Бычак кармаган киши. Архивдик сүрөт

Чүй ОИИБ: Степное айылында бычакталган аялдын башы кесилген эмес

113
(жаңыланган 11:59 06.09.2021)
Сотко чейинки өндүрүштүн алкагында кошуналары суралып, алар каза болгон аялдын үйүнөн 5-сентябрь күнү болжол менен саат 17:00дө түтүн чыгып жатканын көргөнүн айтышкан.

БИШКЕК, 6-сен. — Sputnik. Чүй облусунун Степное айылында киши колдуу болгон аялдын сөөгү табылды. Бул тууралуу Чүй ОИИБдин маалымат кызматы кабарлады.

Билдирмеге караганда, 5-сентябрь күнү болжол менен саат 21:40тар чамасында Жайыл РИИБдин нөөмөт бөлүмүнө телефон чалуу болуп, Степное айылындагы үйлөрдүн биринде аял кишинин сөөгү табылгандыгы тууралуу маалымат түшкөн.

"Милициянын ыкчам тергөө тобу окуя болгон жерге барып, үйдүн артынан аялдын сөөгүн көрүшкөн. Денесинде бычактан алган бир нече жаракат аныкталып, ал 60 жаштагы С.Т. аттуу аял экени такталган", — деп жазылат билдирмеде.

Аталган иш Кылмыш жана жоруктардын бирдиктүү реестрине Жазык кодексинин 130-беренеси ("Адам өлтүрүү") боюнча катталган.

"Сотко чейинки өндүрүштүн алкагында кошуналары суралып, алар каза болгон аялдын үйүнөн 5-сентябрь күнү болжол менен саат 17:00дө түтүн чыгып жатканын көргөнүн айтышкан. Алар үйүнө кирип, бөлмөдөгү матрацтын түтөп жатканын көрүп дароо аялдын тууганына кабар беришкен. Анын сөөгүн кийинчерээк байкап милицияга чалышкан", — деп жазылат маалыматта.

Укук коргоо органдары аялдын башы кесилген абалда табылган жана үйү өрттөлгөн деген маалымат чындыкка дал келбей турганын кошумчалаган.

"Көз жумган аялдын денесинен бычактан алган жаракаттары болгон, үйүнөн өрт чыккан эмес", — деп жазылат маалыматта.

Азыркы тапта кылмыштын бетин ачуу үчүн Чүй ОИИББдин жана Жайыл РИИБдин тажрыйбалуу кызматкерлеринен турган ыкчам топ тергөө иш-амалдарын жүргүзүп, сотко чейинки өндүрүш иштери улантылууда.

113
Белгилер:
Чүй облусу, аял, сөөк, үй, өрт
Тема боюнча
Аялын бычактап милиция чакырган эргул. Апрелдеги соттук чечимдер
Уюшкан кылмыш тобунун эки мүчөсү ишкерден 20 миң доллар талап кылган
Бала көтөргөн аял. Архив

Индиядагы кыргызстандык келиндин өлүмү боюнча ТИМ маалымат берди

94
(жаңыланган 23:29 22.09.2021)
Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

БИШКЕК, 22-сен. — Sputnik. Кыргызстандын Тышкы иштер министрлиги Индиянын Нью-Дели шаарында баласы менен чогуу киши колдуу болгон келиндин өлүмү тууралуу комментарий берди.

Буга чейин 28 жаштагы кыргызстандык кош бойлуу келин Нью-Дели шаарында бир жашар уулу менен чогуу өлтүрүлгөндүгү тууралуу маалымат тараган.

“Тергөөнүн маалыматы боюнча, келин курбусунун үйүндө 21-сентябрга караган түнү киши колдуу болгон. Тиешелүү экспертизалар жүргүзүлүп, полиция кылмыш ишин козгоду. Шектүүлөр суракка алынып, тергөө иштери жүрүп жатат”, — деп айтылат билдирүүдө.

Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

Элчилик бул ишти өз көзөмөлүнө алып, учурда сөөктөрдү Кыргызстанга алып келүү маселесинин үстүндө иштеп жатат.

94
Белгилер:
Индия, Кыргызстан, келин, бала, өлүм, ТИМ
Тема боюнча
Аялдын өлүмүнө себепчи болгон мотоциклдин айдоочусу үй камагына чыкты

Вулкандын укмуштуудай атылышы: тоодой чок бут алдыңа жылып келе жаткан видео

128
Сицилиядагы атактуу Этна жанар тоосу кайрадан атылып, адамзатка, жан-жаныбарга табияттын, өзүнүн эбегейсиз күчүн көрсөтүп жатат.

YouTube-каналга 21-сентябрь деген дата менен жарыяланган вулкандын видеосу кишини кайдыгер калтырбайт.

RT Этна вулканынын атылышынан кийинки бир нече чакырымга жеткен чаң жергиликтүү аэропорот менен социалдык кызматтардын ишин татаалдантканын кабарлады. Маалыматта анын түтүнү менен чаңы 9 чакырым бийиктикке жеткени айтылды.

Учурда кратердин түндүк-батыш жагында лава агып, туристтер бул өзгөчө көрүнүшкө суктанганын түгөтө албай жүргөнүн кадрлардан көрүүгө болот.

128
Белгилер:
Сицилия, Этна, жанар тоо, лава, турист
Тема боюнча
Жер жамынган кызыл ажыдаар жылып келе жаткандай. Испаниядагы лаванын видеосу