Киши бычак менен. Архив

Түркияда кайната кыргызстандык келинин бычактап салды. Окуя болгон жерден видео

319
(жаңыланган 18:45 13.10.2021)
Кыргызстандык аял Түркиянын жаранына турмушка чыгып, эки баланы тарбиялап жаткан. Каргаша болгон күнү күйөөсү үйдө жок болчу.

БИШКЕК, 13-окт. — Sputnik. Түркияда эркек киши өзүнүн 31 жаштагы кыргызстандык келинин бычактап өлтүрдү. Бул тууралуу SonDakika агенттиги жазды.

Каргаша Текирдаг шаарында болгон. Басылманын маалыматына караганда, 65 жаштагы Фехми өзүнүн Кыргызстанда туулуп-өскөн келини менен уруша кеткен. Үйдө чуу чыккан кезде келиндин жолдошу башка жакта болгон.

Экөөнүн ортосундагы уруш күчөп мушташканга чейин барышкан. Натыйжада аялды кайнатасы бычактап өлтүргөн. Бул учурда үйгө маркумдун кайненеси келип калып коңшуларына кайрылган. Алар полиция чакырган.

"Тартип коргоочулардын колуна түшкөн шектүү кылган ишин мойнуна алды", — деп айтылат маалыматта.

Келин 65 жаштагы Фехминин уулуна турмушка чыгып, эки баланы тарбиялап жаткан.

Кыргызстандын Тышкы иштер министрлиги окуя боюнча кийинчерээк маалымат берүүнү убадалады.

319
Белгилер:
Кыргызстан, Түркия, келин, аял, кайната, кылмыш
Тема боюнча
Спецназ өзгөчө оор кылмыштарга шектелген жаранды колго түшүрдү. Видео
Индиядагы кыргызстандык келиндин өлүмү боюнча ТИМ маалымат берди
Водолаз. Архив

Балык уулайм деп... Аламүдүндө суудан 63 жаштагы кишинин сөөгү табылды

38
(жаңыланган 11:10 28.10.2021)
Балык кармайм деп кеткен киши эки күндөн бери изделип жаткан. Куткаруучулар анын сөөгүн ИИМ кызматкерлерине өткөрүп беришкен.

БИШКЕК, 28-окт. — Sputnik. Аламүдүн районунун Виноградное айылында суудан 63 жаштагы кишинин сөөгү табылды. Бул тууралуу ӨКМдин маалымат кызматы кабарлады.

Ага ылайык, 26-октябрь күнү болжол менен саат 11:00дө 102 кызматына Ч.А. аттуу 63 жаштагы эркек киши Ат-Башы каналынан балык уулоого чыгып кеткен бойдон дайынсыз жоголгондугу тууралуу маалымат түшкөн.

28-октябрда жерине издөө иштерин жүргүзүү үчүн ӨКМдин Аламүдүн районунун төрт куткаруучусу барган. Алар изделип жатканын кишинин сөөгүн суудан таап, ИИМ кызматкерлерине өткөрүп бергени айтылды.

38
Белгилер:
ӨКМ, сөөк, суу, балык, кырсык
Тема боюнча
Баткенде издөөдөгү 33 жаштагы кишинин сөөгү өз үйүнүн ажатканасынан табылды
Чүй облусундагы Бишкек — Нарын — Торугарт унаа жолунун 65-чакырымында болгон жол кырсыгынан эки адам каза болду

Чүйдө бакты сүзгөн унаадагы эки адам мүрт кетти. Окуя болгон жерден сүрөт

160
(жаңыланган 12:28 27.10.2021)
Чүй облусунун аймагындагы эки адамдын өмүрүн алган жол кырсыктын келип чыгышына айдоочунун рулга ээ боло албай калышы себеп болгон. Унаа жолдон чыгып, бакты сүзгөн.

БИШКЕК, 27-окт. — Sputnik. Чүй облусундагы Бишкек — Нарын — Торугарт унаа жолунун 65-чакырымында болгон жол кырсыгынан эки адам каза болду. Бул тууралуу ӨКМ билдирди.

