Ысык-Көлдө тоо тарапта жоголгон кишилер изделүү иштери

Ысык-Көлдө тоо тарапка кетип жоголгон аял менен эркек киши изделип жатат

150
(жаңыланган 12:09 04.10.2021)
Туугандарынын айтымында, эки жаран тең 28-сентябрда кайтып келиши керек болчу. Бирок бүгүнкүгө чейин дайынсыз болууда.

БИШКЕК, 4-окт. — Sputnik. Ысык-Көлдө 44 жаштагы эркек киши менен 45 жаштагы аял 18-сентябрдан бери дайынсыз болуп жатат. Бул тууралуу ӨКМ кабарлады.

Сотрудники МЧС КР во время поисковых работ двух пропавших граждан на Иссык-Куле. 04 октября 2021 года
© Фото / пресс-служба МЧС КР
Ысык-Көлдө 44 жаштагы эркек киши менен 45 жаштагы аял 18-сентябрдан бери дайынсыз болуп жатат

Маалыматка караганда, А.М. менен Р.М. Ак-Суу районунун Эңилчек айылынан чыгып, Баш-Көл деп аталган тоо тарапка кетишкен. Туугандарынын айтымында, экөө тең 28-сентябрда кайтып келиши керек болчу. Бирок бүгүнкүгө чейин дайынсыз болууда.

Буга чейин туугандары өз алдынча издешип натыйжа болгон эмес. Бүгүн, 4-октябрда, таңкы саат 06:00дө ӨКМдин 5 куткаруучусу тартылып, издөө иштери башталды.

150
Белгилер:
Ысык-Көл, аял, эркек, жоголуу, куткаруу, издөө
Тема боюнча
"Ала-Тоо" аянтындагы эгемендүүлүк майрамында 90 бала жоголду
Жалал-Абадда 37 килограмм алынган баңгизат

Жалал-Абадда 37 килограмм баңгизат менен үч киши колго түштү. Сүрөт

228
(жаңыланган 21:42 15.10.2021)
Кылмыш болгон жерди кароо учурунда жапайы кара куурайдай өзгөчө жыты бар заттар менен суюктук, төрт кап марихуана, төрт таңгак гашиш табылган.

БИШКЕК, 15-окт. — Sputnik. Жалал-Абадда үйдө баңгизатты өстүрүп жүргөн үч киши кармалды. Бул тууралуу ИИМдин маалымат кызматы кабарлады.

Министрликтин Баңгизатты мыйзамсыз жүгүртүүгө каршы күрөшүү кызматынын адистери Кызыл-Туу айылынын аймагындагы үйдө ыкчам-тергөө иш-чараларын жүргүзгөн.

  • Задержанные М. Ж., Н. К. и М. М, подозреваемые в подпольном производстве крупных партий наркотических средств на дому, в селе Кызыл-Туу в Джалал-Абадской области. 15 октября 2021 года
    Жалал-Абадда үйдө баңгизатты өстүрүп жүргөн үч киши кармалды
    © Фото / пресс-служба МВД КР
  • Крупная партия наркотических средств, изъятая у задержанных подозреваемых, в селе Кызыл-Туу в Джалал-Абадской области. 15 октября 2021 года
    Министрликтин Баңгизатты мыйзамсыз жүгүртүүгө каршы күрөшүү кызматынын адистери Кызыл-Туу айылынын аймагындагы үйдө ыкчам-тергөө иш-чараларын жүргүзгөн
    © Фото / пресс-служба МВД КР
1 / 2
© Фото / пресс-служба МВД КР
Жалал-Абадда үйдө баңгизатты өстүрүп жүргөн үч киши кармалды
"Анын натыйжасында баңгизаттарды мыйзамсыз даярдап жаткан М.Ж., Н.К. жана М.М. аттуу жарандар кармалды. Кылмыш болгон жерди кароо учурунда жапайы кара куурайдай өзгөчө жыты бар заттар менен суюктугу бар фляга, төрт кап марихуана, төрт таңгак гашиш табылды", — деп айтылат маалыматта.

Соттук-химиялык экспертизанын корутундусуна ылайык, табылып алынган баңгизаттардын жалпы салмагы 37 килограммды түзгөн. Анын ичинен 12 килограммы марихуана, 25 килограммы каннабистин экстракты жана 429 граммы гашиш болгон.

Кармалгандар Токтогул РИИБдин убактылуу кармоочу жайына киргизилип, сотко чейинки өндүрүш уланууда.

228
Белгилер:
ИИМ, Жалал-Абад облусу, баңгизат, кармоо
Тема боюнча
Баңгизатты Бишкектин ар кайсы жерине таштап, сатып жүргөндөр кармалды. Видео
УКМК кримтөбөл Камчы Көлбаевдин тобунун мүчөсүн кармады
Милиция Жалал-Абаддан 7 килограммдан ашык гашиш саткан адамды кармады
Кара-Суу районунун Кызыл-Кыштак айылында болгон жол кырсыктын кесепетинен 23 жаштагы баланын өмүрү кыйылды

Жеңил авто талкаланып кеткен. Кара-Сууда 23 жаштагы айдоочу каза болду

139
26 жаштагы Т.Х. оор жүк ташуучу Volvo үлгүсүндөгү унаасы менен батыштан чыгышты көздөй бара жатканда жеңил автоунаа менен кагышкан.

