Мектептеги класста дезинфекциялоо иштери. Архив

Бишкекте эки мектепти оңдоодо мамлекетке 5 млн. сомдон ашык зыян келген

78
(жаңыланган 14:21 17.11.2021)
Башкы көзөмөл органдын билдиришинче, мэриянын Капиталдык курулуш башкармалыгы мектепти арзаныраак ремонт кылып берем деген ишкананын сунушун четке каккан жана иштин көлөмүн атайылап көбөйткөн.

БИШКЕК, 17-ноя. — Sputnik. Бишкекте бир нече мектептин курулуш иштерин жүргүзүүдө мамлекетке 5 миллион сомдон ашуун зыян келтирилгени аныкталды. Бул тууралуу Башкы прокуратура кабарлады.

"Прокурордук текшерүүнүн жүрүшүндө мэриянын капиталдык курулуш башкармалыгынын кызматкерлери 2017-жылы №46 орто мектептин ондоо иштерин жүргүзүү боюнча өткөрүлгөн тендердин жеңүүчүсү деп 5 миллион 268 миң сом сунуштаган "Д." ААКтын филиалын тапкан. Ал эми 4 миллион 659 миң сомго ремонт кылгысы келген "М.К.Дж" ЖЧКнын сунушу мыйзамсыз четке кагылгандыгы такталган. Натыйжада мамлекетке 609 миң сом зыян келген", — деп жазылган маалыматта.

Мындан сырткары, мектеп боюнча капиталдык курулуш башкармалыгынын кызмат адамдары "Д." ААКтын өкүлдөрү менен алдын ала сүйлөшүп, аткарылган жумуштар үчүн 3 миллион 6 миң сомго баасы негизсиз көбөйтүлгөн актыга кол коюшкан.

"Ошондой эле 2017-2018-жылдары "И.Т." ЖЧК менен түзүлгөн келишим боюнча Бишкектеги №10 орто мектепте 31 миллион 346 миң сомго капиталдык ондоо иштери жүргүзүлүп, атайылап көбөйтүлгөн иштер үчүн 2 миллион 214 миң сом кошулган. Башкача айтканда, борбор калаадагы №10 жана №46 орто мектептерде ремонт кылууда мамлекетке 5 миллион 830 миң сом зыян келтирилген", — деп жазылган маалыматта.

Текшерүүнүн жыйынтыгы боюнча чогултулган материалдар Жазык кодексинин 320 ("Кызмат абалынан кыянаттык менен пайдалануу") жана 329-беренеси ("Кызматтык жасалмачылык") менен катталган. Тергөө иштери жүрүүдө.

78
Белгилер:
Бишкек, Башкы прокуратура, мектеп, оңдоо, тендер
Тема боюнча
Зулушев: УКМК менен мэриянын өкүлдөрү Бишкектеги жерлерди ээлеп алышкан
Жапаров: коррупциялык иштерди Башкы прокуратуранын атайын башкармалыгы тергейт
Дело № папкасы менен киши. Архив

Ысык-Ата шайлоо округунан алдыга чыккан талапкерге иш козголду

13
(жаңыланган 18:12 06.12.2021)
Социалдык тармакка Жогорку Кеңештин депутаттарын шайлоо учурунда аталган талапкердин катышуусунда видеотасма жарыяланган. УКМК билдиргендей, анда кылмыштын белгилери бар.

БИШКЕК, 6-дек. — Sputnik. № 30 Ысык-Ата шайлоо округунан депутаттыкка талапкер А.Т. аттуу жаранга карата кылмыш иши козголду. Бул тууралуу УКМК билдирди.

Маалыматка караганда, Жогорку Кеңештин депутаттарын шайлоо учурунда аталган талапкердин катышуусунда видеотасма жарыяланган.

