Мектептеги сабакта маскачан окуучу. Архив

Бейбаштык! Теракт кооптуулугу боюнча видео таратууга 12 жашар окуучу шектелүүдө

274
(жаңыланган 20:41 24.11.2021)
УКМК терроризм тууралуу таратылган жалган маалыматтар калкты дүрбөлөңгө салып, тиешелүү органдардын олуттуу күч-аракетин талап кылып, акча жана убакытты коротуп жатканын белгилеген.

БИШКЕК, 24-ноя. — Sputnik. УКМК бейбаштыктан улам террордук актыларды жасоо коркунучу бар видеолорду жайгаштырган Бишкек шаарындагы мектептердин биринин 6-класстагы окуучусун аныктады. Бул туурасында аталган комитеттин маалымат кызматынан кабарлашты.

"УКМКнын Бишкек шаардык башкармалыгы интернеттеги социалдык түйүндөргө мониторинг жүргүзүү учурунда террордук актыларды жасоо коркунучу бар бир нече видеону жайгаштырган "Тик-Ток" интернет тиркемесинин колдонуучусун тапты. Көрүлгөн чаралардын натыйжасында жогорудагы видеолордун автору аныкталып, ал орто мектептердин биринин 6-классынын окуучусу, 12 жаштагы Т.А.Ч. болуп чыкты. Бейбаштык максатта террордук актыларды жасоо коркунучу бар видеолорду жайгаштырган", — деп айтылган маалыматта.

Бул факт Жазык кодексинин 246-беренесинин 1-бөлүгү ("Террорчулук актысы жөнүндө атайылап жалган билдирүү") боюнча Кылмыштардын жана жоруктардын бирдиктүү реестрине катталган.

"Учурда УКМК Бишкек шаардык башкармалыгы тарабынан аталган сотко чейинки өндүрүштүн алкагында жогоруда көрсөтүлгөн жагдайларга тиешеси бар башка адамдарды аныктоого багытталган тиешелүү ыкчам-иликтөө иш-чаралары жүргүзүлүүдө", — деп билдирди аталган комитеттин маалымат кызматы.

УКМК жогорудагыдай жасалган кадам жалган болгону менен коомдук коркунучту жаратып, калкты дүрбөлөңгө салып, жарандарга жана келген конокторуна ыңгайсыздыктарды жаратып, тиешелүү органдардын олуттуу күч-аракетин алып, акча жана убакытты коротуп жатканын белгилеген.

Бул сыяктуу маалымат мекемелердин, транспорттун иш тартибин буза турганын кошумчалаган.

"Мындай билдирүүлөрдү текшерүүдө укук коргоо органдарынын көңүлүн террорчулук актыларын жасоонун реалдуу кооптуулугу болгон учурлардан алагды кылуу коркунучу бар. Жазык кодекси мындай "тамашаларды" кылмыш катары квалификациялайт", — деп кайрылган коопсуздук комитетинен.

УКМК террордук акт жасоо коркунучу кылмыш болуп саналарын да эскерткен.

274
Белгилер:
Кыргызстан, УКМК, аракет, жалган маалымат, эскертүү, окуучу
Тема боюнча
Бишкек: заводдун аймагынан бомба табылган жок. Ишти эми УКМК изилдейт
TikTok челлендждер өспүрүмгө кандай таасир этерин иликтеп, чектөө койду
Эл аралык террордук уюмдун мүчөсү, коңшу өлкөлөрдүн биринин жаранынан табылган буюмдар

УКМК: эл аралык террордук уюмдун мүчөсү кармалды

111
(жаңыланган 21:21 29.11.2021)
Тинтүү иштеринин жүрүшүндө анын жанынан Макаров тапанчасы, төрт даана бычак, эки даана мобилдик аппарат, чоң көлөмдөгү диний адабияттар табылды.

БИШКЕК, 29-ноя. — Sputnik. Эл аралык террордук уюмдун мүчөсү, коңшу өлкөлөрдүн биринин жараны Е.В.В. кармалды. Бул тууралуу УКМК билдирди.

Задержанный по подозрению в вербовке МТО в Бишкеке
© Фото / пресс-служба ГКНБ
Шектүү

Ал Кылмыш-жаза кодексинин 315-беренеси ("Экстремисттик материалдарды даярдоо, таратуу") боюнча Кылмыштардын жана жоруктардын бирдиктүү реестрине катталган сотко чейинки өндүрүштүн алкагында колго түшкөн.

