Жогорку Кеңештин депутаты Рыскелди Момбеков. Архивдик сүрөт

Артыман кууп, муштап жиберди. Момбеков чырдаша кеткен айдоочу тууралуу айтты

1382
(жаңыланган 18:36 07.09.2021)
Парламентарий соцтармакка эки мүнөттүк видеоинтервью жүктөп, борбор калаада болгон окуянын чоо-жайын айтып берди.

БИШКЕК, 4-сен. — Sputnik. Жогорку Кеңештин депутаты Рыскелди Момбеков ага каршы жазылган арыз боюнча түшүндүрмө берди.

Эл өкүлү ага кол салуу болгонун айтып, бул нерсе парламенттик шайлоонун алдында атайылап жасалып жатышы мүмкүн экенин белгиледи.

Буга чейин соцтармактар менен ЖМКларда депутат жансакчысы менен Бишкектен айдоочуну сабап салганы тууралуу маалымат тараган.

Ал эми Биринчи май райондук милициясы кечээ, 3-сентябрда, саат 16:50дө Чүй проспектиси менен Тоголок Молдо көчөсүнүн кесилишинде айдоочулар ортосунда чуу чыкканы тууралуу маалымат түшкөнүн билдирди.

ИИБдин маалыматына караганда, милицияга BMW  үлгүсүндөгү унаанын 27 жаштагы айдоочусу алып келинген. Ал Р. М. аттуу жаран менен анын жансакчысына каршы арыз жазып, алар аны сабаганын билдирген.

Милиция Жоруктар кодексинин 119-беренеси ("Майда бейбаштык”) боюнча сотко чейинки өндүрүш ишин баштап, экспертиза дайындаган.

Момбеков өзүнүн Instagram баракчасына видео кайрылуу жүктөп, тескерисинче, ага кол салуу болгонун белгилеген. Депутат сүйлөп бүткөндөн кийин анын унаасындагы видеорегистраторго түшүп калган эки мүнөттүк видеону көрүүгө болот.

Парламентарий маалыматты ИИМ таркатсын деп бир сутка күтүп, бирок коомго ар кандай маалыматтар тарай баштагандыктан жооп берүүнү туура көргөнүн билдирген.

Депутаттын айтымында, окуя кечээ "Ош" базарынын аймагында BMW үлгүсүндөгү унаанын айдоочусу анын жолун кесип чыккандан кийин болгон.

“Мен капталдап өтүп, акшыңдабай эле айдасаң болот эле го десем, мени сөктү. Автоунаасын камерага тарта баштасам мени дагы оозго алгыс сөздөр менен сөгүп жиберди. Күзгүдөн карасам артыман кууп алыптыр. Чыңгыз Айтматов проспектисинен өткөндөн кийин машинасын алдыма айдап келип токтотту. Келип унаамдын эшигин ачканга аракет кылды. Машинанын айнеги ачык болчу, ошол жерден мени 2-3 жолу уруп жиберди. Окуяны ошол жердегилердин баары көрдү. Айдоочулардын бири аны машинасына салса да болбой кайра жулунуп келип менин унаамды сүрөткө тартып алды. Тоголок Молдого жеткенде мени кайра токтотуп алып коркуткан сөздөрдү айтты”, — деди Момбеков.

Депутат BMW үлгүсүндөгү унаанын айдоочусун сабабаганын жана анын жансакчысы жок экенин белгиледи. Эл өкүлүнүн айтымында, ага кол салган киши менен сүйлөшкөндө ал түрмөгө отуруп чыкканын айтып коркуткан.

“Айдоочу “мени каматам деп ойлоп жатасыңбы, чыгып келгенден кийин сага жашоо бербейм” деди. Негизи бул бала биринчи жолу келип жолумду тоскондо ИИМ жетекчиси Улан Ниязбековго чалдым. Ал азыр балдар барат деп айтты. Андан соң патрулдук милиция келип айдоочуну алып кеткен. Ким сабап салганын билбейм”, — деди Момбеков.

