Ата-эненин мээриминен ажыраган балдар. Кыргызстандагы миграция тууралуу инфографика

129
(жаңыланган 18:32 29.05.2019)
Жүргүзүлгөн ири сурамжылоонун жыйынтыгы боюнча Нарын, Ысык-Көл жана Талас облустарында абал салыштырмалуу жакшы.

Кыргызстандагы ар бир сегизинчи баланын атасы же апасы чет мамлекетте жашайт. Бул тууралуу Улуттук статистика комитети менен БУУнун Балдар фондусу (ЮНИСЕФ) тарабынан жүргүзүлгөн изилдөөдө айтылат.

Атасы же апасы чет жакка кеткен балдардын көбү Ош менен Жалал-Абад облусуна туура келет. Бул аймактарда ата-энеси калтырып кеткен балдар 18 пайызга өскөн. Экинчи орунда Ош шаары турат. Ал жакта көрсөткүч эки пайызга аз. Алдыңкы үчтүктү Баткен облусу жыйынтыктайт, бул жактагы балдардын 14 пайызынын ата-энеси чет мамлекетте иштеп жүрөт.

Ал эми Нарын облусунда балдарын таштап кеткен ата-энелер башка аймактарга салыштырмалуу аз.

Белгилеп кете турчу жагдай, Кыргызстанда 17 жашка чейинки балдардын төрт пайызынын атасы же апасы чет өлкөдө.

Ата-эне мээриминен ажыраган балдарга жардам берүү, абалды кантип жакшыртуу керектигин ЮНИСЕФтин Кыргызстандагы өкүлчүлүгүнүн балдарды коргоо бөлүмүнүн башчысы Лучио Сарандреа айтып берди.

"Экономикалык себептен улам пайда болгон миграция — бул кишилердин эркин тандоосу. Мамлекет жарандарынын башка мамлекетке аргасыздыктан эмес, өзүнүн тандоосу менен баруусуна шарт түзүшү керек. ЮНИСЕФ ата-энеси калтырып кеткен балдардын да башка балдардай эле тандоосу болушу керектиги үчүн күрөшөт. Кыргызстандын ар бир кичинекей жаранына жооп бере турган, анын коопсуздугун карай турган киши болушу зарыл", — деди ал.

Сарандреа, андан тышкары, Кыргызстандын Борбор Азиядагы башка мамлекеттерден айырмасы аялдар да, эркектер да башка мамлекетке бирдей чыгып жатканында экенин баса белгиледи.

129
Белгилер:
миграция, балдар, ЮНИСЕФ