Мушташ. Иллюстративдик сүрөт

Маршруткадан түшүп баратып мушташып... Ысык-Атадагы окуянын видеосу

224
(жаңыланган 13:55 20.09.2021)
Милиция жабырлануучунун арызынын негизинде ишти Жоруктар кодексинин 119-беренеси ("Майда бейбаштык") боюнча Кылмыш жана жоруктардын бирдиктүү реестрине каттаган.

БИШКЕК, 20-сен. — Sputnik. Чаламандын чак түшүндө үчөөлөп бир эркекти сабаган жарандарга кылмыш иши козголду. Бул тууралуу Чүй облустук милициясынын маалымат кызматынан кабарлады.

Окуянын видеосу "Короче" Telegram-каналына жарыяланган.

Анда Ысык-Ата районунун Ново-Покровка айылынын көчөлөрүнүн биринде коомдук транспорттон төрт эркек жакалашып түшүп жолдун боюнда мушташканын байкоого болот. Аларды жолдо өтүп бара жаткандар ажыратып калган. Жабырлануучу ошол эле күнү, 10-сентябрда, Ысык-Ата райондук ички иштер бөлүмүнө арыз менен кайрылган.

"Арыздануучу аны кошунасы балдары менен сабап, денесине залал келтиргенин билдирген. Аталган иш Кылмыш жана жоруктардын бирдиктүү реестрине Жоруктар кодексинин 119-беренеси ("Майда бейбаштык") боюнча катталып, учурда керектүү экспертизалар дайындалып, тергөө уланууда", — деди милициядан.

Кошумчалай кетсек, сабалган жаран буга чейин да укук коргоо кызматкерлерине 2020-жылдын 18-июнунда жана 20-декабрында ошол эле кошунасы уулдары менен сабап кеткенин айтып, ички иштер бөлүмүнө арызданган. Анын бири курамында кылмыштын белгилери жок делип кыскартылса, экинчиси боюнча дагы эле тергөө жүргүзүлүүдө.

224
Белгилер:
Кыргызстан, Чүй облусу, мушташ, милиция, видео
Тема боюнча
Ишкер сабалып... Ош шаардык спорт комитетинин башчысына байланыштуу иш кыскарды
Жалал-Абадда бир суткада 9 килограммга жакын нашаа табылды. Видео
Айзаданын өлүмү боюнча милиционерлердин иши токтотулдубу? Прокуратуранын жообу
Кыргызстандын жаранынын паспорту. Архив

Кара-Кулжада өзбекстандыктарга жасалма паспорт берип жүргөн адис кармалды

646
Райондук калкты каттоо бөлүмүнүн башкы адиси чет өлкөлүк жарандарга паспорт алып берип, ордуна сый акы алып турганы аныкталган.

БИШКЕК, 22-окт. — Sputnik. Кара-Кулжа райондук калкты каттоо жана паспорттоштуруу бөлүмүнүн О.Т.А. аттуу башкы адиси Өзбекстандын жарандарына паспорт берген деп кармалды. Бул тууралуу УКМКнын маалымат кызматы кабарлады.

Иликтөөнүн жүрүшүндө Өзбекстандын жарандары Ю.М.У. жана С.М.С. жасалма документ алып бергени үчүн шектүүгө акчалай сый акы бергени аныкталган.

Задержанный житель Кара-Кульдинского района по подозрению в изготовлении поддельных паспортов
© Фото / пресс-служба ГКНБ
Шектүү

Факт боюнча Жазык кодексинин 320 ("Кызмат абалынан кыянаттык менен пайдалануу") жана 330-беренелери ("Паспортту мыйзамсыз берүү") менен сотко чейинки тергөө башталып, шектүү УКМКнын тергөө абагына киргизилген.

Учурда чет өлкөлүк жарандарга мыйзамсыз документ берүү фактыларын аныктоо боюнча тиешелүү иштер улантылып жатканы кошумчаланды.

646
Белгилер:
кармоо, жасалма, паспорт, шектүү, Кара-Кулжа
Тема боюнча
Октябрь РИИБдин жетекчиси көп балалуу аялдан акча талап кылган деп кармалды
Октябрь райондук ички иштер башкармалыгынын башчысы Уланбек Аалиев. Архив

Октябрь РИИБдин жетекчиси көп балалуу аялдан акча талап кылган деп кармалды

758
(жаңыланган 13:46 22.10.2021)
Жазык кодексинин бир нече беренеси менен Октябрь райондук ички иштер башкармалыгынын башчысы Уланбек Аалиев, тергѳѳ кызматынын мурдагы орун басары Талгат Куватбеков жана тергѳѳчү Айсулуу Рамазан кызы колго түшүрүлгөн.

