Тапанчадан ок атып жаткан адам. Архив

Бишкектин чок ортосунда ГБРдин кызматкери ок чыгардыбы? Видео

1509
(жаңыланган 10:53 24.11.2021)
Окуя 12-ноябрга караган түнү Чүй проспектиси менен Турусбеков көчөсүнүн кесилишинде катталганы аныкталган.

БИШКЕК, 24-ноя. — Sputnik. Борбор калаанын чок ортосунда тапанчадан ок чыгарган жигит аныкталып, милиция бөлүмүнө алып келинди. Бул тууралуу Ленин райондук милициясы кабарлады.

Белгилей кетсек, буга чейин айрым ЖМКларда "ГБРдин кызматкери Бишкектин чок ортосунда эч бир негизсиз тапанчадан ок чыгарды" деген маалымат камтылган видео жарыяланган.

Тергөөнүн жүрүшүндө 19 жаштагы Р.Б. аттуу жаран 12-ноябрга караган түнү болжол менен саат 3:00дө Чүй проспектиси менен Турусбеков көчөсүнүн кесилишинде тапанча менен асманга атканы аныкталган. Ыкчам-издөө иштеринин натыйжасында аталган жаран бүгүн, 24-ноябрда, Ленин райондук милиция бөлүмүнө алып келинген.

Задержанный по подозрению в стрельбе из огнестрельного оружия в Бишкеке
© Фото / пресс-служба ГУВД Бишкека
Ыкчам-издөө иштеринин натыйжасында аталган жаран бүгүн, 24-ноябрда, Ленин райондук милиция бөлүмүнө алып келинген

Аталган факты Кылмыш жана жоруктардын бирдиктүү реестрине катталып, Жоруктар кодексинин 121-беренеси ("Калктуу пунктта ок чыгаруу") боюнча сотко чейинки өндүрүш ачылган.

1509
Белгилер:
Бишкек, ок чыгаруу, аныктоо
Тема боюнча
Үлпөт тойдо мылтыктан ок аткан бала Ысык-Атадан табылды. Видео
Өспүрүм кызды ийининен кармап турган адам. Иллюстративдүү сүрөт

Сокулукта сабалып, зордукталган өспүрүм. Айыл эли милициянын алдына чогулду

670
(жаңыланган 11:55 06.12.2021)
5-декабрда Сокулук районунун айылдарынын биринин 50дөй жашоочусу Сокулук РИИБинин имаратынын алдына чогулушкан. Алар тергөөнү мыйзам чегинде жүргүзүүнү талап кылышты.

БИШКЕК, 6-дек. — Sputnik. Сокулук районунда жашы жете элек кызды зордуктоого шектелип 31 жаштагы К.Н. аттуу жаран кармалды. Бул тууралуу Чүй облустук ички иштер башкы башкармалыгы кабарлады.

Маалыматка караганда, кечээ, 5-декабрь күнү, милицияга белгисиз киши 16 жаштагы кызга кол көтөрүп, зордуктаганы тууралуу маалымат түшкөн.

Факт Кылмыштардын бирдиктүү реестрине Жазык кодексинин 154-беренеси ("Зордуктоо") боюнча катталып, сотко чейинки өндүрүш иши башталган.

"Териштирүү учурунда жабырлануучунун атасы 5-декабрь күнү эртең менен анын 2004-жылы туулган кызын белгисиз бирөө Бишкек шаарына жумушка жеткирип коюуга убада кылып, жолдон күч колдонуп зордуктап салганын билдирген", — деп айтылат маалыматта.

Чүй облусунун ИИББдин жана Сокулук РИИБинин криминалдык милиция кызматкерлери тарабынан жүргүзүлгөн ыкчам тергөө иш-аракеттеринин натыйжасында 31 жаштагы К.Н. аттуу жаран кармалды. Учурда тийиштүү экспертизалар дайындалган.

Белгилеп кетчү жагдай, окуя болгон күнү, 5-декабрда, Сокулук районунун айылдарынын биринин 50дөй жашоочусу Сокулук РИИБинин имаратынын алдына чогулушкан. Алар менен РИИБдин жетекчилиги жолугуп, жогорудагы кылмыш иши көзөмөлдө турганын айтып, мыйзам чегинде тергөө иши жүргүзүлөрүн билдирген соң чогулгандар таркап кетишкен.