Депутат Sputnik агенттигинин кабарчысына скриншот жиберди, андан эл өкүлү министрге чалганын көрүүгө болот. Момбеков ага кол салуу болгонун далилдеген 20 мүнөттүк видео дагы бар экенин айтты. Эл өкүлү өткөн суткада милиционерлер ага арыз жазып коюуну сунуштаганын, бирок көңүл бурбай койгонун кошумчалады.

  • Депутат прислал корреспонденту Sputnik скриншот, на котором видно, что он звонил министру.
    Депутат Sputnik агенттигинин кабарчысына скриншот жиберди, андан эл өкүлү министрге чалганын көрүүгө болот
    © Фото / Рыскелди Момбеков
  • Депутат прислал корреспонденту Sputnik скриншот, на котором видно, что он звонил министру.
    Депутат Sputnik агенттигинин кабарчысына скриншот жиберди, андан эл өкүлү министрге чалганын көрүүгө болот
    © Фото / Рыскелди Момбеков
1 / 2
© Фото / Рыскелди Момбеков
Депутат Sputnik агенттигинин кабарчысына скриншот жиберди, андан эл өкүлү министрге чалганын көрүүгө болот

Парламентарий Чүй проспектисиндеги “Коопсуз шаардын” же уюмдардын камераларынан видеону алып деле айдоочуну жазалап койсо болмоктугун айтты.

ИИМ окуя боюнча азырынча комментарий бере элек. Депутат айыптап жаткан айдоочунун ким экени азырынча белгисиз.

1382
Белгилер:
Бишкек, Рыскелди Момбеков, депутат, кол салуу
Тема боюнча
Мушташкан эмес! Милиционер атып салган айдоочунун аялы видео кайрылуу жасады
Алматы шаарында ок атуу болгон жердеги полиция кызматкерлери

Алматыда үй ээси атып салган 5 киши: өлгөндөрдүн бири жаңы кожоюн болгон

52
(жаңыланган 10:08 21.09.2021)
Каргашалуу окуя 20-сентябрь күнү кечки саат алтылар чамасында болгон. Акбулак кичи районунда жашаган тургун беш адамды атып салган.

БИШКЕК, 21-сен. – Sputnik. Алматы шаарында ок атуудан каза болгондордун бири турак жайдын жаңы кожоюну болгон. Бул тууралуу Алматынын акими Бакытжан Сагинтаевге шилтеме берип Sputnik Казакстан агенттиги жазды.

Каргашалуу окуя 20-сентябрь күнү кечки саат алтылар чамасында болгон. Акбулак кичи районунда жашаган тургунду соттун чечимин аткаруу үчүн үйүнөн чыгарганы келген сот аткаруучуларды үй ээси атып салган. Жеринде эки полиция кызматкери, бир сот аткаруучу жана эки жөнөкөй жаран каза болгон.

Маалыматка караганда, үй ээси банкка карызын төлөй албай, тамынан кол жууган. Турак жай үчүнчү тарапка сатылган. Кийин ал үйдү бошотпой жүргөндө жаңы кожоюн сотко кайрылган. Сот анын өтүнүчүн канааттандырган.

"Кечээ аны үйдөн чыгаруу үчүн сот аткаруучу, эки полиция кызматкери жана үйдүн жаңы ээси келген. Ошол учурда 54 жаштагы жаран ок чыгарып, беш киши каза болду. Алардын бири үйдү сатып алган адам болгон", — деп айтылат билдирүүдө.

Ок чыгарган киши ошол замат колго түшүрүлгөн. Казакстандын мыйзамдарына ылайык, ал 20 жылга чейин эркинен ажырашы мүмкүн экени айтылууда.

Шаар жетекчиси каза болгондордун жакындарына көңүл айтып, аларга жардам берилерин кошумчалады.

 

52
Белгилер:
Казакстан, Алматы, сот, чечим, үй, полиция, атышуу
Тема боюнча
5 киши өлдү. Алматыда бүлөнү үйүнөн чыгарууга келген сот аткаруучуларга ок атылды
Ок атуу болгон Россиянын Пермь мамлекеттик изилдөө университетинин жанына коюлган гүлдөр

18 жашта эле... Пермь университетинде студенттин огунан көз жумгандардын тизмеси

76
(жаңыланган 09:58 21.09.2021)
Студенттин огунан көз жумгандардын бирөө эркек бала, калганы аялдар экени айтылды. Алардын улуусу 66, кичүүсү 18 жашта эле.

