Бишкек — Ош кан жолундагы жол кырсыгы

Кара-Суудагы өлүм коштогон жол кырсык. Дагы 15 адам ооруканага жеткирилди

406
(жаңыланган 17:07 16.11.2021)
Жол кырсыгына кабылган 15 киши ооруканага жеткирилди. Алардын жарымы жандандыруу бөлүмүнө жаткырылган. Арасында балдардын абалы өтө оор.

БИШКЕК, 16-ноя. — Sputnik. Бишкек — Ош кан жолундагы жүрөк үшүн алган кырсыктан жабыркаган 15 киши Ош облустук ооруканасына жеткирилди. Бул тууралуу Саламаттыкты сактоо министрлиги билдирди.

Жол апааты трассанын 661-чакырымында катталып, анда КамАЗ, Mercedes-Benz Sprinter жана Daewoo Nexia сүзүшкөн. Каргашада жети адам көз жумган.

Министрлик билдиргендей, жабыркагандардан жети киши оорукананын жандандыруу бөлүмүндө жатат, алардын абалы өтө оор деп сыпатталууда. Нейрохирургия жана травматология бөлүмүнө жаткырылган эки адамдын абалы орто оор, ал эми Ош шаардык ооруканасындагы бейтаптын абалы орто экени айтылды. Ош облустар аралык балдар ооруканасынын жандандыруу бөлүмүнө жаткырылган эки баланын абалын да дарыгерлер өтө оор деп билдиришкен.

Ал эми жабыр тарткан дагы үчөө алгачкы медициналык жардам көрсөтүлгөндөн соң үйлөрүнө чыгарылган.

406
Белгилер:
жол кырсык, Ош, Кара-Суу району, өлүм
Тема:
2021-жылдын башынан бери Кыргызстанда болгон жол кырсыктар (194)
Тема боюнча
Ошто жол кырсыгынан 7 киши набыт болуп, тогуз адам жабыркады. Сүрөт
Стамбул шаарында бороон-чапкын болгон убакта бараткан адамдар

Түркияда катуу бороон-чапкындан улам алты киши мерт болду. Видео

54
(жаңыланган 16:53 30.11.2021)
Шамалдын ылдамдыгы саатына 130 чакырымга жеткен. Анын айынан чатырлар урап, алдында калган 38 киши түрдүү жаракаттарды алган.

БИШКЕК, 30-ноя. — Sputnik. Түркиянын Стамбул шаарында жана бир катар аймактарында бороон-чапкындын кесепетинен каза болгондордун саны алтыга жетти. Бул тууралуу жергиликтүү бийликке таянып РИА Новости жазды.

Буга чейин Стамбулда ылдамдыгы саатына 130 чакырымга жеткен катуу бороон болгону кабарланган. Катуу шамалдан улам чатырлар урап, алдында калган 38 киши түрдүү жаракаттарды алган. Дагы төрт киши каза болгону айтылган. 

Ал эми Кожаэли провинциясынын администрациясынын маалыматы боюнча, урандылардын астында калган бир адам каза болуп, сегизи жаракат алган.

Зонгулдак облусунда дагы бир адам мерт болгону айтылды.

54
Белгилер:
Түркия, Стамбул, бороон, шамал, адам, өлүм, кырсык
Тема боюнча
Журналист өмүрүн тобокелге салып репортаж жасаган видео
Жол кырсыгынан жабыркаган унаа. Архив

Өзгөндө Daewoo Tico унаасы сайга түшүп кетип, эки адам каза болду. Сүрөт

97
(жаңыланган 11:00 30.11.2021)
Жаракат алган эки киши Тез жардам кызматы менен ооруканага жеткирилген, ал эми каза болгондордун сөөгүн туугандары алып кеткен.

БИШКЕК, 30-ноя. — Sputnik. Ош облусунун Өзгөн районундагы Чечебай айылында Daewoo Tico үлгүсүндөгү автоунаа сайга түшүп кетип, эки адам каза болду. Бул туурасында Өзгөчө кырдаалдар министрлиги билдирди.

В Узгенском районе машина упала в овраг, погибли два человека
© Фото / пресс-служба МЧС
Ош облусунун Өзгөн районундагы Чечебай айылында Daewoo Tico үлгүсүндөгү автоунаа сайга түшүп кетип, эки адам каза болду

Маалыматка ылайык, окуя кечээ, 29-ноябрда, болгон. Кырсыктын кесепетинен эки эркек киши каза болуп, эки адам ар кандай жаракат алышкан. Учурда аты-жөнү такталууда.