Шектүү убактылуу кармоочу жайга камакка алынган. Териштирүү иштери уланууда.

670
Белгилер:
Сокулук району, милиция, кылмыш, зордуктоо
Тема боюнча
Зордуктады деп каматам! 100 миң сом талап кылды делип милиционер кармалды
Бишкек — Нарын — Торугарт унаа жолунда катталган жол кырсыгынан эки адам каза болду

Эки адам мерт болду. Кочкордо бакты сүзгөн BMW талкаланып калган

367
Кырсык кан жолдун Нарын облусунун Кочкор районундагы Семиз-Бел айылында катталган. Каза болгондордун аты-жөнү такталууда.

БИШКЕК, 6-дек. — Sputnik. Бишкек — Нарын — Торугарт унаа жолунда катталган жол кырсыгынан эки адам каза болду. Бул тууралуу Өзгөчө кырдаалдар министрлигинин маалымат кызматы билдирди.

  •  В Кочкоре машина марки BMW врезалась в дерево, погибли два человека
    Бишкек — Нарын — Торугарт унаа жолунда катталган жол кырсыгынан эки адам каза болду
    © Фото / пресс-служба МЧС
  •  В Кочкоре машина марки BMW врезалась в дерево, погибли два человека
    Кырсык кан жолдун Семиз-Бел айылында катталган. Анда BMW үлгүсүндөгү автоунаа жолдон чыгып кетип бакты сүзгөн.
    © Фото / пресс-служба МЧС
1 / 2
© Фото / пресс-служба МЧС
Бишкек — Нарын — Торугарт унаа жолунда катталган жол кырсыгынан эки адам каза болду

Кырсык кан жолдун Семиз-Бел айылында катталган. Анда BMW үлгүсүндөгү автоунаа жолдон чыгып кетип бакты сүзгөн. Кырсыктан бир эркек жана бир аял кишинин каза болгону айтылды. Көз жумгандардын аты-жөнү такталууда.

Куткаруучулар эркек кишинин сөөгүн унаадан чыгарып Ички иштер министрлигинин кызматкерлерине өткөрүп беришкен. Жерине төрт куткаруучу, ИИМ кызматы жана Тез жардам кызматы тартылган.

367
Белгилер:
ӨКМ, унаа, жол кырсык, өлүм, Нарын облусу
Тема:
2021-жылдын башынан бери Кыргызстанда болгон жол кырсыктар
Тема боюнча
Lexus жарабай калган. Чүйдөгү жол кырсыктын бир адам каза болду. Сүрөт
Министрлер кабинетинин төрагасы Акылбек Жапаров. Архив

Акылбек Жапаров үй-бүлөсү менен батирде жашап, 7 унаа айдайт. Декларация

128
(жаңыланган 16:08 06.12.2021)
Өкмөт башчынын аянты 77,5 чарчы метрди түзгөн бир гана батири бар. Чыгымдары жана башка мүлкү тууралуу жазылган эмес.

БИШКЕК, 6-дек. — Sputnik. Министрлер кабинетинин төрагасы Акылбек Жапаров былтыр 815 357 миң сом киреше тапкан. Бул туурасында анын Салык кызматына тапшырган декларациясында көрсөтүлөт.

Өкмөт башчынын аянты 77,5 чарчы метрди түзгөн бир гана батири бар. Чыгымдары жана башка мүлкү тууралуу жазылган эмес.

Ал эми жакын туугандары өткөн жылы 96 миллион 745 миң 719 сом пайда тапкан. Алар беш контейнер жана жети автоунаага ээлик кылат.

Контейнерлери жана аянты:

  • Контейнер — 22,7 чарчы метр;
  • Контейнер — 1026,6;
  • Контейнер — 192;
  • Контейнер — 1021,7;
  • Контейнер — 67,6.

Автоунаалары:

  • Mercedes-Benz 210;
  • Mercedes-Benz 410;
  • Mercedes-Benz 409;
  • Mercedes-Benz 208;
  • Mercedes-Benz 811;
  • Mercedes-Benz 7100;
  • Mercedes-Benz 308.
128
Белгилер:
Акылбек Жапаров, декларация, автоунаа, контейнер
Тема боюнча
Садыр Жапаров жана анын үй-бүлөсү кандай мал-мүлккө ээлик кылары жарыяланды
Карылар жана балдар үйүндө жашагандардын тамактануусуна 2 эсе көп акча бөлүнөт