Тез жардам унаасы жана МАИ кызматкери. Архив

Бишкекте айдоочу жөө адамды тебелеп кетти. Видео

4522
(жаңыланган 17:25 31.08.2021)
Жол кырсыгы бүгүн эртең менен Юнусалиев менен Жантөшев көчөлөрүнүн кесилишинде болгон. Күбөлөрдүн айтымында, автомашина кафенин имаратын сүзүп токтогон.

БИШКЕК, 31-авг. — Sputnik. Бишкекте Mercedes-Benz S 500 үлгүсүндөгү автоунаанын айдоочусу жөө адамды тебелеп, кафени сүзгөн. Маалыматты борбор калаанын Ыкчам медицина борбору тастыктады.

Жол кырсыгы бүгүн эртең менен Юнусалиев жана Жантөшев көчөлөрүнүн кесилишинде болгон. Күбөлөрдүн айтымында, автомашина "Кореана" кафесинин имаратын сүзгөн.

"Саат 7:00дөр чамасында чакыруу түштү. Жөө адам оор абалда Бишкек шаардык травматология жана ортопедия илим изилдөө борборуна жеткирилди", — деди Тез жардам кызматынан.

Алдын ала маалымат боюнча, автоунаанын айдоочусу жабыркаган эмес. Милиция кененирээк маалымат кийинчерээк берилерин кабарлады.

4522
Белгилер:
Бишкек, жол кырсык, милиция
Тема:
2021-жылдын башынан бери Кыргызстанда болгон жол кырсыктар (157)
Тема боюнча
Чүй: ичип алып жана катуу ылдамдык менен айдагандар көп болууда
Бишкек — Ош жолунда Toyota күйүп кетти. Өрттүн видеосу
Ошто жеңил автоунаа ИИМдин автобусун сүзүп, үч киши каза тапты
Мотоциклчен киши. Архивдик сүрөт

Мотоциклчен киши аэропортко кеткен трассадан жөө адамды коюп, жол жабылды

125
(жаңыланган 23:34 19.09.2021)
Жолго 50дөй киши топтолуп ызы-чууга түштү. Кырсыктын кесепетинен болжол менен 50 жаш курагындагы киши каза болду.

БИШКЕК, 19-сен. — Sputnik. "Манас" аэропортуна кеткен жолдо мотоциклчен киши жөө адамды коюп кетти. Бул тууралуу Чүй облустук милиция билдирди.

Окуя бүгүн саат 20:00дө болгон. Маалыматка караганда, кырсыктын кесепетинен жөө киши набыт болгон. Болжол менен ал 50 жашта. Активист Болот Ибрагимов авариядан кийин тартылган видеону соцтармакка жарыялады.

Посмотреть эту публикацию в Instagram

Публикация от Болот Ибрагимов SFR (@bolotibragimov)

Кадрдан жол убактылуу жабылып калганын көрүүгө болот. Топтолгон 50дөй киши ызы-чууга түшкөн. Милициянын божомолу боюнча, алар жергиликтүү тургундар менен мотоциклчен кишинин достору болушу мүмкүн.

Чүй ОИИББдин маалымат кызматы саат 21:00дөр чамасында Манас айылынын жашоочулары Бишкек — аэропорт жолун тосуп, жол кырсыктарына нааразычылыктарын билдиришкенин кабарлады.

"Учурда милиционерлер жергиликтүү тургундарга түшүндүрүү иштерин жүргүзүп жатат", — деди ОИИББден.

Түнкү саат 11лер чамасында эл тарай элек болчу.

125
Белгилер:
Бишкек, милиция, жол кырсык, мотоцикл
Тема:
2021-жылдын башынан бери Кыргызстанда болгон жол кырсыктар (157)
Тема боюнча
Бишкекте жүк ташыган поездге урунуп 21 жаштагы жигит каза тапты
Нью-Йоркто музейге келген бет капчан балдар. Архивдик сүрөт

ЖМК: АКШда балдар массалык түрдө RSV вирусун жуктуруп жатат

94
(жаңыланган 14:18 19.09.2021)
Ооруга чалдыккандардын саны көбүнчө кыш мезгилинде көбөйө турганы, бирок учурда бейтаптар адаттагыдан көп болуп жатканы кабарланды.

БИШКЕК, 19-сен. — Sputnik. Вашингтондогу балдарды кабыл алган эки оорукана респиратордук-синцитиалдык вирусту (RSV) жуктуруп алгандардын саны көбөйгөнүн билдирди. Бул тууралуу Washington Post жазды.

Дарыгерлердин айтымында, инфекция көбүнчө дене табынын көтөрүлүшү, жөтөл жана мурундун бүтүшү менен коштолот. Ал айрым учурда дем алуунун кыйындашына, бронхиалит оорусуна, тагыраагы, кекиртек бутактарынын өпкө менен кошулган жерин сыртынан эмес ичинен жабыркатат.

Ооруга чалдыккандардын саны көбүнчө кыш мезгилинде көбөйө турганы, бирок учурда бейтаптар адаттагыдан көп болуп жатканы да белгиленди.

Дарыгерлер RSV вирусунун өсүшүнө COVID-19 пандемиясы таасир эткенин айтышкан. Өткөн кышта массалык иш-чараларга тыюу салынганына байланыштуу респиратордук-синцитиалдык вирус менен сезондук сасык тумоо өтө аз катталганын да билдиришкен. Анткен менен айрым чаралар жумшартылгандан кийин марттан бери дельта-штаммы менен эле жарыш өскөн.

АКШнын борборунда жайгашкан Балдардын улуттук госпиталынын статистикасы боюнча, жандандыруу бөлүмүндө RSV чакырган бронхиолит менен ооругандар коронавируска караганда эки эсе көп.

Өз кезегинде педиатр Дэн Финкельштейн ата-энелерди аталган вирус менен коронавирус инфекциясынын байланышы тынчсыздандырып жатканын айтат. Медиктин айтымында, RSV мурдагыдай коркунучтуу эмес, ак халатчандар эми экөөнү тең дарылоону колго алмакчы.

Американын Ооруларды көзөмөлдөө жана алдын алуу борборлорунун маалыматы боюнча, бир жашка чейинки балдар көбүнчө RSV вирусунан пневмония болот. Инфекция өпкөгө терең киргенде бейтаптардын дем алуусу кыйындайт, бул учурда ооруканага жаткырып, кычкылтек бет кабын тагып жүрүшөт.

94
Белгилер:
АКШ, вирус, оору, балдар
Тема:
Дүйнөгө жайылган коронавирус
Тема боюнча
Путин коронавирустан улам обочолонуп иштөөгө өттү
Кытайда коронавирустун жаңы түрүнүн очогу пайда болду