Эт көтөрүп бараткан официант. Архив

Жалал-Абаддагы тойдо 124 киши этке ууланып, 16сы ооруканага түштү

141
(жаңыланган 17:08 13.10.2021)
Маалыматка караганда, Бек-Абад айылында 10-октябрда сүннөт той өтүп, жылкы союлган. Тургундар дарыгерлерге 11-октябрдан тарта кайрыла баштаган.

БИШКЕК, 13-окт. — Sputnik. Сузак районундагы Бек-Абад айылында жылкынын этине ууланган 124 жашоочу жергиликтүү ооруканага кайрылды. Бул маалыматты Жалал-Абаддагы Райондор аралык ооруларды алдын алуу жана санитардык-эпидемиологиялык көзөмөлдөө борборунун жетекчиси Рома Ураимов тастыктады.

Анын айтымында, Бек-Абад айылында 10-октябрда сүннөт той өтүп, жылкы союлган. Тургундар дарыгерлерге 11-октябрдан тарта кайрыла баштаган.

"Тойдо тартылган жылкынын этин үйүнөн жегендер да кайрылып жатышат. Жабыркаган 124 адамдын 16сы ооруканага жаткырылды. Калгандары амбулатордук жардам алышкан. Баары азыр көзөмөлдө. Ооруканага жаткырылгандардын төртөө өспүрүм. Бул боюнча тийиштүү иштер жүрүп жатат", — деди Ураимов.

Жалал-Абад ОИИБдин маалымат кызматы Бек-Абад айылынын 1964-жылы туулган тургуну И.Р. 9-октябрь күнү үйүндө жылкы союп, 10-октябрь күнү небересине той өткөргөнүн билдирди.

Тойго келген конокторго 9-октябрь күнү союлган жылкынын эти тартылган. Бул окуя Сузак РИИБде массалык уулануу деп катталып, териштирүү иштери жүрүүдө.

141
Белгилер:
Жалал-Абад, той, эт, уулануу, оорукана
Тема боюнча
Кукси, чипсы, токоч. Кытай азыктарынан ГМО табылып, Россия импортко тыюу салды
Кыргызстанда бир катар азык-түлүктүн жарнамасына чектөө киргизилиши мүмкүн
Водолаз. Архив

Балык уулайм деп... Аламүдүндө суудан 63 жаштагы кишинин сөөгү табылды

34
(жаңыланган 11:10 28.10.2021)
Балык кармайм деп кеткен киши эки күндөн бери изделип жаткан. Куткаруучулар анын сөөгүн ИИМ кызматкерлерине өткөрүп беришкен.

БИШКЕК, 28-окт. — Sputnik. Аламүдүн районунун Виноградное айылында суудан 63 жаштагы кишинин сөөгү табылды. Бул тууралуу ӨКМдин маалымат кызматы кабарлады.

Ага ылайык, 26-октябрь күнү болжол менен саат 11:00дө 102 кызматына Ч.А. аттуу 63 жаштагы эркек киши Ат-Башы каналынан балык уулоого чыгып кеткен бойдон дайынсыз жоголгондугу тууралуу маалымат түшкөн.

28-октябрда жерине издөө иштерин жүргүзүү үчүн ӨКМдин Аламүдүн районунун төрт куткаруучусу барган. Алар изделип жатканын кишинин сөөгүн суудан таап, ИИМ кызматкерлерине өткөрүп бергени айтылды.

34
Белгилер:
ӨКМ, сөөк, суу, балык, кырсык
Тема боюнча
Баткенде издөөдөгү 33 жаштагы кишинин сөөгү өз үйүнүн ажатканасынан табылды
Чүй облусундагы Бишкек — Нарын — Торугарт унаа жолунун 65-чакырымында болгон жол кырсыгынан эки адам каза болду

Чүйдө бакты сүзгөн унаадагы эки адам мүрт кетти. Окуя болгон жерден сүрөт

160
(жаңыланган 12:28 27.10.2021)
Чүй облусунун аймагындагы эки адамдын өмүрүн алган жол кырсыктын келип чыгышына айдоочунун рулга ээ боло албай калышы себеп болгон. Унаа жолдон чыгып, бакты сүзгөн.

