Ар бир добуш жана мандат партиялар үчүн канчага айланды

Жазылуу
Жекшемби күнү, 4-октябрда Кыргызстанда парламенттик шайлоо өттү. Өзүнүн добуш берүү укугун пайдалангандардын саны, Борбордук шайлоо комитетинин акыркы маалыматына ылайык, 1 миллион 557 миңден ашты.

Кыргызстанда шайлоо биринчи жолу биометрикалык маалыматтарды колдонуу менен өттү. Алдын ала жыйынтыктар боюнча, парламентке алты партия — КСДП, "Республика — Ата-Журт", "Кыргызстан", "Өнүгүү — Прогресс", "Бир Бол" жана "Ата Мекен" өттү.

Шайлоо алдындагы үгүт иштерине партиялар жалпы алганда 778 миллион сом сарптады. Ошону менен катар мамлекет шайлоону өткөрүүгө 224 миллион сом жумшаган.

Sputnik инфографикасынан үгүт кампаниясы учурунда кайсы партия баарынан көп каражат кетиргенин жана ар бир шайлоочунун добушу менен депутаттык мандат үчүн канча сом "корогонун" көрүүгө болот.

Шайлоого катышуучу саясий бирикмелердин ар бири шайлоо күрөөсүнө 5 миллион сом коюшкан. Бул сумма жети пайыздык чектен өтүп Жогору Кеңешке кире турган партияларга толук кайтарып берилет. Ал эми парламентке өтпөй калган партиялардын күрөөлөрү шайлоо мыйзамдарын жакшыртуу үчүн бюджетке түшөт.

Жаңылыктар түрмөгү
0