"Бул чагымчыл видеодо талапкердин коомчулукта терс пикир жараткан улуттар аралык жана аймактар аралык кастыкты козутууга багытталган аракеттери ачык эле көрүнүп турат. Мындан улам Кылмыш-жаза кодексинин 330-беренесинин 2-бөлүгүнүн 1-пунктунда ("Улуттар аралык жана региондор аралык кастыкты козутуу") каралган кылмыштын белгилеринин бар экендигин эске алуу менен кылмыш иши козголду", — деп айтылат маалыматта.

6-декабрда тергөө органдары тарабынан бул кылмышты жасагандыгы үчүн А.Т. аттуу талапкерди кылмыш жоопкерчилигине тартууга макулдук алуу үчүн Шайлоо жана референдум өткөрүү боюнча борбордук комиссияга кайрылуу жөнөтүлгөн. Анын жыйынтыгы боюнча тергөө тарабынан тиешелүү процессуалдык чечим чыгарылып, талапкердин аракеттерине юридикалык баа берилет.

Белгилей кетсек, бир мандаттуу округ боюнча шайлоодо А.Т. элдин көпчүлүк добушун алып, биринчи сапка чыккан.

13
Белгилер:
Ысык-Ата, кылмыш, улут, кастык, УКМК
Тема:
Жогорку Кеңешке жаңы тартип менен болчу шайлоо
Тема боюнча
УКМКга барган Келдибеков шайлоо таза өткөнүнө ынанганын билдирди. Видео
УКМК добуштар чуусу боюнча: АСУ туура иштеген, ката сайттан кеткен
Өспүрүм кызды ийининен кармап турган адам. Иллюстративдүү сүрөт

Сокулукта сабалып, зордукталган өспүрүм. Айыл эли милициянын алдына чогулду

746
(жаңыланган 11:55 06.12.2021)
5-декабрда Сокулук районунун айылдарынын биринин 50дөй жашоочусу Сокулук РИИБинин имаратынын алдына чогулушкан. Алар тергөөнү мыйзам чегинде жүргүзүүнү талап кылышты.

БИШКЕК, 6-дек. — Sputnik. Сокулук районунда жашы жете элек кызды зордуктоого шектелип 31 жаштагы К.Н. аттуу жаран кармалды. Бул тууралуу Чүй облустук ички иштер башкы башкармалыгы кабарлады.

Маалыматка караганда, кечээ, 5-декабрь күнү, милицияга белгисиз киши 16 жаштагы кызга кол көтөрүп, зордуктаганы тууралуу маалымат түшкөн.

Факт Кылмыштардын бирдиктүү реестрине Жазык кодексинин 154-беренеси ("Зордуктоо") боюнча катталып, сотко чейинки өндүрүш иши башталган.

"Териштирүү учурунда жабырлануучунун атасы 5-декабрь күнү эртең менен анын 2004-жылы туулган кызын белгисиз бирөө Бишкек шаарына жумушка жеткирип коюуга убада кылып, жолдон күч колдонуп зордуктап салганын билдирген", — деп айтылат маалыматта.

Чүй облусунун ИИББдин жана Сокулук РИИБинин криминалдык милиция кызматкерлери тарабынан жүргүзүлгөн ыкчам тергөө иш-аракеттеринин натыйжасында 31 жаштагы К.Н. аттуу жаран кармалды. Учурда тийиштүү экспертизалар дайындалган.

Белгилеп кетчү жагдай, окуя болгон күнү, 5-декабрда, Сокулук районунун айылдарынын биринин 50дөй жашоочусу Сокулук РИИБинин имаратынын алдына чогулушкан. Алар менен РИИБдин жетекчилиги жолугуп, жогорудагы кылмыш иши көзөмөлдө турганын айтып, мыйзам чегинде тергөө иши жүргүзүлөрүн билдирген соң чогулгандар таркап кетишкен.

Шектүү убактылуу кармоочу жайга камакка алынган. Териштирүү иштери уланууда.

746
Белгилер:
Сокулук району, милиция, кылмыш, зордуктоо
Тема боюнча
Зордуктады деп каматам! 100 миң сом талап кылды делип милиционер кармалды