Бишкекти карай: айылдыктар шаарга канча убакытта каттап турушат

Жазылуу
Түштүк аймактын ар бир үчүнчү жашоочусу бир да ирет Бишкекте болгон эмес. Борбор калаага жумушчулар, мугалимдер жана социалдык кызматкерлер көп деле ашыкпайт.

Өлкөнүн булуң-бурчунда жашаган кыргызстандыктардын канчасы жок дегенде бир жолу Бишкекке келип-кеткенин M-Vector изилдөөчү-консалтинг компаниясы эсептеп чыккан. Анын маалыматы боюнча, түндүк тарапта жашагандардын баары кеминде бир жолу Бишкекке келип кетишкен. Ал эми түштүк элинин үчтөн бири борбор калааны бир да жолу өз көзү менен көргөн эмес.

Бишкекке баарынан көп топ-менеджерлер, кеңсе кызматкерлери, соодагерлер менен чач тарачтар келет. Ал эми квалификациялык жумушчулар, мугалимдер жана социалдык кызматкерлер башкы шаарды көрүүгө көп деле ашыкпайт.

Изилдөө көрсөткөндөй Бишкекти көрүүгө аялдарга караганда эркектер көбүрөөк куштар.

Инфографика M-Vector изилдөө-консалтинг компаниясы менен кызматташуу алкагында даярдалды.

Сурамжылоого 2015-жылдын октябрь айында 18 жаштан жогорку курактагы 1500 респондент катышкан. Иликтөө Бишкек, Ош шаарларында жана Кыргыз Республикасынын жети облустарында жеке интервью ыкмасы менен жүргүзүлгөн. Сурамжылоонун 95 пайызы чындыкка жакын келет, ±2,53 пайыз калпыстыктар кетиши мүмкүн.

Сурамжылоодон Бишкектин тургундары жана иликтөө учурунда аймактарда жашап жаткан калаа жашоочулары алып салынды.

Жаңылыктар түрмөгү
0