Милиционер. Архив

Милиционердин тапанчасынан 32 жаштагы айдоочу каза болду. Окуянын чоо-жайы

301
(жаңыланган 00:30 28.08.2021)
Каргаша Бишкек шаарында болгон. Милициянын маалыматына караганда, автоунаа каршы тилке менен келе жатканы үчүн токтотулган.

БИШКЕК, 28-авг. — Sputnik. Борбор калаада Кайгуул кызматынын инспекторуна таандык табелдик куралдан ок жеп 32 жаштагы киши каза болду. Бул тууралуу Бишкек шаардык ички иштер башкы башкармалыгы кабарлап, окуянын чоо-жайын айтып берди.

Маалыматта каргаша 27-август күнү болжол менен саат 21.30дарда Жибек жолу менен Гоголь көчөсүнүн кесилишинде болгону айтылат. Toyota RAV4 автоунаасы менен каршы тилкеде келе жаткан айдоочуну Д.Ж. аттуу инспектор токтоткон. Протокол толтурулуп жаткан маалда милиционер менен жаңжалдаша кеткен А.Ч. аттуу айдоочу документин калтырып коюп кетип калган.

"Бир аз убакыт өткөндөн кийин А.Ч. кайра кайтып келип, урушуп, Кайгуул милициясынын инспекторуна басым жасай баштаган. Андан соң күч колдонуу менен милиционердин табелдик тапанчасын алууга аракет кылган. Дал ошол маалда кокусунан куралдан ок чыгып, айдоочуга тийген. Натыйжада ал каза болуп калган", — деп айтылат билдирүүдө.

Аталган факт Свердлов районунун ИИБи тарабынан каттоого алынды. Окуя болгон жерге ИИМ, ШИИБ жана райондук прокуратуранын жетекчилиги чыгып кеткен.

ИИМдин Ички иликтөө кызматы окуяны териштире баштады.

301
Белгилер:
милиция, инспектор, жол, айдоочу, курал, тапанча
Тема:
Инспектордун куралынан ок жеген айдоочунун өлүмү (10)
Тема боюнча
Ошто жолдун каршы тилкесине чыгып, айдоочуга кол салган милиционер иштен алынды
Акча берүү. Архивдик сүрөт

Каржы пирамидасынан канткенде оолак боло алабыз. Ысык-Көл ОИИБден 7 кеңеш

15
(жаңыланган 11:31 20.09.2021)
Милиция жаңы катышып жаткандар каражатын сарптагандан кийин каржы пирамидасы белгисиз себептен жабылып, аны уюштургандар акчаны алып аларын эскертти.

БИШКЕК, 20-сен. — Sputnik. Ысык-Көл облустук ички иштер башкармалыгы каржы пирамидасынын жана алдамчылыктын курмандыгы болуп калбоо үчүн эмнелерди биле жүрүү керектигин айтып берди.

Учурда облустук милиция бул жаатта аймактарда түшүндүрүү иштерин жүргүзүп, эскертмелерди таратып жатат.

"Адатта жаңы катышып жаткандар каражатын сарптагандан кийин финансы пирамидасы белгисиз себептен жабылат. Ошол эле учурда мындай схеманы уюштургандар акчанын көп бөлүгүн ээлеп калышат. Жөнөкөй коопсуздук чараларын сактоо менен жарандар алдамчылыктын бул түрүнөн оолак болушат", — деп айтылат маалыматта.

2020-2021-жылдардын аралыгында Балыкчы менен Каракол шаарында уюшулган сегиз каржы пирамидасынын мыйзамсыз ишмердүүлүгүнөн улам көп киши жабыр тартканы белгиленет. Үстүбүздөгү жылдын башынан бери соттун кароосуна 50 миллион сомдон ашык зыян келтирген 870ке жакын иш жөнөтүлгөн.

Ысык-Көл ОИИБ шылуундардын торуна түшүп, каражатты алдырып ийбеш үчүн финансылык пирамиданын негизги белгилери тууралуу айтты.

Ири киреше убадалоо

Алдамчылар кирешени жылына 50, 100, керек болсо 200 пайыз менен кепилдик беришет. Негизи оптималдуу киреше депозиттер боюнча чендердин жана банктын насыяларынын орточо пайыздарынын ортосунда болушу керек. Эгерде сизге сунуштаган киреше банк насыяларынын ченинен жогору болсо (Кыргызстандын рыногундагы улуттук валютада 22-25 пайыз) мындай уюм финансылык пирамида болушу мүмкүн.

Продуктунун жоктугу

Эгерде сизди чакырып жаткан уюмда эч кандай продукт болбосо — бул каржы пирамидасы. Кээде жашырынган финансылык пирамидалар да болушу мүмкүн. Продуктусу бар, бирок аларды эч ким колдонбойт: бул туристтик кызматтар (элиталык эс алуу), компьютердик сабаттуулук, чет тилдери жана башка ушул сыяктуу программалар. Бул продуктуларды сунуштаган компания улам кошулган адамдардын акчасынан киреше алат.

Башка адамдарды тартуунун эсебинен киреше алуу

Эгерде сиздин негизги тапшырмаңыз башка адамдарды тартуу болсо жана кирешеңиз ошолор кошкон акчалардан түзүлсө муну финансылык пирамида деп айтууга болот.

Жетекчилик, отчёт жашыруун болсо

Эгерде жетекчилик тууралуу маалыматтар жашыруун болсо жана финансылык отчёттуулук берилбесе ага акчаңызды салардан мурда терең ойлонушуңуз керек. Ишенимдүү компанияларда бардыгы ачык-айкын жана жеткиликтүү болот.

