Тез жардам кызматкери. Архив

Сузакта үч баланын сөөгү үйүнөн табылды, энеси ооруканада

168
(жаңыланган 14:17 14.11.2021)
Окуя бүгүн, 14-ноябрда, болгону айтылды. Кичинекей балдардын апасы өтө оор абалда Сузак аймактык ооруканасына жеткирилген.

БИШКЕК, 14-ноя. — Sputnik. Жалал-Абад облусунун Сузак районундагы үйлөрдүн биринен үч баланын сөөгү табылды. Маалыматты Жалал-Абад облустук ички иштер башкармалыгынын маалымат катчысы Нурдин Жээнтаев тастыктады.

Анын айтымында, окуя 14-ноябрь күнү эртең менен болгон. Балдардын апасы өтө оор абалда Сузак аймактык ооруканасына жеткирилген.

Алдын ала маалымат боюнча, балдар энеси менен мештен чыккан иске ууланган. Учурда тергөө иштери жүрүп жатат.

168
Белгилер:
Сузак району, ис, эне, бала, өлүм
Тема боюнча
Сүлүктүдө куткаруучулар шахтада ууланган эки кишини аман алып чыкты
Ысык-Көлдө кароосуз калган шахта урап, бир адам каза тапты
Ысык-Көлдүн Теплоключенко айылында жол кырсыгы

Ысык-Көлдө жүрөк үшүн алган кырсыктан 4 адам мүрт кетти. Сүрөт

905
(жаңыланган 18:35 26.11.2021)
Каршы тилкеде токтоп турган автоунааны экинчи унаа келип сүзгөн. Каза тапкандардан сырткары үч киши ар кандай жаракат алган.

БИШКЕК, 26-ноя. — Sputnik. Ысык-Көлдүн Теплоключенко айылында жол кырсыгынан төрт киши мүрт кетти. Бул тууралуу Жол кыймылы коопсуздугун камсыздоо башкармалыгынын маалымат кызматы кабарлады.

Каргаша бүгүн саат 16:30дар чамасында Каракол — Эңилчек унаа жолунун 10-чакырымында болуп, Nissan X-Trail менен Subaru Forester үлгүсүндөгү автоунаалар кагышкан.

Последствия ДТП в селе Теплоключенка на трассе Каракол — Энилчек
© Фото / пресс-служба ГУОБДД МВД
Каргаша бүгүн саат 16:30дар чамасында Каракол — Эңилчек унаа жолунун 10-чакырымында болуп, Nissan X-Trail менен Subaru Forester үлгүсүндөгү автоунаалар кагышкан
"Nissan X-Trail унаасынын 61 жаштагы айдоочусу А.А. кар күрткүдө чыгыштан батышка бара жатып, рулду башкара албай каршы тилкеге чыгып, жолдо токтоп калган. Айдоочунун жайкы дөңгөлөктөрдү алмаштырбаганы белгилүү болду. Каршы тилкеде келе жаткан Subaru Forester унаасынын 34 жаштагы айдоочусу А.А. токтогонго жетишпей калып Nissan X-Trail машинасын сүзүп кеткен", — деп жазылган маалыматта.

Окуя болгон жерден төрт киши көз жумуп, үч киши жаракат алган. Каза тапкандардын аты-жөнү такталууда.

Аталган факт Кылмыш жана жоруктардын бирдиктүү реестрине катталып, тийиштүү экспертизалар жүргүзүлүп жатат. Тергөө уланууда.

ЖКККББ айдоочуларды жол эрежелерин сактап, дөңгөлөктөрдү кышкыга алмаштырып, жолдо коопсуз аралыкты сактоого чакырды.

905
Белгилер:
Ысык-Көл, ЖКККББ, жол кырсык, өлүм
Тема:
2021-жылдын башынан бери Кыргызстанда болгон жол кырсыктар
Тема боюнча
Lexus жарабай калган. Чүйдөгү жол кырсыктын бир адам каза болду. Сүрөт
УКМК менен милиция өлкөдө бийликти күч менен басып алууну пландаштырган кылмыштуу топтун ишмердүүлүгүнө бөгөт койду

УКМК: депутаттар менен экс-чиновниктердин тобу бийликти басып алмак болгон. Сүрөт

907
(жаңыланган 23:19 26.11.2021)
Деструктивдүү күчтөр шайлоодон кийин коомдук-саясий кырдаалды курчутуп, бийликти басып алууну пландаган. УКМК буга далилдер бар экенин айтууда.

БИШКЕК, 26-ноя. — Sputnik. УКМК менен милиция өлкөдө бийликти күч менен басып алууну пландаштырган кылмыштуу топтун ишмердүүлүгүнө бөгөт койду. Бул тууралуу УКМКнын маалымат кызматы билдирди.

