Кишенчен адам. Архив

Милиция Жалал-Абаддан 7 килограммдан ашык гашиш саткан адамды кармады

68
(жаңыланган 18:16 30.09.2021)
Шектүү 23-сентябрда атайын операциянын жүрүшүндө "Хонда Одиссей" автоунаасында товарын сатып жаткан учурда колго түшкөнү айтылды.

БИШКЕК, 30-сен. — Sputnik. ИИМдин Баңгизаттарды мыйзамсыз жүгүртүүгө каршы күрөшүү кызматынын (БМЖККК) оперлери жети килограммдан ашык гашиш сатып жаткан кишини колго түшүрдү. Бул тууралуу ИИМдин маалымат кызматы билдирди.

Милициянын жүргүзгөн ыкчам иш-чарасынын жүрүшүндө А. аттуу жарандын Жалал-Абад облусунун аймагында баңгизаттарды мыйзамсыз сатуу менен шугулданганы тууралуу маалымат түшкөн.

Сотко чейинки өндүрүштүн алкагында ИИМдин БМЖКККнын кызматкерлери Жалал-Абад облустук милициясы менен биргеликте "сатып алуу" деген рейд жүргүзүшкөн. Анын алкагында төрт-беш жолу жалпы салмагы 417 граммды түзгөн "гашиш" сатып алынган. Жыйынтыгында мыйзамсыз ишке шектүү катары Тогуз-Торо районунун 50 жаштагы К.Т. аттуу тургуну аныкталган.

23-сентябрда облустун Сузак районунда кезектеги операция учурунда "Хонда Одиссей" автоунаасында жети килограммга жакын баңгизатын сатып жаткан жеринен К.Т. аттуу жаранды милиция колго түшүргөн.

"Соттук-химиялык экспертизанын жыйынтыгына ылайык, жалпы салмагы 6 килограмм 940 грамм гашиш алынган. Буга чейин сатып алынган заттарды кошкондо баары 7 килограмм 357 граммга жеткен", — деп айтылат маалыматта.

Учурда сотко чейинки өндүрүш иши уланууда.

68
Белгилер:
ИИМ, баңгизат, Жалал-Абад, кармоо, гашиш
Тема боюнча
Баңгизатты Бишкектин ар кайсы жерине таштап, сатып жүргөндөр кармалды. Видео
Өзбекстанда Кыргызстандан ири көлөмдө баңгизат ташыган адамдар кармалды
Кыргызстандын жаранынын паспорту. Архив

Кара-Кулжада өзбекстандыктарга жасалма паспорт берип жүргөн адис кармалды

699
Райондук калкты каттоо бөлүмүнүн башкы адиси чет өлкөлүк жарандарга паспорт алып берип, ордуна сый акы алып турганы аныкталган.

БИШКЕК, 22-окт. — Sputnik. Кара-Кулжа райондук калкты каттоо жана паспорттоштуруу бөлүмүнүн О.Т.А. аттуу башкы адиси Өзбекстандын жарандарына паспорт берген деп кармалды. Бул тууралуу УКМКнын маалымат кызматы кабарлады.

Иликтөөнүн жүрүшүндө Өзбекстандын жарандары Ю.М.У. жана С.М.С. жасалма документ алып бергени үчүн шектүүгө акчалай сый акы бергени аныкталган.

Задержанный житель Кара-Кульдинского района по подозрению в изготовлении поддельных паспортов
© Фото / пресс-служба ГКНБ
Шектүү

Факт боюнча Жазык кодексинин 320 ("Кызмат абалынан кыянаттык менен пайдалануу") жана 330-беренелери ("Паспортту мыйзамсыз берүү") менен сотко чейинки тергөө башталып, шектүү УКМКнын тергөө абагына киргизилген.

Учурда чет өлкөлүк жарандарга мыйзамсыз документ берүү фактыларын аныктоо боюнча тиешелүү иштер улантылып жатканы кошумчаланды.

699
Белгилер:
кармоо, жасалма, паспорт, шектүү, Кара-Кулжа
Тема боюнча
Октябрь РИИБдин жетекчиси көп балалуу аялдан акча талап кылган деп кармалды
Октябрь райондук ички иштер башкармалыгынын башчысы Уланбек Аалиев. Архив

Октябрь РИИБдин жетекчиси көп балалуу аялдан акча талап кылган деп кармалды

785
(жаңыланган 13:46 22.10.2021)
Жазык кодексинин бир нече беренеси менен Октябрь райондук ички иштер башкармалыгынын башчысы Уланбек Аалиев, тергѳѳ кызматынын мурдагы орун басары Талгат Куватбеков жана тергѳѳчү Айсулуу Рамазан кызы колго түшүрүлгөн.

