Жол кырсыкка түшкөн аялга жардам берүү учурунда. Архив

Бишкекте аялды, андан соң кафени сүзгөн айдоочу кармалды

102
(жаңыланган 11:15 02.09.2021)
Аталган факт боюнча Жазык кодексинин 297-беренесинин негизинде сотко чейинки өндүрүш иштери башталган.

БИШКЕК, 2-сен. — Sputnik. Аялды сүздүрүп кетти деп шектелип жаткан 23 жаштагы айдоочу Бишкек ШИИБдин убактылуу кармоо жайына киргизилди. Бул туурасында шаардык милициядан кабарлашты.

Окуя 31-август күнү эртең менен саат 06:50лөр чамасында Бишкек шаарында болгон. Милициянын маалыматына караганда, айдоочу таң атпай мас болгондуктан Mercedes-Benz S 500 автокөлүгү менен жөө кетип бараткан аялды, андан соң кафени сүзгөн.

Тартип сактоочулардын айтымына караганда, айдоочу автоунаасын токтотоюн деп жатып кишини уруп кеткен. Жол кыймылы коопсуздугун камсыздоо боюнча башкы башкармалыктан айдоочунун да, жөө адамдын да мас экенин айтышты.

Чүй облустук Жол кыймылынын коопсуздугун коргоо боюнча башкармалыгынын кызматкерлери
© Фото / пресс-служба УОБДД по ГУВД Чуйской области
Кырсыктын кесепетинен 39 жаштагы Ч. И. Бишкек шаардык Травматология жана ортопедия илим-изилдөө борборуна кабыргасы сынып жана бир нече жаракат менен жаткырылган.

Аталган факт боюнча Жазык кодексинин 297-беренесинин ("Жол кыймылынын жана автомототранспорт каражаттарын эксплуатациялоонун эрежелерин бузуу") негизинде сотко чейинки өндүрүш иштери башталган.

102
Белгилер:
Кыргызстан, Бишкек, жол кырсык, мас, айдоочу, жөө адам, оорукана
Тема:
2021-жылдын башынан бери Кыргызстанда болгон жол кырсыктар (158)
Тема боюнча
Бишкек — Ош жолунда Toyota күйүп кетти. Өрттүн видеосу
Ошто жеңил автоунаа ИИМдин автобусун сүзүп, үч киши каза тапты
Бишкек — Ош жолундагы үрөй учурган кырсыкта 2 киши көз жумду. Сүрөттөр
Ок атуу болгон Россиянын Пермь мамлекеттик улуттук изилдөө университетинин жаныдагы полиция кызматкерлери

ТИМ: Пермдеги ЖОЖдо ок жегендердин арасында кыргызстандыктар жок

42
(жаңыланган 00:29 21.09.2021)
Кечээ, 20-сентябрда, Пермдеги жогорку окуу жайдын студенти имараттын ичиндегилерге ок чыгарган. Бир нече убакыттан соң полиция аны жарадар кылып, кармаган.

БИШКЕК, 21-сен. — Sputnik. Россиянын Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында кыргызстандыктар жок. Бул тууралуу ТИМдин маалымат кызматынан кабарлады.

"Пермь аймагынын компетенттүү органдарынын алдын ала маалыматы боюнча, 2021-жылдын 20-сентябрында Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында Кыргызстандын жарандары жок", — деп айтылат таратылган билдирүүдө.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26сы жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Жыйынтыгында ок чыгарган студент кармалган.

42
Белгилер:
Россия, Пермь, студент, ок атуу, полиция
Тема боюнча
Пермдеги элди аткан студент полиция кызматкерине да ок чыгарган. Чоо-жайы
Жапаров Путинге Пермдеги окуя боюнча көңүл айтты
Алматы шаарындагы полиция кызматкери. Архив

5 киши өлдү. Алматыда бүлөнү үйүнөн чыгарууга келген сот аткаруучуларга ок атылды

5413
(жаңыланган 19:26 20.09.2021)
Алдын ала маалыматтарга караганда, окуя Акбулак кичи районунда болгон. Атышуу сот аткаруучулар жаранды үйүнөн чыгарганы келгенде башталганы айтылат.

БИШКЕК, 20-сен. — Sputnik. Алматы шаарында атышуу болуп, беш киши көз жумду. Бул тууралуу Sputnik Казакстан агенттиги жазды.

Алдын ала маалыматтарга караганда, окуя Акбулак кичи районунда болгон. Атышуу сот аткаруучулар жаранды үйүнөн чыгарганы келгенде башталганы айтылат. Жеринде эки полиция кызматкери, бир сот аткаруучу жана эки жөнөкөй жаран көз жумганы маалым.

Өз кызматкерлеринин каза болгондугун Алматы полициясынын департаменти тастыктады.

"Мамлекеттик органдарга атышуу боюнча маалымат бүгүн саат 17.20да түшкөн. Сот аткаруучулар аймактык тескөөчүлөр соттун үй ээсин жакындары менен чогуу үйдөн чыгаруу чечимин ишке ашырууга келишкен. Ошол маалда 54 жаштагы жашоочу ок чыгарган", — деп айтылат кабарда.

Ал полиция тараптан кармалганы кошумчаланды.

5413
Белгилер:
Казакстан, Алматы, полиция, атышуу, өлүм
Тема боюнча
Пермдеги элди аткан студент полиция кызматкерине да ок чыгарган. Чоо-жайы