БИШКЕК, 21-сен. —Sputnik. Пермдин аймактык коопсуздук боюнча министрлиги ЖОЖдо атылган октон курман болгондордун тизмесин жарыялады. Бул тууралуу РИА Новости жазды.

Каза тапкандардын улуусу 66, кичүүсү 18 жашта экени маалым болду.

"Алар Маргарита Энгауз (66 жаш), Ярослав Арамелев (19 жаш), Ксения Самченко (18 жаш), Екатерина Шакирова (19 жаш), Анна Айгельдина (26 жаш), Александра Мохова (20 жаш) болуп чыкты", — деп айтылган маалыматта.

Кыргызстандын президенти Садыр Жапаров. Архив
© Пресс-служба президента КР / Султан Досалиев
Эске салсак, 20-сентябрда эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 24ү жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Жыйынтыгында ок чыгарган студент кармалган.

Кыргызстандын ТИМи түндө Пермь мамлекеттик изилдөө университетинде болгон окуяда жабыркагандардын жана каза болгондордун арасында кыргызстандыктар жок экендигин билдирди.

 

76
Белгилер:
Россия, Пермь, студент, ок атуу, өлүм
Тема боюнча
Пермдеги элди аткан студент полиция кызматкерине да ок чыгарган. Чоо-жайы
ТИМ: Пермдеги ЖОЖдо ок жегендердин арасында кыргызстандыктар жок
Борбордук шайлоо комиссиясынын мүчөсү Узарбек Жылкыбаев. Архив

Жылкыбаев: мыйзам көрсөткөн убакытка чейин үгүт жүргүзгөндөр жазаланат

0
Борбордук шайлоо комиссиясынын мүчөсү Узарбек Жылкыбаев мыйзамда көрсөтүлгөн убакытка чейин үгүт иштерин баштагандар талапкер катары катталбай турганын айтты.

Жабык реклама методуна салып, эксперттердин пикири же дагы башка деген таризде мыйзамда көрсөтүлгөн убакытка чейин үгүт иштерин жасагандар жазаланат. БШКнын аларды талапкер кылып каттабай коюу укугу бар. Бул тууралуу Узарбек Жылкыбаев Sputnik Кыргызстан радиосуна маек куруп жатып билдирди.

Анын айтымында, кандайдыр бир эл чогулган жерлерде азыртадан үгүт иштерин жүргүзүп жаткандарды жарандар видеого тартып БШКга жиберсе болот.

"Мыйзамда үгүт иштерине бир ай убакыт бөлүнгөн. Ал шайлоо өтөр күнгө толук бир ай калганда башталат. Быйыл бул октябрдын соңку күндөрүнө туура келет. Эгер кимдир бирөө ушул убакытка чейин ар кандай иш-чараларда өздөрүн агитациялап же ачык эле элди чогултуп алып "мени шайлап койгула" деп жатса, алар талапкер катары катталбайт. Бирок муну далилдеген видеолор болушу шарт. Видеого ар бир эле кыргызстандык тартып, БШКга жиберсе болот. Ошону менен катар эле учурда иштеп жаткан депутаттар тигил же бул аймакка барып, мекемелердин ачылышына же башка иштерге катышып кала турган болсо, биз аларды тыя албайбыз. Анткени бул эл өкүлдөрү, учурдагы ишмердүүлүгүнүн негизинде барып жатат", — деди Жылкыбаев.

Ал социалдык тармактарда белгиленген убакыттан эрте үгүт иштерин баштаган бир мандаттуу талапкерлер да, партиялар да мыйзам чегинде жазаланып, талапкерлик тизмеден четтетилерин кошумчалады.

0
Белгилер:
Узарбек Жылкыбаев, шайлоо, Жогорку Кеңеш, мыйзам, үгүт
Тема боюнча
Жактырган талапкерге добуш бере аласыз. Парламенттик шайлоодогу жаңы эреже