Автоунааларды мыйзамсыз алып кирген казакстандыктар

Өлкөгө оң рулдуу автоунааларды мыйзамсыз алып кирген казакстандыктар кармалды

91
(жаңыланган 14:45 28.08.2021)
Кылмыштын бардык жагдайы изилденип, кармалгандардын шериктерин, ошондой эле "Унаа" мамлекеттик мекемесинин кызматкерлерин аныктоо боюнча ыкчам-издөө иш-чаралары улантылууда.

БИШКЕК, 28-авг. — Sputnik. Мамлекеттик чек аранын "Чоң-Капка" өткөрүү пунктунан Кыргызстандын аймагына оң рулдуу автоунааларды мыйзамсыз алып кирип жаткан жеринен Казакстандын жарандары кармалды. Бул тууралуу УКМК билдирди.

Маалыматка ылайык, Кыргызстандын номери тагылган Toyota Estima үлгүсүндөгү унаалардын партиясын өткөрүүгө аракет болгон.

  • Задержанная партия праворульных автомашин марки Toyota Estima с государственными номерами КР на КПП Чон-Капка — автодорожный.  28 августа 2021 года
    Мамлекеттик чек аранын "Чоң-Капка" өткөрүү пунктунан Кыргызстандын аймагына оң рулдуу автоунааларды мыйзамсыз алып кирип жаткан жеринен Казакстандын жарандары кармалды
    © Фото / пресс-служба ГКНБ КР
  • Задержанные граждане Казахстана, при попытке незаконного ввоза, трех праворульных автомобиля на территорию КР. 28 августа 2021 года
    Маалыматка ылайык, Кыргызстандын номери тагылган Toyota Estima үлгүсүндөгү унаалардын партиясын өткөрүүгө аракет болгон
    © Фото / пресс-служба ГКНБ КР
  • Автомобильные номера, документы и ключи задержанной партии праворульных автомашин, марки Toyota Estima, на КПП Чон-Капка — автодорожный. 28 августа 2021 года
    Аталган факт Кыргыз Республикасынын Кылмыш-жаза кодексинин 223-беренесинин 2-бөлүгүнүн 4-пункту боюнча Кылмыш жана жоруктардын бирдиктүү реестрине катталды
    © Фото / пресс-служба ГКНБ КР
1 / 3
© Фото / пресс-служба ГКНБ КР
Мамлекеттик чек аранын "Чоң-Капка" өткөрүү пунктунан Кыргызстандын аймагына оң рулдуу автоунааларды мыйзамсыз алып кирип жаткан жеринен Казакстандын жарандары кармалды

Аталган факт Кыргыз Республикасынын Кылмыш-жаза кодексинин 223-беренесинин 2-бөлүгүнүн 4-пункту боюнча Кылмыш жана жоруктардын бирдиктүү реестрине катталды.

"Бул иштин алкагында кармалган бир кыргызстандык жана эки казакстандык жаран Жазык-процессуалдык кодекстин 98-беренесине ылайык камакка алынды", — деп айтылат билдирүүдө.

Азыркы учурда кылмыштын бардык жагдайы изилденип, кармалгандардын шериктерин, ошондой эле "Унаа" мамлекеттик мекемесинин кызматкерлерин аныктоо боюнча ыкчам-издөө иш-чаралары улантылууда.

91
Белгилер:
мыйзам, чек ара, автоунаа, Кыргызстан, Казакстан
Тема боюнча
Казакстандан мыйзамсыз 1 266 баш мал алып келе жаткандар чек арадан кармалды
"Унаа" кызматкерлеринин коррупциясы: Ош бөлүмүндөгү фактылар боюнча иш козголду
ЖАМК башчысынын биринчи орун басары кармалды. Кабинетин, үйүн тинткен видео
Мотоциклчен киши. Архивдик сүрөт

Мотоциклчен киши аэропортко кеткен трассадан жөө адамды коюп, жол жабылды

99
(жаңыланган 23:34 19.09.2021)
Жолго 50дөй киши топтолуп ызы-чууга түштү. Кырсыктын кесепетинен болжол менен 50 жаш курагындагы киши каза болду.

БИШКЕК, 19-сен. — Sputnik. "Манас" аэропортуна кеткен жолдо мотоциклчен киши жөө адамды коюп кетти. Бул тууралуу Чүй облустук милиция билдирди.

