Милиция кызматкерлери. Архив

Баткенде издөөдөгү 33 жаштагы кишинин сөөгү өз үйүнүн ажатканасынан табылды

1842
(жаңыланган 11:08 22.10.2021)
Кылмышка шектелип Бужум айылынын 31 жаштагы тургуну менен анын иниси кармалганы айтылды. Алар убактылуу кармоо жайына киргизилген.

БИШКЕК, 22-окт. — Sputnik. Баткен районунун Бужум айылында буга чейин изделип жаткан 33 жаштагы кишинин сөөгү өз үйүнүн ажатканасынан табылды. Бул тууралуу ӨКМдин маалымат кызматы кабарлады.

Билдирмеге караганда, окуя болгон жерге ӨКМдин жалпы 13 куткаруучусу тартылып, маркумдун сөөгүн ажатканадан алып чыгып ИИМ кызматкерлерине өткөрүп берди.

Баткен облустук ички иштер башкармалыгы 33 жаштагы Жигиталы Темирбаев буга чейин изделип жатканын маалымдады.

"Жоголгон адамдын эжеси 19-октябрь күнү милицияга арыз менен кайрылып, 33 жаштагы иниси Жигиталы Темирбаев үйүнөн 17-октябрь болжол менен саат 22:30дарда чыгып кеткен боюнча кайра келбегенин айткан", — деп жазылат маалыматта.

Аталган факт Баткен РИИБине "дайынсыз жоголуу" беренеси менен катталып, издөө иштери башталган.

"Криминалдык милициянын тажрыйбалуу кызматкерлери ыкчам иликтөө иштерин жүргүзүп, натыйжада Бужум айылынын И.М. аттуу 31 жаштагы тургуну менен анын 28 жаштагы Ж.Н. аттуу бир тууган инисин шектүү катары кармаган", — деп жазылат билдирмеде.

Шектүүлөр колго түшүрүлгөн соң факт Жазык кодексинин 130-беренесинин 2-бөлүмүнүн 3-пунктуна ("Өзгөчө мыкаачылык менен адам өлтүрүү") өзгөртүлүп, учурда тергөө иштери уланууда.

Бул иш боюнча тийиштүү экспертизалар дайындалып, кармалгандар убактылуу кармоо жайына киргизилгени айтылды.

1842
Белгилер:
Баткен облусу, адам өлтүрүү, шектүү, Бужум, ажаткана
Тема боюнча
Базарга кеткен боюнча дайынсыз болуп жаткан кишинин сөөгү Чоң-Алай суусунан табылды
АКШда полициянын колунан өлгөн кыргызстандык. Каражат топтоло башталды
Түркиядагы кыргызстандык келиндин өлүмү боюнча ТИМдин маалыматы
Россиянын полиция кызматкери. Архив

Москвада кыргызстандык таксистке ок атылды. Окуя видеого түшүп калган

480
(жаңыланган 00:07 04.12.2021)
Каргаша болгон жерден айдоочу из жашырып кеткени айтылууда. Алдын ала маалыматка караганда, ал травматикалык курал колдонгон.

БИШКЕК, 3-дек. — Sputnik. Москванын чок ортосунда жолтандабастын айдоочусу кыргызстандык таксист менен жаңжалдаша кетип атып жиберди. Бул тууралуу Кыргызстандын Россиядагы элчилиги билдирди.

Россиянын ЖМКлары окуя Чоң Грузин көчөсүндө болгонун жазууда. Алдын ала маалымат боюнча, таксист оң тарапта авариялык жарыкты жандырып турган. Ал жүргүнчүнү күтүп турушу мүмкүн экени айтылууда. Ал эми Cadillac Escalade унаасынын айдоочусу өтө албай калган. Мындан улам экөө айтыша кеткен. Натыйжада жолтандабастын айдоочусу тапанча менен таксистти көздөй бир нече ирет ок чыгарган. 

Окуя болгон жерден айдоочу из жашырып кеткени айтылууда. Алдын ала маалыматка караганда, ал травматикалык курал колдонгон.

Элчилик таксист Кыргызстандын 23 жаштагы Алманбет Абдрахманов аттуу жараны экенин билдирди.

“Мекендеш окуя болгондон кийин ооруканага жаткырылган. Аталган маселе элчиликтин көзөмөлүнө алынды. Кыргызстандын жаранына тиешелүү консулдук жардам берилет”, — деп жазылат релизде.

Шектүүгө карата курал колдонуу менен бейбаштык кылуу беренеси боюнча кылмыш иши козголгон.

Ал эми РЕН ТВ телеканалы жолтандабастын айдоочусу Дмитрий Махалов экенин билдирди. Ал 2009-жылы уурулук ишине фигурант катары соттолгону белгиленет. Эки жыл мурун да жаңжалга аралашканы айтылат.

