Татарстандын Мензелинск шаарында кулаган L-410 учагы

Татарстанда учак кырсыгы 16 кишинин өмүрүн алды

691
(жаңыланган 10:39 11.10.2021)
Алдын ала маалыматтар боюнча, кырсыкка кабылган учактын бир кыймылдаткычы иштен чыгып, учкучтар жерге кондурууну өтүнүшкөн.

БИШКЕК, 10-окт. — Sputnik. Татарстандын Мензелинск шаарында L-410 учагы кулап, борттогу 23 кишинин 16сы көз жумду. Бул тууралуу РИА Новости жазды.

Жабыркаган алты киши ооруканада, саламаттык сактоо министри Михаил Мурашко аларды жеке көзөмөлүнө алган.

Республиканын президенти Рустам Минниханов кырсыкка кабылган учактын бир кыймылдаткычы иштен чыгып, учкучтар жерге кондурууну өтүнүшкөнүн билдирген. Окуянын себеби иликтенип жатат.

11-октябрь Татарстанда аза күтүү күнү деп жарыяланды.

Жеңил моторлуу L-410 учагы 34 жыл мурун колдонууга берилген. Ал аймактык каттамдарга колдонулат.

691
Белгилер:
Татарстан, учак, кырсык, өлүм
Тема боюнча
Америкада бир моторлуу учак үйгө кулап, жарылып кетти. Видео
Жолдо бараткан унаа. Архив

Юградагы жол кырсыктан кыргызстандык жубайлар набыт болду

160
(жаңыланган 17:46 25.10.2021)
Каргашалуу окуя Юградагы Когалым менен Ноябрьск шаарларынын ортосундагы трассада болгон. Анын кесепетинен 22 жана 19 жаштагы жубайлар көз жумду.

БИШКЕК, 25-окт. — Sputnik. Россиядагы Ханты-Мансийск автономдук округундагы (Югра) жол кырсыктан кыргызстандык жубайлар каза тапты. Бул тууралуу Тышкы иштер министрлиги билдирди.

Маалыматка караганда, окуя 23-октябрь күнү Юградагы Когалым менен Ноябрьск шаарларынын ортосундагы трассада болгон. Анын кесепетинен 22 жаштагы А.А.М. жана 19 жаштагы А.К.А. набыт болгон. Автоунаанын рулунда А.А.М. аттуу адам отурганы айтылды.

"24-октябрь күнү элчиликтин кеңсесинде келиндин бир тууганы менен жолугушуу өттү. Ага маркумдун сөөгүн мекенине жеткирүү боюнча чыгымдарды жабуу үчүн бир жолку төлөмдү алуу тартиби түшүндүрүлдү. Когалым жана Ноябрьск шаарларынын диаспоралык уюмдарынын өкүлдөрү кошулуп маркумдун тууганына активдүү жардам көрсөтүлүүдө", — деп айтылат маалыматта.

Бүгүн, 25-октябрда, элчиликтин кеңсеси Югранын Сургут району боюнча тергөө бөлүмү менен байланышкан. Алар каза болгон айдоочунун унаа башкарууга уруксат кагаздары жок болгондугуна байланыштуу тергөө органдары окуянын чоо-жайын тактап жатканын айтышкан.

"Буга карабастан тергөө башкармалыгы кырсыктан каза болгондордун сөөгүн мекенине алып кетүүгө тиешелүү бардык уруксаттарды берет", — деп айтылат маалыматта.

Элчилик маркумдардын сөөгүн Кыргызстанга тез арада жөнөтүү үчүн кошумча каттамдарды иштеп чыгууда.