Окуя бүгүн саат 20:00дө болгон. Маалыматка караганда, кырсыктын кесепетинен жөө киши набыт болгон. Болжол менен ал 50 жашта. Активист Болот Ибрагимов авариядан кийин тартылган видеону соцтармакка жарыялады.

Посмотреть эту публикацию в Instagram

Публикация от Болот Ибрагимов SFR (@bolotibragimov)

Кадрдан жол убактылуу жабылып калганын көрүүгө болот. Топтолгон 50дөй киши ызы-чууга түшкөн. Милициянын божомолу боюнча, алар жергиликтүү тургундар менен мотоциклчен кишинин достору болушу мүмкүн.

Чүй ОИИББдин маалымат кызматы саат 21:00дөр чамасында Манас айылынын жашоочулары Бишкек — аэропорт жолун тосуп, жол кырсыктарына нааразычылыктарын билдиришкенин кабарлады.

"Учурда милиционерлер жергиликтүү тургундарга түшүндүрүү иштерин жүргүзүп жатат", — деди ОИИББден.

Түнкү саат 11лер чамасында эл тарай элек болчу.

99
Белгилер:
Бишкек, милиция, жол кырсык, мотоцикл
Тема:
2021-жылдын башынан бери Кыргызстанда болгон жол кырсыктар
Тема боюнча
Бишкекте жүк ташыган поездге урунуп 21 жаштагы жигит каза тапты
Нью-Йоркто музейге келген бет капчан балдар. Архивдик сүрөт

ЖМК: АКШда балдар массалык түрдө RSV вирусун жуктуруп жатат

91
(жаңыланган 14:18 19.09.2021)
Ооруга чалдыккандардын саны көбүнчө кыш мезгилинде көбөйө турганы, бирок учурда бейтаптар адаттагыдан көп болуп жатканы кабарланды.

БИШКЕК, 19-сен. — Sputnik. Вашингтондогу балдарды кабыл алган эки оорукана респиратордук-синцитиалдык вирусту (RSV) жуктуруп алгандардын саны көбөйгөнүн билдирди. Бул тууралуу Washington Post жазды.

Дарыгерлердин айтымында, инфекция көбүнчө дене табынын көтөрүлүшү, жөтөл жана мурундун бүтүшү менен коштолот. Ал айрым учурда дем алуунун кыйындашына, бронхиалит оорусуна, тагыраагы, кекиртек бутактарынын өпкө менен кошулган жерин сыртынан эмес ичинен жабыркатат.

Ооруга чалдыккандардын саны көбүнчө кыш мезгилинде көбөйө турганы, бирок учурда бейтаптар адаттагыдан көп болуп жатканы да белгиленди.

Дарыгерлер RSV вирусунун өсүшүнө COVID-19 пандемиясы таасир эткенин айтышкан. Өткөн кышта массалык иш-чараларга тыюу салынганына байланыштуу респиратордук-синцитиалдык вирус менен сезондук сасык тумоо өтө аз катталганын да билдиришкен. Анткен менен айрым чаралар жумшартылгандан кийин марттан бери дельта-штаммы менен эле жарыш өскөн.

АКШнын борборунда жайгашкан Балдардын улуттук госпиталынын статистикасы боюнча, жандандыруу бөлүмүндө RSV чакырган бронхиолит менен ооругандар коронавируска караганда эки эсе көп.

Өз кезегинде педиатр Дэн Финкельштейн ата-энелерди аталган вирус менен коронавирус инфекциясынын байланышы тынчсыздандырып жатканын айтат. Медиктин айтымында, RSV мурдагыдай коркунучтуу эмес, ак халатчандар эми экөөнү тең дарылоону колго алмакчы.

Американын Ооруларды көзөмөлдөө жана алдын алуу борборлорунун маалыматы боюнча, бир жашка чейинки балдар көбүнчө RSV вирусунан пневмония болот. Инфекция өпкөгө терең киргенде бейтаптардын дем алуусу кыйындайт, бул учурда ооруканага жаткырып, кычкылтек бет кабын тагып жүрүшөт.

91
Белгилер:
АКШ, вирус, оору, балдар
Тема:
Дүйнөгө жайылган коронавирус
Тема боюнча
Путин коронавирустан улам обочолонуп иштөөгө өттү
Кытайда коронавирустун жаңы түрүнүн очогу пайда болду