Маалыматка ылайык, Mercedes Benz C 180 үлгүсүндөгү автоунаанын айдоочусу рулду башкара албай калып, жолдон чыгып бакты сүзгөн.

Последствия ДТП на 65 километре автодороги Бишкек — Нарын — Торугарт
© Фото / пресс-служба МЧС
Mercedes Benz C 180 үлгүсүндөгү автоунаанын айдоочусу рулду башкара албай калып, жолдон чыгып бакты сүзгөн

Кырсыктын кесепетинен бир аял жана бир эркек каза болуп, дагы бир киши жабыркаган. Куткаруучулар набыт болгондордун сөөгүн милицияга өткөрүп беришкен.

Ал эми жабыркаган жаран менчик унаа менен Токмок шаардык ооруканасына жеткирилген.

160
Белгилер:
жол кырсык, өлүм, Чүй облусу
Тема:
2021-жылдын башынан бери Кыргызстанда болгон жол кырсыктар
Тема боюнча
Суусамырдагы жол кырсыгынан эки адам мерт болуп, 10 киши жабыркады. Сүрөт
Ысык-Көлдүн Кырчынында КамАЗ сайга кулап, бир киши каза тапты. Сүрөттөр
Талибан кыймылдын өкүлү Забиулла Муджахид

Тажикстан Афганистандын жаңы бийлигин тааныбай турганын айтты

0
(жаңыланган 19:15 28.10.2021)
Афганистанга коңшу мамлекеттердин министрлеринин жыйынына Кытай, Россия, Өзбекстан, Тажикстан, Пакистан жана Ирандын тышкы иштер министрлери катышкан.

БИШКЕК, 28-окт. — Sputnik. Тажикстан бийлиги Афганистандын жаңы өкмөтүн тааныгысы келбейт. Бул тууралуу Тажикстандын тышкы иштер министри Сироджиддин Мухриддин Афганистанга коңшу мамлекеттердин министрлеринин Тегеран шаарындагы жыйынында айтты.

Министрге шилтеме берип Sputnik Тажикстан агенттигинин жазганына караганда, жаңы бийлик Кабулду күч менен басып алып, өз элинин жана этникалык топтордун пикирин эске албастан өкмөттү ээлеп алды.

"Этникалык тажиктер афган элинин 46 пайызын түзгөндүктөн өкмөттөн орун алышы керек болчу", — деди Мухриддин.

Афганистанга коңшу мамлекеттердин министрлеринин жыйынына Кытайдын, Россиянын, Өзбекстандын, Тажикстандын, Пакистандын жана Ирандын тышкы иштер министрлери катышкан.

Белгилей кетсек, Борбор Азия мамлекеттеринин ичинен афган элине биринчилерден болуп Кыргызстан кол сунду. Сентябрь айынын соңунда КРдин Коопсуздук кеңешинин төрагасынын орун басары Таалатбек Масадыков Кабулга барып, "Талибан"* өкмөтүнүн ТИМ башчысы Амир Хан Муттаки менен жолуккан. Президенттин маалымат кызматы Масадыков башында турган кыргыз делегациясы Кыргызстан элинин атынан Афганистан Ислам Республикасынын элине гуманитардык жүк жеткиргенин кабарлаган.

Афган бийлиги менен Өзбекстан, Казакстан жана Кытай кызматташууга даяр экенин расмий жарыялаган.

Кийин G20 мамлекеттери кезектеги жыйынында кааласа да, каалабаса да талибдер менен иштешип, ал тургай гуманитардык жардам берүүгө мажбур экенин билдиришкен.

Ал эми 20-октябрда Россиянын борборуна талибдердин делегациясы барып, Афганистан боюнча сүйлөшүүлөр "Москва форматы" боюнча жүргүзүлдү. Иш-чарага 10 мамлекеттин делегаттары катышты.

* — Кыргызстан жана башка мамлекеттерде тыюу салынган уюм

0
Белгилер:
Афганистан, Тажикстан, өкмөт, бийлик
Тема:
Афган бийлиги менен талибдердин тиреши
Тема боюнча
Москва талибдерден афган элине либералдуу мамиле күтөрүн айтты
Талибан* жардам алууну кааласа көмөк көрсөтүшү керек. Россиянын позициясы