480
Белгилер:
Москва, таксист, Кыргызстан, элчилик, сатуу
Тема боюнча
Бишкек: ок чыгарган уландын ГБРде иштээри аныкталып, тапанчасын тапшырды
АКШда атылган кыргызстандык. Каргашага чейинки окуянын видеосу тарады
Ата Мекен партиясынын лидери Өмүрбек Текебаев

Текебаевге кол салуу: аксакал баштаган топ адамдар кечирим сурап келди

369
(жаңыланган 18:14 03.12.2021)
Топ адамдар саясатчыга кандайча отелдин алдына барып калышканын айтып берип, кечирим сурашты.

БИШКЕК, 3-дек. — Sputnik. "Ата Мекен" партиясынын лидери Өмүрбек Текебаевдин кеңсесине 1-декабрда болгон окуя үчүн кечирим сурап адамдардын тобу келди.

Буга чейин журналисттер Текебаев барган отелдин алдына келгендер ага чейин өкмөттүн имаратында турганын божомолдогон.

Саясатчыга келген делегацияны 72 жаштагы карыя жетектеп келген. Ал буга чейин болгон окуя үчүн кечирим сураш үчүн келишкенин билдирип, балдар чагымчылдардын аракетине алдырып койгонун белгилеген. Аксакал анын жанындагы балдар Текебаевге кол салууну уюштурду деген кептерди четке каккан.

УКМКнын төрагасы, министрлер кабинетинин төрагасынын орун басары Камчыбек Ташиев. Архив
© Фото / Пресс-служба правительства/ Алишер Алиев
Ал эми Текебаев алардын күнөөсү жок экенин, бирөөлөр аларды адаштырып отелге алып келиши мүмкүндүгүн билдирген.

Токмоктун шаардык кеңешинин депутаты Кайрат Чокеев алар чын эле адашканын билдирди. Айтымында, балдар, тескерисинче, Текебаевге кол салгысы келгендерди токтотууга аракет жасаган. Ал күнү Токмоктогу кафелердин биринен топ адамдар тынчтыкты жана туруктуулукту жактай турганын айтып, видеокайрылуу жасаган. Чокеев билдиргендей, алар кийин микроавтобустар жана жеңил автоунаалар менен өкмөттүн имаратынын алдына келишкен.

"Биз сизге кол салуу үчүн келген эмеспиз. Максатыбыз башка болчу. Биз стабилдүүлүктү жактайбыз жана башаламандык болуп кетсе элдик кошуун катары чыкмакпыз. Эгер жаман оюбуз болсо эл алдында жасамак эмеспиз да. Провокация болуп кетти. Окуя кандай болгонун айтып берейин. Биз Өкмөт үйүнүн алдында бир сааттан ашык турдук. Анан маска тагынган белгисиз бала келип элди чочутпай "Консул" отелинин алдына барып турууну суранды. Биз макул болдук, себеби эл чындап эле чочулашы мүмкүн эле. Отелдин алдында түшүнүксүз окуя болуп кетти... Арабызда жаш балдар дагы бар болчу. Милиция кармаган бала жетим өскөн, балким, алар провокацияга алдырып коюшту. Сиздер баарын өзүңүздөр көрдүңүздөр. Биз арачалап, аларды тынчтандырууга аракет жасадык. Бирок топ адамдарды башкаруу оор. Бизди автобустар менен алып келген эмес. Алар милиционерлер болчу, биз Өкмөт үйүнүн алдына чогулганда келишкен", — деди шаардык кеңештин депутаты.

Жолугушууга келгендердин бири өзүн Бактияр деп тааныштырып, өздөрү үчүн жана милиция кармап кеткен бала үчүн дагы кечирим суроону чечишкенин айтты.

Текебаев болсо аларга эч кандай доосу жок экенин белгиледи.

Лидер партии Ата-Мекен Омурбек Текебаев отвечает на вопросы журналистов после совершенного не него нападения.
© Sputnik / Игорь Егоров
"Ата Мекен" партиясынын лидери Өмүрбек Текебаев
"Отелден үч бала мага кол көтөрүп, сыртка алып чыгышты. Мен силердин турганыңарды көргөм, провокатор болсо качып кетти. Силердин балдар отелге кирбегенин билем, ал эми кармалган бала мени урган эмес. Мага 40 жаш чамасындагы кыска бойлуу, спорттук дене түзүлүштөгү киши кол көтөргөн. Болор иш болду, эми мындай кайталанбашы керек. Жарандык биримдик жана тынчтык болсун", — деди саясатчы.