160
Белгилер:
Россия, жол кырсык, Кыргызстан, элчилик
Тема боюнча
Ысык-Көлдүн Кырчынында КамАЗ сайга кулап, бир киши каза тапты. Сүрөттөр
Ноокатта жол кырсыгына кабылган мугалимдердин бири бүгүн ооруканада көз жумду
Ооруканадагы капельница. Архив

Бишкек менен Чүйдө кафенин тамагына уулангандардын саны 118ге жетти

184
Саламаттык сактоо министрлиги бүгүн таңкы саат 07:30дагы маалыматында уулангандардын саны 85 адамга жеткенин айткан.

БИШКЕК, 25-окт. — Sputnik. Бишкекте жана Чүйдө тамак-аштан ууланып ооруканага кайрылган адамдардын саны 118ге жетти. Бул маалымат бүгүн, 25-октябрь, саат 14:30га карата алынганын Саламаттык сактоо министрлиги билдирди.

Бүгүн таңкы саат 07:30дагы маалыматта 85 адамга жеткени айтылган.

Эске салсак, кечээ "Империя пиццы" кафесинин тамагына ууланып 12 адам Темир жол ооруканасынын жугуштуу илдеттер бөлүмүнө түшкөн. Анын үчөө жаш бала болчу. Бейтаптар ооруканага 23-24-октябрь күндөрү келе баштаган.

Азык-түлүктөн эл массалык түрдө ууланган соңку окуяга байланыштуу кыргыз өкмөтүнүн республикада 2018-жылдын 17-декабрындагы "Ишкердик субъектилерди текшерүүгө убактылуу тыюу салууну (мораторий) киргизүү жөнүндө" токтомунун 1-пунктуна өзгөртүүлөр киргизилди.

Эми Мамлекеттик санитардык-эпидемиологиялык көзөмөл борборлорунун адистери өлкөнүн бардык аймагындагы тамак-аш сатуучу жайларды текшерет.

184
Белгилер:
тамак-аш, уулануу, КР Саламаттык сактоо министрлиги
Тема:
Бишкектин кафесиндеги массалык уулануу
Тема боюнча
Бишкекте кафенин тамагына ууланып ооруканага кайрылгандар 85ке жетти
Санэпидкөзөмөл борбору өлкөдөгү тамак-аш сатуучу жайларды текшере баштайт
Бразилиялык мушкер Вагнер Мартинс спортчу Кароль Филасиньски менен жаакка чабышуу турниринде

Бразилиялык 180 килограммдык мушкер жаакка жеп нокаутка түштү. Видео

4
Зулузинью оор салмактагылар арасында ММА беттештерине чыгып таанылган. Ал 2005-жылы россиялык белгилүү спортчу Федор Емельяненко менен кармашкан.

БИШКЕК, 26-окт. — Sputnik. ММА дүйнөсүндө Зулузинью каймана аты менен таанымал бразилиялык мушкер Вагнер да Консейсан Мартинс алакан менен жаакка чабышуу турниринде атаандашына нокаут менен утулду. Бул тууралуу Р-Спорт жазды.

Punchdown аталышындагы турнир Польшада өткөн. Бразилиялык мушкер жергиликтүү спортчу Кароль Филасиньски менен кармашкан.

​Видеодон Зулузиньюну каршылашы сол колу менен чапканда теңселе түшкөнүн, артындагылар кармайын деп, бирок алы жетпей, мушкер жерге кулап түшкөнүн көрүүгө болот.

Зулузинью оор салмактагылар арасында ММА беттештерине чыгып таанылган. Анын салмагы 180 килограмм болсо, бою эки метр. Аралаш мушташ боюнча 23 беттеш өткөрүп, анын 14үн уткан. 2005-жылы россиялык белгилүү спортчу Федор Емельяненко менен кармашып, 26 секундда эле жеңилип калган.

4
Белгилер:
мушкер, турнир, видео, жаакка чабуу
Тема боюнча
"Минип алып" ургулап. UFC мелдешинин урунттуу учурларынын видеосу
UFC: Россия мушкерлеринин мыкты нокауттары. Видео
Хабиб же Майкл Жордандай эле. Лорен Мерфи мушкер Валентина Шевченкого баа берди