Айдоочу. Архив

Бишкекте кишини тебелеп кеткен 23 жаштагы айдоочу мас болгону айтылды

139
(жаңыланган 12:54 01.09.2021)
23 жаштагы бишкектик айдоочу Mercedes-Benz S 500 автоунаасын токтотоюн деп жатып кишини коюп кеткен.

БИШКЕК, 1-сен. — Sputnik. Юнусалиев көчөсүнөн жөө адамды тебелеп кеткен Mercedes-Benz үлгүсүндөгү автоунаанын айдоочусу, алдын ала маалымат боюнча, мас болгон. Бул тууралуу Жол кыймылы коопсуздугун камсыздоо башкы башкармалыгы билдирди.

Окуя кечээ, 31-августта, болгон. Айдоочу кафени сүзүп токтогон.

"31-август күнү эртең менен саат 06:50лөр чамасында Бишкек шаарынын А.А. аттуу 23 жаштагы жараны Mercedes-Benz автоунаасын башкарып бара жаткан. Ал Юнусалиев көчөсүндөгү № 127 үйдүн маңдайына унааны токтоюн деп жатып тротуардагы адамды коюп кеткен. Андан соң кафени сүзүп токтогон. Алдын ала маалымат боюнча, айдоочу менен жөө адам мас абалында болгон", — деп айтылат маалыматта.

Кырсыктын кесепетинен 39 жаштагы Ч. И. Бишкек шаардык Травматология жана ортопедия илим-изилдөө борборуна жаткырылган.

Факт Кылмыш жана жоруктардын бирдиктүү реестрине каттоого алынып, материалдар Бишкек ШИИББдин тергөө бөлүмүнө өткөрүлдү.

139
Белгилер:
Бишкек, жол кырсык
Тема:
2021-жылдын башынан бери Кыргызстанда болгон жол кырсыктар (159)
Тема боюнча
Бишкекте айдоочу жөө адамды тебелеп кетти. Видео
Чүй: ичип алып жана катуу ылдамдык менен айдагандар көп болууда
ИЖ-161 ПС үлгүсүндөгү курал. Архивдик сүрөт

Тойдо ок аткан бала... Өзгөндөгү окуянын видеосу жана чоо-жайы

246
(жаңыланган 23:01 25.09.2021)
Кармалган киши куралды Москвадан келе жатып сатып алганын билдирген. Анын айтымында, бул жөн гана үн менен жарык чыгарган курал болуп эсептелет.

БИШКЕК, 25-сен. — Sputnik. Өзгөн райондук милициясы курал менен асманга бир нече ирет ок чыгарган 20-25 жаштагы кишинин WhatsApp-каналынан тараган видеосу боюнча текшерүү ишин жүргүздү. Бул тууралуу Ош шаардык ИИБ билдирди.

Маалыматка караганда, факты Жоруктар кодексинин 121-беренеси менен каттоого алынып, сотко чейинки өндүрүш иши башталган. Анын жүрүшүндө 38 жаштагы Зергер айыл өкмөтүнүн Х.А.С. аттуу тургуну кармалган. Ал ИЖ-161 ПС үлгүсүндөгү куралды Россиядан 32 миң рублга сатып алганын билдирип, төмөнкүлөрдү айтып берген.

"Москвада көп жылдан бери жашайм. 21 жаштагы баламды үйлөнтүү үчүн сентябрь айында Кыргызстанга келгем. Москвадан куралды сатып алып жатканда сатуучу буга эч кандай уруксат кагаздын кереги жоктугун, себеби бул жөн гана үн чыгаруучу автомат экенин түшүндүргөн. Мындан улам баламдын тоюнда атам деп сатып алгам. Аэропорттон мени тоскоолдуксуз коё беришкен. 25-сентябрда баламдын дос балдары Ош шаарындагы тойго кетип баратып үйдүн короосунан аткылашкан", — деп билдирген Х.А.

Учурда сотко чейинки өндүрүш ишинин алкагында далил буюм катары алынган ИЖ-161 СХ-АК74М 5,45х39 20816834 үлгүсүндөгү үн чыгарып жарык берүүчү куралга соттук баллистикалык экспертиза дайындалды. Текшерүү иштери уланууда.

