Кишилердин ортосундагы конфликт. Иллюстративдик сүрөт

Жазасын алды. Маршрутка менен троллейбус айдоочусунун жакалашкан видеосу

49
(жаңыланган 16:06 13.10.2021)
Мурдараак интернетке эки айдоочунун урушуп жаткан видеосу тарап кеткен. Окуяга күбө болгондор рулду башкаргандардын жол талашып кетип, чатакташканын айтышкан.

БИШКЕК, 13-окт. — Sputnik. Бишкек мэриясы № 199 маршрутка менен № 2 троллейбустун айдоочусуна чара көрдү. Бул тууралуу муниципалитеттин маалымат кызматынан кабарлады.

Мурдараак интернетке эки айдоочунун урушуп жаткан видеосу тарап кеткен.

Окуяга күбө болгондордун бири Авланбек Жумабаев чатак маршрутканын айдоочусу троллейбустун жолун тороп алгандыктан болгонун айтып берди.

Бишкек троллейбус башкармалыгынан тиешелүү кызматтардын жетекчилеринин катышуусунда ички комиссия окуя боюнча иш алып барган. Анын чечими менен кыймылдагы курамды эксплуатация кылуу бөлүмүнүн жетекчиси менен троллейбустун айдоочусуна сөгүш жарыяланган. Коопсуздук бөлүмүнүн начальниги менен айдоочунун жетекчисине эскертүү берилген.

"БайШамТранс" ЖЧКсынын — жүргүнчүлөрдү ташыган фирманын инженерине жана № 199 маршрутканын айдоочусуна сөгүш жарыяланган.

Аталган фирма менен троллейбус башкармалыгынын жооптуу кызматкерине айдоочуларга жүргүнчүлөрдү тейлөөдө жана транспортту аралык сактап башкаруу боюнча түшүндүрүү иштерин жүргүзүү тапшырылган.

49
Белгилер:
Кыргызстан, Бишкек, троллейбус, айдоочу, маршрутка, мушташ
Тема боюнча
Маршрутканын айдоочусу балалуу келинди түртүп, коляскасын салбай... Видео
Маршруткадан түшүп баратып мушташып... Ысык-Атадагы окуянын видеосу
Чүй облусундагы Бишкек — Нарын — Торугарт унаа жолунун 65-чакырымында болгон жол кырсыгынан эки адам каза болду

Чүйдө бакты сүзгөн унаадагы эки адам мүрт кетти. Окуя болгон жерден сүрөт

99
(жаңыланган 12:28 27.10.2021)
Чүй облусунун аймагындагы эки адамдын өмүрүн алган жол кырсыктын келип чыгышына айдоочунун рулга ээ боло албай калышы себеп болгон. Унаа жолдон чыгып, бакты сүзгөн.

БИШКЕК, 27-окт. — Sputnik. Чүй облусундагы Бишкек — Нарын — Торугарт унаа жолунун 65-чакырымында болгон жол кырсыгынан эки адам каза болду. Бул тууралуу ӨКМ билдирди.

Маалыматка ылайык, Mercedes Benz C 180 үлгүсүндөгү автоунаанын айдоочусу рулду башкара албай калып, жолдон чыгып бакты сүзгөн.

Последствия ДТП на 65 километре автодороги Бишкек — Нарын — Торугарт
© Фото / пресс-служба МЧС
Mercedes Benz C 180 үлгүсүндөгү автоунаанын айдоочусу рулду башкара албай калып, жолдон чыгып бакты сүзгөн

Кырсыктын кесепетинен бир аял жана бир эркек каза болуп, дагы бир киши жабыркаган. Куткаруучулар набыт болгондордун сөөгүн милицияга өткөрүп беришкен.

Ал эми жабыркаган жаран менчик унаа менен Токмок шаардык ооруканасына жеткирилген.

