Сотрудники полиции на улице Москвы, где проходит несанкционированная акция в поддержку Алексея Навального.

ИИМ: Россияда 64 кыргызстандык жоголуп, 5 кишинин сөөгү табылды

770
(жаңыланган 15:30 11.10.2021)
ИИМден билдиргендей, Россияда жоголуп кеткен жарандарды издөөгө алардын туугандарынын кеч кайрылышы кыйынчылык жаратат.

БИШКЕК, 11-окт. — Sputnik. Кыргызстан ИИМинин Россиядагы өкүлчүлүгүнө быйылкы жылдын тогуз айында туугандары менен байланышпай калган 64 жаран тууралуу маалымат түшкөн. Алардын ичинен бешөөнүн сөөгү Россиянын аймагындагы өлүкканаларда табылганын ИИМден кабарлады.

  • Без вести пропавший в России Рахимжан Тешебаев. Архивное фото
    Россияда жоголуп кеткен кыргызстандыктар
    © Фото / пресс-служба МВД КР
  • Без вести пропавший в России Кубат Ашыралиев. Архивное фото
    Россияда жоголуп кеткен кыргызстандыктар
    © Фото / пресс-служба МВД КР
  • Без вести пропавшая в России Назира Муратбек кызы. Архивное фото
    Россияда жоголуп кеткен кыргызстандыктар
    © Фото / пресс-служба МВД КР
  • Без вести пропавший в России Адилет Кулуй уулу. Архивное фото
    Россияда жоголуп кеткен кыргызстандыктар
    © Фото / пресс-служба МВД КР
  • Без вести пропавший в России Кылычбек Ырысбай уулу. Архивное фото
    Россияда жоголуп кеткен кыргызстандыктар
    © Фото / пресс-служба МВД КР
  • Без вести пропавший в России Алмазбек Кушматов. Архивное фото
    Россияда жоголуп кеткен кыргызстандыктар
    © Фото / пресс-служба МВД КР
  • Без вести пропавший в России Иса Джармуханбетов. Архивное фото
    Россияда жоголуп кеткен кыргызстандыктар
    © Фото / пресс-служба МВД КР
1 / 7
© Фото / пресс-служба МВД КР
Россияда жоголуп кеткен кыргызстандыктар
"Өкүлчүлүк Россиянын укук коргоо органдары менен биргеликте жыл башынан бери дайынын билдирбей жүргөн 57 кыргызстандыкты тапкан. Алардын 47си быйыл изделип жаткан, калганы былтыр изделип, бирок табыла элек жарандар болуп чыкты. Беш кишинин сөөгү өлүкканадан табылды. Дагы бир киши оорукананын жандандыруу бөлүмүндө болсо, 8 адам абакта жатканы аныкталды", — деп айтылат билдирүүдө.

Ал эми былтыртан бери издөөгө алынгандардын бешөө каза таап, бири түрмөдө экени белгилүү болгон.

ИИМден билдиргендей, Россияда жоголуп кеткен жарандарды издөөгө алардын туугандарынын кеч кайрылышы кыйынчылык жаратат.

"Жарандар жакындары менен байланышты ар кандай себептерден улам үзүп коёт. Алардын бири — Кыргызстанда калган туугандарынын акча сурай бергенинен качуусу", — деп айтылат билдирүүдө.

Өкүлчүлүк Россияда туугандарына кабарын билдирбей жүргөндөр тууралуу маалыматы барларга кайрылып, +7 926 890-87-00 WhatsApp номерине кабарлап коюусун өтүнөт.

770
Белгилер:
Россия, ИИМ, жаран, издөө, милиция
Тема боюнча
Татарстанда учак кырсыгы 16 кишинин өмүрүн алды
Москвада кара-суулук 26 жаштагы жигит ок жеп, ооруканада оор абалда жатат
Тулада жол кырсыгынан эки кыргызстандык мүрт кетти
Груша менен машыгып жаткан бала. Архив

Ысык-Көлдө боксёрдук груша менен машыгып жаткан өспүрүм каза болду

184
(жаңыланган 15:55 21.10.2021)
Милицияга окуя тууралуу медиктер кабарлашкан. Каргаша Жети-Өгүз районуна караган Кабак айылында болгон.

БИШКЕК, 21-окт. — Sputnik. Ысык-Көл облусунун Жети-Өгүз районунда өспүрүм бала боксёрдук грушаны ургулап жатып анын жибине асылып калган. Бул тууралуу Ысык-Көл облусунун Ички иштер башкармалыгынын маалымат кызматы билдирди.

Окуя 20-октябрда Кабак айылында болгон.

Маалыматка ылайык, 12 жаштагы бала сарайда колго жасалган грушаны ургулап ойноп жатып, кокусунан жипке асылып калган.

Милиция кызматкерлерине кырсык тууралуу медиктер кабарлашкан. Текшерүүнүн жүрүшүндө баланын киши колдуу болгонун көрсөткөн белгилер байкалган эмес.