БИШКЕК, 27-окт. — Sputnik. Чүй облусундагы Бишкек — Нарын — Торугарт унаа жолунун 65-чакырымында болгон жол кырсыгынан эки адам каза болду. Бул тууралуу ӨКМ билдирди.

Маалыматка ылайык, Mercedes Benz C 180 үлгүсүндөгү автоунаанын айдоочусу рулду башкара албай калып, жолдон чыгып бакты сүзгөн.

Последствия ДТП на 65 километре автодороги Бишкек — Нарын — Торугарт
© Фото / пресс-служба МЧС
Mercedes Benz C 180 үлгүсүндөгү автоунаанын айдоочусу рулду башкара албай калып, жолдон чыгып бакты сүзгөн

Кырсыктын кесепетинен бир аял жана бир эркек каза болуп, дагы бир киши жабыркаган. Куткаруучулар набыт болгондордун сөөгүн милицияга өткөрүп беришкен.

Ал эми жабыркаган жаран менчик унаа менен Токмок шаардык ооруканасына жеткирилген.

160
Белгилер:
жол кырсык, өлүм, Чүй облусу
Тема:
2021-жылдын башынан бери Кыргызстанда болгон жол кырсыктар
Тема боюнча
Суусамырдагы жол кырсыгынан эки адам мерт болуп, 10 киши жабыркады. Сүрөт
Ысык-Көлдүн Кырчынында КамАЗ сайга кулап, бир киши каза тапты. Сүрөттөр
Сом купюралары жана моенаталары. Иллюстративдик сүрөт

Instagram да, блогер да салык төлөйт. Жаңы кодекске кошулган берене

0
(жаңыланган 16:36 28.10.2021)
Жаңы кодекс ишке кирсе Google, Яндекс, Facebook, Instagram сыяктуу компанияларга, интернет-дүкөндөргө салык салына баштайт.

БИШКЕК, 28-окт. — Sputnik. Сунушталып жаткан Салык кодексинин жаңы редакциясы "Электрондук коммерция чөйрөсүндөгү ишке салык" деген глава менен толукталды. Бул норма интернет аркылуу товар саткан жана кызмат көрсөткөн тармактарга салык салууну жол-жоболоштурат.

Ошондой эле блогерлер да соцтармактан тапкан пайдасынан салык төлөөгө милдеттендирилет. Бул туурасында Электрондук формада кызмат көрсөтүү терминине түшүндүрмө берген 32-берененин 3-бөлүгүндө жазылган.

Салык кызматынын Методология башкармалыгынын башчысы, кодексти иштеп чыгуу тобунун мүчөсү Нурлан Умтулов бул эки топко бөлүнөрүн билдирди.

Google, Яндекс, Facebook, Instagram сыяктуу компаниялар жарнама жана башка кызматтардан киреше таап жатканы үчүн кошумча нарк салыгын (12 пайыздык ставка) төлөйт. Ал эми Кыргызстанда катталган интернет-дүкөндөр үчүн атайын режим киргизилди, алар пайдасынын 2 пайызын салыкка чегерет. Аталган компаниялар Салык кызматына каттоого турууга милдеттүү болот. Ал эми блогерлер сыяктуу соцтармактан акча тапкан жарандар 10 пайыздык ставка менен киреше салыгын төлөйт.

"Учурдагы салык мыйзамдары боюнча деле блогерлер салык төлөшү керек. Себеби алар кызмат көрсөтүү үчүн акча алып, пайда таап жатпайбы. Андыктан блогерлер да милдеттүү. Болбосо жеке ишкер катары катталып бирдиктүү салык (4 пайыздык ставка менен — ред.) төлөшү керек", — деди Жумалиев.

Салык кодексинин долбоорунун маалыматтык негиздемесинде учурда электрондук коммерция чөйрөсүндөгү иштерге салык салууну башкаруу мүмкүн эместиги, колдонуудагы мыйзамдарда салыктын ушул түрү каралбаганы белгиленген.

Жаңы Салык кодексинин долбоору парламентте биринчи окуудан өттү. Аны 2022-жылдын 2-январынан тарта колдонууга чыгаруу пландалууда.

0
Белгилер:
салык кодекси, блогер, электрондук коммерция, интернет-дүкөн
Тема боюнча
Салык төлөбөгөндөр чет өлкөгө чыга албайт. Сунушталган Салык кодекси