Бишкектин батыш тарабында чыккан өрт

Бишкектеги ири өрт чектөөгө алынды. Асмандан тартылган видео

1086
(жаңыланган 17:56 28.09.2021)
ӨКМ жеринде төрт өрт өчүрүү тобу иш алып барганын айтты. Учурда куткаруучулар жеринде ишин улантып жатышат.

БИШКЕК, 28-сен. — Sputnik. Бишкектин батыш тарабында чыккан өрт чектөөгө алынды. Sputnik Кыргызстандын кабарчылары жеринен билдиргендей, алоолонгон жалын жок.

Тилсиз жоону өчүрүүгө 13:03тө төрт бригада тартылган. Адегенде "Империя Пиццы" кафесинин имараты өрттөнгөнү айтылган. Кийин тилсиз жоо ага жакын жайгашкан имаратты жалмаганы аныкталды.

  • Вид с дрона на пожар  рядом с кафе Империя пиццы на улице Кулиева в Бишкеке
    Бишкектин батыш тарабында чыккан өрт чектөөгө алынды
    © Sputnik / Акылбек Батырбеков
  • Сотрудники МЧС на месте пожара рядом с кафе Империя пиццы на улице Кулиева в Бишкеке
    Тилсиз жоону өчүрүүгө 13:03тө төрт бригада тартылган. Адегенде "Империя Пицца" кафесинин имараты өрттөнгөнү айтылган.
    © Sputnik / Табылды Кадырбеков
  • Сотрудники МЧС во время тушения пожара рядом с кафе Империя пиццы на улице Кулиева в Бишкеке
    Кийин тилсиз жоо ага жакын жайгашкан имаратты жалмаганы аныкталды
    © Sputnik / Табылды Кадырбеков
  • Вид с дрона на пожар  рядом с кафе Империя пиццы на улице Кулиева в Бишкеке
    Өрт өчүрүүчүлөр жеринде ишин улантып жатышат. Алар өрттү толугу менен өчүргөндөн кийин урандыларды тазалашат.
    © Sputnik / Акылбек Батырбеков
1 / 4
© Sputnik / Акылбек Батырбеков
Бишкектин батыш тарабында чыккан өрт чектөөгө алынды

Өрт өчүрүүчүлөр жеринде ишин улантып жатышат. Алар өрттү толугу менен өчүргөндөн кийин урандыларды тазалашат.

1086
Белгилер:
Бишкек, өрт өчүрүүчү, жалыныч, ӨКМ
Тема боюнча
Аламүдүндүн Байгелди айылында тоодогу чөп өрттөндү. Видео
Кишенчен аял. Иллюстративдик сүрөт

Милиция блогер Гүлзат Мамытбекти 110 миң доллар алган деп кармады

9
(жаңыланган 10:53 26.10.2021)
Арыз жазгандардын айтымында, блогер кыска убакытта ири суммадагы киреше табасыңар деп акча алып, таптырбай кеткен.

БИШКЕК, 26-окт. — Sputnik. Гүлзат Мамытбек деп таанылган блогер Гүлзат Алымкулова кармалды. Бул тууралуу Sputnik агенттигине укук коргоо органдарындагы ишенимдүү адам билдирди.

Маалыматка ылайык, буга чейин Биринчи май РИИБге жети киши Мамытбекти алдамчылыкка айыптап кайрылган. Алардын айтымында, блогер кыска убакытта ири суммадагы киреше табасыңар деп акча алып, таптырбай кеткен. Жалпы 110 миң доллар зыян келтирилгени маалым болду.

Аталган факт Жазык кодексинин "Алдамчылык" беренеси боюнча Кылмыш жана жоруктардын бирдиктүү реестрине катталды.

Шектүү былтыр февраль айында Кыргызстандан чыгып кеткени белгилүү болгон. Июнда ага кылмышка шектелип жатканы боюнча кабар берилген жана сыртынан баш коргоо чарасы тандалып, борбордогу №1 тергөө абагына киргизилмек.

Бирок августта Мамытбекке карата тергөө токтотулган, бул ага издөө жарыяланышы менен байланыштуу болгон.

Кечээ, 25-октябрда, шектүү Кыргызстанга келери менен Биринчи май РИИБдин кызматкерлери тарабынан кармалган. Учурда Бишкек ШИИБдин убактылуу кармоочу жайына киргизилди.

Тергөө уланууда.

9
Белгилер:
блогер, алдамчылык, милиция, кармоо, Гүлзат Мамытбек
Тема боюнча
Кара-Кулжада өзбекстандыктарга жасалма паспорт берип жүргөн адис кармалды
Таанышканына эки күн болгон. Чүйдө кыз ала качты деп төрт киши кармалды
Жолдо бараткан унаа. Архив

Юградагы жол кырсыктан кыргызстандык жубайлар набыт болду

161
(жаңыланган 17:46 25.10.2021)
Каргашалуу окуя Юградагы Когалым менен Ноябрьск шаарларынын ортосундагы трассада болгон. Анын кесепетинен 22 жана 19 жаштагы жубайлар көз жумду.

БИШКЕК, 25-окт. — Sputnik. Россиядагы Ханты-Мансийск автономдук округундагы (Югра) жол кырсыктан кыргызстандык жубайлар каза тапты. Бул тууралуу Тышкы иштер министрлиги билдирди.

Маалыматка караганда, окуя 23-октябрь күнү Юградагы Когалым менен Ноябрьск шаарларынын ортосундагы трассада болгон. Анын кесепетинен 22 жаштагы А.А.М. жана 19 жаштагы А.К.А. набыт болгон. Автоунаанын рулунда А.А.М. аттуу адам отурганы айтылды.