  •  ГКНБ совместно с МВД пресечена деятельность преступной группы, планировавшей насильственный захват власти в стране
    УКМК менен милиция өлкөдө бийликти күч менен басып алууну пландаштырган кылмыштуу топтун ишмердүүлүгүнө бөгөт койду
    © Фото / пресс-служба ГКНБ
  •  ГКНБ совместно с МВД пресечена деятельность преступной группы, планировавшей насильственный захват власти в стране
    Жүргүзүлгөн ыкчам иш-чаранын алкагында шайлоодон кийин дароо өлкөдөгү коомдук-саясий кырдаалды туруксуздаштыруу жана бийликти күч менен басып алуу максатында чагымчылдык уюштурууну пландаштырган адамдардын тобу боюнча маалымат алынган
    © Фото / пресс-служба ГКНБ
  •  ГКНБ совместно с МВД пресечена деятельность преступной группы, планировавшей насильственный захват власти в стране
    Иликтөө иштеринин жүрүшүндө айрым бир деструктивдүү саясий күчтөр, анын ичинде Жогорку Кеңештин депутаттары жана мурдагы чиновниктер жетектеген адамдардын тобунун кылмыштуу иш-аракеттери тууралуу төгүндөлгүс далилдер алынган.
    © Фото / пресс-служба ГКНБ
1 / 3
© Фото / пресс-служба ГКНБ
УКМК менен милиция өлкөдө бийликти күч менен басып алууну пландаштырган кылмыштуу топтун ишмердүүлүгүнө бөгөт койду

Жүргүзүлгөн ыкчам иш-чаранын алкагында шайлоодон кийин дароо өлкөдөгү коомдук-саясий кырдаалды туруксуздаштыруу жана бийликти күч менен басып алуу максатында чагымчылдык уюштурууну пландаштырган адамдардын тобу боюнча маалымат алынган.

Иликтөө иштеринин жүрүшүндө айрым бир деструктивдүү саясий күчтөр, анын ичинде Жогорку Кеңештин депутаттары жана мурдагы чиновниктер жетектеген адамдардын тобунун кылмыштуу иш-аракеттери тууралуу төгүндөлгүс далилдер алынган.

Бул боюнча УКМК тарабынан Жазык кодексинин 38 жана 309-беренелери ("Бийликти күч менен басып алууга даярдануу") боюнча сотко чейинки өндүрүш иши козголуп, Башкы прокуратура тарабынан ведомстволор аралык тергөө тобу түзүлгөн.

"Алдыдагы парламенттик шайлоонун жыйынтыгы жарыялангандан кийин бул топ айрым саясий күчтөрдүн, анын ичинде шайлоодо утулуп калгандардын колдоосуна таянып Бишкек шаарынын аймагында кырдаалды курчутуу менен массалык нааразылык акцияларын, укук тартибин сактоочу күчтөр менен кагылышууларды уюштуруу аркылуу бийликти күч менен басып алууну пландаганы аныкталган", — деп айтылат билдирүүдө.

Шектүүлөрдүн атайын адамдарды топтоп даярдык көргөнү белгиленет.

Бул максатта кылмыштуу топ бийликти күч менен басып алууга түрткү болуу үчүн 1 000ге жакын агрессивдүү жаштарды массалык нааразылык акцияларын уюштурууга топтоп, алар менен мамлекеттик түзүмдөргө каршы идеологиялык мамиле жасоо багытында системалуу жолугушуулар өткөрүлүп, башаламандык чыгаруу пландары талкууланган.

"Аталган күчтөрдүн кылмыштуу аракеттерине бөгөт коюу максатында бүгүн, 26-ноябрда, УКМК менен ИИМ алардын активдүү катышуучуларынын жашаган жеринде жана алар ижарага алган кеңседе тинтүү жүргүзүшкөн. Анын натыйжасында кылмышка даярдангандыгын тастыктаган документалдык материалдардан тышкары ок атуучу куралдар, ок-дарылар жана баңгизаттар табылып алынды", — деп айтылат УКМКнын билдирүүсүндө.

Иликтөө иш-чараларынын жыйынтыгы жана тергөө учурунда алынган төгүндөлгүс далилдердин негизинде башаламандык уюштургусу келген топтун 15тен ашык активдүү мүчөсү кармалып, кылмыш жоопкерчилигине тартуу чечими кабыл алынды.

Учурда бул иш боюнча тергөө амалдары уланып, аталган топтун башка мүчөлөрү аныкталып, алардын аракеттерине да тиешелүү юридикалык баа берилери айтылат.