БИШКЕК, 22-окт. — Sputnik. Бишкекте коррупцияга шектелип Октябрь райондук ички иштер башкармалыгынын башчысы Уланбек Аалиев жана эки кызматкери кармалды. Бул тууралуу Жогорку прокуратуранын маалымат кызматы кабарлады.

Билдирмеге караганда, прокуратура тарабынан Октябрь РИИБинде кыйноо, опузалап пара алуу жана кызмат абалынан кыянаттык менен пайдалануу фактылары аныкталган.

"Октябрь райондук ички иштер башкармалыгынын айрым кызматкерлери алдын ала сүйлөшүп, кызмат абалынан пайдалануу менен сотко чейинки ѳндүрүш иштери боюнча А.Т. аттуу жаранды камакка алуу шылтоосу менен ага моралдык жана психикалык кысым кѳрсѳтүшкөн. А.Т. аттуу аялдын көп балалуу, жалгыз бой эне болгондугуна карабай себеби жок ички иштер башкармалыгына чакыртып, опузалап ири ѳлчѳмдѳ пара талап кылышкан", — деп жазылат маалыматта.

Ага ылайык Жазык кодексинин 143-беренеси ("Кыйноолор"), 320-беренесинин 2-бөлүмү ("Кызмат абалынан кыянаттык менен пайдалануу") жана 326-беренесинин 2-бөлүмү ("Опузалап пара алуу") боюнча сотко чейинки өндүрүш иштери башталган.

"21-октябрда Аскер прокуратурасынын тергѳѳ тобу тарабынан Октябрь райондук ички иштер башкармалыгынын башчысы Уланбек Аалиев, тергѳѳ кызматынын мурдагы орун басары Талгат Куватбеков жана тергѳѳчү Айсулуу Рамазан кызы кармалып, УКМКнын убактылуу кармоочу жайына киргизилген", — деп жазылат билдирмеде.

Учурда сотко чейинки ѳндүрүш иштери боюнча тергѳѳ жүрүп жатканы кошумчаланды.

758
Белгилер:
прокуратура, пара, кармоо, милиция, коркутуу
Тема боюнча
Президенттик администрациянын Ырайым кылуу комиссиясынын катчысы кармалды. Видео
Столдун суурмасынан санап... Чек ара кызматынын жетекчилери кармалган видео
Голос долбоорунун сахнасы. Архив

Кыргызстандык "Голос" шоусуна катышып, Билан менен Агутинди таң калтырды

0
(жаңыланган 00:18 23.10.2021)
Бишкектик ырчы Адилет Жумабековду дароо үч насаатчы командасына алгысы келди. Ал долбоордогу чыгармасын апасына арнаган.

БИШКЕК, 23-окт. — Sputnik. Кыргызстандык Адилет Жумабеков Россиянын "Голос" шоусунун кийинки этабына өттү.

Бул шоуда насаатчылар аткаруучуларды артты карап алып угуп, жакса бурулушат. Адилет кесипкөй ырчы эмес экенин, бирок бир нече аспапта ойной турганын айткан.

"Апам төрт баланы жазгыз өстүрдү. Мен музыкалык окуу жайда окучумун, бирок финансылык кыйынчылыктан улам музыкант, ырчы болуп иштеп кеткем. "Голос" долбоору — менин көптөн берки кыялым", — деген Жумабеков.

30 жаштагы бишкектик ырчы долбоордо Boyz II Men — End of the road ырын аткарды. Ал ырдап жатканда Александр Градский, Леонид Агутин менен Дима Билан бурулуп караган. Залда отургандар да ага кол чаап, "Баракелде!" деген. 

Пелагея кыргызстандык ырчынын аткаруусуна таң берген, Агутин стилин жана тембрин баалаган, Билан дагы аны өз командасынан көргүсү келип жатканын билдирген. Натыйжада Жумабеков Биланды тандаган.

0
Белгилер:
Россия, 'Голос' долбоору, ырчы
Тема боюнча
Бишкекте "Орто Азия романсиадасы" конкурсунун жеңүүчүлөрү аныкталды. Сүрөт