Жаракат алган адамдар Тез жардам кызматы менен ооруканага жеткирилген. Ал эми каза болгон кишилердин сөөгүн туугандары алып кеткен.

Жерине ӨКМдин 4 куткаруучусу тартылып, унааны сайдан чыгарышкан.

97
Белгилер:
жол кырсык, Өзгөн, өлүм, жаракат
Тема:
2021-жылдын башынан бери Кыргызстанда болгон жол кырсыктар (194)
Тема боюнча
Ысык-Көлдө жүрөк үшүн алган кырсыктан 4 адам мүрт кетти. Сүрөт
Lexus жарабай калган. Чүйдөгү жол кырсыктын бир адам каза болду. Сүрөт
Дарыгер COVID-19га каршы вакцина даярдап жатат. Архив

ДССУнун Кыргызстандагы өкүлү "омикрон" штаммы тууралуу эмне белгилүү экенин айтты

0
(жаңыланган 18:05 30.11.2021)
Коронавирустун "омикрон" жаңы штаммынын 32ден ашык мутациясы бар. ДССУ өкүлү алардын айрымдары кооптонуу жаратарын айтты.

БИШКЕК, 30-ноя. — Sputnik. Коронавирустун "омикрон" жаңы штаммы учурда толук изилденип бүтө элек. Бирок ал иммунитети бар адамдарга дагы жуга турганы белгилүү. Бул тууралуу Дүйнөлүк саламаттык сактоо уюмунун Кыргызстандагы кеңсесинин өкүлү Акбар Эсенгулов билдирди.

Ал Sputnik Кыргызстандын пресс-борборунда өткөн "Дүйнөгө коркунуч жараткан штамм-супермутанттан Кыргызстан кантип коргонот" аталышындагы брифингге катышты.

Эсенгуловдун айтымында, ДССУ жаңы штамм тууралуу 24-ноябрда Түштүк Африка өкмөтү инфекция табылганын кабарлагандан кийин билген.

Сотрудник офиса Всемирной организации здравоохранения по чрезвычайным ситуациям в Кыргызстане Акбар Эсенгулов на брифинге в пресс-центре Sputnik Кыргызстан
© Sputnik / Жоомарт Ураимов
Дүйнөлүк саламаттык сактоо уюмунун Кыргызстандагы кеңсесинин өкүлү Акбар Эсенгулов
"Бул штаммдын мутациялары көп, 26дан 32ге чейин жетет. Алардын айрымдары тынчсызданууну жаратат. Штамм канчалык оор ооруну пайда кылары жана мурунку инфекцияларга салыштырмалуу канчалык жугуштуу экени азырынча белгисиз. Алдын ала маалыматтар боюнча, ал мурда иммунизацияланган адамдарда да кайра инфекцияны козгоо мүмкүнчүлүгүнө ээ. Ошондуктан биз өлкөлөрдү бул коркунучка карата даярданууга жана көзөмөлдү күчөтүүгө чакырабыз", — деген Эсенгулов.

Анын айтымында, коргонуу боюнча калкка мурдагыдай эле сунуштар айтылат:

  • Колду самындап жуу;
  • Социалдык аралыкты сактоо;
  • Эл көп чогулган жерлерге баруудан кармануу.

Эске салсак, министрлер кабинети Дүйнөлүк саламаттык сактоо уюму менен COVID инфекциясынын "омикрон" жаңы штаммынын пайда болушу боюнча чукул кеңеш өткөргөн. ДССУ аны кооптуу штаммдардын катарына киргизген. Саламаттык сактоо жана Тышкы иштер министрликтерине вирустун жаңы мутациясынын Кыргызстанда жайылышын алдын алуу боюнча чараларды көрүү тапшырылды.

0
Белгилер:
Кыргызстан, 'омикрон' штаммы, жаңы штамм, коронавирус
Тема:
Кыргызстандагы коронавирус
Тема боюнча
"Омикрон" штаммынан коргонуунун жападан жалгыз жолу айтылды
Жугуштуу илдеттер ооруканасы COVID жуктургандарды кайра кабыл алмай болду
Кыргызстанга кирүүдө 1-декабрдан тарта ПЧР-тест талап кылынат