Мал союу. Архивдик сүрөт

Мал союп этин тараткан. Аксыда 7 адам күйдүргүгө шектелип ооруканага түштү

247
(жаңыланган 16:27 13.09.2021)
Күйдүргү жуктургандар менен 41 адам байланышта болгону аныкталды, анын ичинен ону 14 жашка чыга элек балдар.

БИШКЕК, 13-сен. — Sputnik. Жалал-Абад облусунун Аксы районунда жети адам күйдүргүгө шектелип ооруканага түштү. Бул тууралуу Карантиндик жана өзгөчө кооптуу инфекциялар борборунун бөлүм башчысы Кубанычбек Бектурдиев билдирди.

Анын айтымында, өткөн жумада Кара-Суу айыл аймагынын Жүзүмжан айылынын тургундары өлүп калган уйду союп, этин 17 үй-бүлөгө тараткан. Андан соң кээ бирлеринин колунда ыйлаакчалар пайда болуп, жети адам күйдүргүнүн белгилери менен Аксы райондук оорукана жаткырылган.

"Негизи бир уй капысынан өлүп калганда союшкан, алар деле күйдүргү бар экенин билбесе керек. Учурда эки адамдын лабораториялык анализдеринен күйдүргү аныкталды. Калган бешөөнүкү терс чыкты, бирок колдорундагы жара оорунун белгисин көрсөтүүдө. Баарынын абалы жакшы. Ал эми булар менен 41 адам байланышта болгону аныкталды, анын ичинен ону 14 жашка чыга элек балдар. Алар үйүндө медиктердин көзөмөлүндө болуп, антибиотик алып жатышат", — деди Бектурдиев.

Мындан улам айылда санитардык агартуу иштери күчөтүлгөн. Ветеринардык адистер мал союлган жерден алынган топуракты лабораторияга жиберген.

247
Белгилер:
Аксы, күйдүргү, оору, мал
Тема боюнча
Романов: сибирь жарасы жер кыртышында кылымдап жата берет
Дене ууланат. Малдан адамга жуккан күйдүргүдөн кантип сактануу керек
Россиянын Пермь мамлекеттик изилдөө университетинде ок чыккан жердеги полиция кызматкерлери

Пермь университетинде студент ок чыгарып, 8 киши каза тапты. Видео

177
(жаңыланган 14:22 20.09.2021)
Окуу жайдан октун үнү чыгып жатканы тууралуу маалымат милицияга бүгүн эртең менен түшкөн. ИИМ полиция кызматкерлери окуя болгон жерге дароо чыгып кеткенин билдирди.

БИШКЕК, 20-сен. — Sputnik. Россиянын Пермь мамлекеттик изилдөө университетинде ок атылып, сегиз киши каза болду. Алардын арасында жаракат алгандар да бар. Бул тууралуу Тергөө комитетинин өкүлү Светлана Петренко билдиргенин РИА Новости жазды. 

Киши курмандыгына себепкер болгон адамдын кармалганы, анын аталган окуу жайдын студенти экени кабарланды. Окуу жайдан октун үнү чыгып жатканы тууралуу маалымат бүгүн эртең менен нөөмөт бөлүмүнө түшкөн.

"Алдын ала маалымат боюнча, каза тапкандардын саны сегиз кишиге жетти. Алтоо жаракат алган", — деп айтылган маалыматта.

Социалдык тармактарда студенттер дүрбөлөңгө түшүп, терезеден секирип жаткан видео тараган.

ИИМ полиция кызматкерлери окуя болгон жерге дароо чыгып кеткенин билдирди.

177
Белгилер:
Россия, Пермь, окуу жай, курал, ИИМ
Тема боюнча
Ок атып токтотушту. Чек арачылар Тажикстанга бараткан жүктү кармашты
Түштүк кореялык аскага чыгуучу Мин Ян Ли Москва шаарында өткөн аскага чыгуу боюнча дүйнө чемпионатында

Аскага чыкканына сүйүнгөн спортчу секире коюп олуттуу жаракат алды. Видео

63
(жаңыланган 14:43 20.09.2021)
Спортчу трассадан ийгиликтүү өтүп, бирок матка туура эмес секирип алып тура албай калган. Медиктер аны замбил менен көтөрүп кетишти.

БИШКЕК, 20-сен. — Sputnik. Түштүк кореялык аскага чыгуучу Мин Ян Ли Москва шаарында өткөн аскага чыгуу боюнча дүйнө чемпионатында олуттуу жаракат алды.

Жарым финалда спортчу трассага ийгиликтүү чыгып, сүйүнгөнүнөн секирип жерге туура эмес түшкөн. Ал белин кармап тура албай калганда медиктер замбилге салып көтөрүп кеткен.

Аскага чыгуу боюнча дүйнөлүк чемпионат Москвада 15-сентябрда башталган, жарыш эртең жыйынтыкталат. Ага дүйнө жүзүнөн келген 188 аскага чыгуучу катышууда.

63
Белгилер:
Москва, спортчу, чыгуу, жаракат
Тема боюнча
Мессинин буту сынып кала жаздады... Оюндагы опурталдуу учурдун видеосу
Жаракат алгандары бар... Казакстанда спортчулар чабыша кеткен видео
Электр кубаты счётчиги. Архив

Эртең Бишкектин кайсы жеринде электр кубаты өчүрүлөт. Тизме

7
(жаңыланган 16:12 20.09.2021)
Шейшемби күнү "Түндүк электр" ишканасынын бригадасы Бишкектин чекесинде жайгашкан айылдагы подстанциянын жана калаадагы үйлөрдүн ичиндеги электр тармактардын абалын текшерип чыгат.

БИШКЕК, 20-сен. — Sputnik. Электр кубаты 21-сентябрь күнү Бишкектин 13 көчөсүнүн тилкелеринде болбой тургандыгы "Түндүк электр" ишканасынын сайтында жазылган.

Бул күнү адистерден турган бригадалар үйлөрдүн ичиндеги электр тармактардын абалын көздөн кечирип, оңдой турчуларын кайрадан карап, түздөп чыгат. Андан сырткары, Күнтуу айылындагы подстанцияны текшерет.

Электр кубаты өчүрүлө турган аймактар:

  • 09:00-18:00 — Манас проспектисинин тилкеси (№61 үй), Тынчтык, Касым, Ынтымак, Арча-Бешик (Безымянная, Кара-Кужур, Абдрахманов, Бердибаев, Алтын-Тутун, Эртайлак, Шербет, Садыбакасов, Он-Арча көчөлөрү), Ак-Босого конуштары, Жал-29 кичи району.
  • 09:30-18:30 — Ахунбаев ( №106 А үй) көчөсүнүн тилкеси, Кара-Жыгач (Субан-Ата көчөсү) конушу.
7
Белгилер:
Кыргызстан, Бишкек, электр кубаты, Күнтуу айылы
Тема боюнча
Эртең Бишкектин айрым жерлеринде таза суу өчүрүлөт. Тизме
Жаан-чачындуу күндөр башталабы? Бир жумага карата аба ырайы
Бишкектин айрым райондорунда 11 күн бою газ менен ысык суу болбойт