Тинтүү иштеринин жүрүшүндө анын жанынан Макаров тапанчасы, төрт даана бычак, эки даана мобилдик аппарат, чоң көлөмдөгү диний адабияттар, жети даана банк карталары, террористтик мазмундагы видео-аудиофайлдар табылган.

Шектүү УКМКнын тергөө абагына киргизилди.

111
Белгилер:
Кыргызстан, УКМК, террордук уюм
Кылмыш иш документи. Архив

Cузакта 9 жаштагы Сумая боюнча иш "киши өлтүрүү" беренесине өзгөртүлдү

306
Иш алгач Кылмыш жана жоруктардын бирдиктүү реестрине дайынсыз жоголуу фактысы катары катталган.

БИШКЕК, 29-ноя. — Sputnik. Cузакта суу жээгинен сөөгү табылган тогуз жаштагы Сумая Хосилжанова боюнча иш "киши өлтүрүү" беренесине өзгөртүлдү. Бул тууралуу Жалал-Абад облустук ички иштер башкармалыгы билдирди.

Эске салсак, 27-ноябрда саат 17:00дөр чамасында Сузак райондук милиция бөлүмүнө жергиликтүү тургун телефон чалып, Арал айылындагы Көк-Арт суусунун жээгинен болжол менен 8-12 жаштагы кыздын сөөгү табылганын кабарлаган. Жерине Сузак РИИБинин ыкчам тергөө тобу барып сөөктү карап чыккан соң, ал дайынсыз жоголгон Сумая Хосилжанова экени белгилүү болгон.

"Алгач иш Кылмыш жана жоруктардын бирдиктүү реестрине дайынсыз жоголуу фактысы катары катталган. Бирок Сумаянын сөөгү табылгандан кийин "киши өлтүрүү" боюнча квалификацияланды. Учурда тергөө амалдары жүрүп жатат. Тиешелүү экспертизалар дайындалды. Кылмыштын бетин ачуу максатында иш-аракеттер көрүлүп жатат", — деп айтылат маалыматта.

2021-жылдын 18-ноябрында Сузак РИИБинин нөөмөт бөлүмүнө Сузак районунун 1984-жылы туулган тургуну Уткирбек Сулайманов кайрылып, ошол эле күнү саат 12:40тар чамасында тогуз жаштагы кызы Сумая Хосилжанова мектепке кеткен бойдон дайынсыз болуп жатканын билдирген. Кызды издөө иштерине жалпысынан 63 милиция кызматкери, элдик кошуундун 250 мүчөсү жана 150 ыктыярчы тартылган. Атчан ыктыярчылар менен биргеликте эгин талааларында да издөө иштери жүргүзүлгөн. Ошондой эле 29 видеокамера текшерилген. Бирок Сумаянын бир дагы камерага түшпөгөндүгү белгилүү болгон.

306
Белгилер:
кылмыш, милиция, Сузак району
Тема боюнча
Сузакта 10 күн мурда жоголгон окуучу кыздын сөөгү табылды
Акча каражаттары. Архив

Жыл башынан бери депозиттин көлөмү 37,4 млрд. сомго көбөйдү

0
Акыркы айларда Кыргызстанда депозиттик база өсүүдө. Мисалы, октябрь айында көлөмү дээрлик 6,5 миллиард сомго көбөйгөн.

БИШКЕК, 30-ноя. — Sputnik. Кыргызстанда ушул жылы банктардагы депозиттердин көлөмү дээрлик 37,4 миллиард сомго көбөйдү, бул кезектеги рекорддук көрсөткүч болуп саналат. Мындай тыянакка Улуттук банктын маалыматтарын карап чыгуу менен келүүгө болот.

Башкы банк депозиттеги каражатты каттоого алып турат. Мындан тышкары, бул көлөмгө эсептөөдөгү акча да киргизилген. Аманаттык каражат жеке жана юридикалык жактардыкы экени айтылды.

Өткөн жылдын аягында каражаттын көлөмү 180,9 миллиард сомдон ашкан. Андан соң бир аз азайып, кийин өсө баштаган, ал эми март айынан тарта жаңы рекорд койгон.

Октябрдын соңунда аманаттардын көлөмү 218,3 миллиард сомго чейин өскөн. Октябрь айында депозиттик база 6 миллиард 458,3 миллион сомго көбөйгөн.

0
Белгилер:
Улуттук банк, депозит, каражат, рекорд
Тема боюнча
Кыргызстандын экономикасында 2023-жылга чейин кандай өзгөрүү болот? Божомол
Евразия өнүктүрүү банкы Кыргызстандын экономикасындагы тобокел учурларды атады