БИШКЕК, 15-окт. – Sputnik. Кара-Суу районунун Кызыл-Кыштак айылында болгон жол кырсыктын кесепетинен 23 жаштагы баланын өмүрү кыйылды. Бул тууралуу Ош облусу боюнча жол кыймылынын коопсуздугун камсыздоо бөлүмү билдирди.

  • Последствия ДТП в селе Кызыл-Кыштак Кара-Сууйскоо района Ошской области
    Кара-Суу районунун Кызыл-Кыштак айылында болгон жол кырсыктын кесепетинен 23 жаштагы баланын өмүрү кыйылды
    © Фото / Зульфия Тургунова
  • Последствия ДТП в селе Кызыл-Кыштак Кара-Сууйскоо района Ошской области
    Маалыматка ылайык, 15-октябрга караган түнү саат 00:15тер чамасында Volkswagen Golf үлгүсүндөгү автоунаанын 23 жаштагы айдоочусу оор жүк ташуучу Volvo менен кагышкан.
    © Фото / Зульфия Тургунова
1 / 2
© Фото / Зульфия Тургунова
Кара-Суу районунун Кызыл-Кыштак айылында болгон жол кырсыктын кесепетинен 23 жаштагы баланын өмүрү кыйылды

Маалыматка ылайык, 15-октябрга караган түнү саат 00:15тер чамасында Volkswagen Golf үлгүсүндөгү автоунаанын 23 жаштагы айдоочусу оор жүк ташуучу Volvo менен кагышкан. Анын кесепетинен окуя болгон жерде набыт болгон.

Учурда кырсыктын себептери иликтенип жатат.

139
Белгилер:
Кара-Суу району, жол кырсык
Тема:
2021-жылдын башынан бери Кыргызстанда болгон жол кырсыктар
Оюн учурунда бала. Архив

Балага акчаны туура колдонгонду кантип үйрөтсө болот? Адистердин кеңеши

0
Психолог балада кичине кезинен эле акча тууралуу негативдүү түшүнүктөр жаралбаш үчүн каржыга байланыштуу көйгөйлөрдү айта бербеш керек деп эсептейт.

БИШКЕК, 16-окт. — Sputnik. Баланы финансылык жактан сабаттуу болууга кантип үйрөтсө болот? Бул тууралуу РИА Новости агенттигине жеке финансыны башкаруу боюнча адис Наталья Смирнова жана психотерапевт Инна Мальцева айтып берди.

Алгач Смирнова финансылык сабаттуулук тууралуу кыскача түшүндүрмө берди.

"Акчаны туура пайдалануу үчүн аны үнөмдөө жолдорун эмес, туура бөлүштүрүүнү билиш керек. Чыгашаны кирешеден ашырбай, жок эле дегенде үч айлык жашоо-тиричиликке запас акча кармаган кишини финансылык сабаттуулуктун базалык эрежелерин билет деп эсептесек болот. Дагы бир маанилүү нерсе, кредит, ипотека же башка береселерге кеткен акча кирешенин 30 пайызынан ашпашы керек", — деди адис.

Ал эми психолог балага акча жөнүндө негативдүү нерселерди кичине кезинде айтпаш керек деп эсептейт.

"Балага акча тууралуу ар бир куракта ар башкача маалымат берүү керек. Мисалы, жаңы айта баштаганда, акча кантип табыларын түшүндүрсө болот. 4-5-класстарда өздөрүнүн үй-бүлөсүнүн кирешеси канча экенин, анын булактарын билсе ашыкча болбойт. Ал эми жогорку класстарда окуп жүргөндө канча акча жетпей турганын, үйдө акчага байланыштуу кандай көйгөйлөр бар экенин ачык айта бергиле. Бирок кичине кезинен эле "акча жок", "жетпейт" деген негативдүү түшүнүктү калыптандырбагыла", — деди Мальцева.

Ошондой эле ал окуучуга жакшы баа алганы же жардам бергени үчүн акча берүү туура эмес экенин айтат. Адистин пикиринде, балага акча ал жөн гана үй-бүлө мүчөсү экени үчүн берилип жатканын түшүндүрүү керек. Ал эми "жетишкендиктери" үчүн ата-энесинен акча алып көнгөн бала кийин дагы ар бир кылган иши үчүн тегеректегилерден бир нерсе күтүп калат.

0
Белгилер:
бала, акча, финансылык сабаттуулук, ата-эне, психология
Тема боюнча
Атаны балдардын тарбиясына кантип аралаштырса болот? Педагогдун кеңеши