БИШКЕК, 22-окт. — Sputnik. Бишкекте коррупцияга шектелип Октябрь райондук ички иштер башкармалыгынын башчысы Уланбек Аалиев жана эки кызматкери кармалды. Бул тууралуу Жогорку прокуратуранын маалымат кызматы кабарлады.

Билдирмеге караганда, прокуратура тарабынан Октябрь РИИБинде кыйноо, опузалап пара алуу жана кызмат абалынан кыянаттык менен пайдалануу фактылары аныкталган.

"Октябрь райондук ички иштер башкармалыгынын айрым кызматкерлери алдын ала сүйлөшүп, кызмат абалынан пайдалануу менен сотко чейинки ѳндүрүш иштери боюнча А.Т. аттуу жаранды камакка алуу шылтоосу менен ага моралдык жана психикалык кысым кѳрсѳтүшкөн. А.Т. аттуу аялдын көп балалуу, жалгыз бой эне болгондугуна карабай себеби жок ички иштер башкармалыгына чакыртып, опузалап ири ѳлчѳмдѳ пара талап кылышкан", — деп жазылат маалыматта.

Ага ылайык Жазык кодексинин 143-беренеси ("Кыйноолор"), 320-беренесинин 2-бөлүмү ("Кызмат абалынан кыянаттык менен пайдалануу") жана 326-беренесинин 2-бөлүмү ("Опузалап пара алуу") боюнча сотко чейинки өндүрүш иштери башталган.

"21-октябрда Аскер прокуратурасынын тергѳѳ тобу тарабынан Октябрь райондук ички иштер башкармалыгынын башчысы Уланбек Аалиев, тергѳѳ кызматынын мурдагы орун басары Талгат Куватбеков жана тергѳѳчү Айсулуу Рамазан кызы кармалып, УКМКнын убактылуу кармоочу жайына киргизилген", — деп жазылат билдирмеде.

Учурда сотко чейинки ѳндүрүш иштери боюнча тергѳѳ жүрүп жатканы кошумчаланды.

785
Белгилер:
прокуратура, пара, кармоо, милиция, коркутуу
Тема боюнча
Президенттик администрациянын Ырайым кылуу комиссиясынын катчысы кармалды. Видео
Столдун суурмасынан санап... Чек ара кызматынын жетекчилери кармалган видео
Стамбул шаары, Түркия. Архив

Кыргызстандык жаш режиссёрдун тасмасы эл аралык фестивалда 3-орунга татыды

0
Фестивалга Түркиядан тышкары Кыргызстан, Казакстан, Өзбекстан, Венгрия, Азербайжан, Македония жана Түндүк Кипрдин таланттары катышкан.

БИШКЕК, 23-окт. — Sputnik. Кыргызстандык жаш режиссёр Айкөл Нурланбек уулунун "Мээрман" тасмасы Стамбул шаарында "Түрк дүйнөсүнүн даректүү тасмалары" фестивалында үчүнчү орунга татыды. Бул тууралуу Кинематографты колдоо фондунан кабарлады.

"Буга чейин менин фильмим Кыргызстанда эки фестивалга катышып, бирөөсүндө баш байгени жеңип, экинчисинде "Көрүүчүлөрдүн сүймөнчүгү" болгон. Эми эл аралык сынакта үчүнчү орунду алды. Эгер мен тарткан тасма байгелүү орунга татыса, ушул багытка көңүл коюп, болгон күчүмдү жумшайм деп сөз бергем. Азыр абдан кубанып турам", — деди Нурланбек уулу.

Даректүү тасмалар фестивалы ушуну менен алтынчы жолу уюштурулуп, быйыл "Түрк маданияты жана дүйнөгө түрк көз карашы" деген ураан менен өткөрүлдү.

Фестивалга Түркиядан тышкары Кыргызстан, Казакстан, Өзбекстан, Венгрия, Азербайжан, Македония жана Түндүк Кипрдин таланттары катышкан.

0
Белгилер:
Түркия, тасма, фестиваль, байге, Айкөл Нурланбек уулу
Тема боюнча
Кыргызстандан барган тасма Алматыда "Мыкты фильм" аталды. Видео
Сиз көрдүңүз беле? XXI кылымдагы эң мыкты 100 сериал тизмектелди
Бекболотов: 2,5 жылда миңге жакын эски фильм санариптештирилет