99
Белгилер:
жол кырсык, өлүм, Чүй облусу
Тема:
2021-жылдын башынан бери Кыргызстанда болгон жол кырсыктар
Тема боюнча
Суусамырдагы жол кырсыгынан эки адам мерт болуп, 10 киши жабыркады. Сүрөт
Ысык-Көлдүн Кырчынында КамАЗ сайга кулап, бир киши каза тапты. Сүрөттөр
Багдад шаары, Ирак. Архив

ТИМ Багдадда каза тапкан кыргызстандык аялдын өлүмүн териштирип жатат

181
Буга чейин журналисттерге аялдын тууганы кайрылып, сиңдиси бир нече күндөн бери жок экенин айткан. ТИМ анын каза тапканын тастыктады.

БИШКЕК, 27-окт. — Sputnik. Иракта кыргызстандык аял көз жумуп, сөөгүн мекенге алып келүү иштери жүрүүдө. Бул тууралуу ТИМдин маалымат кызматы кабарлады.

Буга чейин ЖМКлардын бирине аялдын тууганы кайрылып, сиңдиси бир нече күндөн бери байланышка чыкпай жатканын айткан. Анын айтымында, тууганы эки жума мурун өзү иштеген сулуулук салонунун жетекчиси менен уруша кеткен.

ТИМ кечээ, 26-октябрда, Ирак тарап менен сүйлөшүүлөр жүргүзүлгөнүн билдирди. Көз жумган С.М. аттуу аялдын сөөгү Багдаддагы өлүкканада экени белгилүү болгон.

Кыргызстандын Кувейттеги элчилигине аялдын каза болгону тууралуу күбөлүктүн көчүрмөсү да келген. Анын өлүмүнүн себебин билүү үчүн соттук-медициналык экспертизанын жыйынтыгы чыгышы керек.

ТИМ учурда маркумдун күйөөсүнө виза алып берип, сөөктү Кыргызстанга жөнөтүүгө көмөктөшүүдө. Министрлик бул маселе көзөмөлүндө экенин белгиледи.

181
Белгилер:
Ирак, Багдад, Кыргызстан, ТИМ, аял, өлүм, териштирүү
Тема боюнча
Түркия: кыргызстандык келинди кайнатасы эмнеге өлтүргөнүн айтып берди
Состоятельный мужчина сидит в кресле. Архивное фото

Акылбек Жапаров Кыргызстандагы бай менен кедейлердин санын айтты

0
(жаңыланган 15:37 27.10.2021)
Өкмөт бай жана жана орто жашаган 1,2 миллион салык төлөөчүнүн эсебинен 200 миң жакыр үй-бүлөнү багары айтылды.

БИШКЕК, 27-окт. — Sputnik. Жогорку Кеңештин депутаты Таабалды Тиллаев Кыргызстанды өнүктүрүү саясаты тууралуу сурады. Учурда парламентте 2022-жылга карата Республикалык бюджеттин долбоору каралып жатат.

Министрлер кабинетинин төрагасы Акылбек Жапаров өлкөнү өнүктүрүү саясаты так аныкталып бүткөнүн белгиледи.

"Кыргызстандын ченеми боюнча 200 миң бай үй-бүлө бар. Бир миллионго жакын орто катмар, 200 миң үй-бүлө кедей жашайт. Мындан кийин өкмөт колунда жоктогуларга түз жардам берет. 200 миңге жакын жакыр үй-бүлөнү, 200 миңдей майып жана жетим-жесирлерди багып алабыз. Ошондо өкмөт бир миллион элди багууну мойнуна алат. Калган орто катмар бирдиктүү салык, байлар өзүнчө тариф менен кымбатыраак төлөйт. Машиналарынын, үйлөрүнүн салыгын көбөйтөбүз. 1,2 миллион салык төлөөчү үй-бүлөнүн эсебинен 200 миң үй-бүлөнү тың багып алабыз", — деди Жапаров.

Аны менен катар ишкерлерге жеңилдетилген, пайызсыз насыялар берилип, машинаны от алдырып жүргүзгөндөн кийин салык сурай тургандай принцип сакталарын белгиледи.

Ошондой эле ал түрмөлөрдө жана ооруканалардагы шарттар да жакшыртыларын кошумчалады.

0
Белгилер:
Акылбек Жапаров, шайлоо, бюджет, бай, кедей