 

184
Белгилер:
бала, Ысык-Көл, өлүм
Тема боюнча
Баштыктын ичине салып койгон. Бишкекте ымыркайдын сөөгү табылды
Базарга кеткен боюнча дайынсыз болуп жаткан кишинин сөөгү Чоң-Алай суусунан табылды
Сузак районундагы орто мектепти

УКМК: Сузакта орто мектепти курууда мамлекет 5 млн. сомдой зыян тарткан

61
(жаңыланган 15:15 21.10.2021)
Капиталдык курулуш дирекциясынын кызматкерлери келишим түзгөн уюм менен мектептин курулуш иштеринин көлөмүн жогорулатууну сүйлөшүп алганы аныкталган.

БИШКЕК, 21-окт. — Sputnik. Жалал-Абаддын Сузак районундагы орто мектепти курууда мамлекетке 5 миллион сомго чукул зыян келтирилген. Бул тууралуу УКМКнын маалымат кызматы кабарлады.

Ага ылайык, облустагы Капиталдык курулуш дирекциясынын жооптуу кызматкерлери келишим түзгөн уюм менен Талаа-Булак айылындагы Матиев атындагы №76 орто мектептин курулуш иштеринин көлөмүн жогорулатуу боюнча өз ара сүйлөшүп алганы аныкталган.

"Курулуш-монтаждоо иштеринин анык көлөмү жана баасы ашыкча бааланган. Ошондой эле жооптуу адистер техникалык көзөмөл, курулуш эрежелеринин талаптары, объектилерди пайдаланууга берүү жаатында мыйзам бузууларга барган. Натыйжада мамлекеттик бюджетке 4 миллион 970 миң 944 сом зыян келтирилген", — деп билдирди УКМК.

Аталган факты Жазык кодексинин 320-беренесинин ("Кызмат абалынан кыянаттык менен пайдалануу") 2-бөлүгү боюнча Кылмыш жана жоруктардын бирдиктүү реестрине катталган.

Учурда бардык жагдайлар аныкталып, күнөөлүүлөрдү кылмыш жоопкерчилигине тартуу боюнча чаралар көрүлүп жатат.

61
Белгилер:
Жалал-Абад облусу, Сузак району, УКМК, мектеп, курулуш
Тема боюнча
Экспортко тоскоолдук кылган. УКМК Айыл чарба министрлигинин кызматкерин кармады
Столдун суурмасынан санап... Чек ара кызматынын жетекчилери кармалган видео
Мамлекеттик инновациялык борбордун иллюстрациясы

Бишкекте мамлекеттик инновациялык борбор ачылат. Сүрөттөр

5
Борбордо прототиптерди жасоо жана идеяларды текшерип көрүү үчүн өндүрүштүк лаборатория, балдар лабораториясы, заманбап жабдуусу менен коворкинг зона жайгаштырылганы айтылды.

БИШКЕК, 22-окт. — Sputnik. Кыргызстанда алгачкы мамлекеттик инновациялык борбор ачыларын Интеллектуалдык менчик жана инновациялар мамлекеттик агенттигинен (Кыргызпатент) билдирди.

  • Иллюстрация первого государственного инновационного центра
    Кыргызстанда алгачкы мамлекеттик инновациялык борбор ачыларын Интеллектуалдык менчик жана инновациялар мамлекеттик агенттигинен (Кыргызпатент) билдирди
    © Фото / пресс-служба Кыргызпатента
  • Иллюстрация первого государственного инновационного центра
    Маалыматка ылайык, борбордун ачылыш аземине мамлекет башчы Садыр Жапаровдун катышуусу күтүлүүдө
    © Фото / пресс-служба Кыргызпатента
  • Иллюстрация первого государственного инновационного центра
    Ошондой эле өкмөт, эл аралык уюмдардын өкүлдөрү, IT-технологиялар боюнча эл аралык жана жергиликтүү эксперттер да келери айтылды
    © Фото / пресс-служба Кыргызпатента
  • Иллюстрация первого государственного инновационного центра
    Инновациялык жайдын расмий ачылыш аземи 27-октябрь күнү саат 8:30да боло турганы кошумчаланды
    © Фото / пресс-служба Кыргызпатента
1 / 4
© Фото / пресс-служба Кыргызпатента
Кыргызстанда алгачкы мамлекеттик инновациялык борбор ачыларын Интеллектуалдык менчик жана инновациялар мамлекеттик агенттигинен (Кыргызпатент) билдирди

Маалыматка ылайык, борбордун ачылыш аземине мамлекет башчы Садыр Жапаровдун катышуусу күтүлүүдө. Ошондой эле өкмөт, эл аралык уюмдардын өкүлдөрү, IT-технологиялар боюнча эл аралык жана жергиликтүү эксперттер да келери айтылды.

"Борбордо Fablab — прототиптерди жасоо жана идеяларды текшерип көрүү үчүн өндүрүштүк лаборатория, Youth iLab балдар лабораториясы, заманбап жабдуусу менен коворкинг зона, конференц-зал, жолугушуу бөлмөлөрү, патенттик-техникалык фонд жайгаштырылган", — деп жазылат билдирмеде.

Инновациялык жайдын расмий ачылыш аземи 27-октябрь күнү саат 8:30да боло турганы кошумчаланды.

5
Белгилер:
IT, Кыргызпатент, инновациялык борбор
Тема боюнча
Темиров: Жогорку технологиялар паркы IT кызматын 30дай өлкөгө экспорттойт