Daymler Chrysler автоунаасы менен болгон жол кырсык

Чүйдөгү жүрөк үшүн алган кырсык. Ооруканага жеткирилген кыз да каза болду

334
(жаңыланган 20:17 21.08.2021)
Кечээ болгон каргашада үч адам көз жумган. Арасында ымыркайы менен 18 жаштагы келин да бар экени айтылган болчу. Калганы ооруканага жеткирилген.

БИШКЕК, 21-авг. — Sputnik. Чүйдүн Ивановка айылында болгон жол кырсыгынан жабыркагандардын бири каза болгонун Чүйдүн Жол кыймылы коопсуздугун камсыздоо башкы башкармалыгынан билдирди.

Каргаша кечээ болгон. Daymler Chrysler автоунаасы бетон тосмону сүзүп, натыйжада 32 жаштагы айдоочу, 18 жаштагы келин ымыркайы менен мерт болгон.

Үч киши ооруканага жеткирилген. Бүгүн 26 жаштагы кыздын көз жумганы белгилүү болду. Ушу тапта ооруканада 44 жаштагы аял менен анын 23 жаштагы уулу дарыланып жатат.

Буга чейин ЖКККББ жолдогу камера Daymler Chrysler саатына 140 чакырым ылдамдык менен келе жатканын каттап калганын маалымдаган. Тийиштүү экспертизалар дайындалып, иш иликтенип жатат.

334
Белгилер:
жол кырсык, бетон, тосмо, милиция, оорукана, жүргүнчү, айдоочу
Тема:
2021-жылдын башынан бери Кыргызстанда болгон жол кырсыктар (158)
Тема боюнча
Айдоочулар шалаакы. Кайгуул милициясы жол кырсыгынын көбөйгөн себебин айтты
Кубакыдагы жол кырсыгынан каза болгон 7 адам айылдаш болгон. Чоо-жайы
Тетиктери чачырап кеткен. Бишкектеги жол кырсыктан бир адам набыт болду. Видео
Ок атуу болгон Россиянын Пермь мамлекеттик улуттук изилдөө университетинин жаныдагы полиция кызматкерлери

ТИМ: Пермдеги ЖОЖдо ок жегендердин арасында кыргызстандыктар жок

38
(жаңыланган 00:29 21.09.2021)
Кечээ, 20-сентябрда, Пермдеги жогорку окуу жайдын студенти имараттын ичиндегилерге ок чыгарган. Бир нече убакыттан соң полиция аны жарадар кылып, кармаган.

БИШКЕК, 21-сен. — Sputnik. Россиянын Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында кыргызстандыктар жок. Бул тууралуу ТИМдин маалымат кызматынан кабарлады.

"Пермь аймагынын компетенттүү органдарынын алдын ала маалыматы боюнча, 2021-жылдын 20-сентябрында Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында Кыргызстандын жарандары жок", — деп айтылат таратылган билдирүүдө.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26сы жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Жыйынтыгында ок чыгарган студент кармалган.

38
Белгилер:
Россия, Пермь, студент, ок атуу, полиция
Тема боюнча
Пермдеги элди аткан студент полиция кызматкерине да ок чыгарган. Чоо-жайы
Жапаров Путинге Пермдеги окуя боюнча көңүл айтты
Алматы шаарындагы полиция кызматкери. Архив

5 киши өлдү. Алматыда бүлөнү үйүнөн чыгарууга келген сот аткаруучуларга ок атылды

5286
(жаңыланган 19:26 20.09.2021)
Алдын ала маалыматтарга караганда, окуя Акбулак кичи районунда болгон. Атышуу сот аткаруучулар жаранды үйүнөн чыгарганы келгенде башталганы айтылат.

БИШКЕК, 20-сен. — Sputnik. Алматы шаарында атышуу болуп, беш киши көз жумду. Бул тууралуу Sputnik Казакстан агенттиги жазды.

Алдын ала маалыматтарга караганда, окуя Акбулак кичи районунда болгон. Атышуу сот аткаруучулар жаранды үйүнөн чыгарганы келгенде башталганы айтылат. Жеринде эки полиция кызматкери, бир сот аткаруучу жана эки жөнөкөй жаран көз жумганы маалым.

Өз кызматкерлеринин каза болгондугун Алматы полициясынын департаменти тастыктады.

"Мамлекеттик органдарга атышуу боюнча маалымат бүгүн саат 17.20да түшкөн. Сот аткаруучулар аймактык тескөөчүлөр соттун үй ээсин жакындары менен чогуу үйдөн чыгаруу чечимин ишке ашырууга келишкен. Ошол маалда 54 жаштагы жашоочу ок чыгарган", — деп айтылат кабарда.

Ал полиция тараптан кармалганы кошумчаланды.

5286
Белгилер:
Казакстан, Алматы, полиция, атышуу, өлүм
Тема боюнча
Пермдеги элди аткан студент полиция кызматкерине да ок чыгарган. Чоо-жайы