"24-октябрь күнү элчиликтин кеңсесинде келиндин бир тууганы менен жолугушуу өттү. Ага маркумдун сөөгүн мекенине жеткирүү боюнча чыгымдарды жабуу үчүн бир жолку төлөмдү алуу тартиби түшүндүрүлдү. Когалым жана Ноябрьск шаарларынын диаспоралык уюмдарынын өкүлдөрү кошулуп маркумдун тууганына активдүү жардам көрсөтүлүүдө", — деп айтылат маалыматта.

Бүгүн, 25-октябрда, элчиликтин кеңсеси Югранын Сургут району боюнча тергөө бөлүмү менен байланышкан. Алар каза болгон айдоочунун унаа башкарууга уруксат кагаздары жок болгондугуна байланыштуу тергөө органдары окуянын чоо-жайын тактап жатканын айтышкан.

"Буга карабастан тергөө башкармалыгы кырсыктан каза болгондордун сөөгүн мекенине алып кетүүгө тиешелүү бардык уруксаттарды берет", — деп айтылат маалыматта.

Элчилик маркумдардын сөөгүн Кыргызстанга тез арада жөнөтүү үчүн кошумча каттамдарды иштеп чыгууда.

161
Белгилер:
Россия, жол кырсык, Кыргызстан, элчилик
Тема боюнча
Ысык-Көлдүн Кырчынында КамАЗ сайга кулап, бир киши каза тапты. Сүрөттөр
Ноокатта жол кырсыгына кабылган мугалимдердин бири бүгүн ооруканада көз жумду
Айыл чарба министрлигинин Азык-түлүк коопсуздугу башкармалыгынын жетектөөчү адиси Бексултан Арзыбаев

Арзыбаев: ун тартыштыгы болбойт

0
Айыл чарба министрлигинин Азык-түлүк коопсуздугу башкармалыгынын жетектөөчү адиси Бексултан Арзыбаев күнүмдүк керектелүүчү азык-түлүктүн баасын жөнгө салуу жаатында көрүлүп жаткан аракеттер тууралуу айтып берди.

Кыргызстанда буудай, кумшекер жана өсүмдүк майы эң көп керектелүүчү азык. Бул тууралуу Бексултан Арзыбаев Sputnik Кыргызстан радиосунун эфиринде маек куруп жатып билдирди.

Арзыбаев: ун тартыштыгы болбойт

Анын айтымында, Кыргызстандагы эң негизги стратегиялык товар — ун, андан тартыштык жаралбайт.

"Азык-түлүктүн баасы дүйнө жүзүндөгү продукциянын тартыштыгынан улам көтөрүлүп жатканы белгилүү болду. 2021-жылы суунун аздыгы да байкалды. Анын кесепетинен дан өсүмдүктөрү 20 пайызга аз өстүрүлдү. Биз ундун тартыштыгы болорун божомолдогонбуз. Анын алдын алуу үчүн жергиликтүү тегирменчилер, Айыл чарба жана Экономика министрликтери келишим түзгөн. Ага ылайык, тегирменчилер буудайдын калдыгы кебекти 17 сомдон жогору сата алышпайт. Биз анын ордуна Казакстандан импорттолгон ундун салыгынан бошотобуз. Келишим кабыл алынганга чейин сегиз тегирмен иштесе, андан кийин бардык облустар боюнча жалпы 23 тегирмен иштеп жатат. Андан тышкары, ар бир тегирменчи кампасында эки миң тоннадан буудай запас сактай турганы айтылган. Ошондо учурда 60 миң тонна буудай бар. Мамлекет тарабынан бөлүнгөн 1,5 миллиард сомго резервге кошумча буудай алынды. Эгерде ундун баасы кымбаттай турган болсо биз интервенция кылып кампадагы товарды рынокко чыгарабыз. Кыргызстанда буудай, кумшекер жана өсүмдүк майы эң көп керектелүүчү продукт. Ал эми өсүмдүк майынын 80 пайызын Россия менен Украина өндүрөт. Быйыл ал жакта күн караманын түшүмдүүлүгү абдан жакшы болду. Демек, алдыда баа өспөшү керек. Кошумча кумшекер менен майга мамлекет 318 миллион сом берген. Орто Азия чөлкөмүндө азык-түлүккө тартыштык жаралгандыктан биздеги товарлардын сыртка чыгып кетүү коркунучу пайда боло баштаган. Алсак, жүгөрү, арпа тоют өсүмдүктөрүнө болгон муктаждык Тажикстан, Кытай, Өзбекстанда өстү. Мисалы, бизде жүгөрү 21-23 сом болсо, коңшу өлкөлөрдө сегиз сомго кымбат. Эгер сыртка чыгарылса тоютка болгон баа, ошону менен бирге эт, сүттүн наркы да көтөрүлөт. Андыктан бул товарларды экспорттоого тыюу салынган", — деди Арзыбаев.

Адис баанын туруктуулугун камсыздоо үчүн Айыл чарба министрлиги жарманкелерди уюштуруп, ал эми Монополияга каршы агенттиги атаандаштыкка шарт түзүп берип жатканын кошумчалады.

0
Белгилер:
азык-түлүк, коопсуздук, баа, айыл чарба, Бексултан Арзыбаев
Тема боюнча
Путин: азык-түлүккө болгон кризис дүйнөдө мындан ары да курчушу мүмкүн