдеги элди аткан студент полиция кызматкерине да ок чыгарган. Чоо-жайы

5
(жаңыланган 16:54 20.09.2021)
Тартип сакчысы куралчан студентти жарадар кылгандан кийин чуркап келип, куралын колунан алып, андан соң биринчи жардам көрсөткөн.

БИШКЕК, 20-сен. — Sputnik. Пермь мамлекеттик изилдөө университетинде элди аткан студент кирип келе жаткан полиция кызматкерине да ок чыгарган. Бирок тартип сакчы аны жарадар кылып, куралсыздандырып, андан соң биринчи жардам көрсөткөн. Бул тууралуу РИА Новости жазды.

"Окуя болгон жерге биринчилерден болуп Пермь шаарынын Жол кыймылы коопсуздугу боюнча мамлекеттик автоинспекциянын Жол кайгуул кызматы келген. Полициянын лейтенанты Константин Калинин имараттын башкы корпусуна кирип, ал эми кесиптеши ага лейтенант Владимир Макаров элди эвакуациялай баштаган. Калинин имараттын ичинен куралдуу адамды көргөн. Аны байкап калган кылмышкер лейтенантты көздөй бир нече ирет аткылаган. Ага жооп кылган тартип сакчысы куралчанды жарадар кылып, чуркап келип, куралын колунан алгандан кийин биринчи жардам көрсөткөн", — деп айткан ИИМдин өкүлү Ирина Волк.

Ал тартип сакчылар учурда жогорку окуу жайдын аймагын көзөмөлдөп тургандыгын кошумчалады.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, сегиз киши каза таап, 28и жаракат алган. Шектүү кармалган.

5
Белгилер:
Россия, Пермь, Университет, ок чыгаруу, өлүм, полиция
Тема боюнча
Казань шаарындагы мектепте өспүрүм ок чыгарып, 8 киши каза болду. Видео
Кишендер. Архив

Чүйдө жигитти уурдап кетип 100 миң сом талап кылган деп үч киши кармалды

12
(жаңыланган 16:38 20.09.2021)
Кылмышка шектелип 27 жаштагы М.И., 26 жаштагы Ж.Д. жана М.С. аттуу жарандар колго түшкөн.

БИШКЕК, 20-сен. — Sputnik. Чүй облусунда 31 жаштагы эркек кишини уурдап, айыл четине алып барып 100 миң сом талап кылды деген шек менен үч жаран кармалды. Бул тууралуу Чүй ОИИББдин маалымат кызматы кабарлады.

Билдирмеге караганда, 17-сентябрь күнү Чүй райондук милициясына Искра айылында киши уурдалганы тууралуу маалымат түшкөн. Окуя болгон жерге дароо ыкчам-тергөө тобу барган. Териштирүү учурунда болжол менен саат 21:00дөр чамасында бейтааныш бирөөлөр 31 жаштагы М.А. аттуу жаранга карата күч колдонуп, белгисиз тарапка уурдап кеткени маалым болгон.

© Фото / пресс-служба ГУВД Чуйской области
Милициянын аймактык тескөөчүлөрү тарабынан бул кылмышка шектелип 27 жаштагы М.И., 26 жаштагы Ж.Д. жана М.С. аттуу жарандар кармалды
"Милициянын аймактык тескөөчүлөрү тарабынан бул кылмышка шектелип 27 жаштагы М.И., 26 жаштагы Ж.Д. жана М.С. аттуу жарандар кармалды. Териштирүү учурунда шектүүлөр жабырлануучуну Чүй районунун аймагынын сыртына алып чыгып коркутуп, 100 миң сом талап кылышканы аныкталды. Учурда алар убактылуу кармоочу жайга киргизилип, сотко чейинки өндүрүш иштери жүрүп жатат", — деп айтылат маалыматта.

Аталган факты Жазык кодексинин 170-беренеси ("Киши уурдоо") менен КЖБРге катталган.

12
Белгилер:
Чүй району, кылмыш, адам уурдоо, кармоо, коркутуу
Тема боюнча
Маршруткадан түшүп баратып мушташып... Ысык-Атадагы окуянын видеосу
Жер тилкелерин трансформациялап берем деп 21 миң доллар алган. Шектүү кармалды
Парижде күндүн батышы. Архив

COVID пандемиясы турак жай тармагын да кризиске учуратты

0
(жаңыланган 16:58 20.09.2021)
Учурдагы кырдаал пандемияга чейин турак жайларга коюлган төмөн пайыздык чен менен COVID-19дан кийинки өзгөрүүлөрдүн жыйынтыгынан келип чыккан.

БИШКЕК, 20-сен. — Sputnik. Коронавирус пандемиясы турак жай рыногун да курч кризиске кептеди. Бул тууралуу Bloomberg агенттиги жазды.

Макаланын автору Алан Кроуфорддун айтымында, көйгөйлөр сатып алуулар тармагынан тышкары үй менен батирлерди ижарага алууда да байкалып жатат.

"Көп киши турак жайынын акысын төлөй албай чыгып кетүүдө. Мындай көйгөй Берлин, Лондон, Париж жана Римде бар", — деп Германиянын борборунун мэри Михаэль Мюллер билдиргенин гезит жазды.

Кроуфорд белгилегендей, учурдагы кырдаал пандемияга чейин коюлган төмөн пайыздык чендер менен COVID-19дан кийинки өзгөрүүлөрдөн келип чыкты. Учурда үй кургандар азайып, каражатты үнөмдөп калышты, ошондой эле турак жай саткандар да аз.

Журналист мамлекеттердин өкмөтү көйгөйдү чечүүнүн оптималдуу жолун таба алган эмес, бир гана турак жай сатууга убактылуу тыюу салууну сунуштады.

0
Белгилер:
коронавирус, пандемия, турак-жай, кризис
Тема:
Дүйнөгө жайылган коронавирус
Тема боюнча
Жаңы штаммдарга вакцина таасир эте албай калышы мүмкүн. Сурамжылоо