907
Белгилер:
УКМК, ИИМ, басып алуу, бийлик, даярдык, кылмыш, шектүү, кармоо
Тема боюнча
Эки ай берем. Жапаров жыйында Ташиевди тургузуп алып тапшырма берди. Видео
Көз карандысыз мамлекеттердин шериктештигине (КМШ) мүчө өлкөлөрдүн Парламенттер аралык ассамблеясы

Шайлоого байкоо салчу КМШ өлкөлөрүнүн депутаттары ишин баштады

0
(жаңыланган 12:16 27.11.2021)
28-ноябрь күнү Кыргызстанда аралаш система менен парламенттик шайлоо өткөрүлөт. Кыргызстандыктар 54 депутатты партиялык тизме, 36сын бир мандаттуу округ аркылуу шайлайт. Элдин добушун алуу үчүн 21 партия, 287 талапкер жарышка чыккан.

БИШКЕК, 27-ноя. — Sputnik. Бүгүн Бишкекте Көз карандысыз мамлекеттердин шериктештигине (КМШ) мүчө өлкөлөрдүн Парламенттер аралык ассамблеясынын (ПАА) Өзбекстан Олий Мажлис Сенатынын депутаты Кутбидин Бурханов башында турган байкоочулар тобунун парламенттик шайлоого мониторинг жүргүзүү иштерин баштады.

  • К краткосрочному мониторингу выборов депутатов Жогорку Кенеша Кыргызстана приступила группа международных наблюдателей от Межпарламентской ассамблеи СНГ. 27 ноября 2021 года
    Бүгүн Бишкекте Көз карандысыз мамлекеттердин шериктештигине (КМШ) мүчө өлкөлөрдүн Парламенттер аралык ассамблеясынын (ПАА) Өзбекстан Олий Мажлис Сенатынын депутаты Кутбидин Бурханов башында турган байкоочулар тобунун парламенттик шайлоого мониторинг жүргүзүү иштерин баштады
    © Фото / пресс-служба Межпарламентской Ассамблеи СНГ
  • К краткосрочному мониторингу выборов депутатов Жогорку Кенеша Кыргызстана приступила группа международных наблюдателей от Межпарламентской ассамблеи СНГ. 27 ноября 2021 года
    Мониторингдин алкагында талапкерлигин коюп жаткан саясий партиялардын лидерлери менен жолугушуулар болуп өттү
    © Фото / пресс-служба Межпарламентской Ассамблеи СНГ
1 / 2
© Фото / пресс-служба Межпарламентской Ассамблеи СНГ
Бүгүн Бишкекте Көз карандысыз мамлекеттердин шериктештигине (КМШ) мүчө өлкөлөрдүн Парламенттер аралык ассамблеясынын (ПАА) Өзбекстан Олий Мажлис Сенатынын депутаты Кутбидин Бурханов башында турган байкоочулар тобунун парламенттик шайлоого мониторинг жүргүзүү иштерин баштады

Мониторингдин алкагында талапкерлигин коюп жаткан саясий партиялардын лидерлери менен жолугушуулар болуп өттү.

Маектешүү учурунда ар бир лидер шайлоо, үгүт иштери, программасы боюнча байкоочулар менен пикир алышты.

Делегациянын курамына Азербайжан, Армения, Беларусь, Казакстан, Россия, Тажикстан, Өзбекстан парламентинин депутаттары кирген. Ошондой эле ассамблея кеңешинин катчылыгынын өкүлдөрү, Жарандардын шайлоо укуктарын сактоону, парламентаризмди, демократияны өнүктүрүү эл аралык мониторинг институтунун эксперттери да бар. Кыргызстандын Борбордук шайлоо комиссиясынын каттоосунан жалпы 75 байкоочу өткөн. Алар Жогорку Кеңештин төрагасы тарабынан чакырылган.

Эске салсак, эртең, 28-ноябрь күнү, Кыргызстанда аралаш система менен парламенттик шайлоо өткөрүлөт. Кыргызстандыктар 54 депутатты партиялык тизме, 36сын бир мандаттуу округ аркылуу шайлайт. Элдин добушун алуу үчүн 21 партия, 287 талапкер жарышка чыккан.

0
Белгилер:
Кыргызстан, Жогорку Кеңешке шайлоо, шайлоо, байкоочу
Тема:
Жогорку Кеңешке жаңы тартип менен болчу шайлоо
Тема боюнча
Бүгүн Кыргызстанда "жымжырт күн", үгүт иштери токтотулду
УКМК бийликти басып алууга шектелген талапкерлердин атын атады