246
Белгилер:
Өзгөн, той, курал, милиция
Тема боюнча
Бишкек: милиция Пермдеги окуядан соң окуучуларга түшүндүрүү иштерин жүргүздү. Сүрөт
Жаза аткаруу мамлекеттик кызматынын төрагасынын биринчи орун басары Таалайбек Нуралиев. Архивдик сүрөт

Коррупцияга шектелген ЖАМК жетекчисинин орун басары Нуралиев кызматтан алынды

107
(жаңыланган 16:02 25.09.2021)
Нуралиев августтун башында кармалган. Анын иш бөлмөсүнөн жана үйүнөн акча каражаты, курал-жарак жана соттолгондор жасаган буюмдар табылган.

БИШКЕК, 25-сен. — Sputnik. Жаза аткаруу мамлекеттик кызматынын төрагасынын биринчи орун басары Таалайбек Нуралиев кызматтан алынганын ЖАМКтын маалымат кызматы кабарлады.

Буйрукка 16-сентябрда юстиция министри Асел Чынбаеванын сунушу менен министрлер кабинетинин башчысы Улукбек Марипов кол койгон.

Нуралиев августтун башында кармалган. Ал соттолгон жарандарды мөөнөтүнөн мурда бошотуу, абактагы шарттарын жеңилдетүү, ошондой эле орто звенодогу жетекчилердин мыйзамсыз аракеттерин жаап-жашырып жүргөнү үчүн системалык түрдө акча алып келгени айтылган.

Сотко чейинки өндүрүштүн алкагында 2-август күнү Нуралиевдин иш бөлмөсүн тинткенде 3500 доллар, 59 000 сом, уюлдук телефон жана майда калибрдеги курал чыккан.

Ал эми жашаган үйүн текшергенде ТТ үлгүсүндөгү тапанча жана жылмакай курал табылган. Аны менен катар абакта отурган соттолуучулар тарабынан жасалган стол, отургуч, кылыч, бычак, сандык, нарда сыяктуу буюмдар болгон.

Нуралиев УКМКнын убактылуу кармоочу жайына киргизилген.

107
Белгилер:
ЖАМК, Таалайбек Нуралиев, кызмат, бошотуу, коррупция
Тема боюнча
Туйгунаалы Абдраимов тергөөгө келип туруу милдеттемесин алып сурактан чыкты
Кыргызстандын президенти Садыр Жапаров телефон менен сүйлөшүү учрунда. Архив

Садыр Жапаров чемпиондук наамын коргогон Валентина Шевченкону куттуктады

0
(жаңыланган 19:46 26.09.2021)
Кыргызстандык спортчу ушуну менен алтынчы ирет чемпиондук наамын коргоду. Беттешке кыргызстандыктар бүгүн эртең менен күбө болду.

БИШКЕК, 26-сен. — Sputnik. Президент Садыр Жапаров телефондон кыргызстандык мушкер Валентина Шевченкону бүгүнкү жеңиши менен куттуктаганын өлкө башчынын маалымат кызматы кабарлады.

Эскерте кетсек, UFC уюмунун кезектеги беттешинде Шевченко америкалык Лорен Мерфини мөөнөтүнөн эрте ишенимдүү жеңип алган. Ушуну менен ата мекендик спортчу чемпиондук наамын алтынчы ирет коргоду.

Жапаров Шевченконун жогорку чеберчилигин, духунун күчтүүлүгүн жана мүнөзүнүн бекемдигин жогору баалады.

"Жалпы кыргыз элинин жана өзүмдүн атымдан ийгиликтүү жеңишиңиз менен куттуктообузду кабыл алыңыз. Биз баарыбыз Сиздин жетишкендиктериңиз менен сыймыктанабыз. Абройлуу эл аралык турнирлерде Кыргызстандын намысын коргоп жатасыз. Алдыда дагы чоң ийгиликтер жана жаңы жеңиштер күтүп турганына ишенем",— деди президент.

Сөзүнүн соңунда өлкө башчы спортчуга бекем ден соолук жана бакубат жашоо каалады.

Баса, редакция Шевченконун беттешиндеги урунттуу учурлардын видеосун топтогон.

0
Белгилер:
Садыр Жапаров, Валентина Шевченко, беттешүү, жеңиш, чемпион, куттуктоо
Тема боюнча
Силерди жакшы көрөм! Шевченконун Кыргызстанга салам жолдогон видеосу
Кыргыз желегин желбиретип... Шевченко кантип жеңгенин көрсөткөн видеолор
Мен чемпионмун, баарына даярмын! Шевченко кийинки атаандашы боюнча жооп берди