Акчадан көз каранды болбойсуң дешет

Көбүнчө финансылык пирамидалардын уюштуруучулары жаңы катышуучулардын психологиясына таасир этишет. Финансылык көз карандысыздык жана эркиндик жөнүндө сүйлөп, ишенимдүү убадаларды беришет. Оратор катары башка адамдардын эмоцияларын башкара алган адамдар сүйлөшөт.

Жыйналыш, байгелерди ойнотуу

Сизге анча билбеген жамааттык иш-чараларга, ошондой эле байге жана жолдомо ойнотууларга катышпай эле коюңуз. Финансылык пирамидалар муну ийгиликтүү жана кирешелүү компаниянын образын түзүү үчүн жасашат.

Эң негизги кеңеш

Финансылык пирамиданын курмандыгы болбош үчүн эң эле жөнөкөй нерсе — этият болуу керек. Кепилденген жогорку киреше тууралуу убадага ишенбегиле, каражатыңызды күмөндүү компанияларга жана адамдарга бербегиле. Финансы рыногунун кесипкөй адамдары менен кеңешкиле. Эмоцияларга жана убадаларга ишенбей, өзүңүздү башкара билиңиздер.

Акчаны берерден мурун уюмдун уруксат кагаздарын дыкат текшерип, финансылык отчёттуулугун жана жетекчилик тууралуу маалыматтарын суроо керек. Компаниянын кирешеси эмненин эсебинен түзүлө турганын, ошондой эле сиздин каражаттар кайда кете турганын тактоо зарыл.

15
Белгилер:
Ысык-Көл району, ОИИБ, милиция, каржы пирамидасы, алдамчылык, каражат, эскертүү
Тема боюнча
Бекер оокат жок! ИИМ финансылык пирамидаларды кантип аныктаса болорун айтты
Алдамчылык менен кармалган шектүү

Жер тилкелерин трансформациялап берем деп 21 миң доллар алган. Шектүү кармалды

52
(жаңыланган 11:00 20.09.2021)
Шектүү Аламүдүндүн тургундарына өзүн Башкы прокуратуранын, ИИМдин кызматкери, жактоочу жана юрист катары тааныштырган.

БИШКЕК, 20-сен. — Sputnik. Жер тилкелеринин трансформациялоо маселесин чечип берем деп жарандарды алдап жүргөн шектүү кармалды. Бул тууралуу ИИМдин маалымат кызматы кабарлады.

Билдирмеге караганда, ал Ж.К. аттуу 32 жаштагы Бишкек шаарынын тургуну болгон. Жүргүзүлгөн иликтөөнүн натыйжасында Аламүдүн районунун тургундарына өзүн Башкы прокуратуранын, ИИМдин кызматкери, жактоочу жана юрист катары тааныштырганы аныкталган. Шектүү беш адамдан жер маселесин чечүүнү убадалап, 21 500 долларга алдап кеткен.

"Кармалган жаран Бишкек шаарынын айланасындагы жаңы конуштардагы жер тилкелерин трансформациялоо жана документтерин мыйзамдаштыруу учурдагы көйгөйлүү маселелердин бири экендигин билип, алдамчылык жол менен тургундардын каражатына ээ болгон. ИИМдин Экстремизмге жана мыйзамсыз миграцияга каршы аракеттенүү боюнча кызматынын жана Аламүдүн районунун ИИБнин кызматкерлери тарабынан шектүү кармалды", — деп айтылат маалыматта.

Аталган фактылар боюнча Аламүдүн РИИБдин Тергөө кызматы тарабынан Жазык кодексинин 204-беренеси ("Алдамчылык") боюнча сотко чейинки өндүрүш ачылып, Ж.К. Бишкек шаардык милициянын убактылуу кармоочу жайына киргизилген.

Учурда анын башка кылмыштарга тиешеси бар-жогун тактоо боюнча ыкчам-иликтөө иштери жүрүп жатат.

Милиция кармалган жарандан жабыркагандар болсо же ал боюнча кандайдыр бир маалымат билсе 0702-20-40-70; 0705-00-88-08 телефон номерлерине кабарлоону эскертти.

52
Белгилер:
ИИМ, милиция, кармоо, жер, шектүү, трансформациялоо
Тема боюнча
2,5 миң доллар алып из жашырган. Издөөдө жүргөн кыргызстандык Россиядан кармалды
Сотрудник патрульной милиции регулирует движение в центре Бишкека

Эскертүү! Автоунаа салыгын төлөбөгөндөргө карата рейд жүрүп жатат

0
Мыйзамга ылайык, салыкты өз убагында төлөбөгөндөргө 2000 сом айып салынып, ага кошо ар бир өткөн күнүнө туум эсептелет.

БИШКЕК, 20-сен. — Sputnik. Мамлекеттик салык кызматы Жол коопсуздугун камсыздоо боюнча башкы башкармалыгынын инспекторлору менен биргеликте салык төлөбөгөн унаа ээлерин аныктоо боюнча рейд жүргүзүп жатат. Бул тууралуу аталган органдын маалымат кызматы билдирди.

Быйыл автоунаа салыгын төлөө мөөнөтү 1-сентябрда аяктаган.

Мыйзамга ылайык, салыкты өз убагында төлөбөгөндөргө 2000 сом айып салынып, ага кошо ар бир өткөн күнүнө туум эсептелет. Мындан улам Салык кызматы акчаны азыр төлөөгө чакырат.

Маалыматта рейддер салык төлөбөгөндөрдү жазалоо максатында гана эмес, калк арасында түшүндүрүү иштерин жүргүзүү үчүн да өткөрүлүп жатканы кошумчаланган.

0