Текебаев балдарды провокацияга алдырбоого чакырып, кармалган бала анын телефонун албаганын кошумчалады. Айтымында, уюлдук аппарат отелде калган. Саясатчы кармалган киши эмне себептен күнөөнү өз мойнуна алганын түшүнбөй жатканын айтып, ошондой эле тергөө элди адаштырып жатканын кошумчалады.

Белгилей кетсек, 1-декабрь күнү борбор калаадагы мейманканалардын биринин алдында Өмүрбек Текебаевге белгисиз балдар кол салган. Президент Садыр Жапаров ишти тез арада териштирүү боюнча ИИМге тапшырма берген. Милиция аталган факты боюнча Жазык кодексинин 201-беренесине ("Адамдардын тобу же алдын ала сүйлөшүү боюнча адамдардын тобу тарабынан тоноо") ылайык кылмыш ишин козгоп, шектүү катары 23 жаштагы жаранды кармаган.

369
Белгилер:
Өмүрбек Текебаев, кол салуу, кечирим, милиция, шаардык кеңеш, депутат
Тема боюнча
Текебаевге кол салууну үчүнчү күчтөр уюштурушу мүмкүнбү? ИИМдин жообу
Кыргызстандык балбан кыз Мээрим Жуманазарова. Архив

Мээрим Жуманазарова Гран-при мелдешиндеги атаандашы Велиеваны дагы утту

33
(жаңыланган 01:28 04.12.2021)
Буга чейин Россиянын Күрөш федерациясы Мээрим Жуманазарова менен Ханум Велиеваны беттештирүү сунушу менен Кыргызстандын күрөш уюмуна кайрылган.

БИШКЕК, 4-дек. — Sputnik. Кыргызстандык балбан кыз Мээрим Жуманазарова "Гран-при Москва — АЛРОСА кубогу" мелдешиндеги атаандашы Ханум Велиеваны 3:2 эсеби менен утуп алды. Спортчу кыздардын таймашын Россиянын Спорттук күрөш федерациясынын расмий сайты түз алып көрсөттү.

Эки бөлүккө созулган кыл чайнаш кармаштын жыйынтыгында кыргызстандын балбан кызы жеңишти илип кетти. Кармаштын биринчи эле бөлүгүндө Мээрим адегенде контр чабуул жасап бир упай алды. Көп өтпөй бутка кирип, атаандашын партерге жыгып дагы эки баллга ээ болду. Бөлүк 3:0 менен аяктады.

Экинчи үч мүнөттүктө кыргызстандык балбан кыз эсеп артыкчылыкты сактап калуу тактикасы менен күрөштү. Велиева чабуул жасап Мээримди эки ирет чийин сыртына сүрүп чыгарып эки упай алды. Беттеш 3:2 Мээримдин артыкчылыгы менен жыйынтыкталды.

Мээрим Жуманазарованы мелдешке машыктыруучусу атасы Рахмадил Жуманазаров коштоп барган.

Мелдеш Москва шаарындагы "ВТБ Арена Парк" спорттук жайында өттү.

Буга чейин Россиянын Күрөш федерациясы Мээрим Жуманазарова менен Ханум Велиеваны беттештирүү сунушу менен Кыргызстандын күрөш уюмуна кайрылган. Машыктыруучулук штаб Мээрим менен кеңешип, бул сунушка макул болгон.

Спортчу кыздар муну менен төртүнчү ирет кез келип жатат. Эске салсак, октябрь айында Ослодо өткөн дүйнө чемпионатынын жарым финалында Жуманазарова Велиеваны уткан. Таймаш 3:3 эсебинде аяктаган, бирок акыркы аракетти жасап, упай алганы үчүн кыргызстандык балбан кызга артыкчылык берилген.

Калыстар беттеш эсебин таблодо туура эмес көрсөткөндүгү үчүн кармаштын жыйынтыгына карата айрым түшүнбөстүктөр пайда болгон. Мындан улам Россиянын машыктыруучулар штабы кармашта реферилер ката кетирген деп эсептеп, калыстык кылган топтун үстүнөн даттанарын айтып чыккан болчу.

Ал эми 2019-жылы Финляндияда өткөн жаштар арасындагы дүйнөлүк чемпионатта беттешсе, экинчисинде Польшада былтыр өткөн Poland Open 2020 эл аралык турниринде кез келип, Мээрим 7:2 эсебинде уткан.

Ал эми үчүнчүсүндө быйыл Норвегиянын Осло шаарында өткөн дүйнө биринчилигинин жарым финалында кармашып, Мээрим жеңип алган.

33
Белгилер:
Мээрим Жуманазарова, Ханум Велиева, мелдеш
Тема боюнча
Жоламан күрөшкөндө титиреп турам... Легендарлуу Хаким агайдын видеосу
Мелис Турганбаев Күрөш федерациясынын президенти болуп тандалды